Dagur - 12.10.1983, Blaðsíða 2
Á hvernig tónlist
hlustar þú helst?
Guðmundur Brynjarsson:
Ég hef ekki hlustað á hljóm-
plötu lengi. Eiginlega hlusta ég
mest á þá tónlist sem er í út-
varpinu.
Ámi Kjartansson:
Það er nokkuð misjafnt, eigin-
lega hlusta ég á allar tegundir
af léttri tónlist.
Steinþór Stefánsson:
Ég hlusta á allt. Sinfóníur eru
ágætar. Og það er ágætt að
hlusta á garnagaulið sem
maður er sjálfur að semja.
Baldur Halldorsson:
Það er helst róleg tónlist sem
ég hlusta á. Nei, ég er lítið gef-
inn fyrir poppið.
—ftt..................
Sigurður Ingvarsson:
Það er helst á danslögin í út-
I varpinu á kvöldin. Ég er ekki
I á neinni sérstakri stefnu.
„Hollendingar eru merkilega
líkir okkur íslendingum“
- segir Magnús Oddsson svæðisstjóri Arnarflugs í Amsterdam
„Hollendingar eru merki-
lega líkir okkur íslending-
um; þeir eru vinnusamir en
þeir skipuleggja sig ekki allt
of mikið,“ sagði Magnús
Oddsson, umdæmisstjóri
Arnarflugs í Evrópu, í sam-
tali við Dag í Amsterdam
fyrir skömmu.
Magnús er fæddur og uppalinn
á Akranesi, en eins og margir
aðrir Skagamenn lagði hann leið
sína í Menntaskólann á Akureyri
og lauk þaðan stúdentsprófi. Að
því loknu tók við kennsla heima
á Skaga og síðar í Hagaskólanum
í Reykjavík. Samhliða vinnu
lauk Magnús námi við Kennara-
háskólann, en þrátt fyrir það
leiddist hann ár frá ári meira inn
í ferðamannaþjónustu. Það byrj-
aði með fararstjórn fyrir Guðna
í Sunnu á Spáni 1974 og Magnús
vann fyrir Guðna yfir sumartím-
ann allt þar til hann hætti með
ferðaskrifstofuna. Þá fór Magnús
yfir til Arnarflugs, þar sem hann
hefur starfað síðan, fyrst við
markaðsmál innanlandsflugsins,
en þegar stefndi í áætlunarflug
félagsins milli landa fór Magnús
að vinna við það verkefni. Það
varð síðan til þess að hann flutti
til Amsterdam þegar reglubundið
áætlunarflug Arnarflugs til
Evrópulanda hófst. Þaðan stjórn-
ar hann kynningar- og sölustarf-
semi Arnarflugs í Evrópu, en fé-
lagið er með skrifstofur í Sviss og
Þýskalandi auk Hollands og þar
starfa 9 manns. Eiginkona Magn-
úsar er Ingibjörg Kristjánsdóttir.
Magnús var spurður hvort reynsl-
an hafi sýnt, að það hafi verið
rétt ákvörðun að veita Arnarflugi
heimild til áætlunarflugs til
Evrópu.
„Já, tvímælalaust,“ svaraði
Magnús. „Það er okkar bjarg-
fasta skoðun, að fleiri en einn að-
ili eigi að þjóna millilandaflugi
frá íslandi - og ég held að landar
okkar hafi þegar svarað því, að
það er þeirra vilji, þeir vilja hafa
val. Af sömu ástæðu vilja Akur-
eyringar hafa fleiri en eina ferða-
skrifstofu.“
- Nú hefur þú starfað við
þjónustu fyrir íslendinga á Spáni
og í Hollandi. Er þarna einhver
munur á?
„Já, það er verulegur munur.
Þeir sem fara til Spánar eru oftast
í hópferðum og gera lítið af því
að skoða sig um sjálfstætt. Þeir
sem koma hingað eru hins vegar
meira á ferðinni, taka gjarnan
bílaleigubíl og skoða sig um.
