Dagur - 24.02.1984, Blaðsíða 10
10 - DAGUR - 24. febrúar 1984
Þorrablótsgestir skemmtu sér konunglega, enda vel til blótsins vandað.
„..enda vinamargir.. “
— Frá þorrablóti Öngulsstaðahreppsbúa í Freyvangi
Hér er fjölskyldan á Staðarhóli í meirihluta.
Messa var sett á svið og að sjálfsögðu var kirkjukór þar á sínum stað. Orgelleikari er Ingólfur Jóhannsson á Upp-
sölum, en söngmenn Hansína Haraldsdóttir á Svertingsstöðum, Emilía Baldursdóttir á Syðra-Hóli, Vilberg Jónsson
í Kommu, Ólafur Theódórsson í Freyvangi og Jóhannes Geir á Öngulsstöðum. Kirkjugestir eru hins vegar aðeins
tveir; Erla Sigurgeirsdóttir á Staðarhóli og Egill Örlygsson á Þórustöðum.
- Alltaf bíð ég jólanna
með sömu óþreyjunni, því
þegar þau eru gengin í
garð veit ég fyrir víst að
nýársgleðin er skammt
undan og svo taka þorra-
blótin við með allri sinni
gleði, hafði frómur maður
eitt sinn á orði þegar hann
var nýgenginn frá blóti
frammi í Firði.
Já, en nú er tími þorrablótanna að líða,
rétt einu sinni, þó það komi nú svo sem fyrir,
að blótað sé á góunni líka, enda ekki til-
tökumál. Um síðustu helgi héldu íbúar Öng-
ulsstaðahrepps blót sitt og buðu til þess
fjölda gesta, enda vinamargir. Að venju
hófst blótið með heljarmiklu áti, en allan
blótbúnað höfðu blótsgestir með sér að heim-
an. Síðan var fluttur annáll ársins, sem gam-
ansamir hreppsbúar höfðu tekið saman. Var
hann fluttur í tali, tónum og í leik, sem er
nýlunda, en fram til þessa hafði upplestur á
annálnum verið látinn duga. En nú voru
eftirminnilegustu atburðir ársins í Önguls-
staðahreppi færðir í leikbúning, enda hrepp-
urinn frægur fyrir metnaðarfullan leikhóp.
Raunar var það sagt í græskulausu gamni í
annálnum, að eitthvað hefði dregið úr að-
sókn á leiksýningarnar, en það kæmi ekki að
sök, þar sem sjálfsánægja leikaranna hefði
aukist að sama skapi.
Það kom líka fram í annálnum, að Dagur
hefði gert tilraun til að auka útbreiðslu sína í
hreppnum með því að gefa út aukablað um
málefni hreppsins. Stjórnendur blaðsins
hefðu hins vegar uppgötvað, að áskrifenda-
fjölgun í Öngulsstaðahreppi var vonlaus,
nema um leið kæmi til fjölgunar á mannfólk-
inu. Ekki kom fram í annálnum, hvort Dags-
menn hefðu reynt að beita sér á því sviði!!
Það kom hins vegar fram, að Öngulsstaða-
hreppsmenn telja sig betur gefna til orðs og
æðis en aðra Eyfirðinga, í það minnsta í
samanburði við þá sem handan árinnar búa,
enda hefði þetta komið glöggt fram í spurn-
ingakeppnum liðins árs!
Annállinn gerði mikla lukku, enda vel til
hans vandað, og allt var efnið frumsamið af
þeim sem í þorrablótsnefndinni sátu, hvort
heldur sem það var í bundnu cða óbundnu
máli. Þegar flutningi annálsins var lokið
bættu menn ögn við sig í mat, en síðan var
stiginn dans fram á morgun. - GS.
Leifur Guðmundsson í Klauf lifði sig
inn í hlutverk prestsins, sem lagði út
af orðum Matthíasar í Reykjavík-
urbréfi Moggans.
Garðar Karlsson stjórnaði fjölda-
söng af mikilli röggsemi og þá dugði
ekki annað en að stíga á stól.