Dagur - 02.03.1984, Qupperneq 5

2. mars 1984 - DAGUR - 5
FM 103
Útvarpsstjórar í Útvarp Glerárskóli með hluta af kveðjunum sem bárust. Myndir: ESE.
Útvarp Glerárskóli
„Útvarp Glerárskóli - góðan
daginn.“ Þetta er ávarp sem
íbúum í Glerárþorpi og víðar
og nemendum í Glerárskóla er
enn í fersku minni. Ávarpið á
rætur sínar að rekja til útvarps-
sendinga nemenda í starfsviku
en þessi nýbreytni mæltist
mjög vel fyrir hjá þeim sem
nutu þessara sendinga.
Dagiir heimsótti „útvarpsstöð-
ina“ dag einn í miðri starfsviku
en þá höfðu Glerárskólamenn
verið „í loftinu“ eins og það heit-
ir á útvarpsmáli um tveggja daga
skeið. Fimm hressir strákar úr
níunda bekk sáu um að halda
uppi dampi á radíóinu en þegar
við litum þar inn þá voru þeir
Ingvi Þór Björnsson, Sigmundur
Björnsson, Reynir Pálsson, Sig-
urður Ari Tryggvason og Viðar
Víkingsson, plötusnúður á vakt.
Verið var að útvarpa kveðjum
frá nemendum og kveðjunum
fylgdu hin og þessi óskalög.
- Þetta er búið að vera rosa-
lega skemmtilegt en jafnframt
strembið, sögðu strákarnir er
blaðamaður Dags náði tali af
þeim á miUi laga.
- Við vorum eiginlega ekkert
undir þessar útvarpssendingar
búnir og satt best að segja þá
fréttum við ekki af því að þetta
stæði til fyrr en kvöldið fyrir
fyrstu sendinguna. Við drifum
strax í að setja tækin upp eftir að
ljóst var að við höfðum leyfi
Pósts og síma og útvarpsstjóra og
kl. 12 á hádegi á miðvikudag var
Utvarp Glerárskóli orðið stað-
reynd.
- Hvaða efni eruð þið aðallega
með?
- Pað eru aðallega lög og
kveðjur en eins höfum við reynt
að fylgjast með því sem er að ger-
ast innan veggja skólans. Þá má
nefna að við höfum valið vin-
sældalista út frá þeim lögum sem
beðið hefur verið um og þennan
topp tíu lista höfum við spilað
hér í stöðinni.
- Hvaða lag er vinsælast?
- Það er tvímælalaust gamla
Slade-lagið, Cum feel the noise
með hljómsveitinni Quiet Riot.
- Vitið þið hvort stöðin heyrist
víða í bænum?
- Sendingarnar hafa heyrst vel
hér í Þorpinu og eins höfum við
frétt af mönnum í miðbænum og
uppi á Brekku sem hafa heyrt
sendingarnar. Viðbrögð fólks eru
bara jákvæð og flestir virðast
ánægðir, sögðu strákarnir og
snöruðu annarri plötu á fóninn.
- ESE.
Plötusnúður að störfum.
Fjölskyldunámskeið
5. mars til 28. mars nk. verður haldið fjölskyldu-
námskeið um áfengisvandamál, einkum miðað
við aðstandendur alkoholista. Námskeiðið stend-
ur 12 kvöld kl. 20-23 og verður haldið í Brekku-
götu 8. Gjald kr. 500,-
Nánari upplýsingar gefur Félagsmálastofnun s.
25880 að deginum og Albert Valdimarsson, s.
25880 kl. 16-18. Þátttaka skal og tilkynnt í þenn-
Samstarfshópurinn.
FRA SULNABERGI:
Fjölskyldutilbod
sunnudaginn 4. mars
Hadegis og kvöldverður
Blómkálssúpa
Londonlamb
Mocca fromage
kr. 225.-
Dansleikur
laugardagskvöldið 3. mars
Harmonikuunnendur
við Eyjafjörð
Fjölskylduskemmtun verður á sunnudaginn 4. mars í
Sjallanum kl. 3 e.h.
Kaffi, kökur og gosdrykkir.
Unglingar frá dansskóla Sigvalda sýna.
Félagar, takið með ykkur nikkuna og munnhörpuna.
Nokkrir þátttakendur geta komist að
á námskeiði
til meiraprófs
bifreiðastjóra
sem hefst á Akureyri þann 7. mars nk.
Bifreiðaeftirlitið.
UTBOÐ
\ST hf,/Virkir hf.
Fyrir hönd RARIK - Kröfluvirkjunar er óskað
eftir tilboðum í smíði forsteyptra undirstaða
fyrir safnæðar, samtals 110 stk. Verkinu skal
lokið fyrir 1. júlí nk.
Útboðsgögn eru til afhendingar hjá Verkfræði-
stofu Sigurðar Thoroddsen (VST hf.), Glerárgötu
36, Akureyri, gegn skilatryggingu kr. 2000.
Tilboð verða opnuð á skrifstofu Kröfluvirkjunar,
Strandgötu 1, 3.h., Akureyri, föstudaginn 16.
mars nk. kl. 11.00.