Dagur - 18.07.1983, Blaðsíða 4
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÓRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Aðstoða þarf þá
lægst launuðu
Með þeim efnahagsaðgerðum sem ríkisstjórn
Steingríms Hermannssonar hefur mótað og
eru í framkvæmd stefnir verðbólgan nú niður
í 30% á ársgrundvelli í lok þessa árs í stað
140% ef ekkert hefði verið að gert. Takist að
ná verðbólgunni niður undir 30% er vissulega
mikið til vinnandi. Enda sýnir það sig að fólk
vill leggja á sig auknar byrðar í trausti þess
að það verði til þess að ná niður verðbólgunni
sem er mesti ógnvaldur allra landsmanna.
Allt úrtölutal stjórnarandstæðinga á að-
gerðir ríkisstjórnarinnar og heróp þeirra til
launafólks um að það rísi upp gegn ríkis-
stjórninni nær ekki eyrum þess. Þá er eftir-
tektarvert að það vonleysi og sú svartsýni á
framtíðina sem ríkti fyrir kosningar er nú
horfin en í stað þess lítur fólk til framtíðarinn-
ar fullt bjartsýni og með von um batnandi
hag. Fólk trúir því að ríkisstjórn Steingríms
Hermannssonar takist að leiða þjóðina út úr
þeim efnahagsógöngum sem þjóðin hefur átt
í að undanförnu.
En hitt væri óraunsæi að ætla að ekki séu
neinir erfiðleikar framundan. Mikill vandi er
fyrir höndum hjá sjávarútvegnum og ljóst er
að á einhvern hátt þarf að koma í veg fyrir
hækkun á landbúnaðarvörum í haust umfram
almennar kauphækkanir án þess þó að það
bitni á bændum. Þá má búast við niðurskurði
á opinberum framkvæmdum en taka verður
þó jafnframt tillit til þeirra atvinnutækifæra
sem þær hafa í för með sér ekki síst á þeim
stöðum þar sem fá atvinnutækifæri eru. Milli
þessara skerja og annarra er þörf á að sigla í
næsta mánuði með fullri aðgát.
Þá er ljóst að ekki eru allir þess jafnmegn-
ugir að taka á sig auknar byrðar. Gera þarf
raunhæfa úttekt á því hvaða fólk er með
lægstu tekjurnar og aðstoða það á einhvern
hátt til að mæta þeirri kaupmáttarrýrnun sem
óhjákvæmilega á sér stað um tíma vegna að-
gerða til lækkunar verðbólgunnar. Það fólk
sem hefur undir 15 þúsund krónur í mánað-
artekjur getur ekki tekið á sig auknar byrðar,
það hefur nóg með að standa undir þeim út-
gjöldum sem fyrir eru. í annan stað er ljóst að
margir geta þolað kaupmáttarrýrnun án þess
að heimilum þeirra sé hætta búin. í þessu
máli verða þeir sem hafa breiðust bökin að
taka á sig þyngri byrðarnar.
Þá verður samfara efnahagsaðgerðum að
herða allt verðlagseftirlit. Hvað svo sem sagt
er um að verðstöðvun sé í einni eða annarri
mynd tekur hinn almenni maður eftir þeirri
óslitnu röð verðhækkana hvort heldur það er
á nauðsynjavöru eða öðrum hlutum. Við
þessum verðhækkunum verður að stemma
stigu. Það mun efla trú fólksins á þær aðgerð-
ir sem ríkisstjórnin hefur markað í leið að
bættum lífskjörum.
„Ég tel ekki mikla
möguleika á fískirækt í
Glerá viö þær aðstæður
sem þar eru nú. Það
þarf að gera miklar
breytingar á umhverfí
árinnar áður en þessi
möguleiki verður fram-
kvæmanlegur.“
Petta hafði Helgi Hallgríms-
son, náttúrufræðingur, að segja
um möguleika á fiskirækt í
Glerá, sem hefur komið til um-
ræðu. Bæjarstjórn Akureyrar
samþykkti á sínum tíma að gera
athugun á þessum möguleika.
Það hefur hins vegar gleymst að
ætla fé til verksins á fjárhagsáætl-
unum bæjarsjóðs síðan, þannig
að samþykkt bæjarstjórnar er
enn samþykktin ein.
Helgi sagði, að fjarlægja þyrfti
þær skóiplagnir, sem liggja í ána.
Auk þess sagði hann sorphauga
bæjarins hafa verið illa staðsetta
undanfarna áratugi. Frá þeim
hefði fokið alls konar rusl í ána,
auk þess sem ýmis óæskileg efni
hafi síast í hana frá haugunum.
