Dagur - 14.12.1983, Blaðsíða 3
14. desember 1983 - DAGUR - 3
Þorsteinn Pétursson lögregluþjónn búinn að opna einn bflinn eins og sardínudós og lyftir þakinu af. mynd: gk-
, ,Svona tæki er
nauðsynlegt“
- segir Ólafur Ásgeirsson um tæki til að
bjarga fólki úr bifreiðum eftir árekstur
„Ég tel að það sé nauðsynlegt
að svona tæki sé til hér í
byggðarlaginu. Eitt slíkt tæki
ætti að vera nóg fyrir Eyja-
fjarðarsvæðið og ég teldi að
það ætti að vera staðsett á
slökkvistöðinni á Akur-
eyri,“ sagði Ólafur Ásgeirsson
aðstoðaryfirlögregluþjónn á
Akureyri í samtali við Dag
eftir sýningu á björgunartækj-
um sl. föstudag.
Tækin sem þar voru sýnd eru
flutt inn af fyrirtækinu Pálmason
og Valsson og eru hollensk. Hér
er um að ræða klippur og tjakk,
og eru þessi tæki notuð til þess að
ná slösuðu fólki úr bifreiðum
eftir árekstur.
Tækin voru sýnd lögreglu-
mönnum frá Akureyri, Húsavík
og Dalvík og einnig slökkviliðs-
mönnum frá Akureyri. Fyrst
sýndi fulltrúi Pálmason og Vals-
son hvernig tækin vinna og síðan
fengu viðstaddir að reyna tækin.
Pað var Ijóst að hér er um að
ræða tæki sem geta verið mjög
gagnleg undir vissum kringum-
stæðum enda voru menn ekki
lengi að „ganga frá“ bílunum sem
tækin voru reynd á. Tjakkinn
má m.a. nota til að spenna upp
hurðir og einnig til þess að lyfta
bílum upp og þegar klippurnar
voru handleiknar voru bílarnir
hreinlega klipptir í sundur á
nokkrum mínútum.
„Þetta eru dýr tæki,“ sagði
Ólafur Ásgeirsson. „Mér skilst
að þetta tæki kosti um 320 þús-
und krónur en ef góðgerðarfélög
gæfu þessi tæki myndu falla niður
opinber gjöld og tækin þá lækka
í verði um 100 þúsund krónur.
Ég myndi telja þetta nauðsynleg
öryggistæki því það getur alltaf
komið upp sú staða að vandræði
væru við að ná farþegum út úr
bifreiðum eftir árekstur og jafn-
vel eitt einasta slíkt tilvik er nóg
til að réttlæta það að slík tæki
væru til hér.“
Maður og maskína II
- Ný grafíkmappa eftir Guðmund Ármann
Guömundur Ármann, mynd-
listarmaður, hefur nýlega gefið
út sína þriðju grafíkmöppu,
sem jafnframt er önnur mapp-
an í seríunni um Mann og
maskínu. Þær myndir eru
gerðar á Iðnaðardeild Sam-
bandsins og sýna fólk við störf
innan um þær vélar sem þar er
að finna. I þessari nýju möppu
eru 5 myndir, gerðar í tveimur
Iitum með dúkristu. í fyrstu
möppu Guðmundar voru
myndir úr innbæ Akureyrar.
„Viðfangsefnið er sótt í ullar-
iðnaðinn að þessu sinni, en fyrri
mappan sýndi fólk að störfum í
skinnadeildinni. Ég fékk leyfi
yfirmanna á verksmiðjunum til
að fara þar inn og hafði einnig
gott samstarf við trúnaðarmenn
og starfsmenn yfirleitt nteðan ég
vann frummyndirnar. Ég var
þarna að þvælast með trönur og
teikniáhöld á þriðju viku, dag-
part í senn, og fólkið tók þessu
mjög vel þó mér fyndist ég vera
svolítið fyrir. Parna teiknaði ég
með kolum milli 30 og 40 myndir
og útkoman varð svo þessi
mappa,“ sagði Guðmundur Ár-
mann í viðtali við Dag.
„Vinnandi fólk er þér hugleik-
ið myndefni, af hverju er það?
„Ég hef verið að „pæla“ í þessu
nokkuð lengi, svona á vinstri
kantinum ef svo má segja. Að
sumu leyti eru þetta vafalaust
áhrif frá námsárum mínum í
Svíþjóð, nú og svo finnst mér
eins og fleirum að þessu mynd-
efni hafi verið sinnt allt of lítið í
íslensku listalífi.“
„Hvað er að gerast hjá þér
núna?
„Fyrirhugað er að gera þriðju
möppuna um Mann og maskínu
og sennilega verður hún nokkuð
með öðrum hætti. Ég er orðinn
svolítið leiður á sósíalrealisman-
um og langar til að breyta til, stíl-
isera myndirnar meira og koma í
þær meiri skáldskap. Það má
segja að þetta komi að nokkru
leyti í ljós á myndinni sem er á
möppunni sjálfri, utan um grafík-
myndirnar. Hugmyndin er svo
sú að hafa sýningu á verksmiðj-
unum á myndunum úr möppunni
og einnig á vinnuteikningunum
fljótlega eftir áramót," sagði
Guðmundur Ármann að lokum.
Þess má geta að grafíkmappan
kostar 3.400 krónur og hún er
gefin út í 100 eintökum. Þar af er
Guðmundur búinn að selja 60,
sem Iðnaðardeil Sambandsins
keypti til jólagjafa.
Póstsendum.
E
EUROCARD
Gránufélagsgötu 4
Akureyri, sími (96)23599.
*X
Nykomio:
Svört vesti, svartar buxur, leöurslaufur
og leðurbindi, margir litir.
Fyrir helgi:
Kjólkragaskyrtur, hvítar og svartar.
Leöurjakkar, margar gerðir.
Vestur-þýsku jakkafötin
í úrvalí.
Aldrei fjölbreyttara né
glæsilegra vöruúrval
Sjón er sögu ríkari
Fimmtudaginn 15. des. verður opið
til kl. 10 um kvöldið.
Föstudaginn 16. des. verður opið
til kl. 7 e.h.
Laugardaginn 17. des. verður opið
til kl. 7 e.h.