Dagur - 27.01.1984, Síða 3

27. janúar 1984 - DAGUR - 3
Sverrírféll
á prófínu
Hafi einhverjir haldið að Sverrir
Hermannsson iðnaðarráðherra
væri klókur íslenskumaður þá
hefur DV séð um að upplýsa að
svo er ekki. DV fékk nefnilega
ráðherrann sem hefur fyrirskipað
„z-notkun“ í ráðuneyti sínu til
þess að setjast að íslenskuprófi
og spreyta sig. Niðurstöðurnar
voru svo birtar um síðustu helgi
og kom í ljós að ef Sverrir hefði
setið í 1. bekk menntaskóla og
tekið slíkt próf hefði einkunnin
0,0 verið skrifuð í einkunnabók
hans. Stafsetningarpróf „z-sér-
fræðingsins“ moraði nefnilega af
villum og þar voru ekki færri en 9
z-villur. En það vill til að Sverrir
skrifar sjálfur ekki bréf iðnaðar-
ráðuneytisins, það gerir starfs-
fólk sem Sverrir hefur skipað að
nota z í skrifum sínum.
Bílslys
Ian Rush
Sú saga barst um Akureyri á
dögunum að enski knattspyrnu-
kappinn Ian Rush sem leikur
með enska liðinu Liverpool hefði
lent í bílslysi og væri hættulega
slasaður. Myndi hann ekki leika
knattspyrnu framar og ekki held-
ur tveir leikmenn West Ham sem
áttu að hafa verið með honum,
voru þeir báðir sagðir í lífshættu.
Einhver mun hafa verið að plata
þekktan Liverpool-aðdáanda hér
í bænum með þessu og síðan
barst sagan út. Aðdáendur Liver-
pool sem eru fjölmargir á Akur-
eyri voru miður sín allt fram á
kvöld, en þá settust þeir niður til
að hlusta á BBC. Og hvað var
þar um að vera? Jú, lýsing á leik
Liverpool og Sheffield Wednes-
day. Leiknum lauk 2:2 og skoraði
Rush annað mark Liverpool og
lagði hitt upp eins og það heitir á
knattspyrnumáli. Síðar kom svo
í ljós að Rush hafði lent í bílslysi.
Kona hans slasaðist nokkuð en
sjálfur slapp Rush með skrekkinq
þrátt fyrir söguganginn á Akur-
eyri.
Hin nýja „Rás 2“ hjá Ríkisút-
varpinu hefur ekki starfað lengi,
en þó nógu lengi til þess að það
er búið að finna henni annað
nafn. Unglingar og aðrir sem
ekki hafa gaman af gömlum dæg-
urlögum eru nefnilega allt annað
en ánægðir með tónlistarValið
sem boðið er upp á og hafa þeir
skýrt rásina upp og kalla hana
einfaldlega „Skallapopp 2“.
Þá hefur það vakið athygli
hvað margir skallapopparar hafa
fengið vinnu við dagskrárgerð á
rásinni og er þar auðvitað komin
skýringin á lagavalinu. Laus skot
hafa sést á prenti um þetta og þar
hefur rásin m.a. verið kölluð at-
vinnumiðlunarskrifstofa fyrir
skallapoppara. Við hér á Norður-
landinu verðum að vera hlut-
lausir í málinu þar sem við heyr-
um ekki í „skallapopprásinni“ og
verðum að láta okkur nægjarað
lesa það sem á prent er sett um
fyrirbærið.
Lágt
Þeir sem hafa stundað íþróttir í
hinni nýju íþróttahöll Akureyr-
inga hafa vafalaust fundið fyrir
því hversu loftlaust er í salnum
og erfitt að taka þar verulega á
nema í stuttan tíma. Heilbrigðis-
fulltrúi hefur látið mæla rakastig
þar inni og er það langt fyrir neð-
an það sem eðlilegt verður að
teljast. Er það enda svo að menn
sem geta t.d. í íþróttaskemmunni
tekið á í eina og hálfa klukku-
stund af fullum krafti eru gjör-
samlega búnir að vera í Höllinni
eftir 30 mínútur og hefur það oft-
lega komið fyrir að menn hafa
hreinlega gengið út fyrir og ælt! -
Væri ekki æskilegt að þessi yrði
kippt í liðinn?
Gróusögur
blómstra
Þegar það kvisaðist á Akureyri í
vikunni að sími í fjölbýlishúsi hefði
verið hleraður fóru sögusagnir að
berast um bæinn. Alls kyns
ástæður voru nefndar fyrir hler-
uninni, rannsóknarlögreglan átti
að vera að hlera símann hjá eit-
urlyfjaneytanda, Skattstofan var
eitthvað við málið riðin í sumum
útgáfunum og gróusögurnar
fengu byr undir báða vængi.
Þannig er það venjulega og er
auðvelt að minnast eins dæmis.
Speid
Björk Guðmundsdóttir söngkona
með meiru sem hefur starfað í
hljómsveitinni Tappa tíkarrassi
m.a. fer á kostum í viðtali við
Samúel á dögunum. Grípum
niður í viðtalið:
- Ertu trúuð?
„Ég trúi á skrímsli.“
- Skrímsli?
„Já, ég held að það búi lítið
skrímsli í öllum mönnum, þó ég
geti ekki bent á einhvern stað,
lungun eðá eitthvað svoleiðis, en
það er þarna samt. Og ef maður
er góður við það og gefur því gott
að borða, hjálpar það
manni ..." - hum, hm, hm, hm,
hm, hm, hm, hm. gk-.
Eitt af fyrstu handboltaliðum KA. í aftari röð eru f.v.: Árni Sverrisson, Stefán Tryggvason, óþekktur, Hafsteinn Geirsson,
Hörður Tulinius. Fremri röð f.v.: Gísli Bjarnason, Öm Ingi, Jón Steinbergsson og Olafur Ólafsson.