Dagur - 26.09.1983, Blaðsíða 8
Varði doktors-
ritgerð í Lundi
Pann 20. maí sl. varði Stefán G.
Jónsson doktorsritgerð í kjarn-
eðlisfræði við Háskólann í Lundi
í Svíþjóð. Heiti ritgerðarinnar
er: Near-Yrast Spectroscopy of
Rare-Earth Nuclei. Yrast Isom-
erism and Bandcrossings. And-
mælandi var Arne Johnson, dós-
ent við Atómrannsóknarstofnun-
ina í Stokkhólmi. Doktorsrit-
gerðin er hluti af samstarfi milli
Háskólans í Lundi, Niels Bohr
Stofnunarinnar í Risó og Háskól-
ans í Osló í grunnrannsóknum í
kjarneðlisfræði.
Stefán G. Jónsson er fæddur á
Munkaþverá í Eyjafirði, sonur
hjónanna Jóns Stefánssonar og
Aðalheiðar Guðmundsdóttur.
Hann lauk stúdentsprófi frá
Menntaskólanum á Akureyri
vorið 1968 og fil kand prófi í eðl-
is- og stærðfræði frá Háskólanum
í Uppsölum árið 1972.
A árunum 1972-1976 kenndi
Stefán við Menntaskóiann á Ak-
ureyri. Frá haustinu 1976 hefur
hann stundað framhaldsnám,
kennslu og unnið að doktorsrit-
gerð sinni við Lundarháskólann.
Stefán er kvæntur Sigríði Jóns-
dóttur og eru þau nú flutt til Ak-
ureyrar ásamt 6 börnum sínum,
en Stefán er ráðinn til kennslu-
starfa við Menntaskólann á Ak-
ureyri.
'Haglabyssur
Pumpur ★ Tvíhleypur ★ Einhleypur
Haglaskotaúrvalið er hjá okkur
Hreinsitæki, byssublámi og olíur,
byssupúðar, byssupokar, byssuólar,
skotvesti og skotbelti.
Eyfjörð
Hjalteyrargötu 4,
sími25222
Opið á
laugardögum
frá kl. 10-12.
Hrossasmölun
í Saurbæjarhreppi
er ákveöin laugardaginn 1. október.
Öll hross skulu komin til Borgarréttar kl. 14.
Bændur komi óskilahrossum úr heimalandi til
réttar.
Fjallskilastjóri.
ALLT í EINUM PAKKA!
íspan hf. Akureyri býður þér
allt þetta í einum pakka:
Tvöfalt eða þrefalt gæðaeinangrunargler
Vinna við ísetningu glersins
Allt ísetningarefni
Mælum glerið ef óskað er
Við gerum þér síðan fast
verðtilboð í allan pakkann
Vönduð vinna • Vanir menn
ISPAIM
Furuvellir 5 • Símar (96)21332 og (96)22333.
8 2 DÁMtf‘2 26: IfeÍjiíétóÖéíil&æ
„Þetta er
ævintýri“
- Ólafsfirðingar bjartsýnir á laxeldið í Ólafsfjarðarvatni
„Ætli það hafí ekki farið um
fímm þúsund sciði, en það er
ekki til að gera stórmál út af,
stóru laxeldistöðvarnar
segðu ekki einu sinni frá
því,“ sagði Gunnar Jóhanns-
son, einn af stjórnarmönn-
um í Veiðifélagi Ólafsfjarð-
ar, aðspurður um óhappið í
eldisstöð félagsins í síðustu
viku.
Undanfarin tvö ár hafa verið
gerðar tilraunir með laxeldi í
Ólafsfjarðarvatni. Seiði hafa ver-
ið alin í vatninu í ákveðinn tíma,
en þeim síðan sleppt á hafbeit.
