Dagur - 09.09.1983, Blaðsíða 5
SKOLAR
OG
UMFERÐ
Þá er kennsla hafin í grunnskólum landsins og þaö minnir okkur
óneitanlega á að veturinn er á næstu grösum. Og það er einmitt
veturinn og skammdegið sem valda foreldrum skólabarna, lög-
gæslumönnum og skólastjórnarmönnum mestum áhyggjum.
Reynsla undanfarinna ára sýnir svo ekki verður um villst að
september er einn mesti slysamánuðurinn í umferðinni og á
hverjum vetri hafa orðið óhugnarleg slys sem rekja má til
skammdegisins - slæmra aksturskilyrða og kæruleysis öku-
manna jafnt sem gangandi vegfarenda. í tilefni þess að skólarnir
eru að hefjast og í ljósi reynslu síðafi ára, ræddi Dagur við þá
Vörð Traustason, lögregluþjón sem sjá mun um umferðarfræð-
slu í skólum og Hörð Olafsson, skólastjóra. Peir voru spurðir
um hitt og þetta sem lýtur að skólum og umferð og það er von-
andi að orð þeirra og ráðleggingar verði til þess að vekja menn
til umhugsunar um þennan árstíma sem nú fer í hönd.
ENOURSKUNSMKRKIN:
Hættulegasta gangbraut bæjaríns.
Ég kvíði ekkl
vetrinumu
— segir Hörður Olafsson,
skólastjóri.
- Ég kvíði ekki vetrinum,
hvorki varðandi umferðina eða
sjálft skólastarfið og það er
bara vonandi að við fáum gott
haust jafnt utan veggja skólans
sem innan, sagði Hörður
Ólafsson, skólastjóri
Lundarskóla er hann var
spurður að því hvernig
veturinn leggðist í hann.
- Það er varla hægt að segja að
umferðarfræðsla í skólum hafi
vaxið mikið en hún hefur batnað
og það hefur verið ýmislegt gert
til þess að gera leið barnanna í
skólann öruggari. Ég get í því
sambandi nefnt handstýrðu
umferðarljósin hér á
Pingvallastræti og reyndar víðar
í bænum og það er tvímælalaust
bót að fá þessi ljós. Það verður
hins vegar að segjast alveg eins
og er að alltof margir virðast ekki
vita af því að þessi ljós eru til og
til þess að fara eftir og alltof
margir aka þar yfir á rauðu ljósi.
Ég fer þessa leið oft fjórum
sinnum á dag og það er
undantekning ef ég sé ekki
a.m.k. einn ökumann í viku sem
ekur þarna yfir á rauðu ljósi og
oftast eru þeir mikið fleiri.
- Hvað heldur þú að valdi
þessu?
- Ég á erfitt með að átta mig
á því. Þetta eru fullgild
umferðarljós sem sjást vel en það
er eins og að sumir telji að það
séu engin umferðarljós til nema
á gatnamótum. Þetta er hættuleg
hugsun og ég skora á ökumenn
að kynna sér þessi handstýrðu
umferðarljós og virða þau.
- Hvaða umferðargötur eru
hættulegastar hér í nágrenni
Lundarskóla?
- Það er auðvitað
Þingvallastrætið og það er ekki
mjög langt síðan að barn héðan
úr skólanum lést þar í
umferðarslysi. Nú,
Skógarlundurinn er einnig
hættuleg umferðargata og nú er
verið að leggja götu hér austan
við skólann sem vafalaust á eftir
að verða hættuleg í framtíðinni.
- Hvað gerið þið
skólastjórnarmenn til þess að
draga úr þeim hættum sem
börnin mæta í umferðinni?
- Það er kannski fyrst að
nefna að við högum
kennslutímunum þannig að
aðalumferð barna til og frá skóla
sé ekki á sama tíma og
aðalbílaumferðin. Þetta á
sérstaklega við um yngstu börnin
og t.d. er forskólinn á morgnana
búinn þó nokkru áður en
aðalhádegisumferðin hefst.
Síðan má nefna að við ræðum við
börnin unuumferðina og það er
t.d. föst regla í forskólanum að
kennararnir ræða þessi mál
reglulega. Lögreglan verður
einnig hér með umferðarfræðslu
líkt og í öðrum grunnskólum.
