Dagur - 26.09.1983, Side 1
Kod*} \\\mW
W|W
Aa'iéW
páppH
TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
, SIGTRYGGUR & PÉTUR
' AKUREYRI
66. árgangur
Akureyri, mánudagur 26. september 1983
107. tölublað
Verðbólguhraðinn í lok 1984:
Niður fyrir 10%
— ekki óeðlilegt markmið, sagði Steingrímur
Hermannsson, forsætisráðherra á KEA-fundinum
- Ég tel ekki óeðlilegt að það
verði stefnt að því marki að ná
verðbólgunni niður fyrir 10%
fyrir lok ársins 1984 þannig að
verðbólga hér verði ekki mikið
meiri en hún er í helstu ná-
grannalöndum okkar. En þetta
þýðir líka miðað við þær for-
sendur sem við höfum fyrir
framan okkur, að gengisbreyt-
ingar mega ekki vera meiri en
5% á næsta ári og launahækk-
anir mega ekki fara fram úr
6%, sagði Steingrímur Her-
mannsson, forsætisráðherra
m.a. á almennum fundi sem
haldinn var á Hótel KEA í
gær.
Forsætisráðherra byrjaði fund-
inn á að reifa stöðuna eins og hún
var er ríkisstjórnin tók við og
benti á þann vanda sem við var
að glíma. Síðan rakti forsætisráð-
herra þann árangur sem náðst
hefði og sagðist fyrstur manna
verða til að viðurkenna að það
væri þeim byrðum sem launþegar
og bændur hefðu tekið á sig, að
þakka að tekist hefði að ná verð-
bólgunni niður fyrir 30% á þessu
ári en bætti svo við:
- Nú er ég þess fullviss að svo
verður.
Því næst vék forsætisráðherra
að því sem framundan er og sagði
að það væri eðlilegt að fólk
spyrði hvað tæki við.
- Það er allt útiit fyrir að þjóð-
arframleiðsla dragist ekki saman
á næsta ári og ef þær forsendur
standast að bolfiskafli dragist
ekki saman og einhver loðnu-
veiði verður, þá er ekki svo
óraunverulegt að stefna að því að
ná verðbólgunni niður fyrir 10% í
lok næsta árs, sagði forsætisráð-
herra en þess má geta að þá ættu
vextir sem eiga nú að lækka mán-
aðarlega í samræmi við minnk-
andi verðbólgu að vera komnir
niður í 12-15%.
- Lögin „illræmdu" falla úr
gildi 1. febrúar og þá ætlumst við
til þess að samið verði án afskipta
ríkisvaldsins. Verði samið um
meiri hækkanir en sá rammi sem
við setjum okkur kveður á um
þá verða viðkomandi fyrirtæki að
standa undir því með aukinni
framleiðni, sagði Steingrímur.
Og er hann var spurður um
Blönduvirkjun, sagði hann:
- Það má fresta Blöndu-
virkjun um eitt ár án þess að það
skaði innlendan orkumarkað og
það hefur verið mjög á dagskrá
að fresta þessari virkjun.
Nánar verður greint frá þess-
um fundi í blaðinu á miðvikudag.
Fundur Steingrfms Hermannssonar var einn fjölmennasti fundur sem haldinn hefur verið á Hótel KKA.
Mynd: KGA.
látinn
Dr. Gunnar Thoroddsen, fyrr-
verandi forsætisráðherra lést í
Reykjavík í gærmorgun, 72 ára
að aldri.
Gunnar Thoroddsen var fædd-
ur í Reykjavík 29. desember árið
1910, sonur hjónanna Sigurðar
Thoroddsen, verkfræðings og
yfirkennara við Menntaskólann
og Maríu Kristínu Claessen.
Hann lauk laganámi árið 1934
en sama ár tók Gunnar fyrst sæti
á Alþingi fyrir Sjálfstæðisflokk-
inn. Gunnar Thoroddsen varð
prófessor í lögum við Háskóla ís-
lands 1940, borgarstjóri í
Reykjavík varð hann 1947 en
Gunnar tók fyrst sæti í bæjar-
stjórn árið 1936. Fjármálaráð-
herra varð Gunnar Thoroddsen
1949 og 1965 varð hann sendi-
herra íslands í Danmörku.
