Dagur - 30.09.1983, Blaðsíða 3
Það er ekki langt um liðið síðan
öll þjóðin stóð á öndinni og
fylgdist úr fjarska með velgengni
piltanna úr hljómsveitinni
Mezzoforte á Bretlandi. Enginn
var maður með mönnum nema
hann vissi í hvaða sæti á breska
vinsældalistanum „Garden
Party“ var þá og þá vikuna. í
kjölfarið fylgdu sögur af sigrum
sveitarinnar á hljómleikasviðinu
og þó að erfitt sé að leggja rétt
mat á slíkar sögusagnir þá er víst
að strákarnir í Mezzo eru alls
góðs maklegir og splunkuný og
sprelllifandi hljómleikaplata
bendir til þess að sögumenn hafi
farið með rétt mál.
Hin nýja hljómleikaplata
Mezzoforte, „Sprelllifandi“ sem
tekin er upp „live on stage“ í
Dominion-hljómleikahöllinni í
London er um margt merkileg
plata. Fyrir það fyrsta verður hún
aðeins gefin út á íslandi og auk
þess mun þetta vera í fyrsta skipti
sem íslensk hljómsveit hljóðritar
þannig „live“ fyrir framan er-
lenda áheyrendur. Það er einmitt
þessi erlenda hljómleikastemmn-
ing sem er aðall plötunnar og
kynningin og „itro-ið“ á plötunni
er meiri háttar. Ég verð að segja
það eins og er að ég hefði viljað
heyra dúndrandi rokk á la AC/
DC eftir þessa mögnuðu kynn-
ingu en það tók mig samt ekki
nema tvö til þrjú lög að sætta mig
við Mezzoforte sem staðgengla.
„Sprelllifandi" er plata sem
kitlar hégómagirnd okkar íslend-
inga og þjóðarmetnað og það er
gaman að heyra að einhverjir
héðan af klakanum skuli vera
gjaldgengir úti í hinum stóra
heimi. Þetta á e.t.v. ekki síst við
um þá sem fylgst hafa með
Mezzoforte allt frá því að þeir
voru örlítil „ljós í bænum“ og
það er vissulega gaman að heyra
viðbrögðin í Dominion þegar
fyrstu tónar „Garðveislunnar"
svífa út í salinn. Og auðvitað
gera Mezzoforte það alveg ríf-
andi gott og „spretta úr spori“
þó að útsetningin sé örlítið önnur
en sú sem við eigum að venjast.
Það er erfitt að segja einhvern
100% sannleik um heiðvirða og
sómakæra pilta eins og strákana
í Mezzoforte - en stærsti sann-
leikurinn held ég að sé sá hve fáir
hafa í raun gert sér grein fyrir
því hve hrikalega góðir músik-
antar eru þarna á ferð. Tökum
Kristinn Svavarsson sem blæs í
saxófón og fleira alveg eins og
engill á þessari plötu. Það myndi
ekki nokkur maður trúa því á er-
lendri grund að þetta væri ein-
hver gamall Dúmbó úr „lásí“
brennivínsbandi. Sjáið og heyrið
Frissa Karls og Eyþór Gunnars,
rúmlega tvítuga sem leika á
hljóðfæri sín eins og þeir hefðu
ekki gert annað undanfarin þrjá-
tíu ár. Tökum yngsta manninn,
Gunnlaug Briem sem dæmi.
Hann trommaði betur en flestir
fagmenn aðeins 16 ára gamall og
nú er hann virkilega góður. Sama
er hægt að segja um Jóhann
Ásmundsson hinn hlédræga en
snjalla bassaleikara.
Það er svo önnur saga að tón-
list Mezzoforte er ekki beinlínis
á minni línu og fátt af þeirra tón-
um að „Garden Party“ undan-
skildu sem snertir mig djúpt, en
ég skal samt verða fyrstur manna
til að viðurkenna að þeir eru
góðir. Ekki af skyldurækni eða
þjóðarmetnaði, heldur vegna
þess að þeir eru sannir tónlist-
armenn og eiga skilið að heyra
það.
stace PRESENTauon
Ingv'i Þór
Kbmiáksson
*
1 j í " :
Mezzoforte -
Sprelllifandi
Ingi Þór Kor-
máksson - Tíð-
indalaust
Stevie Nicks -
The Wild Heart
Tíðindalítið
Það þarf kjarkmenn í að ráðast í
slíkt þrekvirki að gefa út plötu á
eigin vegum á þessum síðustu og
verstu, en þó verðbólguhjaðn-
andi tímum. Þetta hefur þó al-
gjörlega óþekktur maður, Ingi
Þór Kormáksson gert og hann á
heiður skilið fyrir vikið.
