Dagur - 05.10.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 130 Á MÁNUÐI - LAUSASÖLUVERÐ 18 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ekki ganga
nær fjárhag
heimilanna
í stjómmálaályktun sem nýlega var samþykkt
á fundi framkvæmdastjórnar Sambands ungra
framsóknarmanna var lýst yfir stuðningi við
ríkisstjórn Steingríms Hermannssonar og síð-
an sagði:
„Framkvæmdastjórn SUF lýsir yfir ánægju
sinni með þann árangur sem náðst hefur í
niðurtalningu verðbólgunnar undir forystu
forsætisráðherra, Steingríms Hermannssonar,
en minnir jafnframt á að forsenda þess ár-
angurs sem náðst hefur er m.a. skilningur al-
mennings á þeim aðgerðum sem grípa þurfti
til. Þennan skilning verður ríkisstjórnin að
meta og má því ekki að óbreyttu ganga nær
fjárhag heimilanna en orðið er. í stað þess á
ríkisstjórnin að ganga á undan með góðu for-
dæmi og draga saman í ríkisgeiranum".
Síðan er lögð áhersla á að næstu árin verði
sýnd festa í stjórn landsmála, svo unnt verði
að hefja nýja sókn til betri framtíðar. Lögð
verði áhersla á hjöðnun verðbólgu, viðunandi
jafnvægi í viðskiptum við önnur lönd, verndun
kaupmáttar lægstu launa og lífskjara þeirra
sem þyngst framfæri hafa og síðast en ekki
síst atvinnuöryggi. Minnt er á að hlutverk
Framsóknarflokksins í þessari ríkisstjórn sé að
standa vörð um velferðarþjóðfélagið og í því
sambandi er varað við öllum útboðs- og sölu-
hugmyndum í heilbrigðisþjónustunni og ann-
arri félagslegri þjónustu.
„Framkvæmdastjórn SUF skorar á félags-
málaráðherra að gera nú þegar verulegar úr-
bætur í málefnum þeirra sem eru að byggja
eða kaupa húsnæði. Þörfin fyrir umbætur er
ekki síst hjá því fólki sem var að eignast hús-
næði á meðan húsnæðismálin voru í heljar-
greipum Alþýðubandalagsins.
Framkvæmdastjórn SUF ítrekar fyrri sam-
þykktir sínar um stighækkandi lánshlutfall í
80% af byggingarkostnaði, lengingu lánstíma
í 42 ár og að lán verði greidd út til lántakenda í
einu lagi. Framkvæmdastjórn SUF skorar á
ríkisstjórnina að ná þessum markmiðum á
kjörtímabilinu".
Þá er í samþykkt framkvæmdastjórnar Sam-
bands ungra framsóknarmanna fjallað um
bráðabirgðasamkomulagið við Alusuisse,
sem stjórnin telur mikilvægan áfanga og sýni
ótvírætt að málstaður framsóknarmanna í fyrri
ríkisstjórn hafi verið réttur og sanni að unnt
hafi verið að ná samkomulagi um hækkun raf-
orkuverðs fyrr, gagnstætt því sem fyrrver-
andi iðnaðarráðherra hafi haldið fram.
Ásmundur Stefánsson, forseti ASÍ, hélt ræðu á fundi Alþýðusambands Norðurlands. Með honum á myndinni er
Hákon Hákonarson.
Frá 18. þingi Aiþýðusambands Norðurlands:
Fordæma hömlulausan
innflutning trévöru
„18. þing Alþýðusambands
Norðurlands, haldið að
Illugastöðum 30. sept. og 1.
okt. 1983, lýsir áhyggjum sín-
um vegna þeirrar miklu
óvissu sem ríkir í atvinnumál-
um á Norðurlandi, sem nú
þegar er farið að leiða til bú-
seturöskunar, segir m.a. í
ályktun um atvinnumál, sem
haldið var á Illugastöðum um
síðustu helgi.
Síðan segir í ályktuninni:“
Atvinnuöryggi er sjálfsögð
mannréttindi sem verður að
tryggja, hvar sem menn eru
búsettir. Gera verður þær kröf-
ur til Alþingis, ríkisstjórnarinn-
ar og sveitarstjórna, að stuðlað
"verði að eflingu útflutnings-
atvinnuveganna með markviss-
um stjórnunaraðgerðum, svo
sem með betri nýtingu þess fjár-
magns sem fyrir hendi er, þann-
ig að fjármagn verði ávallt
tryggt til framkvæmda, þegar
uppbygging hefst. Á sama hátt
verður að tryggja enn frekar
grundvöll samkeppnisiðnaðar-
ins.