- Það er þá enginn skrekkur í
þér í upphafi skólaársins?
- Nei, það er frekar
tilhlökkun. Við teljum okkur vel
undir það búin að taka við
börnunum og kennarar hér eru
mjög áhugasamir eins og sést
best á því að rúmur þriðjungur
kennaranna sótti
endurmenntunarnámskeið í
sumar, sagði Hörður Ólafsson,
skólastjóri.
„Odýrasta líf-
tryggingm“
„Þetta verkefni leggst
ágætlega í mig. Þetta er fyrsti
veturinn minn en ég veit að
Björn fyrirrennari minn átti
ágætt samstarf við
forráðamenn skólanna og við
börnin og ég vona að það
samstarf verði ekki síðra í
framtíðinni,“ sagði Vörður
Traustason, lögregluþjónn í
samtali við Dag, en Vörður
tók nýlega að sér
umferðarfræðslu í skólum hér
á Akureyri.
Að sögn Varðar þá hefur hann
þegar orðið var við góðan vilja
skólamanna og á næstunni sagði
hann fyrirhugað að halda fund
með öllum skólastjórnarmönnum
þar sem rætt yrði um skipulag
umferðarfræðslunnar í vetur.
- En hvernig líst þér á
umferðina og þessa fyrstu
skóladaga?
„Mér líst ekki illa á veturinn.
Við í lögreglunni verðum við
skólana í vetur eftir því sem við
getum og það verður lögð sérstök
áhersla á svartasta skammdegið.
Þá verðum við staddir við
skólana og gangbrautir í
nágrenni skólanna og reynsla
undanfarinna ára sýnir að þetta
hefur gefist vel. Það er einnig rétt
að taka það fram að í lok þessa
mánaðar verður haldin hér
umferðarvika sem við bindum
miklar vonir við og ég fyrir mitt
ieyti er sannfærður um að þessi
umferðarvika á eftir að skila
árangri."
- Hver er reynsla ykkar
lögreglumanna af handstýrðu
umferðarljósunum?
„Hún er mjög góð og eftir því
sem við vitum best þá eru þessi
ljós virt undantekningalítið."
- Undantekningalítið?
„Já við höfum orðið varir við
að einn og einn maður hefur
verið annars hugar, en þeir vita
af ljósunum og ég hef ekki trú á
öðru en að menn virði ljósin í
framtíðinni.“
- Hvaða staðir í bænum eru
hættulegastir fyrir gangandi
vegfarendur?
„Versti staðurinn í bænum var
gangbrautin á Glerárgötu norðan
Ráðhússins en þessi staður hefur
lagast mjög mikið eftir að húsin
sem stóðu út í götuna voru rifin.
Sá staður sem ég tel hins vegar
hættulegastan í dag, er
gangbrautin á Hörgárbraut,
norðan brúarinnar á Glerá.
Þarna er oft talsverður
umferðarhraði. Menn eru að
pressa sig við að ná yfir á
ljósunum en gæta þá ekki að
gangbrautinni. Þetta á
sérstaklega við um umferð sem
kemur að norðan því að hæðin
Rætt við
Vörð Trausta-
son sem sér
um umferð-
arfræðslu í
skólum.
byrgir útsýnina að gangbrautinni.
Af öðrum stöðum má nefna
Tryggvabrautina, gangbrautina
við Skarðshlíðina, Gilið og
Þingvallastrætið."
- Áttu einhver ráð sem þú viit
koma á framfæri við foreldra
barna sem leggja mörg hver nú út
í umferðina í fyrsta skipti?
„Ég vil fyrst og fremst minna á
endurskinsmerkin. Þau eru
ódýrasta líftryggingin fyrir börn
jafnt sem fullorðna. Ég vil e.nnig
brýna fyrir forráðamönnum
barna að sjá til þess að þau noti
gangbrautirnar. Það kann að
vera nokkur krókur fyrir suma en
það getur verið krókur sem
borgar sig,“ sagði Vörður
Traustason.
„Barnið er lítið - bfllinn er stór.“
Myndir: ESE.
9. september 1983 - DAGUR - 5