Dagur - 15.08.1983, Side 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
66. árgangur
Akureyri, mánudagur 15. ágúst 1983
89. tölublað
Hvernig verður dæmt í útburðarmálinu?
„Urskurðar að vænta
seinni partinn í dag“
- sagði Sigurður Eiríksson, fulltrúi fógeta, í morgun
Útburðarmálið var tekið fyrir í
fógetarétti á laugardaginn, en
þá fóru þar fram vitnaleiðslur.
„Úrskurðar er að vænta í mál-
inu seinni partinn í dag“, sagði
Sigurður Eiríksson, fulltrúi
fógeta, sem dæmir í málinu, í
samtali við Dag í morgun.
Málið snérist um það hvort birt-
ing dóms Hæstaréttar fyrir þeim
Ólafi Rafni Jónssyni og Danielle
Somers hefði verið lögmæt. Verði
birtingin dæmd óiögmæt verður
að birta þeim dóminn að nýju og
þá fyrst getur aðfarafresturinn
byrjað að líða en hann er þrír
mánuðir. Verði birtingin hins
vegar dæmd lögmæt gæti Ólafur
og fjölskylda hans átt von á því að
verða borin út strax og dómur fellur.
Gísli Ólafsson og Jón Bene-
diktsson, stefnuvottar, voru með-
al þeirra sem komu fyrir réttinn
sem vitni. Lögðu þeir fram undir-
skrifaða yfirlýsingu þess efnis að
þeir hefðu báðir verið á staðnum
er dómurinn var birtur og að Jón
hefði beðið í bíl Gísla sem lagt var
fyrir utan húsið. Ólafur Rafn seg-
ist hins vegar viss um að Jón hafi
ekki verið með í förinni og hafi
hann orðið sérstaklega hissa er
hann varð þess var.
Jón sagði fyrir rétti að hann
áskildi sér allan rétt til að fara í
meiðyrðamál við Ólaf vegna
þessa. Það vakti athygli við-
staddra að Jón sagðist aldrei hafa
talað við dómþolendur (Ólaf
Rafn og Danielle) og ekki þekkja
þau í sjón er dómurinn var birtur
þeim, en ennfremur sagðist hann
hafa skrifað niður hverjum dóm-
urinn hefði verið birtur og klukk-
an hvað.
ÚA togari:
„Málið
rættí
mestu
vinsemd“
„Það var heldur fátt sem gerð-
ist í þessu máli, það var rætt í
mestu vinsemd og menn skipt-
ust á skoðunum og við lögðum
nokkrar spurningar fyrir aðila
Slippstöðvarinnar. Svars frá
þeim er að vænta á næst-
unni,“ sagði Sigurður Óli
Brynjólfsson stjórnmarmaður
í Ú.A. um viðræður þær sem
fóru fram milli Útgerðarfé-
lagsins og Slippstöðvarinnar
á föstudaginn.
Næsti fundur þessara aðila
hefur ekki verið ákveðinn en
mun verða fljótlega. Að sögn
Sigurðar Óla voru fundarmenn
jákvæðir og fundurinn var í alla
staði hinn ágætasti.

Frá vitnaleiðslum á laugardag. Jón Benediktsson, stefnuvottur, ber hér vitni. Gissur Kristjánsson, lögmaður Ólafs
Rafns og Daniellu, vildi fá Jón til að merkja staðsetningu bfls Gísla er dómsbirtingin fór fram, en hann neitaði því.
Gissur stendur yfir Jóni. Ljósm.: KGA.
Bifreið valt
í Öxnadal
Fíat bifreið valt við Engimýri í
Öxnadal á laugardaginn. Yalt
bifreiðin a.m.k. eina heila veltu
því í lögregluskýrslu segir að
hún hafi verið „beygluð allan
hringinn."
Tvær konur sem voru í bifreið-
inni voru fluttar á slysadeild til
rannsóknar en þær kvörtuðu um
eymsli í baki og víðar.
Að sögn lögreglunnar á Akur-
eyri var fremur tíðindalaust á víg-
stöðvunum um helgina ef ölvun
og ólæti í miðbænum á föstudags-
kvöld eru undanskilin.
Líkamsaras og
brotnar rúður
Mikil ölvun var í miðbæ Akur-
eyrar á föstudagskvöld og að-
fararnótt laugardags, óvenju-
mikil að sögn lögreglu í
bænum.
Tvær rúður voru brotnar í
verslunum í miðbænum og hefur
tekist að hafa hendur í hári þeirra
sem þar voru að verki. Þá varð
maður fyrir líkamsárás og var
hann fluttur á sjúkrahús en ekki
er kunnugt um hversu alvarleg
meiðsli hans eru. Tilkynnt hefur
verið til rannsóknarsögreglunnar
að líkamsárás þessi muni verða
kærð þangað.
Enn opið
ILasVegas
„Staðurinn er ennþá opinn að ég
held, enda ekkert bann verið sett
á hann ennþá. En ég býst við að
eitthvað gerist í þessu máli í dag“,
sagði Hreinn Pálsson, bæjarlög-
maður, við Dag í morgun er hann
var spurður um Las-Vegas málið.
Nú hefur Dagur fregnað að
búið sé að opna leiktækjasal án
leyfis í Kaupangi og sagði Hreinn
að það mál yrði að skoða líka.
Menn yrðu að athuga hvað þar
væri að gerast.
\

. .
:•.:■■■ : ■ : ,

;