Dagur - 22.02.1984, Blaðsíða 12
Akureyri, miðvikudagur 22. febrúar 1984
llMUM BORDA
RENNUM SKÁLAR
„Hitaveitustjóri fer fram með offorsi“
- segir í bókun Péturs Pálmasonar sem sæti á í stjóm Hitaveitu Akureyrar
„ . . .Vflar hitaveitustjóri ekki
fyrir sér að beita fyrir sig dylgj-
um og rógi um flutningsmann
og það fyrirtæki sem hann
starfar við, ef verða mætti máli
hans til stuðnings . . .“
Þetta er kafli úr bókun Péturs
Pálmasonar sem sæti á í stjórn
Hitaveitu Akureyrar, en bókun
þessi var gerð á fundi stjórnar
hitaveitunnar þann 9. febrúar sl.
Bókun Péturs hljóðar þannig:
„Hinn 30. október síðastliðinn
lagði ég undirritaður fram tillögu
um stýringu á hitastigi fram-
rennslisvatns, í dreifikerfi Hita-
veitu Akureyrar, þannig að vatns-
hiti væri að nokkru leyti breyti-
legur eftir útihita.
Tillaga þessi var tekin á
dagskrá stjórnarfundar 28. des-
ember síðastliðinn, en var ekki
afgreidd á þeim fundi, þar sem
stjórnarmenn töldu að frekari
upplýsingar vantaði um nokkur
atriði áður en unnt væri að taka
afstöðu til tillögunnar.
Nú hefur það hins vegar gerst
að hitaveitustjóri hefur hafið bar-
áttu gegn tillögu þessari með
blaðaskrifum og hefur þar verið
farið fram af slíku offorsi að
furðu sætir. Vílar hitaveitustjóri
ekki fyrir sér að beita fyrir sig
dylgjum og rógi um flutnings-
mann og það fyrirtæki sem hann
starfar við, ef verða mætti máli
hans til stuðnings.
Ég lít á þessar aðgerðir sem til-
raun til þess að kúga menn til
undirgefni við skoðanir hitaveitu-
stjóra og krefst þess að formaður
stjórnar sjái svo um að stjórnar-
menn fái frið til þess að mynda
sér sínar eigin skoðanir og setja
þær fram án þess að eiga á hættu
að kalla með því yfir sig persónu-
leg árásarskrif hitaveitustjóra.“
„Ég hef ekki óskað eftir að tjá
mig neitt um þessa bókun,“ sagði
Hákon Hákonarson formaður
stjórnar Hitaveitu Akureyrar er
Dagur ræddi við hann.
„Takmarkar
möguleika
á atvinnu-
uppbyggingu"
- segir formaður hafnarnefndar
„Þessi ákvörðun meirihluta
bæjarráðs er í algjörri and-
stöðu við hafnarstjórn. I aðal-
skipulagi er gert ráð fyrir að
þetta pláss nýtist fyrir fískiðn-
að og þetta takmarkar alla
möguleika á að taka við stór-
um atvinnufyrirtækjum sem
þurfa að vera nálægt höfninni,
t.d. frekari úrvinnslu á sjávar-
afla, sem nú er mjög til um-
ræðu. Það er afleitt ef dregið
er úr möguleikum á uppbygg-
ingu atvinnulífs með því að
setja niður heildverslun á þess-
um stað, sem ekki hefur neina
þörf fyrir að vera svo nálægt
höfninni,“ sagði Stefán
Reykjalín í viðtali við Dag.
Meirihluti bæjarráðs, að Sig-
urði Jóhannessyni undan-
skildum, hefur lagt til að Heild-
verslun Valdimars Baldvinssonar
h.f. verði gefinn kostur á bygg-
ingarlóð, 6 þús. m; að stærð,
austan Hjalteyrargötu og sunnan
Skipatanga, þ.e. á Sanavellinum.
Fram kemur í bókun bæjarráðs
að skoðaðar hafi verið 9 lóðir,
sem sumar uppfylli óskir fyrir-
tækisins en aðrar ekki. Hafnar-
stjórn lýsti andstöðu sinni við „að
beina svo lítt hafnsækinni starf-
semi, sem við teljum heildverslun
vera, inn á hafnarsvæðið.“
í bókun Sigurðar Jóhannesson-
ar um málið segir hann að þar
sem deiliskipulag Akureyrar-
hafnar sé á lokastigi telji hann
ekki rétt að bæjarráð leggi til lóð-
arveitingu á óskipulögðu svæði
Akureyrarhafnar. Hann segir að
til greina komi að úthluta fyrir-
tækinu lóð við Silfurtanga, sem
áður var veitt Reykmiðstöðinni
en er nú aftur fallin til bæjarins.
Töluverðar umræður urðu um
málið í bæjarstjórn í gær og var
samþykkt að vísa því til bæjar-
ráðs á nýjan leik og hafnarstjórn
og skipulagsnefnd gefin kostur á
að tjá sig frekar um málið. Stefnt
er að því að málið fái endanlega
afgreiðslu á næsta bæjarstjórnar-
fundi eftir hálfan mánuð. HS.
Þróarrými er nú á þrotum á
löndunarstöðum á Norður-
landi. Hátt í þrjátíu þúsund
tonn af loðnu hafa borist á
land á Siglufírði, Krossanesi og
Raufarhöfn undanfarna daga
og nokkur skip eru nú á leið til
Raufarhafnar þar sem síðasta
lausa þróarrýmið er.
