Dagur - 02.11.1983, Blaðsíða 2
Þykir þér menn-
ingarlíf vera í
blóma hér norðan-
lands?
Karólína Árnadóttir:
Alls ekki. Ég held aö ef fólk
færi meira á samkomur, myndi
menningarlífið blómstra í
framhaldi af því.
Guðrún Óskarsdóttir:
Pað er ágætt hér. Við höfum
gott leikhús, málverkasýning-
ar og fleira - hins vegar mætti
gera meira fyrir yngri kynslóð-
ina, hún þarf ekki síður
menningarlífi að halda.
Helga Torfadóttir:
Já, ég myndi halda það.
Friðrik Friðriksson:
Það mætti vera blómlegra, sér
staklega kórstarf og annað
söngstarf.
Sigurður Arason:
Að sjálfsögðu er það ekki, ég
býst við að fólksfæðin hafi
mikið að segja, það er erfitt að
halda uppi góðu menningarlífi
á minni stöðum.
Göngudeild á Akureyri
er aðal baráttumálið
— Rætt við Rósu Helgadóttir nýkjörinn formann Samtaka
psoriasissjúklinga á Akureyri og nágrenni
Um helgina voru stofnuð á
Akureyri, samtök psoriasis-
sjúklinga á Akureyri og ná-
grenni. Nálægt 50 manns gerð-
ust stofnfélagar á fundinum en
vonir standa til að sú tala verði
allnokkru hærri því framhalds-
stofnfundur samtakanna verð-
ur haldinn um aðra helgi. Á
fundinum var Rósa Dóra
Helgadóttir kosin formaður
samtakanna en það er einmitt
hún sem er nú í Viðtali Dags-
ins.
- Það er búinn að vera mjög
langur aðdragandi að stofnun
þessara samtaka hér og það hefur
verið unnið mikið og gott undir-
búningsstarf á liðnum árum. Við
eigum mönnum eins og Birki
Skarphéðinssyni og Hirti Fjeld-
sted mikið að þakka en þeir hafa
verið í forsvari fyrir psoriasis-
sjúklinga hér á Norðurlandi
undanfarin ár, sagði Rósa Dóra
Helgadóttir er við náðum tali af
henni að loknum stofnfundi Sam-
taka psoriasis-sjúklinga á Akur-
eyri og nágrenni.
- Hver eru baráttumál hins
nýja félags?
- Pað er fyrst og fremst það að
koma á fót göngudeild hér á Ak-
ureyri. Psoriasis-sjúklingar hafa
hingað til þurft að leita suður til
Reykjavíkur til þess að komast í
meðferð og eftirmeðferð og það
segir sig sjálft hve mikið hags-
munamál það er að fá göngu-
deildina. Það er kostnaðarsamt
bæði fyrir ríkið og einstaklinga
að allir þurfi að sækja þessa þjón-
ustu á einn stað og göngudeild
hér gæti lækkað þennan kostnað
mjög mikið. í dag er aðeins ein
legudeild fyrir psoriasis-sjúkl-
inga, á Vífilsstöðum og það er
ekkert leyndarmál að þangað
fara aðeins þeir sem verst eru
haldnir. Ef mig minnir rétt þá eru
þar aðeins níu rúm og langir bið-
listar.
- Hvað með önnur baráttu-
mál?
- Við munum leggja mikla
áherslu á fræðslu- og kynningar-
starfsemi og þessa dagana erum
við að búa okkur undir að dreifa
veggspjaldi á sundstaði, íþrótta-
staði og sólbaðsstofur, þar sem
við vekjum athygli á því að psori-
asis er ekki smitandi sjúkdómur.
Yfirskriftin á þessu veggpsjaldi
er: Psoriasis smitar ekki frekar en
freknur og við vonum að þetta
verði til þess að hræðsla fólks við
þennan sjúkdóm minnki. Það er
staðreynd að psoroasis-sjúkling-
um hefur ekki alls staðar, s.s. í
sundlaugum, verið vel tekið og
það stafar m.a. af fáfræði. Ungt
fólk virðist hins vegar vera mun
skilningsríkara en það eldra og
við vonum að þetta sé upphafið
á víðtækari skilningi fólks á þess-
um sjúkdómi.
- Er ástandið erfitt í dag?
- Því er ekki að leyna að
margir psoriasis-sjúklingar þora
hreinlega ekki á opinbera staði
eins og sundstaði eða í íþrótta-
tíma, bæði vegna þess að það ótt-
ast að verða fyrir aðkasti og eins
vegna þess að það þorir ekki eða
vill ekki láta aðra sjá líkama sinn.
En þetta er vonandi að breytast.
- Er vitað hve margir hér á
Akureyri eða á Norðurlandi eru
með psoriasis?
- Það eru engar nákvæmar töl-
ur til en það hefur verið talað um
að á milli 2-4% af þjóðinni séu
haldin þessum sjúkdómi. Þetta er
að vísu mismunandi eftir lands-
hlutum en það er talsverður
fjöldi hér. Ég get nefnt dæmi að
í máli Reynis Valdimarssonar,
húðsjúkdómalæknis á stofnfund-
inum, kom fram að fyrsta árið
sem hann starfaði hér, þá greindi
hann psoriasis hjá mjög mörgum
sjúklingum og þegar haft er í
huga að margir hafa leitað suður
án þess að fá greiningu hér, þá er
ljóst að um umtalsverðan fjölda
er að ræða.
