Dagur - 26.10.1983, Blaðsíða 12

Nefndarálit varðandi stöðu byggingaiðnaðar á Eyjafjarðarsvæðinu:
Ársverkum í byggingaiðnaði
gæti fækkað um 200-300!
„Það er óhætt að segja að
ástandið hjá byggingaiðnað-
armönnum á Eyjafjarðarsvæð-
inu sé allt annað en gott,“
sagði Páll Hlöðversson í sam-
tali við Dag, en Páll er formað-
ur nefndar sem hefur unnið að
athugun á atvinnuástandi í
byggingaiðnaði á svæðinu.
Nefnd þessi var sett á laggirnar
að frumkvæði atvinnumála-
nefndar Akureyrar og var
henni ætlað að koma niður-
stöðum sínum til þingmanna
og sveitarstjórna. Nefndina
skipuðu Páll Hlöðversson frá
Akureyrarbæ, Guðmundur
Ómar Guðmundsson frá
Trésmiðafélagi Akureyrar,
Ingvar Kristinsson frá atvinnu-
málanefnd Dalvíkur, Ingólfur
Ólafsson frá Meistarasam-
bandi byggingamanna á
Norðurlandi og Ingvar Gísla-
son alþingismaður.
„Við höfum tekið saman nokk-
uð viðamikla skýrslu sem við
munum dreifa á næstunni og hún
sýnir okkur að það er veruleg
fækkun í byggingaiðnaði á svæð-
inu,“ sagði Páll. „Við bendum á
nokkur atriði sem gætu linað
þetta ástand um tíma og þar
kemur m.a. fram að æskilegt væri
að farið yrði í nokkrar opinberar
byggingar á svæðinu. Við bend-
um í okkar niðurstöðu á eina 20
liði sem við teljum að hægt sé að
gera átak í til þess að reyna að
bæta þetta ástand.“
- Þú talaðir um fækkun starfa
1 byggingaiðnaði á Eyjafjarðar-
svæðinu. Hvað er sú fækkun
mikil?
„í skýrslu okkar segir um
þetta: „Verði á þessum áratug
einungis byggt yfir fólksfjölgun-
ina þýðir það í raun að ársverk-
um í íbúðabyggingum gæti fækk-
að um 200-300 miðað við meðal-
tal áranna 1976-1980. Er því ekki
annað séð en grípa verði til rót-
tækra aðgerða ef koma á í veg
fyrir stórfellda og varanlega
fækkun starfsmanna í bygginga-
iðnaði“.“
Opna eftir
7 daga!
- segir Magnús Kjartansson í bréfi til
bæjaryfirvalda en hann hefur ekki fengið
leyfi til að opna leiktækjastofu
„Fái umsókn mín ekki já-
kvæða umsögn bæjarstjórnar -
bæjarráðs innan 7 daga mun ég
hefja rekstur leiktækjastofu og
kemur þá í hlut bæjarstjórnar
að ákveða hvort hún ætlar að
fara með þetta mál til dóm-
stóla, en ég mun að sjálfsögðu
halda uppi fullum vörnum í
málinu, ef til kemur.“
Pannig hljóða niðurlagsorð í
bréfi því er Magnús Kjartansson
skrifaði bæjarstjórn og bæjarráði
Akureyrar sl. fimmtudag, en
Magnús hefur sótt um leyfi til að
reka leiktækjastofu á Akureyri.
í upphafi bréfs síns segir
Magnús:
„I dag eru réttir fimm mánuðir
frá því ég sendi bæjarráði um-
sókn varðandi leyfi til að reka
leiktækjastofu á Akureyri. í við-
tali við bæjarstjóra nokkrum
dögum síðar kom fram að það
myndi taka einn til tvo mánuði að
fá þetta leyfi. Því var það í byrj-
un júlí að ég festi kaup á tækjum
sem ég ætlaði að nota við rekstur-
inn. Leiktæki þau er ég keypti
kostuðu hátt í hálfa milljón
króna. Pegar komið var fram í
ágúst og ekkert bólaði á leyfi frá
bæjarstjórn fór ég til bæjarfógeta
og óskaði eftir leyfi frá honum,
en samkvæmt lögreglusamþykkt
er það hann sem veitir leyfi. Ég
sendi honum skriflega beiðni
þann 19.08 1983. í dag er 20.
október og hefur mér ekki borist
svar hvorki frá bæjarráði né
bæjarfógeta, nema það er lesa
má í Degi...“
í bréfi sfnu rekur Magnús síð-
an baráttu sína fyrir því að fá
leyfi til rekstursins og segir m.a.:
„Og ekki nóg með það, bæjar-
stjórn Akureyrar sem er ekkert
annað en fulltrúar kjósenda ætlar
að brjóta 69. grein stjórnarskrár
íslands, en þar segir orðrétt:
„Engin bönd má leggja á
atvinnufrelsi manna nema al-
menningsheill krefji enda þarf
lagaboð til.“ Já dýr skyldi Hafliði
allur! Til að koma í veg fyrir
„ofsagróða“ á sem sagt að brjóta
öll lög sem tryggja rétt einstakl-
inga og veita fáum útvöldum
(íþróttafélögum, innsk. bl.
manns) einkarétt á leiktækjum.
