Dagur - 10.10.1983, Blaðsíða 9

Á AKUREYRI
námsbrautum: Eðlisfræðibraut,
málabraut, myndlistabraut, nátt-
úrufræðibraut, samfélagsbraut,
tónlistarbraut og viðskiptabraut
fjórða árs. Mikill sveigjanleiki er
í námi í skólanum og margar
leiðir leyfðar að markinu, sem er
stúdentspróf. Próf þetta veitir
engin starfsréttindi. Hins vegar
veitir stúdentspróf inngöngu í
háskóla víða um lönd, og við
flesta bandaríska háskóla fá nem-
endur frá Menntaskólanum á
Akureyri nám sitt hér metið jafn-
gilt tveggja ára háskólanámi þar.
Mikið heyrist um það rætt
þessi misseri, að of mikið megi af
því gera að mennta sig til bókar-
innar, og vel kann það rétt að
vera, því hóf er best í hverjum
hlut. Hins vegar tel ég ekki enn
gæta neins óhófs í skólagöngu
fólks og enn má auka að miklum
mun menntun íslendinga, bæði
hina almennu undirstöðumennt-
un svo og flesta starfsmenntun.
Það er svo hins vegar plagsið-
ur, þegar illa árar og erfiðlega
gengur í heimsversluninni, að
tala um að of mikið sé um skóla-
lærdóm og skólamenntun og
sjálfsagt sé því að spara við sig
þar, láta fólk fara að vinna svo að
það geti keypt varninginn.
Vona ég, að þið, góðir nem-
endur, notfærið ykkur margvís-
leg tækifæri, sem ykkur bjóðast
hér og virðið reglur skólans í
öllu.
Lokaorð
Hvað er skóli?
Skóli er ekki aðeins hús, og ef
til vill alls ekki hús, eins og við
höldum á stundum. Skóli er ef til
vill kennarar og nemendur, og
góður skóli verður að hafa á að
skipa áhugasömum nemendum
og færum kennurum. En það er
ekki nóg. Skóli verður að vera
meira. Skóli er heilsteypt samfé-
lag, skóli er líka vinátta og eðli-
leg samskipti, skóli er leit að ein-
hverju betra og skóli er andblær,
sem aldrei gleymist okkur meðan
lifað er.
Þannig skóli vill Menntaskól-
inn á Akureyri vera.
Menntaskólinn á Akureyri er
settur í hundraðasta og fjórða
sinn.
/
Sæmundur Guðvinsson fréttafulltrúi Flugleiða:
„Kostar Flugleiðir
milljónir að hafa
ekki varavöll hér“
- Enginn þrýstingur á Flugmálastjórn um slíkan vara-
flugvöll, segir Pétur Einarsson flugmálstjóri
„Það er tvennt sem skiptir
Flugleiðir mjög miklu varð-
andi þetta mál. Annars vegar
er það öryggið sem það veitir
að fá hér varaflugvöll fyrir DC-
8 vélar okkar sem eru í
Atlantshafsfluginu og hins veg-
ar er þetta mjög mikið fjár-
hagslegt atriði,“ sagði Sæ-
mundur Guðvinsson fréttafull-
trúi Flugleiða er Dagur ræddi
við hann varðandi varaflugvöll
fyrir þær vélar hér á landi, en
varaflugvöllur fyrir Boeingþot-
ur Flugleiða er á Akureyri.
„Eini flugvöllurinn hér á landi
þar sem DC-8 þotur okkar geta
lent á er í Keflavík og því er
varavöllur fyrir þær í Skotlandi.
Þetta þýðir að þær verða að taka
miklu meira eldsneyti bæði í New
York og Luxemborg heldur en
ella og með allt þetta aukaelds-
neyti brenna þær miklu meira. Ef
ekki þyrfti að fljúga með allan
þennan aukaþunga væri að sjálf-
sögðu hægt að nýta vélarnar bet-
ur til arðbærra flutninga.
Það er ekkert vafamál að það
kostar Flugleiðir milljónir króna
á ári að hafa ekki varavöll hér-
lendis. Það hefur aðallega verið
talað um þrjá staði þar sem hægt
væri að hafa þennan völl á, en
það eru Sauðárkrókur, Húsavík
og Egilsstaðir. Það sem skiptir
mestu máli er að aðflugið og
veðurskilyrði séu öðruvísi en hér
fyrir sunnan,“ sagði Sæmundur.
„Það hefur ekki verið tekin um
það endanleg ákvörðun hvar
varavöllur fyrir millilandaflug á
að vera þótt spjótin hafi mikið
beinst að Sauðárkróki,“ sagði
Pétur Einarsson flugmálastjóri er
við ræddum við hann um þetta
mál.
