Dagur - 08.07.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 120 A MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Sameiningartákn
Það hefur verið mikið lán þessari þjóð að þeir
fjórir einstaklingar sem gegnt hafa æðsta
embætti hennar hafa allir sem einn gert það
með einstökum virðuleik og sóma. Forsetum
lýðveldisins hefur tekist að vera sterkt sam-
einingartákn. Almennur skilningur hefur og
ríkt meðal landsmanna á að þetta embætti
væri hafið yfir dægurþras fremur deilugjarnr-
ar þjóðar.
A engan er hallað þó fullyrt sé að fáir hafi
reynst mikilvirkari í kynningu lands og þjóðar
erlendis en núverandi forseti, Vigdís Finn-
bogadóttir. Sú landkynning sem ferðalög
hennar erlendis og móttaka erlendra þjóð-
höfðingja hefur haft í för með sér verður ekki
metin til fjár. Hins vegar er ljóst að landkynn-
ing af hvaða toga sem er kostar peninga. Það
er t.d. ljóst að ferð forseta íslands á Scandi-
navia Today í Bandaríkjunum, sem fulltrúi
allra Norðurlandanna, kostaði mikið fé. En
það er vafasamt að íslendingar hafi fyrr feng-
ið eins mikla og góða landkynningu. Slík ferð
er færð á kostnaðarreikning forsetaembættis-
ins en ávinningurinn er hins vegar ekki færð-
ur þar til tekna. Tekjurnar færast á reikning
útflutningsatvinnugreina okkar og koma allri
þjóðinni til góða.
Þar sem ekki er gert ráð fyrir opinberum
heimsóknum forseta íslands og móttöku er-
lendra þjóðhöfðingja í fjárlögum er vart við
öðru að búast en kostnaður við rekstur for-
setaembættisins fari fram úr áætlun tjárlaga,
þó ekki kæmi til annað, eins og verðbólgu-
þróun sem skekkir alla fjárlagagerð. Nokkur
blöð í Reykjavík hafa undanfarið reynt að
gera reksturskostnað forsetaembættisins tor-
tryggilegan og notað ákaflega vafasamar
reikningsaðferðir til þeirrar iðju, svo ekki sé
meira sagt. Því hefur verið haldið fram að
rekstrarkostnaður embættisins hafi verið
600% hærri en fjárlög hafi gert ráð fyrir.
Hvernig hægt er að fá þessa tölu út er með
öllu óskiljanlegt þegar rekstrarkostnaður for-
setaembættisins var áætlaður tæplega 3,3
milljónir króna en varð tæplega 7,2 milljónir
með viðbótarheimildum. Samkvæmt þessum
tölum varð kostnaður við embættið 121%
hærri en áætlað hafði verið og ef kaupverð
nýrrar bifreiðar, sem kom í stað annarrar 8
ára gamallar, er dreginn frá, en þar er um
stofnkostnað að ræða en ekki rekstrarkostn-
að, þá nemur hækkunin 87% sem gefur vart
tilefni til þess að fjargviðrast út af í því verð-
bólguþjóðfélagi sem við búum við.
Á ferð sinni um Vestfirði kynnti Vigdís
Finnbogadóttir þá hugmynd að stofnaður
yrði bókmenntasjóður í minningu Jóns Sig-
urðssonar. Fjármálaráðherra hafði tekið að
sér að hafa milligöngu um málið varðandi
stjórnvöld í fjarveru forsætisráðherra, m.a.
hvað varðaði skattfrelsi verðlaunanna.
Ennþá er þetta mál ekki til lykta leitt enda
eftir að semja stofnskrá og ganga frá lagaleg-
um atriðum. Þetta mál hafa blöð hent á lofti
og reynt að gera tortryggilegt. Hugmynd for-
seta Islands um sjóð í minningu þess manns
sem var eitt helsta sameiningartákn íslend-
inga á örlagatímum og til að efla bókmenntir,
sem áttu á sínum tíma hvað mestan þátt í því
að íslendingar héldu sjálfstæði sínu, er vel til
fundin og menn ættu að geta hafið hana yfir
dægurþras og séð sóma sinn í að hrinda
henni í framkvæmd.
„Þörfin á svæða-
nuddi er mjög mikil66
— segir Brynjólfur Snorrason, einn af
frumkvöðlum svæðanuddsins á Akureyri
- Elstu skriflegu heimildir sem
við höfum um þetta sem kallað
hefur verið svæðanudd eða
svæðameðferð eru taldar vera
um flmm þúsund ára gamlar,
sagði Brynjólfur Snorrason,
nuddari á Akureyri, er við
spurðum hann um uppruna
svæðanuddsins.
