Dagur - 06.02.1984, Side 12

RAFGEYMAR
i BÍLINN, BÁTINN, VINNUVÉUNA
Heildsala
Smásala
„Undanþága
til
reynslu“
- segir sjávarútvegsráðherra
- Við ætlum að reyna að kveða
niður þennan orðróm um
smáfískadráp og að menn
hendi smáfískinum í sjóinn
með því að leyfa mönnum til
reynslu að koma með þennan
físk að landi og gera verðmæti
úr honum, sagði Halldór Ás-
grímsson, sjávarútvegsráð-
herra í samtali við Dag.
Eins og fram kemur í viðtalinu
við Pórð Ásgeirsson, skipstjóra
hér á síðunni, þá er orðrómurinn
um að menn hendi fiski í sjóinn,
meira en þrálátur.
Fram til þessa hefur verið skylt
að koma með undirmálsfisk að
iandi og hefur hann þá verið
gerður upptækur, en nú verður
sem sagt gefið tækifæri til þess að
skapa verðmæti úr þessum afla.
- Þetta má þó aldrei verða til
þess að menn fari að sækja í
smáfiskinn. Ef það gerist þá
verður þessi heimild afturkölluð
um leið, sagði Halldór Ásgríms-
son. ESE.
Peninga-
kassa
stolið úr
mannlausri
íbúð í gær
í gærkvöld var farið inn í mann-
lausa íbúð tilheyrandi Dvalar-
heimilinu Hlíð og höfðu gestirnir
peningakassa með 6 þúsund
krónum í reiðufé, ásamt banka-
bókum og fleiri verðmætum, upp
úr krafsinu. Pjófurinn eða þjóf-
arnir komust inn um svaladyr,
en hurðina hafði verið hægt að
opna með því að teygja hendi inn
um opinn glugga.
Aðfaranótt laugardagsins var
brotist inn í Hús aldraðra við
Gránufélagsgötu. Þar var lítið
fémætt að hafa, nema hvað pen-
ingar hurfu úr veski eins starfs-
manns hússins. Að auki hafði
innbrotsþjófurinn eða þjófarnir
á brott með sér eitthvað af síga-
rettum og vindlum. - GS.
Þórður Asgeirsson, skipstjóri, á bryggjunm a Husavík.
„100 þúsund tonnum
hent aftur í sjóinn“
— segir Þórður Ásgeirsson skipstjóri á Húsavík
K. Jónsson & Co:
Enp lána-
fyrirgreiöslur
hjá Akureyrarbæ
Kristján Jónsson, framkvæmda-
stjóri Niðursuðuverksmiðju K.
Jónssonar & Co hf., hefur beðið
blaðið fyrir eftirfarandi athuga-
semd:
Herra ritstjóri.
f blaði yðar mánudaginn 16.
janúar síðastliðinn, var haft eftir
Jóni Sigurðarsyni formanni At-
vinnumálanefndar Akureyrar-
bæjar, að Akureyrarbær hafi
annast lánafyrirgreiðslu til fyrir-
tækisins á sínum tíma.
Það skal tekið fram, að hér er
ekki rétt með farið. Hugmyndir
Akureyrarbæjar gagnvart eig-
endum K. Jónsson voru allt
aðrar. Þar sem hinn máiglaði for-
maður Atvinnumálanefndar hef-
ur ekki séð sér fært að leiðrétta
þetta, gerist það hér með.
K. Jónsson & Co.
- Þetta er algjör dauöi. Ég man
ekki eftir svona lélegu fískeríi.
Það er varla til fískur hér úti af
Norðurlandi. Ef það væri ekki
smáfískurinn þá gætum við talið
þetta í kílóum. Eg kom með allt
sem við fengum í land, smáfískinn
líka. Hann er dauður hvort eð er
og meðan fólk er á atvinnuleysis-
bótum hér þá komum við með
hann í land. Það er alveg eins
hægt að hirða hann nú og vinna
eins og það var hægt fyrir nokkr-
um árum.
Þetta sagði Þórður Ásgeirsson,
skipstjóri á Ásgeiri ÞH sem blaða-
menn Dags hittu við höfnina á Húsa-
vík að aflokinni veiðiferð nú fyrir
helgina. Að sögn Þórðar voru þeir á
línuveiðum úti af Kantinum og af-
rakstur þessa dags var um tvö tonn
sem varla getur talist burðugt hjá
rúmlega 20 tonna bát skipuðum
vönum mönnum. Aflinn þennan dag
var reyndar með besta móti og Þórð-
ur sagði ekki óalgengt að menn
kæmu með þetta nokkur hundruð
kíló að landi, að smáfiskinum með-
töldum - vel að merkja þegar gæfi á
sjó en gæftir hafa verið með alversta
móti í vetur.
- Hvernig líst ykkur á kvótakerfið
margboðaða?