Að sögn Andrésar Finnboga-
sonar hjá loðnunefnd þá hafa
eftirtalin skip landað afla á
Norðurlandi: Beitir, Sigurður
(tvisvar), Hilmir II, Júpíter,
Börkur, Eldborg (tvisvar), Vík-
ingur, Hilmir, Þórður Jónasson,
Gígja, Bjarni Ólafsson og Gísli
Árni hafa öll landað á Siglufirði.
Grindvíkingur (tvisvar), Sig-
hvatur Bjarnason, Hrafn, Víkur-
berg, Svanur, Húnaröst, Jón
Finnsson og Súlan hafa landað á
Krossanesi.
Guðrún Þorkelsdóttir, Pétur
Jónsson og Fífill hafa landað á
Raufarhöfn.
Af einstökum löndunarstöðum
á Norðurlandi er Siglufjörður
hæstur með um 15000 lestir, til
Krossaness hafa borist á milli
6000 og 7000 lestir og 5000 til
6000 lestum hefur verið landað á
Raufarhöfn.
Loðnumiðin eru nú úti af
Garðsskaga og því um langa leið
að fara með aflann. - ESE.
1. hluti Leiruvegarins:
Gunnar og
Kjartan með
lægsta til-
boð
Vélaverkstæði Gunnars og
Kjartans s.f. á Egilsstöðum
reyndist vera með lægsta til-
boðið í gerð 1. áfanga Norður-
landsvegar um Eyjafjarðar-
leirur sem opnuð voru hjá
Vegagerð ríkisins í fyrradag.
Nam tilboð þeirra 58% af
kostnaðaráætlun, en verkið
felur í sér fyllingu og
grjótvörn.
Kostnaðaráætlun Vegagerðar-
innar hljóðaði upp á rétt tæplega
5 milljónir króna, en tilboð
Gunnars og Kjartans nam
2.897.500 kr. Næst lægsta tilboð-
ið hljóðaði upp á 3.465.800 kr.
eða 69.4% af kostnaðaráætlun og
var það frá Glerá s.f. á Akureyri.
Alls bárust 9 tilboð í verkið og
voru þau 7 sem ekki hefur verið
getið þessi: Möl og sandur og
Jóhann Gíslason á Akureyri
3.492.600 kr. eða 69.9%, Ýtan
s.f. á Akureyri 3.943.560 kr. eða
79%, Norðurverk 3.989.250 kr.
eða 79,9%, Halldór Baldursson
4.150.300 kr. eða 83.1%, Barð
s.f. Akureyri 4.629.650 kr. eða
92.7%, Hagvirki Reykjavík
4.770.000 kr. eða 95.6% og Jarð-
verk Nesi Hálshreppi 4.998.750
kr. eða 100,1%. gk-.
Veður
- Það stefnir í sunnanátt,
sagði veðurfræðingurinn
sem við ræddum við á
Veðurstofu íslands í
morgun.
Spáð er vaxandi sunn-
anátt í dag og úrkomu-
votti seinni partinn. Á
morgun gæti orðið snjó-
mugga og smárígning
víða á Norðuriandi og
hlýtt. Á föstudag gæti
hitastig svo komist allt
upp í 10 stig víðs vegar á
Norðurlandi en spáð er
suðlægum áttum áfram.
# Akureyrar-
tónlist
Eins og öllum mun kunnugt
hefur tónlistarstarfsemi verið
með miklum blóma á Akur-
eyri og Akureyringar hafa á
liðnum árum verið liðtækir í
útgáfu hvers kyns tónlistar á
hijómplötur og snældur.
Hvergi mun þó vera til yfirlit
yfir þessa útgáfu og nú hefur
ritstjóri Árbókar Akureyrar
1983 farið þess á leit við alla
þá sem gætu gefið upplýs-
ingar um tónlist, sem Akur-
eyringar hafa gefið út, heima
og heiman, að snúa sér til
Bókaforlags Odds Björns-
sonar með upplýsingarnar.
Ætlunin er að fá heildaryfirlít
yfir þessa menningarstarf-
semi.
# Veðurspáin
fram til
sumarmála
Hinn draumspaki veður-
spámaður okkar hefur kveðið
sér hljóðs á ný. Spáin nær að
þessu sinni fram til sumar-
mála. Hann gerir ráð fyrir að
það sem eftir lifi febrúarmán-
aðar verði tætingslegt
veðurfar og éljagangur nokk-
uð ráðandi. Mars verði ekki
stórviðrasamur, en ekki sé
rétt að gera ráð fyrir neinum
verulegum hlýindum. Það
sem eftir lifi vetrar verði róleg
t(ð, engar asahlákur, en
myndi verða talíð hagstætt
tíðarfar. Að líkindum verður
snjólítið f apríl, að minnsta
kosti í byggð. Og þar hafið
þíð það!
# Ónýt helgar-
ferð
Það hittist óheppilega á fyrir
þá sem komu í helgarpakka-
ferð til Akureyrar um síðustu
helgi. Allir komust þó í
leikhús sem vildu á föstu-
dagskvöld og einhverjir fóru
í Sjallann en hins vegar
kom fólkið alls staðar að lok-
uðum dyrum á iaugardags-
kvöld. Slippstöðin fyllti Sjall-
ann og Kaupfélagið var með
árshátíð á Hótel KEA. Fólkið
var því að vonum óánægt og
sumum fannst ferðin ónýt.
Það er vel hægt að skilja
gremju ferðalanganna og víst
er að Akureyringar tækju því
ekki þegjandi ( helgarpakka-
ferð til Reykjavíkur að kom-
ast hvergi inn nema í Fáks-
heímilið eða Tónabæ.