Dagur - 27.06.1983, Blaðsíða 9
Trjá og runnasafn á Akureyri:
„Má líkja þessu við
stofnun Lystigarðsins“
„Eg tel þetta með því merkara
sem unnið hefur verið að í
þessum málum í langan tíma,“
sagði Árni Steinar Jóhanns-
son, garðyrkjustjóri, er blaða-
maður hitti hann í gömlu
Gróðrastöðinni í Innbænum.
„Það má líkja þessu við stofn-
un Lystigarðsins á sínum
tíma.“
Það er nýstofnað trjá- og
runnasafn sem Árni Steinar á
Fyrsta tré trjá- og runnasafnsins gróðursett
t •
Ámi Steinar garðyrkjustjóri ávarpar gesti.
við. Þetta safn var formlega
stofnað 18. júní sl. „Arboret-
um“, eins og trjá- og runnasafn
heitir á góðu máli er ekki nýtt af
nálinni. 2.800 árum fyrir Krist
blómstruðu þau í austrænum
löndum. Það var samt ekki fyrr
en um miðja 18. öld að menn,
sem eitthvað máttu sín, veittu fé
til stofnunar slíkra garða í hinum
vestræna heimi.
„Arboretum“ er staður þar
sem tré og runnar eru ræktaðir til
skrauts á vísindalegan hátt og
eða til þekkingarauka, þ.e. sá
hluti grasgarðs sem samansettur
er af trjám og runnum. í safni
sem þessu er trjám og runnum
oftast nær raðað upp eftir ættum.
Einnig er mjög oft miðað við
landfræðileg skilyrði á uppruna-
legum vaxtarstað plantnanna og
má þá sjá á sama stað plöntur frá
hinum ýmsu álfum sem þrífast
við svipuð skilyrði. Enn aðrar
uppsetningar eru þær að raða
saman plöntum eftir efnahags-
legu mikilvægi (timbur, matvæli,
gerviefni, vín o.s.frv.). Einnig
vinna slík söfn að plöntugrein-
ingu fyrir almenning, svara fyrir-
spurnum og gefa út ýmis konar
bæklinga um starfið í kringum
trén og runnana og þannig mætti
lengi telja.
í ræðu sem Árni Steinar Jó-
hannsson, garðyrkjustjóri, flutti
við opnum safnsins minntist hann
meðal annars þess að 80 ár væru
liðin síðan skipulögð ræktun
trjáa hófst hér á staðnum. Og
meðal annars minntist Árni þess
starfs sem Jón Rögnvaldsson,
sem lengi var forstöðumaður
Lystigarðs Akureyrar, hefur unn-
ið að í sambandi við stofnun „ar-
boretum" og sagði að það hafi
verið hans hjartans mál að koma
slíku safni á fót hér og hefði hann
unnið ötullega að því. Þess vegna
væri það með virðingu fyrir starfi
Jóns Rögnvaldssonar sem trjáa-
og runnasafnið er stofnað þann
18. júní, sem er afmælisdagur
hans.
Fjölbreytt starf Æskulýðsráðs
fyrir börn og unglinga
Æskulýðsráð Akureyrar
gengst, eins og undanfarin ár,
fyrir fjölbreyttu sumarstarfi
fyrir börn og unglinga í
bænum. Er úr mörgu að velja
og fylgja hér á eftir upplýsing-
ar frá Æskulýðsráði um það
sem á boðstólum er.
Dynheimar
Dynheimar verða opnir í allt
sumar. Diskótek verður flestar
helgar, ýmist á föstudags- eða
laugardagskvöldum. Opið hús
verður á þriðjudagskvöidum kl.
21.00 til kl. 23.30. Aldurstak-
mark er f. 1969 og fyrr. Af árviss-
um sumarviðburðum má nefna
hlöðuball sem verður um miðjan
ágúst.
Síminn í Dynheimum er
22710. Forstöðumaður er Helgi
Már Barðason. Upplýsingar eru
einnig veittar á skrifstofu Æsku-
lýðsráðs, simi 22722.
