Dagur - 06.01.1984, Page 3

6. janúar 1984 - DAGUR - 3
„Viljum frekar
koma hingað
en fara I
sólina og hitann4
- segja bæjarstjórahjómn í Qimli, Ted B.
Amason og Marjorie Amason
„Það má segja að okkur finnist
við ekki vera komin alveg til
Islands fyrr en við erum komin
norður þótt auðvitað eigum
við marga vini og kunningja í
Reykjavík,“ sagði Ted K.
Arnason bæjarstjóri í Gimli er
hann leit við hjá okkur á Degi
nú í vikunni ásamt konu sinni
Marjorie Arnason. Þau eru ís-
lendingum að góðu kunn og
margir hafa notið gestrisni
þeirra og höfðingsskapar í ís-
lendingabyggðunum vestra í
gegnum árin. Bæði rekja þau
ættir slnar til íslands, hann til
Norðurlands og hún til
Norður- og Vesturlands. Þau
voru ekki í sinni fyrstu heim-
sókn hingað til lands, hún að
koma í 20. sinn en hann missti
úr eina ferð eins og hann orð-
aði það sjálfur og var að koma
I 19. sinn, og bæði hafa þau
ferðast um landið meira en
flestir íslendingar.
Gimli er vinabær Akureyrar
síðan árið 1975, en þá fór Bjarni
Einarsson þáverandi bæjarstjóri
Akureyrar til Gimli á íslendinga-
daginn og hann og Ted skiptust
á sérstökum skjölum því til stað-
festingar, en Arni Bjarnarson á
Akureyri hafði verið frumkvöð-
ull að því að koma þeim vinabæj-
artengslum á.
„Ég var þá forseti íslendinga-
dagsins og vann því að þessu máli
þannig að hægt væri að ganga frá
þessu formlega," segir Ted K.
Arnason, en árið 1975 var 100
ára landnámsafmæli íslendinga
að Gimli. Það ár fóru um 1.500
íslendingar til Gimli til hátíða-
haldanna og þar á meðal ein flug-
vél fullskipuð farþegum frá Ak-
ureyri.
„Við Marjorie mynduðum
móttökunefnd fyrir íslendingana
ásamt öðrum hjónum og sáum til
þess að allir hefðu þak yfir höfuð-
ið. Margir bjuggu í heimahúsum
en einnig voru á milli 400 og 500
manns sem bjuggu í gömlu flug-
stöðinni í Gimli.
Við hjónin komum hingað í
fyrsta skipti árið 1968 en okkur
hafði aldrei dottið það í hug þeg-
ar við vorum yngri að við mynd-
um nokkru sinni sjá ísland. En
svona hafa málin þróast og þar
spilar inn í að við höfum komið
hingað vegna reksturs ferðaskrif-
stofu okkar í Gimli sem heitir
„Viking Travel" og Marjorie sér
að mestu um að reka.“
„Það sem m.a. er á dagskrá
ferðaskrifstofu okkar í sumar er
hópferð til íslands 25. júlí en þá
kemur einnig hópur héðan til
Kanada. Þessir hópar halda svo
til síns heima 13. ágúst,“ segir
Marjorie.
- Hvað með bein samskipti
vinabæjanna Gimli og Akureyr-
ar?
„Við höfum mikinn áhuga á
því að auka samskiptin á milli
bæjanna,“ segir Ted. „í því sam-
bandi má nefna að við höfum
mikinn áhuga á því að koma á
samskiptum unglinga frá bæjun-
um tveimur, unglingar héðan frá
Akureyri kæmu vestur til dvalar
og öfugt. Tengslin hafa verið að
aukast en við höfum mikinn
áhuga á því að efla þau enn.
Yngra fólkið fyrir vestan er
farið að gera meira af því en áður
að leita uppruna síns, meira held-
ur en bara í Kanada og Banda-
ríkjunum. Það vill gjarnan vita
hvaðan langamma og langafi
komu og fá hugsanlega að sjá
fæðingarstað þeirra. Áhuginn er
að aukast og það er um að gera
að halda honum við. Það er búið
að kveikja ljós og það verður að
lofa því að loga.“
Eins og fyrr sagði er Ted
bæjarstjóri í Gimli. Hann hefur
nýlega hafið 3. kjörtímabil sitt
sem slíkur en hvert kjörtímabil
er 3 ár, og nú var hann sjálfkjör-
inn. Þau Ted og Marjorie hafa
greitt götu hundruða Islendinga
sem farið hafa vestur til Islend-
ingabyggðanna og reynst einstak-
lega hjálpsöm og góðir gestgjaf-
ar.
„Ætli það megi ekki segja að
við höfum meiri ánægju af því að
taka á móti fólkinu en það að
koma til okkar,“ segir Ted. „Það
er afskaplega gaman að geta gert
fólki eitthvað gott. Við höfum
ferðast talsvert og vitum hvernig
ferðafólki líður þegar það þekkir
enga og það er ævinlega
skemmtilegra að fá að búa í
heimahúsum og slappa af en að
hírast á hótelum."
Eins og fram kom hér að fram-
an hafa þau hjón verið tíðir gestir
hér á landi síðan 1968 og ferðast
vítt og breitt um landið.
„Það er alveg sama á hvaða
tíma árs við komum hingað það
er ávallt einstaklega skemmti-
legt. Það er ekki bara landið,
heldur fólkið einnig sem er sér-
staklega vingjarnlegt. Við eigum
svo margt skyldfólk og vini
hérna. Við viljum miklu frekar
koma hingað heldur en fara
suður á bóginn í sólina og hitann.
Sumir hafa spurt okkur að því
hvers vegna við færum ekki frek-
ar suður á bóginn í sólina, en það
var á milli 35 og 40 stiga frost
heima þegar við fórum þaðan
núna. Við töluðum við fólk hérna
á íslandi rétt fyrir jólin og þá var
5-6 stiga hiti í Reykjavík svo
okkur fannst það vera eins og að
fara til sólarlanda að koma úr
kuldunum heima og í hitann
hérna, en að vísu kólnaði aðeins
um jólin. En það er allt í lagi,
okkur finnst þetta ekki kalt.
Veðrið í Reykjavík þegar við
vorum þar var eins og vorveður
hjá okkur.“
í lokin kvaðst Ted vilja nota
tækifærið og koma á framfæri
kveðjum til alls skyldfólks þeirra
hjóna og vina hér á landi. „Við
viljum senda öllu þessu fólki okk-
ar bestu nýárskveðjur og von-
umst til þess áð sjá sem flest
kunnugleg andlit í hópferðinni í
sumar. Það væri gaman að geta
tekið á móti sem flestum héðan
að norðan í Gimli í sumar," sagði
Ted. gk
Bæjarstjórahjónin í Gintli
Mynd: ese