Dagur - 11.07.1983, Blaðsíða 9

Þeir höfðu snör handtök við hvalskurðinn bræðumir á Nirði; Guðmundur og Óiafur.
„Þessi frægi
kaldi skutull“
- Rætt við Guðmund Haraldsson, hrefnuveiðimann
Það voru engar smá skepnur
sem lágu á bryggjunni á Ól-
afsfirði er blaðamaður átti
þar leið um fyrir stuttu. Bát-
urinn Njörður EA 208 var
nýlega kominn úr veiðitúr.
Njörður EA er einn af þeim
bátum sem gerður er út á
hrefnuveiðar. Skipstjóri á
Nirði er Guðmundur Har-
aldsson en með honum á
bátnum er Haraldur, sonur
hans, og Ólafur, bróðir
Guðmundar. Þetta voru
tvær vænar hrefnur sem þeir
félagar höfðu fengið norður
af Siglufirði.
„Það eru tíu tímar síðan við
fengum þá smærri," sagði Guð-
mundur er blaðamaður fylgdist
með þeim félögum fara fimum
höndum við hvalskurðinn. „Hina
fengum við svo fyrir átta tímum
en það mega ekki líða nema
átján tímar frá því við veiðum
dýrið þar til farið er að gera að
því.“
- Hvað eruð þið búnir að fá
margar í sumar?
„Við erum búnir að fá átján en
við höfum kvóta upp á 37 dýr.
Við verðum ekki í neinum vand-
ræðum með að fylla þann kvóta,“
segir Guðmundur.
- Hvað eruð þið lengi í hverj-
um túr?
„Það er mjög misjafnt, það fer
aðallega eftir því hvort við fáum
eitthvað. Yfirleitt erum við úti
þar til eitthvað veiðist. Þá erum
við ánægðir ef við fáum eina
hrefnu en núna erum við með tvö
dýr. Þess vegna erum við hæst-
ánægðir," sagði Guðmundur.
- En hvert fer síðan hrefnu-
kjötið á markað?
„Það fer nú mest á innanlands-
markað og má segja að við önn-
um ekki eftirspurn. En svona stór
dýr, eins og það sem við erum
með hér, það fer til útflutnings.
Kjötið er sent til Blönduóss og
frá því gengið þar á utanlands-
markað. En minni dýrin fara um
allt land, enda ódýr og góður
matur."
Þeir félagar voru sammála um
að hrefnukjöt væri lostæti og þeir
sögðust borða mikið af því
sjálfir. En veiðiaðferðin, hver er
hún?
„Það er þessi frægi kaldi skut-
ull sem við notum og það er í
undantekningartilfellum ef dýrið
fellur ekki við fyrsta skot. En ef
svo er ekki þá höfum við riffil um
borð sem er 458 caliber. Beitum
við honum ef með þarf og það er
skylda nú að hafa slík skotvopn
við þessar veiðar," segir Guð-
mundur Haraldsson, skipstjóri á
hrefnuveiðibátnum Nirði frá Ak-
ureyri.
Það þarf oft að taka á honum stóra sínum við skurðinn. Mynd: KGA
t
Minning:
Konráð
Ó Jesús bróðir besti,
og barna vinur mesti.
Æ, breið þú blessun þína,
á barnæskuna mína.
Á laugardaginn var til moldar bor-
inn í Grímsey einn af þríburun-
um, Konráð Gylfason, aðeins
fimm ára gamall.
Konráð var sonur hjónanna
Sigrúnar Þorláksdóttur, Sigurðs-
sonar og Huldu Reykjalín, og
Gylfa Gunnarssonar, Konráðs-
sonar og Stellu Stefánsdóttur.
Að morgni föstudags hringdi
síminn hjá okkur og okkur bárust
þau hörmulegu tíðindi að Kon-
ráð litli væri dáinn eftir slys er
hann lenti í heima í Grímsey
kvöldið áður. Það er erfitt að
trúa og skilja hver tilgangur lífs-
ins er þegar svona ungt fólk er
snögglega numið brott frá okkur.
Sagt er að þá sem deyja ungir
elski Guðirnir mest og verður
það að veita okkur huggun.
Mikið er á litla fólkið lagt þá
bræður, Bjarna og Svafar, og
systur þeirra, Huldu Signýju, að
þurfa nú að kveðja eina bróan
sinn. Þeir voru yndislegur hópur,
þríburarnir, samrýmdir mjög,
duglegir og kraftmiklir strákar.
Margar góðar og skemmtilegar
sögur eru til af afrekum þeirra
Gylfason
bræðra. Þær geymast sem góð
minning.
Hlutskipti fjölskyldunnar í Sól-
brekku er erfitt; að sjá á eftir
Konráð litla, en við verðum öll
að vona að honum líði vel á þeim
stað sem honum er falið að fara
til, í ríki Guðs.
Við biðjum algóðan Guð að
geyma og varðveita þennan litla
dreng vel og halda verndarhendi
sinni yfir honum og fjölskyldu
hans allri.
Arna Rún og Björn Þór þakka
elskulegum Konna litla margar
ógleymanlegar samverustundir
sem við áttum með honum ásamt
Svafari, Bjarna og Huldu Sig-
nýju. Við geymum í hjörtum
okkar minningu um glaðan, fal-
legan og fjörmikinn strák.
Elsku Sigrún, Gylfi og börn,
afi og amma Garði, afi og amma
Lækjargötu 22, allir Grímseying-
ar og aðrir vandamenn. Guð gefi
ykkur öllum styrk og þrek í ykkar
mikla harmi og sorg.
Vertu nú yfir og allt um kring,
með eilífri blessun þinni.
Sitji Guðs englarsaman í hring,
sænginni yfir minni.
(H.P.)
Far þú í friði.
Arna Rún, Björn Þór,
Þórný og Guðmundur.
Félagsheimili -
skrifstofur - íbúð
Til sölu eru 2., 3. og 4. hæð Ráðhústorgs 3 Akur-
eyrí. Gólfflötur hverrar hæðar er um 106 fm. Fast-
eignin er öll nýlega endurnýjuð og hentar mjög
vel fyrir skrifstofur, sem félagsheimili og að hluta
fyrir íbúð. í húsinu er m.a. 40 manna salur. Góður
möguleiki er að koma fyrir lyftu í húsinu.
Fasteignin selst sem ein heild eða hver hæð
fyrir sig. Sjón er sögu ríkari.
Upplýsingar veittar að Ráðhústorgi 3 Akureyri 2.
hæð í síma 96-22890 kl. 9-12 og 14-16 alla virka
daga.
Trésmiðafélag Lífeyrissjóður
Akureyrar trésmiða.
11. júlí 1983 - DAGUR - 9