Félagsmiðstöðin Lundarskóla
Félagsmiðstöðin í Lundarskóla
verður opin í allt sumar. Opið
hús verður á fimmtudagskvöld-
um fyrir unglinga fædda 1970 og
fyrr og er auglýst hverju sinni. A
opnu húsi er leikin danstónlist,
sýndar kvikmyndir af myndbandi
og ýmislegt annað gert til fróð-
leiks og skemmtunar. Einnig er
fyrirhugað að hafa barnaböll á
laugardögum annað slagið í
sumar og verða þau einnig aug-
lýst hverju sinni. Forstöðu-
maður er Steindór G. Steindórs-
son. Síminn í félagsmiðstöðinni
er 24802. Upplýsingar um starf-
semi hennar eru einnig veittar á
skrifstofu Æskulýðsráðs, sími
22722 og í Dynheimum, sími
22710.
Félagsmiðstöðin Glerárskóla
Félagsmiðstöðin í Glerárskóla
verður ekki strafrækt í sumar.
Unglingum utan Glerár er bent
á starfsemi félagsmiðstöðvanna í
Dynheimum og Lundarskóla.
Reiðskóli
Þrjú námskeið í hestamennsku
fyrir börn 8 ára og eldri verða í
sumar á vegum Léttis og Æsku-
lýðsráðs Akureyrar. Hefjast þau
11. júlí, 25. júlí og 2. ágúst, ef
næg þátttaka verður. Hámarks-
fjöldi þátttakenda á hverju nám-
skeiði er 15. Námskeiðin skiptast
í þrjá hópa sem verða kl. 9,13 og
15.30 dag hvern og stendur nám-
skeiðið í tvær vikur. Þátttöku-
gjald er 750 kr.
Innritun hefst mánudaginn 27.
júní á skrifstofu Æskulýðsráðs
Akureyrar, Ráðhústorgi 3, sími
22722. Þar eru veittar frekari
uppíýsingar um námskeiðið.
KA
íþróttafélagið KA gengst fyrir
leikja- og íþróttanámskeiði á fé-
lagssvæði sínu við Lundarskól;
og eru þetta tveggja vikna nám
skeið fyrir aldurinn 6-10 ára.
Námskeiðið felst í ýmsum úti
leikjum og íþróttum t.d. bolta-
leikjum, hlaupum o.fl., og endar
námskeiðið með keppni sem fer
fram á íþróttavellinum. Nám-
skeiðin byrja annan hvern mánu-
dag kl. 10 um morguninn og goti
er að hafa samband við Gunnai
Gíslason og láta skrá sig í hvert
námskeið og einnig er hægt að
mæta og láta skrá sig í byrjun
hvers námskeiðs á svæði KÁ við
Lundarskóla.
Síminn í KA-miðstöðinni er
23482, upplýsingar eru einnig
veittar á skrifstofu íþróttaráðs
sími 22722.
Þór
íþróttafélagið Þór gengst fyrir
leikja- og íþróttanámskeiði á fé-
lagssvæði sínu við Glerárskóla og
eru þetta tveggja vikna námskeið
fyrir aldurinn 6-10 ára. Nám-
skeiðin felast í ýmsum útileikj-
um, boltaleikjum, hlaupum,
stökkum og köstum o.fl. og
endar hvert námskeið með
keppni milli félaganna á íþrótta-
vellinum. Námskeiðin byrja
annan hvern mánudag kl. 10 um
morguninn. Gott er að hafa sam-
band við Einar Kristjánsson eða
Árna Stefánsson eða íþróttahús-
ið í Glerárskóla, sími 21539 og
einnig er hægt að láta skrá sig í
byrjun hvers námskeiðs á félags-
svæði Þórs við Glerárskóla.
Siglingar
Eins og undanfarin ár mun
Nökkvi, félags siglingamanna,
gangast fyrir siglinganámskeiðum
í sumar. Fyrsta námskeiðið er
þegar fullbókað. Námskeiðsgjald
er 500 kr. Skráning í næsta nám-
skeið fer fram annað kvöld kl.
19-21. Nánari upplýsingar
veitir Guðmundur Guðmundsson
í síma 25622.
Gæsluvellir
í sumar verða starfræktir 11
gæsluvellir. Þrír starfsvellir verða
opnir: Frábær á Syðri Brekkunni,
Smábær í Glerárhverfi og Glæsi-
bær í Innbænum. Vellimir verða
opnir alla virka daga frá kl. 9-12
og 14-17. Sautján boltavellir og
28 almennir leikvellir verða opnir
í sumar, þ.á m. ný opin leiksvæði
á Eiðsvelli og í Ytra-Síðuhverfi.
Frágangi á þessum völlum er
að ljúka. Umsjónarmaður með
leikvöllum bæjarins er Jón B.
Arason. Uppiýsingar em veittar
í síma 21281.
27. júní 1983 - DAGUR - 9