- Nú hefur verið mikið rætt og
ritað um „Bláa lónið“ á Svarts-
engi. Var fjallað um það mál á
stofnfundinum?
- Já þetta mál var rætt þar og
vitaskuld höfum við mikinn
áhuga á því sem þar er að gerast.
Hingað til hefur skort upplýsing-
ar um Bláa lónið en nú mun vera
fyrirhugað að hefja umfangsmikl-
ar og vonandi marktækar rann-
sóknir á lækningamætti lónsins.
Reyndar ætlaði Valdimar Ólafs-
son formaður Landssamtaka
psoriasis-sjúklinga að mæta á
stofnfundinn til okkar og ræða
þessi mál en því miður þá varð
ekkert af því vegna veðurs. En
Valdimar hefur í hyggju að mæta
á framhaldsstofnfundinn og þá
verður Bláa lónið á dagskrá.
- Hvað með skilning hins
opinbera á málefnum psoriasis-
sjúklinga?
- Við höfum fengið hinn svo-
kallaða Stera-áburð, sem er mikið
notaður, frítt fram að þessu en
annan áburð svo og lyf höfum við
þurft að kaupa. Hvað varðar sól-
arlandaferðirnar sem vitað er að
80% sjúklinga hafa mjög gott af,
þá höfum við fengið þær þrjár
ferðir sem skipulagðar eru á ári
hverju, borgaðar en vitaskuld
hafa ekki nærri allir átt heiman-
gengt eða komist í þessar ferðir.
En við erum bjartsýn og höfum
trú á framtíðinni. Psoriasis er að
vísu ólæknandi sjúkdómur en við
verðum bara að reyna hvað við
getum til að halda honum í skefj-
un og lifa sem eðlilegustu lífi,
sagði Rósa Dóra Helgadóttir.
Rósa Helgadóttir.
Eftir standa hræðileg mistök...
Siglufjörður 11. október ’83
Vegna undangenginnar umræðu
á fundum bæjarstjórnar Siglu-
fjarðar um ágreiningsmál milli
annars vegar veitustjóra og hins
vegar bæjarstjórnar Siglufjarðar,
sendi ég undirritaður bæjar-
stjórninni eftirfarandi bréf.
í upphafi þessa bréfs vil ég
undirstrikað harma þau vinnu-
brögð sem viðhöfð hafa verið við
afgreiðslu þessa ágreiningsmáls
og vona jafnframt að bæjarfull-
trúar beri gæfu til að slíkt og ann-
að eins heyri sögunni til í náinni
framtíð.
Málefnaleg umræða þessa
máls, samanber bókanir í opnum
fundargerðum bæjarins verður að
teljast með ólíkindum. Forleikur
þessa máls er allur lagður til
hliðar, það sem á undan er geng-
ið skal grafið og gleymt.
Persónulegt ágreiningsmál er
afgreitt hrátt, birt í opnum fund-
argerðum, þar sem bókanir eru
óvægnar, ærumeiðandi og nánast
í æsifréttastíl.
Á fundi bæjarstjórnar 22. sept-
ember má lesa tillögu frá Jóni
Dýrfjörð, Kolbeini Friðbjarnar-
syni og Sigurði Hlöðverssyni. í
þeirri tillögu má lesa uppáskrift
f.v. bæjarstjóra - Nafngreindur,
f.v. form. veitunefndar - Nafn-
greindur og núverandi formanns
veitunefndar - Ekkert nafn.
Hvað þetta segir mönnum um
pólitískt ívaf með tilliti til frekari
drejfingar á fundargerðum til
annarra fjölmiðla.
Hver og einn getur síðan getið
sér til um ástæður þess að fundar-
gerðum er nú dreift til annarra
fjölmiðla frekar en endranær.
Eftir að hafa fylgst með gangi
þessa máls, þá dregur það ekki úr
skoðun minni að persónulegar pg
pólitískar ástæður komi fram og
liggi annars vegar fyrir í þeim
ótrúlegu vinnubrögðum sem hér
hafa verið viðhöfð. Afgreiðsla
þessa máls mælir eindregið á
móti hugmynd minni um lýðræði
og almennt réttarfar þess. Að
velta manni upp úr slíku ágrein-
ingsmáli þar sem undanfarandi
eðlileg málsmeðferð er ógengin
gerir enginn nema sá sem ekki sér
æru hans, fjölskyldu og aðra ást-
vini. Einnig er ótrúlegt að póli-
tískur og persónulegur andstæð-
ingur geti átt svona nokkuð
skilið. Eftir standa hræðileg mis-
tök þeirra bæjarfulltrúa sem hlut
eiga að máli.
Bergþór Atlason.
2 - DAGUR - 2. nóvember 1983
*', mh» i •* 1 * »/1 # * r** * t t » s*