Dagur - 18.11.1983, Blaðsíða 3

18. nóvember 1983 - bÁGUR - 3
Um 240 gluggar á Fjórðungssjúkrahúsinu á Akureyri
halda hvorki vatni né vindum:
„Veröur ekkl lagfært án þess
aö peningar fáist til þess“
- segir Ásgeir Höskuldsson framkvæmdastjóri Sjúkrahússins
„Ég verð því miður að viður-
kenna að þetta hefur við rök
að styðjast,“ sagði Ásgeir
Höskuldsson framkvæmda-
stjóri Sjúkrahússins á Akureyri
er við bárum undir hann
bókun heilbrigðisnefndar frá
3. nóvember sl.
Eins og fram kom í Degi í síð-
ustu viku, í samtölum við starfs-
menn Fjórðungssjúkrahússins,
þá telja þeir að gamli hluti spítal-
ans sé að drabbast niður vegna
viðhaldsleysis, sem stafar af fjár-
skorti. Þetta er staðfest í bókun
heilbrigðisnefndar, en þar segir
m.a.: „Rætt var um gluggakerfi
Fjórðungssjúkrahússins á Akur-
eyri, sem hvorki heldur vatni eða
vindum, sem veldur vaxandi
vatnselg innanhúss og kulda í
viðeigandi vindáttum..."
Þá segir í bókun nefndarinnar
að nefndin líti svo á að nokkuð
vanti á að þetta húsnæði uppfylli
skilyrði heilbrigðisreglugerðar og
beinir nefndin þeim tilmælum til
stjórnar sjúkrahússins að vinda
bráðan bug að því að láta lagfæra
glugga og annað það sem þarf til
að sjúklingum séu búin sóma-
samleg skilyrði.
„Þetta á við um elsta hluta
sjúkrahússins,“ sagði Ásgeir
Höskuldsson. „í slagviðri er
ástandið mjög slæmt hvort heldur
vindátt er að sunnan eða norðan,
og þá lekur mjög mikið inn um
glugga og jafnvel inn um veggi.
Við höfum reynt að laga þetta
með bráðabirgðalausnum á
hverju ári svo lengi sem ég hef
verið hér eða frá 1974. Þetta eru
gamlir hverfigluggar sem komu
til landsins um 1950 og eru með
fyrstu hverfigluggum sem settir
voru í stórbyggingu hér á landi,
og hafa alla tíð reynst óþéttir og
batna ekki með aldrinum.
Ég er búinn að sækja um fjár-
magn til að lagfæra þetta á hverju
ári. Umsóknirnar um tækjakaup
og viðhald hafa hins vegar verið
skornar verulega niður og þetta
hefur setið á hakanum þar sem
ekki hefur jaðrað við rekstrar-
stöðvun vegna þessa máls eins og
vegna annarra hluta.
Þetta verður ekki iagfært án
þess að peningar fáist til þess.
Við höfum verið með áætlanir
um það í fyrra og eins í ár að
skipta um þessa glugga á fjórum
árum en hér er um að ræða 240
glugga sem þarf að skipta um.
Það hefur hins vegar ekki fengist
nema brot af því fjármagni sem
þurft hefur til að gera hluti sem
við teljum bráðnauðsynlega og
það blasir við að það verður lítið
annað gert en að fara í bráða-
birgðalagfæringar á þessu vanda-
máli,“ sagði Ásgeir.
Aðstandendur þáttarins t.f.v.: Unnur Ólafsdóttir, umsjónarmaður, Þorgerður Einarsdóttir, Ásmundur Amarsson,
Benedikt Arnarson, Ingimar Guðni Haraldsson, Ásrún Atladóttir, tónmenntakennari, og fyrir aftan hana er
Margrét Unnur Axelsdóttir. Mynd: H.Sv.
Akureyringar I
finnska útvarpinu
Fimm börn frá Akureyri munu
koma fram í nýársdagskrá
finnska útvarpsins að þessu
sinni, en um árabil hafa íslensk
börn komið fram í þessari
dagskrá. Akureyringar hafa
ekki áður orðið þessa heiðurs
aðnjótandi. Umsjón með þess-
ari dagskrárgerð hefur Unnur
Olafsdóttir, kennari í Glerár-
skóla, og börnin eru nemendur
í skólanum.
Dagskrárliður þessi er inni í
þætti þar sem fjallað er um jóla-
hald hinna ýmsu þjóða. Krakk-
arnir í Glerárskóla munu segja
frá jólaundirbúningi og jólahaldi
á íslenskum heimilum og syngja
jóla- og nýárslög, auk þess sem
þau flytja kveðjur frá íslenskum
börnum.
Ingimar Guðni Haraldsson,
átta ára, mun lesa um jólaundir-
búning og jólahald og 11-12 ára
börn sjá um sönginn en þau eru
Ásmundur Arnarsson, Benedikt
Arnarson, Margrét Unnur Axels-
dóttir og Þorgerður Einarsdóttir,
en Margrét Unnur mun flytja
kveðju frá íslenskum börnum.
Ásrún Atladóttir, tónmennta-
kennari við Glerárskóla, hefur
undirbúið söng barnanna.
*
Tölvusamband
Um áramót er heppilegast að tölvuvæðast.
Tölvangur hf. Gránufélagsgötu 4, Akureyri,
býður símasamband við öfluga tölvu
(WANG).
Fyrirtæki þurfa að eignast skjá, innfærsluborð
og prentara, en Tölvangur hf. sér um allt
annað, m.a. afnot af mjög fullkomnum forrit-
um. Nú þegar eru mörg fyrirtæki í sambandi.
Komið og sjáið tækin vinna.
Nánari upplýsingar í síma 23404.
TÖÍVANGUfíhf.
GRÁNUFÉLAGSGÖTU 4, AKUREVRI
SlMI 23404 • PÓSTHÓLF 804 602 AKUREYRI
Jólaföndur
Sigrún Jónsdóttir, listakona, verður hér
með námskeið í jólaföndri dagana 5.-10. des.
í Sjallanum (uppi).
Upplýsingar og innritun hjá Ragnheiði Ólafsdóttur
í síma 22231 frá kl. 1-3 virka daga.
verður í Sjallanum nk. sunnudags-
kvöld og hefst kl. 20.30. Húsið opnað
kl. 20.00. Ath: Þeir sem koma inn
fyrir kl. 21.00 fá frítt inn.
Dagskrá:
Ómar Ragnarsson skemmtir gestum með
einu af sínum eldhressu prógrömmum.
Oddgeir Sigurjónsson ostameistari íslands
kynnir nokkra af sýnum frábæru ostum.
Bingó aðalvinningur helgarferð til Reykja-
víkur fyrir tvo.
Tveir lyftingamenn leggja saman krafta sína
og ætla að lyfta hálfu tonni hvort sem menn
trúa því eða ekki.
Hljómsveit Ingimars Eydal leikur fyrir dansi
til kl. 01.
Knattspyrnudeild K.A.

2 M\@' afgreiðsla, æss- 0
Norðlendingar !
Munið hagstæðu kjörin hjá okkur
Verið velkomin HÓTEL LOFTLEKNR
FLUGLEIÐA jtm HÓTEL