Dagur - 14.11.1983, Blaðsíða 9

Á að byggja einbýlishús syðst
í Fjörunni? Á að byggja iðn-
garða norðan við Höepfners-
húsið? Á að byggja hótel aust-
an við Tuliníusarhúsið? Á að
byggja einbýlishús á gamla
leikvellinum í Búðagili? Á að
leyfa sjúkrahúsinu að byggja
starfsmannabústaði á brekku-
brúninni umhverfis Litla-
Klepp?
Skipulagsnefnd Akureyrar
vinnur að því þessa dagana, að
leita svara við þessum spurning-
um og raunar mörgum öðrum, í
sambandi við deiliskipulag af
Innbænum og Fjörunni. Arki-
tektarnir Hjörleifur Stefánsson
og Peter Ottosson hafa gert til-
lögur að skipulaginu til nefndar-
innar. Fela þær í sér það sem um
er spurt hér að framan og margt
fleira athyglisvert kemur þar
fram. Meðal annars er gert ráð
fyrir auknum umsvifum Minja-
safnsins og einnig er Skautafélag-
inu ætlað svæði fyrir hlaupa-
braut. Þá er reiknað með að hest-
húsabyggðin í efri hluta Búðagils
fái að halda sér.
® Skiptar skoðanir
Skiptar skoðanir hafa verið um
tillögur arkitektanna innan
skipulagsnefndar og ekki síður
meðal bæjarbúa. Mörgum finnst
ekkert athugavert við að þétta
byggðina í gamla Innbænum,
elsta hluta Akureyrar, en aðrir,
einkum þeir sem í þessum bæjar-
hluta búa vilja að heildarsvipur
hverfisins haldist óbreyttur, eða
Er rétt að byggja 14 einbýlishús á
þessuin stað?
því líkastur sem hann hefur verið
í áratugi.
„Ég reikna með að skipulags-
nefnd móti afstöðu sína á næstu
vikum; ég á von á að það geti
orðið innan hálfs mánaðar,"
sagði Finnur Birgisson, skipu-
lagsstjóri, í samtali við blaðið.
Gat hann þess jafnframt að
nefndin hefði tekið jákvætt undir
þær hugmyndir arkitektanna,
sem búið væri að taka afstöðu til.
Ekki vildi hann þó tiltaka
hvaða þættir það væru.
Arkitektarnir gera ráð fyrir
13-14 „stakstæðum" húsum
sunnan og norðan við Aðalstræti
63, sem er eina húsið austan
Aðalstrætis á löngum kafla. Um
þetta atriði hefur skipulagsnefnd
ekki náð samstöðu, samkvæmt
upplýsingum Finns. Kemur þar
margt til, þar á meðal gamli
Naustavegurinn, en á svipuðum
stað og hann er nú er ætlunin að
leggja tengibraut fyrir byggð
framtíðarinnar á Naustatúnum
og þar í grennd.
Er rétt að byggja 40-50 íbúðir í
raðhúsum á þessum stað?
® Óþarfi?
„Ég er mjög óhress með þá þétt-
ingu á byggð sem er fyrirhuguð í
Innbænum og Fjörunni,“ sagði
Sverrir Leósson einn af íbúum
Fjörunnar. „Ég sótti um heimild
bæjaryfirvalda til að rífa gamalt
ónýtt hús við Aðalstræti fyrir
tveim árum með það fyrir
augum að byggja nýtt hús í
staðinn. Ég hafði hugsað mér að
hafa húsið þannig að gerð að það
félli vel inn í umhverfið og lagði
tillöguteikningar fyrir bæjarappa-
ratið. En þegar mér haföi verið
þvælt fram og aftur á milli stofn-
ana bæjarins var erindi mínu
synjað á þeim forsendum að
Fjaran ætti að fá að halda sinni
mynd. Ég veit því ekki hvað hef-
ur valdið sinnaskiptum bæjarins
í þessu máli núna ef þessar hug-
myndir verða að veruleika. Hins
vegar er ég enn á þeirri skoðun
að það eigi að leyfa byggingar í
stað ónýtra húsa og á stökum
lóðum. Én það er alger óþarfi að
skipuleggja heilu hverfin í gamla
bænum á sama tíma og mikið er
um byggingarlóðir í öðrum hverf-
um bæjarins,“ sagði Sverrir Leós-
son.
„Ég vil ekki útiloka þéttingu á
byggð í Innbænum og Fjörunni
á meðan málið er í athugun og
til umfjöllunar,“ sagði Jónas Karl-
esson formaður skipulagsnefnd-
ar, í samtali við blaðið. Hann
sagði að bæjarverkfræðingi og
bæjarstjóra hafi verið falið að
kanna ýmsa þætti varðandi ein-
býlishúsin innst í Fjörunni. Vildi
hann því ekki tjá sig um sína
skoðun á þeim þætti fyrr en þeim
athugunum yrði lokið.
