Dagur - 07.11.1983, Blaðsíða 4
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 130 Á MÁNUÐI - LAUSASÖLUVERÐ 18 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Dreifa byrðum
atvinnusamdráttar
í stjórnmálaályktun sem samþykkt var á 27.
kjördæmisþingi framsóknarmanna í Norður-
landskjördæmi eystra sem haldið var dagana
4.-5. nóvember segir:
„Kjördæmisþingið telur að rétt hafi verið og
óhjákvæmilegt að Framsóknarflokkurinn
stæði fyrir myndun núverandi ríkisstjórnar.
Efnahagsmálum og afkomu atvinnuveganna
var þannig háttað að brýnt var að mynda
meirihlutastjórn þegar að loknum alþingis-
kosningum. í stjórnarmyndunarviðræðum
milli þingflokka kom skýrt í ljós að ekki var
fyrir hendi annar möguleiki til myndunar
meirihlutastjórnar. Án núverandi stjórnar-
samvinnu var ekki annað fyrirsjáanlegt en
langvarandi stjórnarkreppa með háskalegum
pólitískum og efnahagslegum afleiðingum.
Kjördæmisþingið leggur áherslu á að fram-
fylgt verði af festu þeirri stefnu sem mörkuð
er í stjórnarsáttmála, að tryggja atvinnuör-
yggi í landinu, jafnframt því sem ráðstafanir
eru gerðar til þess að draga úr verðbólgu.
Aðgerðir ríkisstjórnarinnar í efnahagsmál-
um hafa þegar borið þann árangur að verð-
bólga hefur hjaðnað og atvinna hefur yfirleitt
haldist í góðu horfi, þegar litið er til landsins
í heild. Þessu ber að fagna.
í ljósi nýjustu upplýsinga um ástand fiski-
stofna og horfur í sjávarútvegi telur þingið
líkur á verulegum atvinnusamdrætti, verði
ekki hart brugðist við. Þingið telur að verði
atvinnuleysi ekki umflúið, skuli birðum
þess dreift t.d. með styttingu vinnutíma, svo
að störf skapist fyrir fleiri.
Þingið viU minna á að Framsóknarflokkur-
inn hafnar því algjörlega að atvinnuleysi sé
notað sem tæki til að breyta tekjuskiptingu
og gerð þjóðfélagsins.
Þá skorar þingið á stjórnvöld að þau beiti
sér þegar í stað fyrir aðgerðum sem tryggi
viðunandi kaupmátt lágmarkstekna, en þar
sem ljóst er að þjóðartekjur fara lækkandi um
sinn telur þingið að þessu markmiði megi ná
með tekjujöfnun í þjóðfélaginu".
Á þessu 27. kjördæmisþingi framsóknar-
manna í Norðurlandskjördæmi eystra var í
stjórnmálaályktun einnig fjallað um fjöl-
skyldu og jafnréttismál og áhersla lögð á að
hinn mannlegi þáttur gleymist ekki í póli-
tískri umræðu um atvinnumál og hjaðnandi
verðbólgu. Fjölskyldan sé hornsteinn þjóðfél-
agsins og því beri að taka fullt tillit til hennar
og skapa henni þær bestu aðstæður sem
hægt sé. í jafnréttismálum verði að búa svo
um hnútana að allir þegnar þjóðfélagsins búi
við sem réttlátastan hlut.
Ingvar Gíslason, alþingismaður, flytur ræðu sína á þinginu.
Ályktun 27. þings KNFE um atvinnumál:
Nýta ber hvert tæki-
færi til arðbærrar
iðnaðarframleiðslu
Á 27. kjördæmisþingi fram-
sóknarmanna í Norðurlands-
kjördæmi eystra var gerð
ályktun um atvinnumál, sem
samþykkt var samhljóða. Fer
ályktunin hér á eftir:
27. kjördæmisþing framsókn-
armanna í Norðurlandskjördæmi
eystra leggur áherslu á að efla
atvinnustarfsemi og uppbygginu
atvinnulífs í kjördæminu, þannig
að atvinnuöryggi og þróun
atvinnumála verði sem hagstæð-
ust.
Skapa verður eðlileg rekstar-
skilyrði fyrir atvinnureksturinn
svo hann geti eflst af eigin ramm-
leik. Jafna þarf starfsskilyrði
atvinnugreinanna. Skattalögum
verði breytt þannig að þau örvi
eiginfjármyndun og fjárfestingu.
