Dagur - 03.08.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Merkisafmæli
í byrjun júní átti Samband ungra framsóknar-
manna 45 ára afmæli, sem hiklaust má telja
merkisafmæli, enda hafa samtökin um margt
átt merkilegan og litríkan feril. SUF var stofnað
á Laugarvatni árið 1938 og á löngum ferli hefur
SUF og aðildarfélög þess fóstrað marga af
bestu forystumönnum flokksins. Innan raða
ungra framsóknarmanna hafa þeir og aðrir haf-
ið fyrstu afskiptin af landsmálunum. Fyrsti for-
maður SUF var Þórarinn Þórarinsson, fyrr-
verandi alþingismaður og núverandi ritstjóri
Tímans, en í dag gegnir Finnur Ingólfsson for-
mennskunni.
Allt frá upphafi hefur Samband ungra fram-
sóknarmanna - og aðildarfélög þess, sem nefn-
ast Félög ungra framsóknarmanna, haft ótví-
ræð áhrif á störf og stefnu Framsóknarflokks-
ins, enda er í lögum flokksins skýrt kveðið á um
hver séu réttindi og skyldur SUF og eru sam-
tökunum tryggð áhrif í æðstu valdastöðum
flokksins. Til dæmis á formaður SUF sæti í
miðstjórn flokksins og SUF á fulltrúa í fram-
kvæmdastjórn hans. Um 40% fulltrúa í mið-
stjórn Framsóknarflokksins eru á „SUF-aldri“
og er alveg víst að jafn hátt hlutfall ungs fólks
er ekki að finna í æðstu valdastofnun stjórn-
málaflokks hér á landi.
Tilgangurinn með starfi ungra framsóknar-
manna er að sjálfsögðu m.a. sá að kynna ungu
fólki störf og stefnu flokksins og fá það til að
ganga til liðs við hann. Sem betur fer hefur for-
ysta SUF orðið æ betur vör við þá staðreynd að
ungt fólk hefur sífellt meiri áhuga á Framsókn-
arflokknum — um leið og það hafnar öfgum til
hægri og vinstri. Þessi staðreynd hefur m.a.
auðveldað mjög stofnun nýrra aðildarfélaga, en
fyrr á þessu ári sáu þrjú slík dagsins ljós í fyrsta
sinn og eitt var vakið úr dvala. Fyrirhugað er að
stofna nokkur ný FUF-félög síðar á þessu ári.
Fyrr á árinu hóf SUF útgáfu á nýju tímariti,
Þjóðmálaritinu SÝN, en með tilkomu þess rætt-
ist gamall draumur þar sem útgáfa af þessu
tagi hefur lengi verið á stefnuskrá samtakanna.
í ávarpi ritnefndar í fyrsta tölublaðinu segir
m.a.: „Von okkar, sem að þessu riti stöndum,
er að það megi verða til þess að auka umræður
um hugsjónagrundvöll Framsóknarflokksins,
glöggva og skerpa sýn okkar sjálfra í þeim efn-
um og skapa nokkurt mótvægi gagnvart and-
róðri þeirra afla í þjóðfélaginu sem andvíg eru
hugsjónum okkar framsóknarmanna."
Það hlýtur að vera öllum framsóknarmönnum
gleðiefni að ungliðahreyfing flokksins skuli sjá
sér fært að hefja útgáfu á riti á borð við Þjóð-
málaritið SÝN og það er rétt að hvetja þá sömu
til að gerast áskrifendur að ritinu.
Núverandi stjórn SUF hefur ýmislegt á prjón-
unum, svo sem enn frekara útgáfustarf og auk-
ið æskulýðsstarf og hin ýmsu FUF félög munu
ekki láta sitt eftir liggja.
Það er hverjum stjórnmálaflokki mikilvægt,
svo ekki sé fastar að orði kveðið, að innan hans
sé starfandi dugmikil hreyfing ungra karla og
kvenna sem vilja flokknum vel. Slík hreyfing er
til innan Framsóknarflokksins og verða jákvæð
áhrif hennar á flokkinn seint fullmetin. áþ.
/
„Eg minnist þess að þegar ég var um
það bíl 12 ára gömul ákvað ég að
taka þátt í Norrænu sundkeppninni
og synda þá 200 metra sem til var
ætlast. Mér tókst með herkjum að
synda þá vegalengd og skreiddist
síðan heim með blóðbragð í
munninum og lá fyrir það sem eftir
var dags.“
„JAFN
ÓMISSANDI
OG AÐ BURSTA
TENNURNAR“
Þannig farast Sigrúnu Stefáns-
dóttur, fréttamanni, orð í for-
mála að nýútkominni bók sem
hún hefur tekið saman. „í fullu
fjöri, heilsurækt fyrir alla“, nefn-
ist bókin, en við skulum gefa Sig-
rúnu orðið áfram:
„Þegar ég var við nám í
íþróttakennaraskóla íslands,
um það bil 10 árum síðar, komst
ég að raun um að ástæðan fyrir
þolleysi mínu hafði verið sú að ég
andaði ekki rétt þegar ég synti.
