Dagur - 10.10.1983, Blaðsíða 3

Jóhann Már með hundinn sinn Pésa.
„Bóndinn“
Jóhann Már og Guðjón Pálsson á nýrri plötu
„Bóndinn“ heitir hljómplata
sem nýkomin er út, þar sem
Jóhann Már Jóhannsson,
bóndi í Keflavík í Hegranesi,
syngur við undirleik Guðjóns
Pálssonar, tónlistarkennara á
Hvammstanga.
Á plötunni eru 17 lög, öll eftir
íslenska höfunda, að einu undan-
skyldu. Meðal lagahöfunda eru
Skúli Halldórsson, Sigvaldi
Kaldalóns, Árni Thorsteinsson,
Björgvin Guðmundsson, Jón
Björnsson, Þórarinn Guðmunds-
son, Ingi T. Lárusson, Páll ísólfs-
son, Sigfús Einarsson og Sigfús
Halldórsson. Eftir Sigfús er m.a.
lagið Grenitréð við texta eftir
Heiðrek Guðmundsson. Petta er
nýtt lag, sem Sigfús tileinkaði
Jóhanni og hefur það ekki heyrst
áður.
Jóhann Már Jóhannsson er
Akureyringur að uppruna, en
undanfarin 10 ár hefur hann búið
í Keflavík, sem er í Hegranesi í
Skagafirði, skammt frá Sauðár-
króki. Jóhann er sjálfmenntaður
í söngnum, en undirstöðuatriðin
fékk hann hjá Sigurði Demetz í
Tónlistarskólanum á Akureyri.
Jóhann er sonur Jóhanns heitins
Konráðssonar, söngvara, og
Fanneyjar Oddgeirsdóttur, þann-
ig að hann hefur sönginn í blóð-
inu úr báðum ættum.
Guðjón Pálsson, píanóleikari,
er fæddur og uppalinn í Vest-
mannaeyjum, sonur Páls Eyjólfs-
sonar og Fannýar Guðjónsdótt-
ur. Hann hefur leikið með ýms-
um hljómsveitum um dagana,
auk þess sem hann hefur verið
kirkjuorganisti og söngstjóri
samhliða kennslu. Guðjón er nú
skólastjóri Tónlistarskóla
Vestur-Húnavatnssýslu.
Sigfús halldórsson á nýtt lag á plðtu Jóhanns og hér leggur hann á ráðin með
Guðjóni Pálssyni, píanóleikara, þegar upptakan var gerð.
Brynjólfur Ingvarsson, geðlæknir, um Geðdeildina:
„Tilbúinn til
að starfrækja
deildina áfram“
- Brynjólfur setur óframkvæmanleg skilyrði að mati sjúkrahússstjórnar
„Ég lýsti því yfir 19. septem-
ber, að ég væri tilbúinn til að
starfrækja deildina út minn
uppsagnartíma, ef sjúkrahúss-
stjórnin gengi að mínum
óskum. Hún hefur hins vegar
ekki viljað svara mínu bréfi og
þess vegna hefur deildin ekki
tekið til starfa enn,“ sagði
Brynjólfur Ingvarsson, yfir-
læknir Geðdeildar Fjórðungs-
sjúkrahússins á Akureyri, í
samtali við Dag.
Eins og áður hefur komið fram
í Degi, þá útskrifaði Brynjólfur
alla sjúklingana á deildinni 1.
september og síðan hefur engin
starfsemi farið þar fram. Brynj-
ólfur var spurður um ástæður
þessara deilna milli hans og
stjórnar sjúkrahússins.
„Ég treysti mér ekki til að bera
ábyrgð á rekstri þessarar deildar
lengur, eins og hún hefur verið
rekin,“ svaraði Brynjólfur. „Það
var ætlunin þegar deildin var sett
á laggirnar, að hún þróaðist í full-
komna geðdeild hvað þjónustu
við geðsjúka varðar. Það hefur
ekki farið eftir, en þess í stað hef-
ur verið dregið úr þjór.ustunni
vegna fjársveltis. Það hafa til að
mynda allir verið sammála því,
að þörf sé fyrir tvo sérfræðinga á
deildinni. Þrátt fyrir það hefur
sjúkrahússstjórnin lítið gert til
þess að fá annan mann og ég er
búinn að fá mig fullsaddan á því
að klifa á því sama í 6 ár.“
- Var réttlætanlegt gagnvart
sjúklingunum að útskrifa þá?
„Hér var einungis um að ræða
örfáa dagsjúklinga og það var
engin áhætta tekin varðandi
heilsu þeirra með útskriftinni. Ég
kom þeim í öruggar hendur
lækna,“ svaraði Brynjólfur.
- Um hvað er deilt?
„Það eru held ég allir sammála
um að byggja upp legudeild í
spítalabyggingunni. En það tekur
sinn tíma og deilan stendur um
hvernig best sé að starfrækja
deildina á meðan. Ég var tilbúinn
til þess að starfrækja hana út
minn uppsagnarfrest, en bréfi
mínu hefur ekki verið svarað,
eins og ég sagði í upphafi. Mér
hefur borist til eyrna, að stjórn-
armönnum þyki ég setja upp of
harða skilmála. Það er þeirra
mat. Ég tel að það geti leitt til
ófyrirsjáanlegra hörmunga, að
sniðganga hugmyndir lækna um
það hvernig læknisþjónustu skuli
hagað,“ sagði Brynjólfur Ingv-
arsson í lok samtalsins.
„Því miður er ekkert útlit fyrir
að starfsemi Geðdeildarinnar fari
í gang aftur fyrr en annar sér-
fræðingur hefur verið ráðinn til
að veita henni forstöðu," sagði
Gunnar Sigurbjörnsson, fulltrúi
framkvæmdastjóra sjúkrahúss-
ins, í samtali við Dag.
„Brynjólfur hefur sagt starfi
sínu lausu og staða hans hefur
verið auglýst með umsóknarfresti
til 15. október. Það liggur því
ekki fyrir hvenær sérfræðingur
fæst til starfa."
- Hvað með tilboð Brynjólfs,
sem hann segir að hafi ekki verið
svarað?
„Brynjólfur sagði starfi sínu
lausu og uppsagnarfrestur hans
rennur út um næstu mánaðamót.
í beinu framhaldi af því var staða
hans auglýst. Brynjólfur gerði
stjórn sjúkrahússins síðan tilboð
varðandi áframhaldandi starf-
semi, en þar setur hann skilyrði,
sem stjórnin getur ekki gengið
að, þar á meðal ráðningu annars
sérfræðings. Það mál heyrir undir
Heilbrigðisráðuneytið og Hag-
sýslustofnun ríkisins,“ sagði
Gunnar Sigurbjörnsson.
e«(! P- 1983t- X)AGUR - 3