Dagur - 06.01.1984, Side 16
Akureyri, föstudagur 6. janúar 1984
Um leið og við óskum öllum gleðilegs árs
og þökkum viðskiptin á liðnum árum minnum við á
að Bautinn er opinn alla daga frá kl. 10-22
og Smiðjan alla daga bæði í hádeginu og á kvöldin
Erfiðleikar
í snjó-
mokstri
Leiðin milli Akureyrar og Dal-
víkur var opnuð sl. miðvikudags-
morgun en sökum óveðurs
reyndist útilokað að opna leiðina
til Ólafsfjarðar og þjóðveginn
yfir Öxnadalsheiði. Eftirlits-
maður sem var að athuga færð á
heiðinni lokaðist inni um morg-
uninn og komst hann ekki aftur
til byggða fyrr en um hádegisbil-
ið.
í gærmorgun var veður enn
það slæmt á fjallvegum og veður-
spá það slæm að ekki þótti ráð-
legt að opna leiðina suður. Sam-
kvæmt upplýsingum vegaeftirlits-
manna þá hefst mokstur í fyrsta
lagi í dag. ese
Snjóflóð féll
á Svalbarðs-
strönd
Snjóflóð féll á veginn milli
Fagrabæjar og Ystuvíkur á
Svalbarðsströnd á miðviku-
dagskvöld. Braut snjóflóðið
niður raflínu- og símastaur við
veginn og varð af þeim sökum
rafmagns- og símasambands-
laust á stóru svæði á Sval-
barðsströnd.
Samkvæmt upplýsingum vega-
eftirlits féll snjóflóðið á veginn
við Hraná, skammt norðan við
svokallaða Víkurhóla. Mun flóð-
ið hafa faliið á veginn um kl. 21
um kvöldið en ekki ber mönnum
saman um hve stórt það er. Að
sögn heimamanns á Fagrabæ er
það a.m.k. um 200 metrar á
breidd þar sem það er breiðast og
jafnframt er talið að það hafi ver-
ið einir sex til sjö metrar á þykkt.
Rafmagns- og símalína var
lögð til bráðabirgða þar sem
snjóflóðið féll en vegagerðar-
menn frá Akureyri sáu um að
ryðja veginn í gær og gekk það
verk fljótt og vel. ese
» é
mm w ’K ” : * • Zh* f
Skíðagöngubrautin í Kjarna nýtur mikilla vinsælda og á hverju kvöldi
spretta margir úr spori og njóta útiverunnar. mynd: kga.
Hótel KEÁ
stækkað
um helming
„Það er ákveðið að hefjast
handa við stækkun og endur-
bætur á Hótel KEA á næstu
vikum og ætlunin er að Ijúka
þessu verkefni á tveim til
þrem árum,“ sagði Yalur
Arnþórsson, kaupfélags-
stjóri, í samtali við Dag í
gær.
Ákveðið hefur verið að stofna
félag um uppbyggingu hótelsins,
þar sem aðalþátttakandi verður
Kaupfélag Eyfirðinga, en auk
þess koma aðrir aðilar úr Sam-
vinnuhreyfingunni inn í mynd-
ina. Samkvæmt núverandi áætlun
kosta framkvæmdirnar um 45 m.
kr., en þær felast í að innrétta
fyrir hótelið það húsnæði sem
Brauðgerð KEA og Stjörnu-
apótek höfðu og einnig verður
byggð hæð ofan á austur-vestur
álmu hótelbyggingarinnar. Eftir
breytingarnar verða 59 herbergi
í hótelinu, í stað 28 herbergja
núna, og veitingasalir verða fyrir
220-230 manns, auk þess sem
gestamóttaka verður stærri og
hentugri en nú er. Ráðstefnusal-
irnir verða þannig úr garði
gerðir, að auðvelt verður að
skipta þeim niður, þannig að
hótelið henti vel til funda og ráð-
stefnuhalds.
Kaupmanna hafharflug
frá Akureyri í suinar
„Það er ákveðið að halda
áfram með Kaupmannahafn-
arflugið frá Akureyri næsta
sumar og verða farnar að
minnsta kosti jafn margar
ferðir og í fyrra, helst fleiri,“
sagði Gunnar Oddur Sig-
urðsson, nýráðinn umdæm-
isstjóri Flugleiða á Akureyri,
í samtali við Dag.
í fyrra voru farnar þrjár ferðir
í beinu áætlunarflugi á milli Ak-
ureyrar og Kaupmannahafnar,
en upphaflega hafði verið áætlað
að fara slíkar ferðir vikulega.
Aðsókn í ferðirnar varð hins veg-
ar mun minni en reiknað var
með, þannig að þeim var fækkað
í mánaðarlegar ferðir.
„Pað er rétt, þeir bjartsýnustu
áttu von á að það yrði meiri þátt-
taka, en við vitum allir hvernig
fjárhagur landsmanna var og
ástandið í þjóðmálum ótryggt,
þannig að almennt var mikill
samdráttur í ferðalögum lands-
manna til útlanda miðað við
fyrri ár. Að sjálfsögðu bitnaði
það á Kaupmannahafnarfluginu
frá Akureyri ekki síður en öðrum
áætlunarleiðum. En við ætlum
ekki að gefast upp og það verður
haldið áfram í sumar. Það er inni
í myndinni að hafa jafn margar
ferðir, og helst fleiri," sagði
Gunnar Oddur Sigurðsson. gs
Veður
Spáð er hægri norðanátt
með mugguéljum í dag, en í
kvöld er reiknað með að
norðanáttin verði eindregn-
ari. Á morgun er spáð svip-
uðu veðri, en á sunnudaginn
léttir til með sunnanátt þeg-
ar líður á daginn. En það er
reiknað með að hann
þykkni upp aftur aðfaranótt
mánudagsins með suðaust-
anátt og snjókomu.