Sumir eru greinilega jafnari en
aðrir...“
Snjólíf.
Mynd: KGA.
Alþýðubankinn:
Hafa beðið
á Ijórða ár
- Ég sé enga ástæðu til þess
að ætla annað en að við fáum
þetta leyfí en hins vegar er
ekki því að leyna að við höfum
beðið svara við umsókn okkar
ansi lengi án þess að fá nokkur
svör. Ætli það sé ekki hátt á
fjórða ár síðan við sóttum fyrst
um leyfíð, sagði Benedikt
Davíðsson, formaður banka-
ráðs Alþýðubankans í samtali
við Dag er við leituðum frétta
af útibúsmáli Alþýðubankans
hér á Akureyri.
Benedikt sagði að viðskipta-
ráðherra væri nú nýkominn heim
frá útlöndum þannig að það væri
von forráðamanna Alþýðubank-
ans að eitthvað færi að gerast
varðandi umsókn þeirra um leyfi
til útibúsreksturs á Akureyri.
- Við liggjum undir miklum
þrýstingi frá meðlimum verka-
lýðsfélaganna á Norðurlandi um
að opna útibúið sem nú er reynd-
ar nær tilbúið og við höfum því
reynt að ýta á eftir svörum af
bestu getu, sagði Benedikt.
- Hafið þið hugleitt að opna
afgreiðslu í húsakynnum Alþýðu-
bankans á Akureyri ef útibúsleyf-
ið fæst ekki?
- Það hefur ekki komið til tals
þó að það væri líklega framkvæm-
anlegt. Við erum vongóðir um að
fá leyfið og því höfum við ekki
undirbúið neinar aðrar aðgerðir,
sagði Benedikt Davíðsson.
Veður
í dag er reiknað með norð-
austanátt og slyddu hér
norðanlands, samkvæmt
upplýsingum veðurstofunn-
ar í morgun. Á morgun er
hins vegar reiknað með
vestanátt, jafnvel suð-
vestan, en þá verður að lík-
indum úrkomulaust. Á
föstudag er aftur reiknað
með norðanátt með slyddu
eða éljagangi, en síðan á að
birta til og reiknað er með
bjartviðri á laugardaginn.
# „Menningar-
vitar“
Ragnar Lár list listmálari er
hress að venju er hann var í
viðtali í Tímanum í gær í til-
efni af opnum sýningar sinn-
ar í Reykjavík. Ragnar sem
flutti til Akureyrar er m.a.
spurður hvort hann hafi sýnt
á Akureyri, og það stendur
ekki á svarinu: „Bara einu
sinni. Er ekki með nógu góð-
ar myndir handa þeim. Akur-
eyringar eru svo miklir menn-
ingarvitar og eiga svo mikið
af góðum listamönnum. En
þetta stendur til bóta hjá mér.
Ég reyni að skjóta á þá sýn-
ingu á næsta ári. Annars fara
þeir að álíta að ég vilji ekkert
með þá hafa ... “
# Enn er beðið
Lesendur íslendings bíða
enn eftir nýju og betra blaði
sem blaðstjórnin lofaði í
„áramótaávarpi“. Það hefur
orðið bið á umbótunum og
hætt er við að sú bið verði
enn lengri, því fjárhagur
blaðsins mun vera erfiður
þessa dagana. Samkvæmt
heimildum Dags skuldar
blaðið nú hátt á annað hundr-
að þúsund kr. fyrir prentun
hjá Skjaldborg hf. Allar líkur
eru til þess, að blaðið verði
ekki prentað nú í vikunni,
nema eitthvað verði greitt
upp í skuldina.
# Tækin tilbúin
En þrátt fyrir blankheitin
stendur blaðið í stórfram-
kvæmdum. í húsnæði
„flokksins“ í Kaupangi, sem
keypt var fyrir Sjalla-pening-
ana, stendur tilbúin prent-
smiðja, þar sem á að setja
blaðið og brjóta það um. Það
vantar aðeins fagmennina.
Hugsanlega fást þeir frá
Skjaldborg hf. þegar nýir eig-
endur taka við prentsmiðj-
unni um áramótin.
# My fair Lady
frestað
Geysileg aðsókn er í miða á
sýningar L.A. á My fair Lady,
uppselt á hverja sýningu. Því
kom það sér mjög illa þegar
aflýsa þurfti sýningu sl.
þriðjudagskvöld, en fyrir því
voru ríkar ástæður. Ragn-
heiður Steindórsdóttir sem
leikur hlutverk Elísu var
nefnilega fárveik og ekki
hefði verið ráðlegt að fara af
stað með sýningu án hennar.
Við skulum bara vona að hún
hressist sem allra fyrst svo
þeir sem bíða í ofvæni eftir
að sjá þetta mikla verk L.A.
þurfi ekki að bíða lengi.