Dagur - 25.11.1983, Blaðsíða 3
25. nóvember 1983 - DAGUR - 3
Sönglist í Operunni —
Matarlyst á Amarhóli
— Dagur í menningarferö Flugleiöa og Islensku óperunnar
Hvað skyldu togarasjómenn á
Isafirði, iðnaðarmenn á Akur-
eyri og JC-félagar á Hornafirði
eiga sameiginlegt? Ekki mikið,
kynni einhver að svara í fljótu
bragði en þessari spurningu
væri líka hægt að svara á þann
veg að margir í umræddum
hópum njóta meiri menningar
en félagar þeirra á höfuðborg-
arsvæðinu, sem þó búa í næsta
nágrenni við allar helstu lista-
og menningarmiðstöðvar
landsins. Hvernig má þetta
vera? Svarið er einfalt.
Togarasjómaðurinn, iðnað-
armaðurinn og JC-félaginn
bregða sér í heigarreisu með
Flugleiðum og njóta á einni
helgi eða einni viku meiri list-
viðburða en Meðal-Reykvík-
ingur á einu ári. Þeir fara í
Óperuna, Þjóðleikhúsið, Iðnó
og sjá Rokkhátíðina á Broad-
way. Snæða á bestu veitinga-
húsum borgarinnar og njóta
matarlystarinnar og bregða sér
síðan á söfnin og sýningarnar.
A hverju ári er talið að um
2000 til 3000 Akureyringar
bregði sér í slíka helgarreisu og
flestir bergja á menningunni, í
botn.
Af helgarreisum í haust og í
vetur hafa ferðir til Akureyrar
á My fair Lady og til Reykja-
víkur í Óperuna og Þjóðleik-
húsið, verið vinsælastar.
Blaðamaður Dags brá sér á
dögunum í helgarreisu á veg-
um Flugleiða og Óperunnar og
eftir á að hyggja er þetta ferð
sem hægt er að mæla með við
alla.
Fyrsti kosturinn er verðið.
Ferð sem þessi kostar aðeins
rúmar þrjú þúsund krónur sem
er svipað og venjulegt fargjald
fram og til baka frá Akureyri.
Auk flugsins færðu í þessum
pakka, tvær gistinætur á hóteli
í Reykjavík (Loftleiðum eða
Esju) ef þú ferð á vegum Flug-
leiða en hægt er að velja um
fleiri hótel hjá Ferðaskrifstof-
unum. Þá er ótalinn maturinn.
í verðinu er innifalinn kvöld-
verður á hinum glæsilegu veit-
ingahúsum Arnarhóli og í
Kvosinni og síðast en ekki síst
þá fá viðkomandi helgarreisar-
ar miða í Óperuna en slíkur
kostar í dag tæpar 400 krónur.
Það má því segja með fullum
sanni að það sé hægt að spara
sér um 3000 krónur í einni
helgarreisu.
Garðar Cortes syngur
hlutverk Alfredo.
Ólftf Kolbrún Harðardóttir
sem Violetta Valcry.
La Traviata þýðir í raun Hin
afvegaleidda en óperan er
byggð á sögu Alexandre
Dumas, Kamelíufrúin. Óperan
fjallar um ástir Alfredo Ger-
mont og gleðikonunnar Vio-
lettu Valery. Alfredo er aðdá-
andi drósarinnar og er kynni
takast með þeim þá biður hann
hana að láta af hinu ósiðsam-
lega líferni sínu. Violetta gefur
ekkert út á það en annar þáttur
hefst á hamingjuþætti skötuhjú-
anna á sveitabæ utan við París
þar sem þau hafa búið saman
um þriggja mánaða skeið. Inn í
þennan ástarþátt blandast faðir
Alfredos sem biður Violettu að
slíta sambandinu við son sinn
sökum þeirrar óhamingju sem
hún baki fjölskyldunni. í síð-
asta atriði þáttarins er Violetta
horfin til borgarinnar og Al-
fredo kemur til að jafna reikn-
ingana.
í þriðja og síðasta þættinum
liggur Violetta svo dauðsjúk af
tæringu. Alfredo kemur og bið-
ur fyrirgefningar og þau heilsast
með fögnuði. Það birtir yfir
Violettu, hún fyllist fögnuði og
deyr . . .
Það er ómögulegt að horfa og
hlýða á ítalska óperu án þess að
vita nokkuð um það hvað verk-
ið snýst. Þetta skilja allir og ís-
lenska óperan hefur leyst þetta
með því að gefa út vandaðar
leikskrár, sannkallaða fróð-
leiksbrunna. Gallinn er bara sá
að það tekur talsverðan tíma að
lesa langan texta svo vel sé. Við
höfum því brugðið á það ráð,
þar sem við erum þess fullvissir
að Norðlendingar láti ekki af
helgarreisum og óperuheim-
sóknum, að segja í örstuttu máli
um hvað óperan La Traviata
snýst.
Undirritaður gisti Hótel
Esju og snæddi á Arnarþóli og
gerði sér gott af. Ég hafði aldr-
ei komið í óperu og hef í raun
alltaf verið þeirrar skoðunar
að óperur séu eitt hjákátleg-
asta form sönglistarinnar.
Kveinstafasöngur á alls óskilj-
anlegum tungumálum í bjána-
legum búningum. Vissulega
hef ég mildast mikið síðustu
árin og í Óperunni brá svo við
að ég hafði bara gaman af La
Traviata sem þó sannarlega er
sungin á
ítölsku. Það er upplifun að
koma í óperu í fyrsta sinni og
sjá fólkið, gamlar konur í
upphlut og með rauðan skúf í
peysu, venjulegt fólk sem bæði
snobbar og hefur gaman af og
svo hina útvöldu og upplýstu
sem hafa vit á óperum.
Sýning íslensku óperunnar
á La Traviata er að mörgu leyti
stórbrotin, kannski jafn stór-
brotin og maturinn á Arnar-
hóli. Bæði La Traviata og
kræsingarnar á Arnarhóli eru
stórir bitar að kyngja, hvorum
á eftir öðrum en heilbrigt helg-
arreisufólk fer samt létt með
það.
Þjónustan á Arnarhóli er
ævintýri út af fyrir sig og þá er
sama hvort þú snæðir gufu-
soðin smálúðuflök með úthafs-
rækju og freyðivínssósu eða
heilsteikt nautafilet með
whiskey-kanelsósu, kartöflu-
gratin, blómkáli og hrásalati.
Eða jafnvel léttsteikta heiða-
gæs með trönuberjasósu eins
og ég lét í mig. Þjónustan er
„elegant“ eins og ópera eftir
Verdi og óperuferð og góður
kvöldverður er tvöfaldur list-
viðburður. - ESE.
Norðlendingar !
Munið hagstæðu kjörin hjá okkur
Veríð velkomin HQTEL LOFTLEIÐIR
FLUGLEIDA S HÓTEL