„Ef þú ert að tala um neyðar-
flugvöll þá er nóg til af völlum
þar sem hægt er að koma þessum
vélum niður. Ef verið er að tala
um varavöll í raun, sem vél á
Atlantshafsleiðinni getur planað
á sem fullkominn völl með öllum
öryggistækjum og öðru, þá verða
menn að setja það niður fyrir sér
hvað sparast á þessu.
Ég hef heyrt að DC-8 vélar
Flugleiða geti ekki flutt meiri
fragt þótt af þessu yrði. Það þarf-
þetta ekki fyrir Boeing-vélarnar.
Hins vegar þarf herinn þetta og
það er önnur saga. Þetta .getur
sparað hernum miklar fjárhæðir
að hafa varaflugvöll hér í stað
þess að hafa hann í Bretlandi.
Það er hins vegar mál sem ég veit
ekki meira um.“
- Hvaða vellir hérlendis geta
verið neyðarvellir fyrir DC-8 vél-
arnar?
„Þær þurfa að vísu geysilega
brautarlengd, en það er hægt að
koma þeim niður þótt erfitt geti
verið að koma þeim í loftið. Ég
þori ekki að fullyrða um þetta en
ég held að þeir kæmu henni niður
á Sauðárkróki. Það er hins vegar
hættulegt mál því hún gæti sópað
inn í hreyflana mölinni sem þar
er.“
Þess ber einnig að gæta að
Keflavíkurflugvöllur er með 98%
nýtingu. Varnarliðið er með
svokallað GSA kerfi sem rekið
er fyrir herinn og það er nánast
aðflug niður á braut. Þá erum við
að færa Keflavíkurflugvöllinn inn
í nýtt kerfi og það þýðir að lág-
markið verður um 50 fet.
Ég grennslaðist fyrir um það
hverjir það væru sem hefðu
mikinn áhuga á að fá þennan
varaflugvöll og ég hef nánast eng-
an hitt ennþá nema Norðlend-
inga sem sækja það fast. Það hef-
ur enginn flugrekstraraðili skrif-
að flugmálastjórn vegna þessa
máls og það er ekki þrýstingur á
okkur um slíkan varaflugvöll,“
sagði Pétur Einarsson flugmála-
stjóri að lokum.
12. starfsár Passíukórsins að hefjast:
Fyrirhugað að flytja
Messiah eftir Handel
Passíukórinn á Akureyri er að
hefja sitt 12. starfsár, reyndar
hófu félagar kórsins að æfa með
Leikfélagi Akureyrar „My fair
Lady“ um mánaðamótin ágúst-
september. Þar sem svo stór hluti
kórsins er í vinnu í leikhúsinu 4-5
kvöld í viku næstu 2 mánuði,
verður einungis 1 æfing á viku
fyrst um sinn. Að venju verður
þá æft á miðvikudagskvöldum kl.
20, í Tónlistarskólanum. Starfið
hefst með rabbfundi miðvikudag-
inn 12. október kl. 19 (ath. tíma-
setningu) en fyrsta æfing verður
19. október kl. 20. í haust eins og
undanfarin ár vantar fleira söng-
fólk og hvetjum við unga og
aldna (unga í anda) til þess að
mæta sem fyrst á æfingu og kynn-
ast starfinu eða hafa samband við
stjórnanda eða stjórnarlimi.
Verkefni vetrarins hafa ekki
verið ákveðin að fullu en fyrir-
hugað er að flytja jólaþáttinn úr
Messiah Handels, milli jóla og
nýárs. Eftir áramótin verður
væntanlega frumflutt eitt verk og
er verið að skoða nokkur í því
sambandi. Til greina hefur komið
að flytja “Mass“ eftir Leonard
Bernstein og verður þá nóg að
gera fyrir kór, jassleikara, rokk-
og bluessöngvara, jassballett-
dansara og strengjasveit, ef verk-
ið verður flutt með öllu sem til
þarf en mögulegt er að hafa
sviðsetningu minni.
Stjórnandi Passíukórsins er
sem fyrr Roar Kvam en stjórn
kórsins þetta starfsár skipa Þór-
oddur F. Þóroddsson (form.),
Elínborg Lárusdóttir (rit.), Guð-
rún Ingimundardóttir (gjaldk.),
Hildur Bergþórsdóttir og Ás-
björn Dagbjartsson.
Stjórnin.
10? (C>ktö,b,er fð83-tíÁÖtftt -9