Lax veiddist í vatninu í fyrra-
sumar, að sögn Gunnars, og
einnig í sumar. Einnig er talið, að
lax hafi gengið upp í ána og orð-
rómur segir, að trillukarlarnir í
Ólafsfirði hafi orðið varir við lax
í firðinum. Laxinn virðist því
skila sér til baka af beitinni, en
ekki hefur tekist að fylgjast nægi-
lega vel með því, þar sem gildr-
urnar í Ósnum hafa ekki reynst
nógu vel. En hvers vegna er
Ólafsfjarðarvatn talið heppilegt
til þessara hluta?
0 Salt undirlag
„Vatnið þykir henta afskaplega
vel til þessara hluta,“ svaraði
Gunnar. „Yfirborð þess er
ferskvatn, um það bil tveggja
metra lag, en undir er saltur sjór.
Ferskvatnið virðist virka eins og
safngler, sem tekur við hitageisl-
unum frá sólinni og sendir varm-
ann síðan niður í salt undirlagið.
Þar geymist hitinn betur og það
er mikill hitamunur á yfirborðinu
og undirlaginu, sem getur orðið
um 20 gráðu heitt á meðan yfir-
borðið er innan við 10 gráður.
Þar við bætist að salta lagið held-
ur Iengur í sér hitanum; er jafn-
vel 7-8 gráður seinni hluta vetrar
þegar yfirborðið er ísi lagt. Þetta
eru þeir kostir sem vatnið býr
yfir, en auk þess er greið göngu-
leið fyrir laxinn um Ósinn. Eini
gallinn við hann er sá, að stundum
er hann vatnsmikill, þannig að
erfiðleikar hafa verið á að
fylgjast með ferðum laxins."
- Hvaða niðurstöður hafa
fengist af þeim tilraunum sem
• gerðar hafa verið?
„Þær sýna okkur alla vega það,
að laxinn skilar sér aftur, en
heimturnar hafa verið slæmar hér
fyrir norðan í sumar. Við erum
því ekkert óhressir með árangur-
inn. Við hefðum þó gjarnan vilj-
að vita, hvað fiskast hefur hérna
í sjónum. Auk þess hafa gildr-
urnar brugðist okkur, þannig að
við vitum ekki nákvæmlega hvað
mikið af fiskinum hefur skilað
sér. Eins árs fiskurinn hefur skil-
að sér dálítið inn í sumar, en
samkvæmt reynslunni á tveggja
ára fiskurinn að skila sér mun
betur. Við erum að vona að hann
komi næsta sumar. En þetta er
happdrætti."
0 Ala seiði
undir ís
- Hvað eruð þið með í takinu
núna?
„Við vorum með 30 þúsund
kviðpokaseiði frá í sumar í eldis-
stöðinni, en af þeim drápust um
5000 þegar óhappið varð í síð-
ustu viku. Þessi seiði hafa dafnað
afskaplega vel hjá honum Sigurði
Stefánssyni, sem hefur hugsað
um þau fyrir okkur. Þeim verður
síðan sleppt í vor.
Þar að auki erum við með til-
raun í vatninu. Þar erum við með
helmingi stærri seiði, sem á að
gera tilraun með að ala undir ís í
vetur. Við það eiga þau að herð-
ast í söltu vatninu, þannig að við-
brigðin verði ekki eins mikil þeg-
ar þau ganga út í sjó næsta
sumar. Seiðin eru í netkví, sem
er við yfirborðið núna, en henni
verður sökkt niður á um 4ra
metra dýpi þegar kólnar. Fóðrið
fá seiðin síðan um rör. Þetta er
svolítið ævintýri, maður veit ekki
hvað gerist. Norðmenn nota
þessa aðferð með góðum árangri,
en ég veit ekki til þess að þetta
hafi verið reynt hér áður,“ sagði
Gunnar Jóhannsson.
Veiðifélag Ólafsfjarðar hefur
staðið að tilraununum í Ólafs-
fjarðarvatni, en í undirbúningi er
að stofna hlutafélag um þessa
starfsemi. Undirbúningsstofn-
fundur hefur verið haldinn og
Gunnar vonaðist til að fram-
haldsstofnfundur yrði innan mán-
aðar.