Með þessu er ég þó ekki að segja,
að Spánarfararnir séu ófærir um
að ferðast sjálfstætt. Hér getur
jafnvel verið um sama fólkið að
ræða, en í Spánarferðunum reyn-
ir ekki á sjálfsbjargarviðleitn-
ina.“
- Hvernig er að búa í Hol-
landi; er það ódýrara heldur en
heima?
„Ég hef kunnað ágætlega við
mig í þessa 15 mánuði sem ég hef
búið hér. Heilt yfir held ég að
verðlag hér sé svipað og heima.
Matur og aðrar daglegar nauð-
synjar eru að vísu ódýrari hér, en
á móti kemur að húsnæði er tals-
vert dýrara. Lífsgæðakröfur
Hollendinga eru líka aðrar en
hjá okkur. Það skiptir þá ekki
eins miklu máli að eiga dýrar og
vandaðar íbúðir, en í staðinn láta
þeir meira eftir sér á öðrum
sviðum; fara oftar út að borða til
dæmis og ferðast meira en við
gerum.“
- Hvað gerir íslendingur í
Hollandi í frístundum sínum?
„Ég hef haft ærinn starfa hér
síðan ég kom út, þannig að það
hefur ekki verið mikið um frí.
Gefist tækifæri til þá ferðast ég,
þvf ég hef gaman af að skoða
heiminn. Heima fyrir geri ég
mikið af því að horfa á sjónvarp,
enda get ég valið úr 8 sjónvarps-
stöðvum. Og ef ég hef von um
góðan knattspyrnuleik í nágrenn-
inu þá tel ég ekki eftir mér að aka
svolítinn spotta, ég tala nú ekki
um ef einhver landa okkar er þar
í sviðsljósinu.“
- Áttu von á langri dvöl í
Amsterdam?
„Ég hef gaman af að skoða heiminn,“ segir Magnús Oddsson.
„Það er undir stjórn Arnar-
flugs komið. Ég var ráðinn hér til
ársins, en nú erum við búin að
vera hér í 15 mánuði. Ef ég verð
beðinn að vera áfram þá reikna
ég með að taka því, en langvar-
andi búseta erlendis er ekki okk-
ar vilji,“ sagði Magnús Oddsson
í lok samtalsins.
Eftir að þetta samtal var tekið
höfum við fengið þær fréttir, að
Magnús komi heim og taki við
starfi markaðsfulltrúa Arnar-
flugs.
Hver er þessi Wilhelm?
„Lesandi“ sendi eftirfarandi
fyrirspurn til Dags; Hver er þessi
Wilhelm sem ritar grein eftir
grein í blaðið? Samkvæmt mann-
tali og íbúaskrá er til Vilhelm. Ef
þetta^er sami maðurinn, samrým-
ist það íslenskum lögum að
breyta nafni sínu? Þarf ekki heim-
ild Dómsmálaráðuneytisins og
birtingu auglýsingar þar um í lög-
birtingarblaði og öðrum fjölmiðl-
um? .,
'9-3006
1-5276
J
- J J. 5 9
-öOó'i
, - 9 j B
*5 5'6 7
víuH&LB
VILHFL-*
VlLHfcLM
V ILrv
________M
VILHEtM
VlLHtLM
Hendum þeim
ekkiut
Strætisvagnabflstjóri á Akureyri
hafði samband við blaðið og vildi
koma eftirfarandi á framfæri:
Við strætisvagnabílstjórar í
bænum erum mjög óhressir með
hvernig tekið er til orða í les-
endabréfi sem birtist í Degi ný-
lega. Þar er fjallað um öryggi
barna úr Innbænum í umferðinni
og segir m.a. á einum stað:
„Þessi mál horfa ekki betur við
börnum sem fara með stræt-
isvagni áleiðis til skólans því
þeim er hent út nálægt Hitaveit-
unni...“ - Ég vil koma því á
framfæri að við hendum börnun-
um ekki út úr vögnunum.
2 á.DAGUR m t2. októbér t983