„Ég hef ekki mótað mína af-
stöðu til hugsanlegra einbýlis-
húsalóða innst í Fjörunni, því
ýmsir þættir þess máls eru enn
óljósir," sagði Sigurður J. Sig-
urðsson, bæjarfulltrúi og skipu-
lagsnefndarmaður. „Ég get ekki
séð að þessi byggð, ef úr verður,
komi til með að skaða þá íbúa
sem fyrir eru, nema síður væri,
því það ætti að auðvelda alla
þjónustu við hverfið. Hins vegar
veit ég ekki hvers vegna arkitekt-
arnir gerðu ekki frekar tillögu um
húsalínu austan götunnar, eins og
áætlað var þegar Aðalstræti var
byggt. Mér finnst það allt eins
koma til greina, án þess að ég sé
að tala um að húsin standi í
skipulegri röð eins og tíðkaðist,“
sagði Sigurður.
® Ekki fyrir spítalann
í skipulagstillögum arkitektanna
er einnig gert ráð fyrir íbúða-
byggð á svæðinu sunnan og neð-
an við sjúkrahúsið. Þar hafa
Hjörleifur og Peter hugsað sér
raðhús eða keðjuhús með 40-50
íbúðum sem vel gætu hentað
starfsfólki spítalans, eins og þeir
orða það.
„Mér finnst ekki raunhæft að
tala um þessa byggð fyrir einn
eða annan vinnustað," sagði Jón-
as Karlesson, formaður skipu-
lagsnefndar, um þetta atriði. Sig-
„Gamla Akureyri
er einstakur
bæjarhluti“
- Deiliskipulag fyrir Fjöruna og Innbæinn í fæðingu
urður J. Sigurðsson tók í sama
streng og hann sagði jafnframt,
að slíkt skapaði slæmt fordæmi
gagnvart öðrum vinnustöðum.
Hann vildi hins vegar ekki úti-
loka byggð á þessu svæði, þó ef
til vill mætti hugsa sér hana í
öðru formi en arkitektarnir gerðu
tillögu um, t.d. einbýlishús, sem
féllu vel að umhverfinu.
„Ég hef í sjálfu sér ekkert á
móti nýjum húsum hér í nágrenni
við mig, enda fer ég ekki að am-
ast við umhverfismálum, kominn
á þennan aldur,“ sagði Haraldur
A að láta Minjasafnið fá þessa ióð,
eða á að leyfa eigendum liennar að
byggja þar einbýlishús?
Sigurgeirsson, sem er fæddur og
uppalinn við Spítalaveg og þar
hefur hann lengst af búið.
„Það er í lagi að þétta byggð-
ina, frekar heldur en að þenja
hana út, en það er gaman að hafa
græna bletti innan um ef þeir eru
vel hirtir. Þetta svæði hér fyrir
sunnan og ofan mig hefur verið
mjög illa hirt undanfarin ár. Þar
hefur mátt sjá njólaskóga, sinu-
lubba og aðra órækt. Þá er betra
aö byggja á svæðinu,“ sagði Har-
aldur.
Það má telja víst, að lóðir á
umræddum stað verða eftirsótt-
ar, verði það úr að skipuleggja
þar byggð. Ástæðan er útsýnið
sem óvíða á Akureyri er meira
eða fallegra. Það er líka mikið at-
riði að vel takist til með húsagerð
því þessi staður er mjög áberandi
í umhverfinu, t.d. séð frá sjónar-
hóli þeirra sem koma til bæjarins
um Drottningarbraut.
® Iðngarðar eða mótel?
Peter og Hjörleifur gera ráð fyrir
iðngörðum norðan og austan við
Höepfnersverslun og verslun
með þjónustu við ferðamenn
austan við Tuliníusarhús. Sigurð-
ur sagðist ekki geta sætt sig við að
sjá á þessum stað iðngarða í
þeirri mynd sem fælist í því orði,
t.d. bifreiðaverkstæði með til-
heyrandi umhverfi. Hann sagðist
hrifnari af þeirri hugmynd, að
ætla þarna stað fyrir mótelbygg-
ingu, ellegar handverksmenn,
sem byggðu starfsemi sína jafn-
hliða framleiðslunni á verslun og
þjónustu, t.d. við ferðamenn.
Stjórn Minjasafnsins á Akur-
eyri hefur hug á landvinningum í
Innbænum. Vakir þá einkum
tvennt fyrir stjórninni; flutningur
gamalla húsa til safnsvæðisins og
sýning á stórum og fyrirferðar-
miklum safngripum utanhúss.
Peter og Hjörleifur telja eðlilegt
að uppfyllingin austan núverandi
safnlóðar verði „helguð" safninu,
t.d. til að koma þar fyrir húsum
eða safngripum tengdum sjávar-
útvegi. Einnig benda þeir á lóð-
ina nr. 62 við Aðalstræti, sunnan
Minjasafnsins, ásamt Skammagili
sem besta kostinn til stækkunar
safnlóðarinnar. Benda þeir á að
á lóðinni sé gamalt hús sem æski-
legt sé að varðveita og gæti orðið
hluti safnsins auk gömlu húsanna
Aðalstrætis 66 og 66a. Þessi lóð er
hins vegar eignarlóð sem er í eigu
erfingja Ármanns heitins Dal-
mannssonar. Dagur bar þessa
hugmynd undir Stefaníu dóttur
hans.