- Okkur líst illa á kvótann á með-
an netaveiðin heldur óhindruð
áfram. Menn koma oft með margra
nátta lélegan og verðlausan fisk að
landi úr netunum, það er að segja ef
þeir henda honum hreinlega ekki.
Það er ekki óalgengt. Þú getur spurt
hvern sem er að því og það er því
gjörsamlega út í hött að ætla ein-
hvern kvóta t.d. upp á 230 þúsund
tonn þegar menn veiða kannski 100
þúsund tonnum meira. Þessi 100 þús-
und tonn þau lenda öll aftur í
sjónum, og það er dauður fiskur.
Eina ráðið við þessu er að banna net-
in og láta menn róa með línu. Þá
fáum við góðan fisk.
- Er þetta tal um smáfiskadrápið
orðum aukið?
- Nei, alls ekki en það er mikil
„hystería“ í kringum þetta. Menn
verða bara að átta sig á því að það er
eins gott að koma með fiskinn í land
og skapa atvinnu í stað þess að henda
honum dauðum í sjóinn.
- Hvað finnst þér um „grisjunar-
kenningu" líffræðinganna?
- Hún er hlægileg. Það er eins og
þessir hálærðu menn haldi að við
séum að veiða í einhverjum drullu-
polli. Það sé hægt að grisja Atlants-
hafið eins og eitthvert heiðavatn.
- Hvernig er útgerðin nú miðað
við fyrri ár?
- Það er ekki líku saman að jafna.
Hér áður fyrr þá gátum við lifað
ágætlega af þessu starfi en nú er allt
fyrir neðan núllið. Samt rekum við
þetta eins og fjölskyldufyrirtæki og
kostnaður því minni en ella.
Hætta? Nei, við erum komnir í þá
stöðu að við getum ekki hætt. Við
getum ekki selt bátinn og við verðum
að halda áfram, sagði Þórður Ás-
geirsson, skipstjóri. - ESE
Veður
Það á að bresta á með
norðaustan hvassviðri
ásamt tilheyrandi snjó-
komu og éljagangi þegar
líður á daginn, samkvæmt
upplýsingum Guðmundar
Hafsteinssonar, veður-
fræðings í morgun. Hann
taldi líkindi til þess að þetta
veðurlag haldist fram yfir
miðjan daginn á morgun,
þó eitthvað verði farið að
draga úr úrkomunni fyrr.
Sem sagt, stórhríðarspá og
áfram verður kalt, þannig
að það er betra að búa sig
vel.
• Lucy og
leyfin
Davíð Oddsson borgarstjóri
í Reykjavík sagði í samtali
við Moggann í fyrri viku að
hundahald hafi verið bannað
í höfuðborginni í 60 ár en
mönnum hefði haldist uppi
að brjóta þær reglur í miklum
mæli. í þessu sama samtali
sagði Davíð að nú kæmi til
greina að heimila hundahald
í Reykjavík með ákveðnum
skilyrðum og bera reynsluna
af því undir kjósendur í
næstu borgarstjórnarkosn-
ingum. Margir hafa gaman að
því hvernig nú er allt í einu
brölt (þessum málum eftir 60
ára bann við hundahaldi og
menn velta því fyrir sér hvort
kæran á hendur fjármála-
ráðherra fyrir að eiga tíkina
Lucy eigi þar einhvern hlut
að máli.
# Lélegar
afsakanir
Tveir af forustumönnum
Handknattleikssambands ís-
lands hafa verið að reyna að
afsaka það í fjölmiðlum hvers
vegna þeir sviku Norðlend-
inga um landsleikinn við
Norðmenn á dögunum. Eru
afsakanir þeirra vægast sagt
„þreyttar“ og Ijóst að þar tala
menn sem hafa þyngsli á
samvisku sinni. Verra er að
þeim ber ekki saman í mikil-
vægum atriðum málsins og
hefðu þeir betur borið sig
saman áður en þeir fóru af
stað. Ekkert fær þó breytt
þeirri móðgun sem þeir
sýndu handknattleiksáhuga-
fólki á Norðurlandi er þeír
létu „dollaramanninn" Bodg-
an sem þjálfar íslenska
landsliðið taka fram fyrir
hendur sér og neita að fara til
Akureyrar með íslenska
landsiiðið. Er Ijóst að for-
ráðamenn Handknattleiks-
sambands íslands komast
ekki einu sinni á „top 1000“
á Norðurlandí þessa dagana.
# Slæmtástand
í Reykjavík
Samkvæmt nýjustu fréttum
þora erlendir ferðamenn ekki
lengur til landsins. Ástæðan
er fréttir af hundaæði í höfuð-
borginni, Reykjavíkll Telja
menn með ólíkindum, hvern-
ig fjárhundur fjármálaráð-
herra hefur egnt menn saman
eins og hund og kött. Fyrir
vikið hafa útiendingar sett
upp hundshaus - og koma
ekki til landsins. Þar með er
ferðamannaþjónusta Reyk-
víkinga farin í hundana.