Dagur - 30.09.1983, Blaðsíða 9
: sææss t
Málglöð myndavél
Nú þurfa ljósmyndarar ekki lengur að rcfla við
sjálfa sig, þeir geta röflað við myndavélina sína.
Minolta AF-Sv er þeim kostum búin, að hún tal-
ar ensku. En hún kvað hafa hæfileika til að læra
önnur mál, þannig að ekki er að vita nema hún
fari að kveða rímur þegar best lætur.
Þótt undarlegt megi virðast getur myndavélin
ekki sagt nafnið sitt, en kann þess í stað þrjár
setningar. Nefnilega: „Load film“, sem mætti
snara yfir í „það er engin filma í, ídjótið þitt.“
Og „Too dark“, sem á íslensku er „ég þarf flass
í þessum koldimma hundrassi." „Check dist-
ance“, eða „dettur þér í hug að svona veimiltítu-
legt flass dragi mörg hundruð metra?“
Og kvikindið er kynjað, virðist vera, því það
talar með silkimjúkri kvenrödd (hljóðgerfli).
Það er svo spurning sem lesendur geta velt fyrir
sér, hvers vegna í ósköpunum Minolta hefur lát-
ið myndavélina vera hún.
Þetta er að sjálfsögðu nýtísku myndavél, með
sjálfvirkri fjarðlægðarstillingu (auto-focus),
véldrifinni filmufærslu og filmuísetningartæknin
er með öllu hálfvitaheld. Þessa nýung er enn
ekki að fá á íslandi en verðið er á að giska sjö
þúsund krónur. Og „litla systir“, er aðeins ódýr-
ari.
En ef einhverjum stendur stuggur af þessu
málæði skal hann huggaður með því að einungis
þarf að ýta á hnapp til að þagga niður í þessari
afskiptasömu myndavél og þá fær maður að gera
sín mistök í friði.
Rúmlega hálfrar
aldar en sló öllum
hinum skvísunum við
Aðalkroppurinn
Angie Dickenson
52 ára í dag
Þá hafa línu- og vaxtarlags-
sérfræðingar Hollywood
kveðið upp dóm sinn um það
hvaða kvenmaður í landi þar
sé best vaxinn. Urslitin þykja
koma nokkuð á óvart því að
sigurvegarinn er engin önnur
en Angie Dickinson, en sú
rennilega frú verður einmitt
52 ára í dag, 30. september!
Angie sló í þessari keppni öll-
um helstu keppinautunum ræki-
lega við og tvítugar og þrítugar
skvísurnar urðu að láta í minni
pokann fyrir þeirri gömlu sem
þó er aðeins rétt rúmlega hálfr-
ar aldar gömul. Einkunn Angie
var 9 (á mælikvarða 1-10) og
það fylgir sögunni að aumingja
Bo Derek sem þó fékk 11 í
myndinni „10“ með Dudley
Moore, fékk aðeins 8 að þessu
sinni. En hér kemur örstutt yfir-
lit yfir rennilegustu hnáturnar
að mati þeirra í Hollywood.
Jacqueline Bisset: Fékk 8
sem þykir bara gott hjá 38 ára
kerlu. - Hún er aðlaðandi með
„lovely body“, sagði Dr. Gene
Colborn frá Læknaháskólanum
í Georgíu, þegar hann fékk að
leggja orð í belg.
Bo Derek: Fékk 8, en Bo er
26 ára. Lendarnar draga hana
niður. Þykja of smáar (sjá
mynd).
Jane Fonda: Fékk einkun á
milli 7 og 9. Þökk sé öllum leik-
fimiæfingunum, þá komst hin
sportlega og kvenlega Fonda, 45
ára, hátt á lista.
Þessar urðu sem sagt í efstu
sætunum en þar á eftir komu,
Juliet Prowse (flottar lappir),
Linda Evans (of litlar lendar
skaða heildarútlit, dálítið karl-
mannleg), Loni Anderson (of
stór brjóst og kjálkar full
stórir), Barbara Eden (flottar
línur þrátt fyrir aldurinn) og
því er við að bæta að bæði
Victoria Principal og Dolly
Parton þóttu hafa of stóran og
þungan barm.
Sér annars nokkur mun á
þessu og kynbótadómunum á
Melgerðismelum?
Bo Derek.
Pamela.
Angie Dickinson: - Hún hef-
ur ennþá milljón dollara fæturna
þrátt fyrir aldurinn, sagði Dr.
Ross MacClung, aðstoðarpróf-
essor í líffærafræði við Lækna-
háskólann í Virginíu. - Lendar,
þjóhnappar, brjóst og axlir eru
í „perfect balance“, bætti kapp-
inn svo við.
tKnattspyrnu-
deild
Æfingatímar innanhúss veturinn 1983-84.
íþróttahöllin:
íþróttaskemman:
6. fl. sunnud.
5. fl. sunnud.
4. fl. laugard.
3. fl. föstud.
kv. fl. sunnud.
2. fl. þriðjud.
mfl. fimmtud.
kl. 10:00-11:00
kl. 11:00-12:00
kl. 12:00 - 13:00
kl. 17:15-18:15
kl. 10:00- 12:00
kl. 21:00 - 22:00
kl. 21:00 - 22:00
Lokahóf yngri flokka í knattspyrnu verður haldið í
Lundarskóla sunnudaginn 2. okt. og hefst kl. 15.00.
Hrossasmölun
í Öngulsstaðahreppi er ákveðin laugardaginn 1. októ-
ber nk. Réttað verður að Þverárrétt sunnudaginn
2. okt. um kl. 1. eftir hádegi.
Eigendum utansveitarhrossa er gert að greiða kr. 120
til Fjallskilasjóðs Öngulsstaðahrepps fyrir hvert hross.
Oddviti.
BBC
á Akureyri.
Kynnum þessa frábæru tölvu í dag og
á morgun laugardag frá kl. 10-12.
SKRIFS TOFUVAL HF.
SUNNXJHLÍÐ ■ SÍMI 96-25004 pósthólf 823 602 akuheyri
30. 'septeniber 1983 - DAGUR - 9