Dr. Gunnar Thoroddsen varð
hæstaréttardómari árið 1970 en
1971 var hann kjörinn aftur á
þing. 1974 til 1978 var hann fé-
lags- og iðnaðarráðherra og 1980
varð hann forsætisráðherra.
Dr. Gunnar Thoroddsen sat á
Alþingi um 40 ára skeið eða allt
fram til sl. vors er hann dró sig í
hlé.
Dr. Gunnar
Thoroddsen
Kennarasambandið í
mál við ráðherra?
- vegna meðferðarinnar á Ormari Snæbjömssyni kennara
Stjórn Kennarasambands ís-
lands hefur samþykkt að fara
þess á leit við BSRB að sam-
bandið taki að sér mál það sem
risið er vegna ákvörðunar
Ragnhildar Helgadóttur,
menntamálaráðherra um að
endurráða ekki Ormar Snæ-
björnsson sem kennara við
Þelamerkurskóla. Var jafn-
framt samþykkt að höfða mál
á hendur ráðherra fyrir hönd
ráðuneytisins, ef þörf krefði og
hefur Gesti Jónssyni, lög-
manni verið falið að gæta hags-
muna KSÍ og Ormars Snæ-
björnssonar í þessu máli.
- Þetta mál snýst um það
hvort Ingvar Gíslason, fyrrver-
andi menntamálaráðherra var
búinn að ganga frá endursetningu
Ormars í stöðuna eða ekki, sagði
Guðmundur Árnason, varafor-
maður kennarasambandsins í
samtali við Dag.
- Ormarr telur sig hafa vilyrði
ráðherra og Ingvar Gíslason hef-
ur staðfest að svo sé, þannig að
við teljum að mjög illa hafi verið
staðið að þessu máli af hálfu
Ragnhildar Helgadóttur, sagði
Guðmundur og vísaði að öðru
leyti til Gests Jónssonar, lög-
manns kennarasambandsins í
þessu máli.
Ekki vildi lögmaðurinn tjá sig
um málið á þessari stundu og
sagði óvíst hvaða stefnu það
tæki. Mál sem þessi tækju sinn
tíma en enn sem komið væri
hefði engin ákvörðun verið tekin
um hvort nauðsynlegt væri að
höfða mál á hendur ráðherra.
í Menntamálaráðuneytinu þar
sem Sigurður Helgason, deildar-
stjóri grunnskóladeildar varð
fyrir svörum, hafði enginn heyrt
um hugsanlega málshöfðun KSÍ.
Ragnhildur Helgadóttir, mennta-
málaráðherra var ekki viðlátin og
að sögn Sigurðar var engrar yfir-
lýsingar að vænta frá ráðuneyt-
inu, a.m.k. ekki á meðan ekkert
hefði heyrst í kennarasamband-
inu.
Eins og fram hefur komið í
Degi þá á þetta mál rætur sínar
að rekja til hins svokallaða vín-
kaupamáls, en Ormarr Snæ-
björnsson keypti á sínum tíma
tvær léttvínsflöskur fyrir „fyrr-
verandi nemendur skólans".
Fyrir þetta var Ormarr víttur á
skólanefndarfundi og fékk síðan
ákúrur og áminningu frá þáver-
andi menntamálaráðherra. Taldi
Ormarr málinu lokið með þessu
en svo er ekki eins og nú hefur
komið á daginn. Þykir honum
það súrt í broti, ekki síst vegna
þes að réttindalaus kennari hefur
verið ráðinn í hans stað og þeir
kennarar sem aðild áttu að hinu
svokallaða bruggmáli hafa allir
verið endurráðnir að skólanum.
(Sjá nánar yfirlýsingu Ingóifs Ár-
mannssonar, fyrrverandi fræðslu-
stjóra og viðtal við Ingólf bl. 5.)