Dagur - 28.09.1983, Blaðsíða 4

ÚTGEFANDI: ÚTGAFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Viðhald byggðar eða
landeyðingarstefna
í grein sem Ingvar Gíslason, alþingismaður,
skrifaði í Dag fyrir nokkru og fjallaði um
landsbyggðarstefnu fyrr og nú sagði hann
meðal annars:
„Það á að vera einn af undirstöðuþáttum
almennrar atvinnuuppbyggingar að stuðla að
framgangi landsbyggðarstefnunnar í sinni
réttu mynd. Það þarf að endurvekja framfara-
viljann frá 1971 og reisa við þá bjartsýni, sem
ríkti um framkvæmd landsbyggðarstefnu á
þeim tíma. Slíka stefnu á ekki að boða sem
togstreitu milli þéttbýlis og dreifbýlis, heldur
samstarf um virkar aðgerðir, sem leiða mega
til jafnvægis í byggðaþróun og stuðla að rétt-
látri og eðlilegri verkaskiptingu milli lands-
hluta, þ.e. höfuðborgarinnar annars vegar og
landsbyggðarinnar hins vegar, auk nauðsyn-
legrar samvinnu og verkaskiptingar innan
hvers landshluta og milli hinna einstöku
landsfjórðunga.
Ekki mun það leiða til farsældar að ætla að
ræða þessi mál með gífuryrðum, sem jafnvel
geta snúist um það hvort sveitirnar eigi yfir-
leitt tilverurétt, eða fráleitum fullyrðingum og
fyrirlitningarskrafi um þjóðfélagslegt gildi
vinnuframlags manna eftir því hvar þeir eiga
heima og hvaða starfi þeir gegna sér til dag-
legrar framfærslu. Þéttbýli og dreifbýli hlýtur
að halda áfram að vera til í þessu landi og
skýr verkaskipting vinnandi fólks í nútíma-
þjóðfélagi er í senn hagræn og óhjákvæmileg
og mun að sínu leyti hafa áhrif á myndun
þéttbýlis og dreifbýlis, allt eftir atvikum og
eðli máls. Auk þess er útilokað að þéttbýli og
dreifbýli verði að öllu „ eins “ og ráða því eðli-
legar ástæður sem ekki er unnt að hrófla við
og á ekki að verða að ásteytingarsteini. Er
m.a. augljóst að uppistaðan í dreifbýlinu, þ.e.
sveitunum hlýtur að verða sveitabúskapur,
reyndar „hefðbundinn" sveitabúskapur,
nautgripa- og sauðfjárrækt, þótt stefna beri
jafnframt að fjölbreyttara atvinnulífi í sveita-
byggðum, s.s. nýjum búgreinum, ýmis konar
iðnaði og þjónustustarfsemi."
„Það er verkefni fyrir öfgalausa menn úr öll-
um stjórnmálaflokkum og öllum landshlutum
að ræða þessi mál hlutlægt og móta í samein-
ingu skynsamlega stefnu í landsbyggðarmál-
um. Landsbyggðarstefnan frá 1971 hlýtur að
verða sú fyrirmynd sem staðnæmst verður
við í því efni. Hún þarf endurskoðunar við
hvað varðar ýmsa framkvæmdaþætti, en
markmið hennar er í fullu gildi, þ.e. viðhald
þeirrar byggðar sem þegar er fyrir hendi í
landinu að svo miklu leyti sem unnt er. Stefna
sem gengi í aðra átta væri réttnefnd landeyð-
ingarstefna."
4 - DAGUR - 28. september 1983
Rás 2 hjá Ríkisútvarpinu:
Ekki fyrir alla
landsmenn strax
- Uppbyggingu dreifikerfisins um allt land
verður ekki lokið fyrr en eftir 2 ár og á meðan
verða Vestfirðingar, Norðlendingar og Aust-
firðingar að láta sér nægja rás 1
„Að hrinda af stað svona út-
varpsstöð er að sjálfsögðu ekk-
ert smámál og í fjölmörg horn
að líta,“ sagði Þorgeir Ást-
valdsson „útvarpsstjóri“ rásar
2 hjá Ríkisútvarpinu sem hefja
mun útsendingar nú í haust.
„Eins og fram hefur komið í
fréttum verður þetta fyrst og
fremst „músíkútvarp“ með léttu
yfirbragði,“ sagði Þorgeir.
„Fyrsta kastið verður útvarpað á
vinnutíma, eða nánar tiltekið
frá kl. 10 á morgnana til kl. 18 á
daginn. Undirbúningi hefur mið-
að vel, en það er ljóst að lítið má
út af bregða ef útsendingar eiga
að hefjast í nóvember eins og
stefnt er að.
- Mun útvarp rásar 2 heyrast
um allt land?
„Nei, rás 2 nær því miður ekki
til allra landsmanna nú þegar
flautað verður til leiks vegna þess
eins að uppbyggingu dreifikerfis-
ins verður ekki lokið fyrr en að
tveimur árum héðan í frá. Upp-
bygging dreifikerfisins er auðvit-
að háð því fjármagni sem til
hennar fæst hverju sinni.
Vestfirðingar, Norðlendingar
og Austfirðingar verða því að
vera án rásar 2 þangað til hún
hefur hlaupið af sér hornin. Þó
verður næturútvarp um helgar
frá rás 2 en það verður keyrt í
gegn um langbylgjukerfið svo út-
sendingar rásar 2 munu heyrast
um allt land á þeim tíma. Þessar
næturútsendingar verða aðfara-
nætur laugardaga og sunnudaga
og hefur verið talað um frá mið-
nætti til kl. 03.
Þorgeir Ástvaldsson.
Meðan að rás 2 heyrist ekki um
allt land eða til jafns við rás 1
verður dagskrá þeirrar síðar-
nefndu ekki breytt á þá lund að
allt sem heitir létt efni verði sett
á rás 2. Rás 1 gerir út á sömu mið
eftir sem áður og breytist ekki
með tilkomu nýju rásarinnar á
meðan land- og lofthelgin er ekki
sú sama hjá báðum. Breyting
mun hins vegar eiga sér stað hjá
rás 1 þegar rás 2 nær til landsins
alls.“
- Finnst þér ekki persónulega
að byrjað sé á öfugum enda, það
hefði fyrst átt að byggja dreifi-
kerfið upp fyrir alla landsmenn
áður en útsendingar væru
hafnar?
„Þá má hugsanlega segja það
hvort það sé réttlætanlegt af
Ríkisútvarpinu að gera þetta
svona. Ég neita því ekki að ég
hef heyrt óánægjuraddir úti á
landi vegna þessa máls en von-
andi tekst að koma rás 2 til allra
landsmanna sem allra fyrst.“
Frá kjörbúð KEA Kaupangi
Tilboð
á vöfum frá K. Jónssyni og co.
Lítið inn. Mikill afsláttur.
Kaupangi.