Með öðrum orðum, ég kunni
ekki að nota líkama minn rétt.
Eftir að ég hafði lært rétta öndun
gat ég allt í einu synt 1000-1500
metra án þess að mæðast. Núna,
36 ára gömul, leik ég mér enn að
því að synda þá vegalengd án
þess að mæðast.
Undanfarin 2 ár hef ég stundað
líkamsrækt, hlaupið og gert lík-
amsæfingar á hverjum degi. í
þetta fer um það bil klukkustund
á hverjum morgni. Það er auð-
velt að telja sér trú um að það sé
ekki tími fyrir Iíkamsrækt af
þessu tagi. En sú stund sem í
þetta fer skilar sér margfaldlega.
Ég fór þá leið að vakna fyrr á
morgnana, þannig að ég tek ekki
tíma frá neinu eða neinum þegar
ég fer í gegnum æfingarnar. Lík-
amleg vellíðan eykur vinnuþrek
og lífsgleði og það er sannarlega
ólíkt að fara í vinnuna eftir að
hafa verið úti og hlaupið, farið
síðan í gott bað og borðað morg-
unverð, eða að skríða svo til
beint upp úr rúminu, út í bíl og
setjast við skrifborð syfjaður og
úrillur. Ef einhver hefði sagt mér
fyrir þremur árum að ég ætti eftir
að verða í hópi þeirra sem æða
um göturnar á hinum ólíklegustu
tímum sólarhringsins, að því er
virðist í algjöru tilgangsleysi, þá
hefði ég hlegið. Nú verð ég hins
vegar að játa að ég er þakklát
fyrir að vera í þeirra hópi og hvet
aðra til þess að koma líka. Það er
auðveldara en það sýnist. Hlaup,
sund, leikfimi, skíðaiðkanir; það
er ekki meginatriðið hvað er
stundað. Aðalatriðið er að hafa
ánægju af þeirri íþrótt sem mað-
ur kýs að stunda og að hún veiti
alhliða og næga hreyfingu.
Til að byrja með er erfitt að
hafa sig af stað og harðsperrur
gera vart við sig en með reglu-
legri þjálfun hverfa þær fljótt og
þessi þáttur verður jafn ómiss-
andi liður og það að bursta tenn-
urnar.
Þeim tíma sem varið er til
þjálfunar líkamans er vel varið
og hann skilar sér aftur margfald-
lega. Ef til vill ekki alveg rétt
fyrstu vikurnar, en fyrr en marg-
an grunar.
Þessi bók hefur að geyma fjöl-
breytt æfingasafn sem hentar
fyrir karla og konur á öllum aldri
og vonandi verður hún gagnleg
handbók þeim sem hafa áhuga á
að öðlast betri heilsu og stæltan
líkama. Það er aldrei of seint að
byrja og í þessari bók eru æfingar
fyrir alla aldurshópa, og fyrir fólk
með ýmsar sérþarfir, eins og bak-
veikt fólk og barnshafandi
konur.“
Þetta segir Sigrún og daglega
eignast hún og aðrir „trimmarar“
skoðanabræður og systur. Fasta-
gestum sundlauga fjölgar hægt og
sígandi og margir notfæra sér þá
ágætu aðstöðu sem komið hefur
verið upp í Kjarnaskógi. Enda
kemur fram í bók Sigrúnar að
það er ekki að ástæðulausu, því
líkami sem ekki er í þjálfun getur
aðeins nýtt sér 27% þeirrar orku
sem hann býr yfir, en þjálfaður
einstaklingur fer létt með að nýta
56% líkamsorkunnar.
Bókinni er skipt í 16 kafla. í
upphafi gerir Sigrún grein fyrir
þörf líkamans fyrir hreyfingu og
hverjar breytingar verða á hon-
um með aldrinum. Síðan taka við
æfingakaflar með almennum æf-
ingaáætlunum fyrir konur og
karla á öllum aldri. Margar teikn-
ingar og ljósmyndir prýða bók-
ina, lesendum til glöggvunar.
■
- Sigrún Stefánsdóttir, fréttamaður,
sendir frá sér vandaða bók um heilsurækt
4 - DAGUR - 3. ágúst 1983