Það er svo aftur annað mál
hvort Ingi Þór hefði betur heima
setið. Plata hans „Tíðindalaust"
hefur fengið frekar óvægna gagn-
rýni en það er ekki þar með sagt
að sú gagnrýni hafi endilega verið
óréttmæt. „Tíðindalaust“ mni-
heldur létta jazz- og vísnakennda
tónlist og á köflum svipar Inga
Þór meira að segja til Bergþóru
(ekki von Bergþórshvoll). Best
tekst Inga Þór upp í persónulegu
lögunum, um vini, kunningja og
Laugaveginn og að mörgu leyti
kann ég þessari plötu vel. „Tíð-
indalaust“ er hins vegar ekki
spennandi plata og þar sem Ingi
Þór gefur tilefni til að snúið sé út
úr nafni plötunnar, þá held ég að
betur hefði farið að kalla hana
„Tíðindalítið“. Veikleikamerki
eru líka nokkur á plötunni þrátt
fyrir prýðis undirleik og þokka-
legar útsetningar, en Ingi Þór er
vafalaust á réttri leið og ef undir-
tektir við þessari plötu draga ekki
úr honum kjarkinn eða gera hann
gjaldþrota í Lögbirtingablaðinu,
þá ætti hann að vera til alls líkleg-
ur í framtíðinni. -ESE.
Hvar er Petty?
Eftir að hafa hlýtt á þessa plötu
af og til í nokkrar vikur, þá hefur
í raun aðeins vaknað ein spurn-
ing í mínum huga. Hún er þessi:
Hvar í ósköpunum er Tom
Petty?
„The wild heart“ mun vera
önnur sólóplata Stevie Nicks,
þokkalegri þokkagyðjunnar úr
Fleetwood Mac og mun sú fyrri
hafa fengið þokkalega krítík.
Ekki varð ég þess heiðurs aðnjót-
andi að heyra þá plötu en eitt lag
eða tvö mun ég hafa heyrt í út-
varpi. Gott ef þau voru ekki
þokkaleg.
Þessi nýja plata finnst mér
aftur á móti frekar ómöguleg.
Það er kýlt á gamla Fleetwood
Mac kokteilinn og það hanastél
er að mínu viti ekki görótt
lengur. Ég batt vissar vonir við
plötuna eftir að hafa lesið utan á
umslagið en þar stóð að hinn
ágæti rokkari Tom Petty ætti og
léki með í einu lagi. Ég hef því
alltaf hlustað á plötuna með því
hugarfari að muna sérstaklega
eftir Tom Petty en einhvern veg-
inn hefur það æxlast svo að ég hef
aldrei tekið eftir umræddu lagi.
Og nú eru spurningarnar orðnar
þrjár: Er Tom Petty á þessari
plötu? Ef svo er. Hefur hann þá
látið breyta sér í Steve Nicks? Sé
svo ekki, hvar er þá Tom Petty?
-ESE.
allra leidir ligaja
tilokkarÖJ
Vorum að fá
nýja sendingu af
skyrtum
og einnig háskólabolum í stærðum 2-12 og S-XL
þrír litir. Bamamyndabolir með ýlum.
Úlpur.
Erum búnir að taka fram úlpur fyrir veturinn.
Stærðir 12 - 16. Herradeild.
Badminton iðkendur.
Nýkomin sending af vonex badmintonspöðum
og boltum. Sportvömdeild.
Suðræn hitabylgja
í Hljómdeild.
Allar heitustu plötumar í rekkunum hjá okkur.
Einnig urmull af klassík og sígildri tónlist.
Gerðu þér dagamun og splæstu í plötu.
Hljómdeild.
W
Ca/it&iZ
Sparið gjaldeyri og saumið sjálfar.
Allt til sauma:
haustlitimir í tximmgallaefriunum.
Flauelsefni, 5 litir.
Gardínuefrii, þykk og þunn á mjög hagstæðu verði.
Sængurveraefni m/bamamynstri.
Handklæði 50x100 á aðeins kr 65
íslenskar peysur frá
Iðunni. Ný mynstur, nýir litir, gott verð.
Eigum ótrúlega fallegt úrval af
barnafatnaði frá
Tilboðsverð
á sængum og koddum næstu daga.
Vefnaðarvömdeild.
Nýjar sendingar í Skódeild
Ótrúlega ódýrar dömu töflur á korksóla með góðu
innleggi. Stærðir 36 - 42. Verð frá 195 kr.
Tilboðsverð á fóðruðum
skóm.
stærðir 36 - 40 á kr. 814
Stærðir 41 - 45 á kr. 847
Ath. Dömu kuldaskór
Á mjög góðu verði. Takmarkaðar birgðir.
Skódeild.
Fréttir frá
kjallaranum Hrísalundi 5
SELKO fataskáparnir komnir aftur
Frábær íslensk framleiðsla á hagstæðu verði og
góðum greiðsluskilmálum.
þú mimt sannfærast um að þú ræður
við kjörin.
Svo em það nýjar sendingar af
Sóló
stálhúsgögnunum
í eldhúsið. Þrælsterk og vönduð
íslensk framleiðsla.
Kjallarinn, Hrísalimdi.
jrí,983rc,D^QyBr3