„Við systkinin erum eðlilega
ekki hrifin af þessum hugmynd-
um og verði þær að veruleika
munum við mótmæla skriflega til
ráðamanna bæjarins," sagði Stef-
anía. „Við höfum haft áhuga á að
byggja á þessari lóð eitt hús til að
byrja með og jafnvel annað
síðar. Þau hús kæmu til með að
standa vestar á lóðinni en gamla
húsið og það á að standa áfram.
Við höfum staðið í bréfaskriftum
við Akureyrarbæ út af þessu í tvö
ár en aldrei fengið skriflegt svar.
Hins vegar hefur verið rætt við
okkur,“ sagði Stefanía Ármanns-
dóttir.
Umrædd lóð er nokkuð stór og
þar er myndarlegur trjágróður,
enda var Ármann heitinn með
uppeldisstöð fyrir trjáplöntur á
lóðinni, auk matjurtagarðs. Ofan
lóðarinnar á Friðrik Magnússon,
lögmaður, eignarland og í
Skammagili er fjárhús Sverris
Hermannssonar á erfðafestu-
landi.
Auk þess sem hér hefur verið
drepið á eru ýmis atriði í skipu-
lagstillögum arkitektanna, sem
að líkindum eiga eftir að vekja
athygli. Má þar á meðal nefna
smábátahöfn, þar sem gömlu
Höepfnersbryggjunnar eru.
í tillögum sínum leggja arki-
tektarnir áherslu á að húsgerð
verði við hæfi, ef úr nýbyggingum
verður. Vilja þeir að efnt verði til
hugmyndasamkeppni um húsa-
gerð á svæðinu, sem hús-
byggjendur gætu síðan valið úr.
í lok tillögu sinnar segja þeir Pet-
er og Hjörleifur orðrétt:
„Hönnun gatna, stíga og op-
inna svæða og frágangur þeirra er
jafnvel enn mikilsverðari þáttur
í framtíð Fjörunnar og Innbæjar-
ins en ný hús sem byggð verða á
svæðinu. Segja má að gamla Ak-
Er rélt að byggja 4-5 einbýlishús á
þessum stað?
ureyri hafi verið fullbyggð um
1910. Nú sjötíu árum síðar er enn
ekki lokið frágangi gatna og
stíga, sem lagðir voru um og fyrir
aldamótin.
Gamla Akureyri, Fjaran og
Innbærinn, er einstakur bæjar-
hluti og enginn annar bær á land-
inu á sér líkan. Framtíð hans
ræðst af þekkingu bæjaryfirvalda
á sögu hans og skilningi þeirra á
því hve merkur bæjarhluti gamla
Akureyri er og hve margvísleg og
einstök hús þar er að finna."
® Borgarafund?
Samkvæmt upplýsingum Finns
Birgissonar, skipulagsstjóra, hef-
ur ekki verið ráðgert að halda
boragarafund um þessar skipu-
lagstillögur. Hins vegar verður
skipulagið auglýst og uppdrættir
hengdir upp bæjarbúum til sýnis,
eftir að skipulagsnefnd og bæjar-
stjórn hafa samþykkt það. Síðan
gefst bæjarbúum kostur á að gera
skriflegar athugasemdir sem
sendar verða með skipulaginu
þegar það verður sent til endan-
legrar staðfestingar hjá Félags-
málaráðuneyti. Þar verður síðan
metið hvort eðlilegt sé að taka til-
lit til þessara athugasemda. En af
hverju heldur skipulagsnefnd
ekki borgarafund, áður en skipu-
lagið verður mótað til þess að
kynnast viðhorfum bæjarbúa,
ekki síst þeirra sem í Innbænum
og Fjörunni búa?
„Það hefur verið haft samband
við stærstu hagsmunaaðila á
svæðinu og það er ætlun okkar að
standa myndarlega að kynningu
á þessu skipulagi. Hér er því eng-
inn feluleikur á ferðinni. Ég get
tekið undir það, að borgarafund-
ur yrði til að eyða tortryggni, ef
hún er fyrir hendi," sagði Jónas
Karlesson og Sigurður J. Sigurðs-
son var spurður sömu spurning-
ar.
„Ég tel það sjálfsagt að kynna
þessar skipulagstillögur á borg-
arafundi, áður en skipulagið
verður afgreitt í skipulagsnefnd
og bæjarstjórn.
Það gerir ekki annað en gott
fyrir bæjarfulltrúa að kynnast
hugmyndum bæjarbúa,“ sagði Sig-
urður J. Sigurðsson.
14. nóvember 1983 - DAGUR - 9