Þingið minnir á þá mörgu sigra
sem norðlenskir samvinnumenn
hafa unnið á liðnum áratugum á
sviði atvinnumála og verslunar.
Vegna þeirrar reysnlu sem
fengist hefur af samtakamætti
fólksins á umræddum sviðum
leggur þingið þunga áherslu á að
kannaðir verði allir möguleikar
til að auka atvinnuval í kjördæm-
inu á vegum samvinnuhreyfíngar-
innar. Því skorar þingið á sam-
vinnufélögin í kjördæminu og á
Norðurlandi öllu að efla
samstarf sín á milli á sviði
atvinnuuppbyggingar til að
hamla gegn byggðaröskun.
Pjónusta
Þjónusta ýmiss konar er vaxandi
þáttur í atvinnulífi þjóðarinnar.
Þingið telur það réttlætiskröfu að
opinber þjónusta verði efld í
kjördæminu. Ef þjónustustarf-
semi fær ekki skilyrði til að eflast
á landsbyggðinni þýðir það að
hún eflist þeim mun meira á
höfuðborgarsvæðinu.
Almennur iðnaður
Allt bendir til þess að almennur
iðnaður verði að taka við stærst-
um hluta þess vinnuafls sem kem-
ur út á vinnumarkaðinn á kom-
andi árum. Ekki má ganga á hlut
þessa vaxtarbrodds íslensks
atvinnulífs með stjórnvaldsað-
gerðum. Efla verður rannsókna-
og þróunarstarfsemi í iðnaði og
nýta hvert tækifæri, smátt og
stórt, til arðbærrar iðnaðarfram-
leiðslu.
Kjördæmisþing telur óhjá-
kvæmilegt að íslenskur iðnaður
til innanlandsnota sé efldur og
metinn að verðleikum og að við
afhendum ekki til útlanda
atvinnutækifæri sem vaxandi þörf
er fyrir á landi hér. Telur þingið
að jafnan þurfi að ligga fyrir sem
gleggstur gæða- og verðsaman-
burður svo að innlend fram-
leiðsla njóti sannmælis. Þá telur
þingið að gera beri kröfu um, að
innfluttum vörum fylgi ávallt
leiðbeiningar á íslensku.
Sjávarútvegur
Pegar í stað verður að hefja
endurskipulagningu sjávar-
útvegsins með hagkvæmari nýt-
ingu flotans, bættri nýtingu aflans
og auknum gæðakröfum. Jafna
verður rekstrarskilyrði veiða og
vinnslu. Sérstaka áherslu þarf að
leggja á nýtingu vannýttra fiski-
stofna og hvers konar fullvinnslu
sjávaraflans.
Landbúnaður
Full þörf er á að hefja þegar
heildarendurskoðun í landbún-
aðinum með hagkvæmni fyrir
þjóðarbúið að leiðarljósi, svo
hann geti veitt fleiri vinnufúsum
höndum atvinnu. Efla verður
framleiðslu heimafengins fóðurs,
bæta samkeppnisaðstöðu og
skipulag loðdýraræktar, nýta
hlunnindi skynsamlegar en gert
hefur verið og stórauka fiskeldi í
sjó og ferskvatni, ef hagkvæmt
reynist.
Orkuiðnaður
Samhliða annarri atvinnuupp-
byggingu verður að stefna mark-
visst að hagkvæmri nýtingu orku-
linda landsins. Ljóst er að stað-
arval orkuiðnaðar mun hafa af-
gerandi áhrif á byggðajafnvægi.
Pingið skorar á stjórnvöld að
hraða svo sem kostur er nauð-
synlegum rannsóknum vegna
hugsanlegrar byggingar álvers við
Eyjafjörð. Verði talið öruggt að
lífríki Eyjafjarðar verði ekki
hætta búin, og takist að tryggja
hagkvæmt orkuverð, styður þing-
ið byggingu slíks álvers við Eyja-
fjörð. Þá leggur þingið áherslu á
uppbyggingu stærri iðnaðar víðar
í kjördæminu og minnir sérstak-
lega á Húsavík í því sambandi.
Forsetar þingsins voru Haukur Haildórsson og Úlfliildur Rögnvaldsdóttir.
Jóhannes Geir Sigurgeirsson, sem er næstur á myndinni, var endurkjörinn
formaður stjómar KFNE. Myndir: H.Sv.
4 - DAGUR - 7. nóvember 1983