Dagur - 05.09.1983, Blaðsíða 3

„Það
hver
skiptir ekki máli
skíturinn er“
- Svínaskítur notaður
til orkuframleiðslu
Ég rann á lyktina. í Hraukbæ
úti í Kræklingahlíð er eitt
stærsta svínabú á Iandinu, alls
eru þar um 1500-1600 svín og
eins og vænta má gengur hið
sæmilegasta magn niður af
þeim. Og svínaskítur ilmar
sterklega, það þekkjum við
flest. En nú eru heldur betur í
sjónmáli nytjar af þessu „ilm-
efni“, það á sumsé að nota
svínaskítinn til orkuvinnslu.
Það eru þeir bræður Halldór,
Auðbjörn og Andrés Kristins-
synir sem reka svínabúið á jörð
foreldra sinna, þeirra hjóna
Kristins Björnssonar og Sigur-
bjargar Andrésdóttur.
Áfastur svínabúinu er tæplega
400 rúmmetra kjallari, þar sem
einnar tommu plaströr eru hring-
uð upp í tvo spírala, annan 400
metra langan og hinn 200 metra.
Vatni verður hleypt niður í rörin
og kjallarinn síðan fylltur af
svínaskítnum sem kemur úr
flórnum. Skíturinn gerjast og
hitnar og hitar um leið vatnið í
spírölunum. Þegar skíturinn hef-
ur skilað sínu hlutverki nýtist
hann mjög vel sem áburður.
„Þetta er allt saman á tilrauna-
stigi ennþá og við vitum ekki
hversu mikilli orku þetta mun
nákvæmlega skila,“ sagði
Halldór. „Rannsóknastofnun
byggingariðnaðarins og Rann-
sóknarstofnun landbúnaðarins
fylgjast með þessum tilraunum
hjá okkur og við höfum komið
hitaskynjurum fyrir út um allt
hús til að fylgjast nákvæmlega
með gangi mála. Þeir hafa reynt
þetta dálítið í Noregi og ef við
miðurn tölur þaðan við það skít-
magn sem við höfum og afkasta-
getu spíralanna hérna, þá ætti
þetta að geta skilað orku sem
nægir fyrir 40-50 einbýlishús. Já,
þetta virðist ákaflega fáránleg
tala og ef til vill væri réttast að
þegja yfir þessu. En ég vil undir-
strika það að hér er um tilraun að
ræða og við viljum ekki gefa út
neinar yfirlýsingar um að við höf-
Halldór og Auðbjörn Kristinssynir í kjallaranum sem þeir hyggjast fylla af svinaskít og hita með því vatnið sem verður í spíralnum sem í kjallaranum
er. Mynd: KGA.
um hér himin höndum tekið.“
Halldór sagði að þessi aðferð
við orkuvinnslu ætti að geta kom-
ið sér vel víða til sveita. Það
skipti ekki máli hver skíturinn
væri, þó að svínaskíturinn væri
sérstaklega orkuríkur. „Aðstað-
an sem við höfum gæti vart verið
betri, svínabúið var byggt í fyrra
og þá var sérstaklega haft í huga
að fara út í þessar tilraunir. Við
höfum athugað þessi mál í.tvö ár
og allur undirbúningur er mjög
góður. Ég reikna með að
vinnslan fari fljótlega í gang og
það verður svo að koma í ljós í
vetur hver árangurinn verður.“
Flugleiðir:
Safnviðskipti í
innanlandsflugi
Farþecar í innanlandsfluci B. Sex stie fyrir hverja ferð milli
Farþegar í innanlandsflugi
Flugleiða eiga nú kost á ókeyp-
is farseðli ef þeir ná ákveðnum
ferðafjölda á þremur mánuð-
um eða skemmri tíma. Þessi
nýjung nefnist safnviðskipti
Flugleiða og hefur félagið gef-
ið út sérstök safnkort fyrir þá
sem vilja safna ferðastigum. Á
framhlið kortsins er skráð nafn
farþega, heimilisfang og nafn-
númer. Á bakhlið eru reitir
þar sem flugferðir viðkomandi
farþega eru skráðar.
Hver ferð veitir ákveðinn
fjölda safnstiga sem skráð eru í
kortið við hverja brottför. Til að
fá ókeypis farseðil eftir eigin vali
á innanlandsleiðum Flugleiða
þarf korthafi að ná 100 ferðastig-
um á þremur mánuðum eða
skemmri tíma.
Ferðastigum er safnað á eftir-
farandi hátt:
A. Fjögur stig fyrir hverja ferð
milli Reykjavíkur og Vest-
mannaeyja.
Sex stig fyrir hverja ferð milli
Reykjavíkur og ísafjarðar,
Þingeyrar, Patreksfjarðar,
Sauðárkróks eða Akureyrar.
C. Átta stig fyrir hverja ferð
milli Reykjavíkur og Húsa-
víkur, Egilsstaða, Norðfjarð-
ar eða Hafnar í Hornafirði.
Fram og tilbaka ferð gefur
tvöfaldan stigafjölda. Að sjálf-
sögðu er sama hvort ferðin hefst
í Reykjavík eða úti á landi. Sem
dæmi má nefna, að sá sem flýgur
tvisvar leiðina Reykjavík-Egils-
staðir-Reykjavík hefur safnað 32
ferðastigum og þrjár ferðir frá
Akureyri til Reykjavíkur fram og
tilbaka gefur 36 ferðastig. Þegar
korthafi telur sig hafa náð 100
ferðastigum innan tilskilins tíma
frá fyrstu ferð, afhendir hann
kortið á afgreiðslu Flugleiða.
Hafi hann unnið sér inn tilskilinn
stigafjölda fær hann afhentan far-
seðil á flugleið innanlands fram
og tilbaka að eiein vali.
5. september 1983 - DAGUR - 3