Pingið mótmælir harðlega öll-
um hugmyndum sem fram hafa
komið um frekari frestun
Blönduvirkjunar og hvetur
þingið til áframhaldandi víð-
tækrar samstöðu Norðlendinga
um virkjunina, þannig að
tryggð verði næg orka til stór-
iðnaðar. Skorar þingið á ríkis-
stjórn og stóriðjunefnd að flýta
þeim athugunum sem í gangi
eru vegna stóriðju á Eyjafjarð-
arsvæðinu. í framhaldi af slíkri
virkjun ber að gera sérstaka at-
hugun á hvaða möguleikar eru
á Norðurlandi til að nýta þá um-
framorku, sem skapast, til al-
mennrar atvinnuuppbyggingar
og nýiðnaðar. Þingið styður
steinullarverksmiðju í Skaga-
firði og pappírsverksmiðju á
Húsavík.
Þingið fordæmir hömlulausan
innflutning fullunninnar tré-
vöru, húsgagna, innréttinga og
tilbúinna húsa. Benda má á, að
fyrir nokkrum árum var á Akur-
eyri blómleg húsgagna fram-
leiðsla, sem að mestu leyti er
aflögð í dag. Hvetur þingið
landsmenn til að velja innlendar
vörur frekar en erlendar.
Hraðað verði uppbyggingu
Verkmenntaskólans á Akureyri
og fjárframlög til hans stórauk-
in, þannig að hann verði sem
fyrst fullbúinn og honum þannig
gert kleift að sinna því hlut-
verki'sem honum er ætlað til
eflingar atvinnuvegunum.
Traust atvinnulíf er forsenda
stöðugleika í bygginga- og
tréiðnaði. Til að hindra óæski-
legar sveiflur í þessum starfs-
greinum þarf auk þess að
tryggja fjármagn til hús-
byggjenda og byggingasjóða.
Gera þarf áætlanir um opinber-
ar byggingar og halda áfram
byggingu íbúðarhúsnæðis á fé-
lagslegum grunni.
Þingið telur að efla beri ís-
lenskan skipasmíðaiðnað og
bendir á, að íslenskur skipa-
smíðaiðnaður á að geta tryggt
eðlilegt viðhald og nýsmíði
fiskiskipa. Þá skorar þingið á
Útgerðarfélag Akureyringa hf.
og bæjarstjórn að láta væntan-
lega nýsmíði togara félagsins
fara fram í Slippstöðinni hf.
Akureyri.
Tryggja verður stöðugan
rekstur fiskvinnslustöðva með
jafnri nýtingu fiskstofna og
dreifingu fiskiskipaflotans.
Þetta skapar möguleika til að
afnema það misrétti, sem starfs-
fólk fiskiðnaðarins býr við með
tilliti til atvinnuöryggis og upp-
sagna. Því telur þingið óeðlilegt
að siglt sé með afla á erlendan
markað. Gera verður kröfu um
aukna fullvinnslu sjávarafurða
og tryggja þannig fjölgun
atvinnutækifæra í fiskvinnslu.
Launafólk verður að fá með-
ákvörðunarrétt, þegar meta
skal hvort og hvernig eigi að
taka upp hina nýju örtölvu-
tækni. Breytta vinnuhætti verð-
ur að meta í ljósi þess, hvort
erfiðum og hættulegum störfum
er fækkað og hvaða áhrif breyt-
ingarnar hafa á atvinnuöryggi.
Þingið bendir á nauðsyn þess
að atvinnufyrirtæki verði í rík-
ara mæli rekin á félagslegum
grundvelli, enda sýnir reynslan
að slíkur rekstur skapar mest
atvinnuöryggi og tryggir besta
afkomu.
Þingið varar við sölu ríkis-
fyrirtækja án samráðs við
starfsfólk, verkalýðsfélög og
bæjaryfirvöld, þar sem þessi
fyrirtæki eru til að auka
atvinnuöryggi viðkomandi
staða.
Þingið telur mikilvægt að
stofna og efla iðnþróunarfélög
tií áframhaldandi iðnaðarupp-
byggingar á Norðurlandi og
hvetur þingmenn Norðurlands-
kjördæmanna og heimamenn til
samstarfs um að hrinda í fram-
kvæmd þeim hugmyndum iðn-
þróunarfélaga, sem líklegastar
teljast til aukinnar atvinnuupp-
byggingar og koma á fót mark-
aðs- og tæknideildum á Akur-
ejyri, er hafi náið samstarf við
Utflutningsmiðstöð iðnaðarins
og Iðntæknistofnun íslands, er
þjóni Norðurlandi öllu.“
4 - DAGUR - 5. október 1983