Auk þess væri áin of köld.
„Fiskurinn er viðkvæmur fyrir
svona löguðu. Hann þarf ekki
annað en finna lykt af vondu
vatni, þá forðast hann það, jafn-
vel þó það sé ekki beint hættulegt
fyrir hann. í*ar að auki mundi
trúlega enginn vilja borða fisk.
úr svona á,“ sagði Helgi.
Helgi taldi mikla mannvirkja-
gerð nauðsynlega, ef fiskur ætti
að koma í ána. Það þyrfti að gera
stiga við fossinn hjá stíflunni,
sem er um 10 metra hár. Þá þyrfti
að gera neðsta hluta árinnar að-
gengilegri fyrir fiskinn. „Þetta er
nánast eins og stokkar, en ekki
árfarvegur, eins og það lítur út í
dag, eftir allar þær breytingar
sem búið er að gera,“ sagði
Helgi.
- En það hefur verið fiskur í
ánni?
„Já, það var fiskur í ánni, en
það er ansi langt síðan það var.
Við gerðum athugun á ánni og
lífi hennar fyrir nokkrum árum.
í>á kom í ljós, að það er talsvert
líf í henni," sagði Helgi Hail-
grímsson.
Stórhættulegt vatn
Fyrir skömmu birti Dagur frétt
um hugsanlega fiskirækt í Glerá.
Pá hringdi Steingrímur Sigurðs-
son, starfsmaður á Sambands-
verksmiðjunum, til blaðsins.
Hann vildi ráðleggja þeim sem
hefðu hug á fiskirækt í Glerá að
láta það aiveg eiga sig, því hann
taldi vatnið í ánni stórhættulegt,
Það væri svo mengað, að það
væri stórhættulegt að þvo sér um
hendurnar úr því. Sagði Stein-
grímur, að Gefjunarmenn væru
löngu hættir að nota vatnið úr
ánni til þvotta í verksmiðjunum
vegna mengunarinnar. Taldi
hann þetta stafa frá öskuhaugum
bæjarins, sem væru staðsettir því
sem næst á árbakkanum inn á
Glerárdal.
Hættulegt
eða hættulegt ekki
Hér á árum áður mun hafa verið
eitthvað um fisk í Glerá, „Þorp-
arar“ áttu það jafnvel til að
krækja sér í soðið. En síðan var
áin virkjuð og verksmiðjurnar
risu á eyrunum. Með stíflugerð-
inni var girt fyrir fiskinn, þannig
að hann komst ekki upp í ána.
Og þar við bættist úrgangur frá
verksmiðjunum, sem var ekki
beint sá vaxtarbroddur sem fisk-
arnir þurftu á að halda. En nú
mun það vera úr sögunni, að úr-
gangi sé hleypt beint í Glerá. En
hefur komið fiskur í hana aftur?
Þessi spurning var borin undir
Vigfús Vigfússon, sem lengi var
veiðieftirlitsmaður í Eyjafirði og
auk þess mikill veiðimaður
sjálfur.
„Já, það hefur gengið fiskur í
ána. Þegar ég var í eftirlitinu setti
ég nokkur seiði í ána. Tveim
árum seinna sáum við þar silung.
Síðan hefur ekkert verið gert
fyrir ána af neinu tagi. Þar að
auki rennur í hana mengun frá
verksmiðjunum og á meðan svo
er þýðir ekki að rækta ána upp.
En að öllu eðlilegu held ég að
það ætti að vera hægt að ná
Glerá upp sem silungsveiðiá.“
Þetta hafði Vigfús að segja um
veiði í Glerá. En hvað hefur Jó-
hannes Kristjánsson að segja um
veiðivon þar?
„Við höfum einu sinni sett
seiði í Glerá, en það kom ekkert
út úr því. Það væri reynandi að
sleppa gönguseiðum, þá laxaseið-
um, við ósinn. Þau eiga þá að
skila sér í veiði eftir tvö ár. Það
er eini möguleikinn held ég. En
það er ómögulegt að segja um
þetta, það dugir ekki annað en
prófa,“ sagði Jóhannes Kristjáns-
son, einn sá fisknasti norðan
fjalla.
Já, það er nefnilega það. Er
þá nokkuð annað að gera en
sleppa frekari rannsóknum og
fara að ráðum Jóhannesar og
prófa bara. Og það er alls ekki
útilokað, að Jóhannes og félagar
hans séu tilbúnir að annast til-
raunina. Það yrði nú ekki dóna-
legt að standa á Gierárbrúnni
eftir svo sem tvö ár og landa
hverjum stórlaxinum á eftir
öðrum.
4 - DAGUR - 18. júlí 1983