Dagur - 11.07.1983, Blaðsíða 8

„Ég er bara að mylja köggla og gera fínt.“
Það var verið að skipuleggja Kjarnaferð.
verst
- Dagur í Skólagörðunum á Akureyri
Þær voru búnar að vökva og máttu fara heim.
• Agalegt
þegar arfínn
fer að vaxa
„Það verður agalegt þegar arf-
inn fer að vaxa,“ sagði einn úr
hópnum, „því þá þarf maður allt-
af að vera að gera eitthvað, það
er svo leiðinlegt.“
- Hvað vill hann þá gera?
„Ég vil bara vera að ieika mér
í fótbolta og svoleiðis." Já, fót-
„Nei, við viljum ekki fara í
Strút því þá þurfum við að
kyssa strákana, förum frekar í
slábolt, eða bara eitthvað
annað.“
Þetta var meðal annars það
sem blaðamaður heyrði er hann
lagði leið sína í skólagarðana á
Akureyri. Þessir skólagarðar,
eins og þeir eru nefndir, eru
framtak bæjarins í þá átt að veita
börnum möguleika á að hafa eitt-
hvað fyrir stafni a.m.k. hluta úr
degi yfir sumarið.
Þau börn sem eru í skólagörð-
unum eru á aldrinum 10 til 12
ára. Þarna fá þau leiðbeiningar í
meðferð grænmetis og alla
kennslu sem lýtur að meðferð
þess þann tíma sem það er að
vaxa. Það eru starfsmenn garð-
ræktar sem bera hita og þunga
starfsins og það þarf líklega-
oft að taka á honum stóra sín-
um þegar blessuð börnin eru í
sem mestum ham, ef svo má
segja, því fjörið og lífið í kring-
um þau er mikið. Og ekki eru
þau alltaf sammála ef eitthvað á
að gera eins og kannski sést á
inngangnum.
0 Víl bara
leika mér
í fótbolta
Það var nefnilega vinnufrí hjá
krökkunum þennan dag sem
blaðamaður stansaði þarna.
Veðrið var mjög gott. Þess vegna
var aðallega farið í leiki og voru
ýmsar hugmyndir um þá eins og
margt annað hjá duglegu fólki.
Að vísu þurfti að vökva blessað
grænmetið og var það eitt af því
sem krökkunum þykir skemmti-
legast að gera. Það er líklega
vatnið og sullið sem því fylgir
sem gerir það eitt vinsælasta
starfið í görðunum. En þeim þyk-
ir líka mjög gaman að setja niður
fræin og grænmetið og það eru
ýmsar tegundir sem boðið er upp
á, svo sem radísur, blómkál, gul-
rætur og margt fleira að ógleymd-
um blessuðum kartöflunum. Þær
setja börnin niður í sameiginleg-
an reit að öðru leyti hafa þau
hvert sinn skika sem þau sjá um
af misjafnlega mikilli alúð.
Nokkur hluti þeirra sem rækta grænmeti í skólagörðunum.
Helv . . . sláttuvélin fer ekki í gang.
boltinn er vinsæll því þegar
blaðamaður spurði börnin hvað
þau myndu gera ef þau væru ekki
í skólagörðunum þá voru þau
sammála um að þau væru sko í
fótbolta. Þá spurði blaðamaður
aftur hvort stelpur væru líka í fót-
bolta. Stelpunum fannst þetta
asnaleg spurning því þær æfðu
sko fótbolta alveg eins og strák-
arnir og þær ætluðu að verða
betri en þeir.
„Það var partý hjá okkur í gær-
kvöldi,“ sagði ein stelpan. „Al-
veg æðislegt partý, það var bingó
og . . .“ þá komst hún ekki
lengra því einn strákurinn kall-
aði, „og ég fékk vinning, sund-
bolta, mjög flottan.“ Hann virtist
ánægður með sundboltann kapp-
inn sá. Jæja, hvað var fleira í
partýinu? spurði blaðamaður
stelpuna sem var byrjuð á sög-
unni. „Jú, það var bingó svo
fengum við poppkorn og margt
fleira, já það var alveg æðislega
gaman.“
0 Skemmti-
legast að
leika sér
Er alltaf svona gaman í skóla-
görðunum? Blaðamaður spyr
stúlkurnar sem vinna með börn-
unum.
Þeim Lovísu, Emmu og Auði
bar saman um að það væri mjög
misjafnt. „Yfirleitt þykir þeim
gaman að setja niður og vökva en
þegar kemur að hirðingu reit-
anna sem þau hafa þá er mjög
misjafnt hvernig þau stunda það.
Þeim þykir að sjálfsögðu
skemmtilegast að leika sér þegar
veðrið er gott, eins og í dag. Þá
vilja þau líka fara í gönguferðir
eins og þá sem við erum að skipu-
leggja núna. Það er meiningin
að fara í Kjarnaskóg á morgun ef
veðrið verður gott, þá fá þau að
hafa með sér nesti. Það þykir
þeim mjög gaman,“ sögðu þær
stöllur.
Það fór ekki á milli mála að
það var mestur spenningur að
vita hvernig uppskeran yrði.
„Við förum með hana heim og
borðum hana,“ sögðu þessir
ungu garðyrkjubændur í skóla-
görðunum við Gróðrarstöðina
þegar blaðamaður kvaddi. Hann
var kominn áleiðis þegar ein
stelpan kallaði: „Þú verður að
láta koma mynd af okkur í Degi
því ég er nefnilega áskrifandi."
Það virtust fleiri áskrifendur í
skólagörðunum því það voru
fleiri sem kölluðu, „ég líka.“
Myndir og texti: GEJ
8 - DAGUR - 11. júlí 1983