- Þetta var tækni sem bæði
indjánar í S-Ameríku og Perú-
menn beittu mikið og einnig þeir
sem sagðir eru hafa verið frá hinu
horfna ríki Atlantis. Þessi tækni
hefur svo í aldanna rás blandast
öðrum aðferðum t.a.m. nála-
stunguaðferðinni sem Kínverjar
hafa beitt um aldir með mjög
góðum árangri, sagði Brynjólfur
og bætti því við að svæðanudd
eins og það tíðkaðist í dag hefði
fyrst verið kynnt á Vesturlöndum
af þýska lækninum Ingham.
- Hvenær barst þessi aðferð
eða tækni hingað til lands?
- Það má eiginlega segja að
Geir Viðar Vilhjálmsson, sál-
fræðingur, sé frumkvöðull varð-
andi svæðameðferð hér á landi.
Hann kynnir þessa aðferð hér og
heldur fyrstu námskeiðin og ef ég
man rétt þá var það í kringum
1974 sem þetta byrjar fyrir alvöru
hér.
- Hvað er svæðameðferð?
- Þetta er fyrst og fremst að-
ferð til að örva líkamann til dáða.
Margir hafa litið á svæðameðferð
sem einhverja „patentlausn"
gegn öllum sjúkdómum og mein-
um en það er auðvitað fjarri öllu
lagi. Ég myndi segja að góður
svæðanuddari byrjaði alltaf á að
segja fólki að leita til heimilis-
læknis síns því það eru læknarnir
sem sjá um sjúkdómsgreining-
una. Síðan er svæðameðferðin
ágæt aðferð til að beita jafnhliða
annarri meðferð. Það næst held-
ur enginn árangur nema allir þeir
sem vinna að heimbrigðismálum
vinni saman og sem betur fer þá
hefur samstarfið milli þessara að-
ila verið gott.
- Hvenær vaknaði áhugi þinn
á þessum málum?
- Það sem gerði það að verk-
um að ég tengdist nuddinu var að
ég fékk slæmsku í bak vegna mik-
illar vinnu á vinnuvélum og þetta
var það slæmt að ég missti næst-
um því allan mátt í fótunum.
Lengi vel var talið að þetta staf-
aði af brjósklosi í baki en eftir að
ég hafði farið til sjúkranuddara í
Reykjavík þá lagaðist þetta á
skammri stund og það kom í ljós
að þessi slæmska stafaði af mikl-
um bólgum í bakinu. Ég hafði lít-
illega kynnst nuddi í íþróttum
nokkrum árum áður en þessi lífs-
reynsla varð svo til þess að efla
áhugann.
- Hvenær byrjaðir þú að læra
nudd?
- Ég byrjaði að læra árið 1968
og var þá í eitt ár í námi en síðan
tók ég mér hvíld í nokkur ár og
hugsaði minn gang. Á þessum
árum las ég flest sem ég komst
yfir um þessi mál og 1977 ákvað
ég svo að skella mér í þetta af
fullum krafti. Ég lærði svo nudd
hjá Ólafi Þ. Jóhannssyni hjá
Blindrafélaginu en það var ákaf-
lega merkileg lífsreynsla að læra
hjá honum. Hann er blindur en
næmnin í höndunum er með ólík-
indum og ég tel mig ákaflega
heppinn að hafa fengið að kynn-
ast Ólafi og aðferðum hans.
Margar aðferðir
Að sögn Brynjólfs kynntist hann
svæðanuddinu fljótlega eftir að
hann hóf að læra hjá Ólafi en
fyrstu verulegu kynnin af þessari
aðferð voru þegar hann fór á
námskeið hjá Geir Viðar Vil-
hjálmssyni. Reyndar finnst
Brynjólfi orðið svæðanudd dálít-
ið villandi því aðferðirnar sem
beitt er eru í raun fjölmargar og
sjálfur segist Brynjólfur lítið nota
hið hefðbundna fótanudd í dag.
- Ég beiti nú mest venjulegu
nuddi og svo því sem nefnt hefur
verið akroslökun en það kemur
þó fyrir að ég gríp til fóta-
nuddsins og enn aðrar aðferðir
eru svo akropunktur og akro-
pressa.
- Hvað með þörfina fyrir
svæðanudd hér á Akureyri?
- Að mínu viti er þörfin mjög
mikil en ég vil taka það skýrt
fram að það á ekki bara við um
svæðameðferð. Það er mikil þörf
fyrir hvers konar hjálp þegar
heilsa fólks er annars vegar og
svæðanuddið er bara ein aðferð.
- Er mikið leitað til þín?
- Já, þetta er jafnt og þétt og
þetta er í raun orðið mikið meira
en fullt starf. En þetta er stórt
svæði og það er ánægjulegt til
þess að vita að það eru margir
nuddarar komnir til starfa hér,
sagði Brynjólfur Snorrason.

Brynjólfur Snorrason á tali við blaðamann Dags. Kortið sem Brynjólfur heldur á sýnir kort af „mannslíkamanum“
eða réttara sagt hvernig nuddarinn getur fundið út hina einstöku staði á fótum mannsins sem svara til líffæra manns-
líkamans. Mynd: KGA
4 - DAGUR - 8. júlí 1983