Dagur - 18.07.1983, Blaðsíða 5

Lloyds á allt
heiia draslið
- Litið um borð í Olafi Bekk í Úlafsfirði
Þeir voru ekkert sérstaklega
ánægðir með ástandið eins og
það var, vélstjórarnir á tog-
aranum Ólafi Bekk, þar sem
hann lá bundinn við bryggju
í Ólafsfjarðarhöfn. Þar hefur
skipið legið við bryggjuna
síðan 12. júní er það kom til
hafnar með bilaða vél. Að
sögn þeirra sem málið snertir
eru 3-4 vikur þar til skipið
kemst aftur á veiðar.
Það sem gerðist var það að vél-
in bræddi úr 3 legum og sveifarás-
inn skekktist um 62/100 úr milli-
metra, að því er glöggir menn
álíta.
Það er beðið eftir varahlutum
frá Japan í vélina en eins og
margir vita er þessi togari smíð-
aður þar. Það er ekki nóg að
varahlutirnir komi alla leið frá
hinu iðnvædda Japan, heldur
þarf að sækja viðgerðarmenn og
sérfræðinga ýmiskonar til
Noregs, Þýskalands og Banda-
ríkjanna. Sér hver heilvita maður
að það kostar sitt að verða fyrir
áföllum sem þessum.
Er blaðamaður var á Ólafsfirði
á dögunum voru þrír vélstjórar
við vinnu um borð. Þeir voru að
gera ýmislegt sem þurfti annað
en rétta sveifarásinn og gera við
hinar úrbræddu legur því það er
í verkahring erlendu sérfræðing-
anna að fást við slíkt.
Tveir vélstjóranna voru niðri í
vél við vinnu er blaðamaður
klöngraðist niður bratta stiga til
að komast að þeim stað þar sem
þeir félagarnir Kristinn Gylfason
og Sigurður Ólafsson voru. Það
var búið að rífa allt sem hægt var,
að mati blaðamanns. Þarna stóð
blessuð vélin „berstrípuð“ og
beið eftir lagfæringu.
Blaðamaður spurði hvernig
þetta kæmi niður á áhöfninni,
hvort menn hefðu misst vinnuna
þegar þetta kom fyrir? Þeir félag-
ar sögðu að flestir sem þess hefðu
óskað hefðu fengið vinnu við
annað í landi. En yfirmenn skips-
ins hefðu lengri uppsagnarfrest
en hásetarnir þannig að þeir
þyrftu ekki að kvarta.
Kristinn við sveifarásinn sem er boginn um 62/100 úr mm.
„Þetta er aðallega kjaftshögg
fyrir byggðarlagið, mannskapur-
inn bjargar sér. Fyrir utan að
þetta er kærkomið tækifæri til að
vera meira með fjölskyldunni en
venjulega og jafnvel vinna í garð-
inum heima við hús. En sem
stendur er þetta tryggingarmál
því enska tryggingafélagið Lloyds
á draslið eins og er og við gerum
ekkert nema eftir þeirra skipun,“
sagði Kristinn.
Eftir því sem þeir félagar
sögðu hefur verkið kannski dregist
lengur en eðlilegt væri vegna ým-
issa erfiðleika í sambandi við
símtöl, tungumálamisskilning,
skeytasendingar og fleira sem
upp kom í þessu sambandi. En
þetta væri allt á réttri leið.
- Hafa þá vélstjórar á Ólafi
Bekk möguleika á að fara í
sumarfrí?
„Ég var úti í Noregi fyrir
stuttu,“ sagði Kristinn, „og var
allan tímann í mígandi rigningu
svo ég lget það bara nægja. Að
vísu getur verið að maður skjótist
í skóginn eina helgi eða svo.“ En
Sigurður sagðist vera nýkominn
úr skóla svo það yrði ekkert
sumarfrí að þessu sinni.
Þeir félagar bíða bara eftir
skipunum frá Lloyds í Englandi
og sérfræðingum frá útlöndum til
að vinna með og vonum við að
það gangi allt vel svo togarinn
geti farið á veiðar fljótlega og
aflað fyrir Ólafsfirðinga og lands-
menn alla.
Fjársterkur aðili
óskar eftir að kaupa eða leigja land undir
sumarbústað á fallegum stað.
Aðeins Þingeyjarsýslur koma til greina. Byggður
verður fallegur bústaður. Þeir sem áhuga hafa
vinsamlegast sendi nöfn sín og upplýsingar á
auglýsingadeild Dags, merkt: „Sumarbústað-
ur“.
mm^^^—mmmmmmmi^—mmmmmmmmmmmm—m^^—mm^^—mm^^

Hestamót
Skagfirðinga
verður á Vindheimameium
30. og 31. júlí nk.
Keppnisgreinar:
150 m skeið 1. v. 7 þús. kr.
250 m skeið 1. v. 13 þús. kr.
250 m folahlaup 1. v. 5 þús. kr.
350 m stökk 1. v. 7 þús. kr.
800 m stökk 1. v. 10 þús. kr.
300 m brokk 1. v. 3 þús. kr.
Kappreiðaverðlaun samtals 85 þús. kr. auk
verðlaunapeninga.
Gæðingar A-flokkur
Gæðingar B-flokkur
Unglingar 15 ára og yngri (fæddir 1968 og síðar)
Verðlaunapeningar og farandgripir.
Þátttaka tilkynnist Sveini Guðmundssyni,
Sauðárkróki, í síðasta lagi þriðjudaginn 26.
júlí.
☆
Síðdegis laugardaginn 30. júlí verður uppboð
á unghrossum af þekktum ættum. Það er á
vegum Hagsmunasamtaka Hrossabænda og
gefur Einar E. Gíslason á Syðra Skörðugili
nánari upplýsingar þar að lútandi.
Hittumst á Vindheimamelum
um verslunarmannahelgina.
Tjaldstæði. Veitingar.
Skagfirskir hestamenn.
Viö eigum nánast allt sem þú þarfnast til húsbygginga,
jafnt áhöld sem efni.
byggingarvörur
Husavík. Sírni (96) 414

Mi??. I -r"' ^
18. júlí 1983 — DAGUR - 5
Sigurður og vélin bíða eftir varahlutum frá Japan.