Dagur - 07.03.1984, Qupperneq 1

TRULOFUNAR-
HRiNGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
' AKUREYRI
fltloÁs'icJ®
67. árgangur
Akureyri, miðvikudagur 7. mars 1984
29. tölublað
Eyjafjörður fisklaus!
— En nóg er af selnum
„Það hefur enginn fiskur sést
hér í firðinum síðan um miðjan
desember, alveg hreinar línur
með það. Hins vegar hefur
fjörðurinn verið fullur af sel og
a.m.k. hér áður fyrr var talið
að samhengi væri þarna á
milli,“ sagði Jón V. Ólafsson
hjá fískmóttöku KEA í viðtali
við Dag.
„Fiskurinn flýr undan selnum
og það litla sem komið hefur á
línuna hjá köllunum hafa verið
hausar, því selurinn étur af lín-
unni. Það fór að bera talsvert á
þessu í fyrra, að selurinn æti af
línunni, en nú er því ekki lengur
til að dreifa því það er bókstaf-
lega enginn fiskur. Nú eru engir
að róa vegna fiskleysisins, það er
alveg tilgangslaust,“ sagði Jón.
Hann sagði að menn myndu
ekki annað eins nema e.t.v. frá
því fyrir mörgum áratugum.
Hann sagðist vita til þess að
menn sern haldið hefðu dagbæk-
ur frá 1945 könnuðust ekki við
annað eins. Milli 10 og 12 trillu-
karlar hafa fasta atvinnu af sjó-
róðrum frá Akureyri.
„Ég frétti það í gær að sama
ástandið væri hér utar með firðin-
um. Þeir fiskuðu svona sæmilega
um daginn í austurkantinum við
Grímsey, netabátar frá Hauga-
nesi og Árskógssandi, en núna
síðustu daga hefur hreinlega ekki
verið neitt að fá.“
- Þeir þurfa þá ekki að vera
neitt óttaslegnir um að þeir fylli
kvótann sinn of fljótt?
„Ekki virðist nú neitt benda til
þess í augnablikinu. Það þarf
mikið að breytast til þess,“ sagði
Jón V. Ólafsson að lokum.
- HS.
Sullur
finnst
í sjúkl-
■ ■
ingi
á FSA
Nýlega varð vart við sullaveiki
í manni sem var til meðferðar
á Fjórðungssjúkrahúsinu á
Akureyri. Var sullurinn fjar-
lægður úr manninum með
skurðaðgerð og heilsast mann-
inum nú vel.
Maðurinn sem hér um ræðir er
63ja ára og hafði hann ekki hinn
minnsta grun um að hann væri
haldinn þessum kvilla. Sullaveiki
berst með hundum en þá dýra-
tegund mun maðurinn hafa
haft lítið saman við að sælda síð-
an í barnæsku. Ekki er því vitað
hvernig maðurinn hefur smitast
en sullurinn greindist fyrst þegar
maðurinn var í röntgenmynda-
töku vegna annarra ástæðna.
Furðulegir náungar og undarlegar
vcrur sáust á ferli á gölum Akureyr-
ar í morgun, Mjólkurícrnur, Irúöar,
liófar, Indiánar og lleiri furðufyrir-
bæri skondruöu niilli vinnusfaöa og
sungu fyrir slarfsfólk, Og fengu gott
að launum. Þetta öskudagslið hitti
Ijósmyndari Dags á Sambandsverk-
smiöjunum, þar scm krakkarnir
sungu lullum hálsi, Mynd: KGA.
Leiruvegur:
Samið
við
Gunnar
og
Kjartan?
Að undanfömu hafa staðið yfír
viðræður milli Vegagerðarinn-
ar og Vélsmiðju Gunnars og
Kjartans á Egilsstöðum, en
það fyrirtæki var með Iægsta
tilboðið í 1. áfanga Leiruvegar-
ins svokallaða, og skal unnið
að uppfyllingu og grjótvörn í
þeim áfanga.
- Þegar Dagur ræddi við
Guðmund Svafarsson umdæmis-
verkfræðing Vegagerðarinnar á
Akureyri upp úr hádegi sl. mánu-
dag gat hann lítið um málið sagt.
Vélsmiðja Gunnars og Kjartans
hafði þá haft frest til hádegis til
að gefa endanlegt svar af eða á
með það hvort þeir vildu ganga
til samninga, en ekkert hafði
heyrst frá þeim.
„Það var hringt frá fyrirtækinu
síðar þennan sama dag,“ sagði
Guðmundur er við ræddum við
hann í gær. „Það var Kjartan sem
hringdi, og hann sagði að þeir
vildu ákveðið standa við tilboð
sitt. Það bendir því allt til þess að
við hans fyrirtæki verði samið.
Hins vegar er Kjartan væntan-
legur hingað síðar í vikunni og
það verður ekki skrifað undir fyrr
en hann er kominn hingað og
búinn að ræða við okkur.“
- Hvenær er áætlað að hægt
verði að hefjast handa við
verkið?
„Ég veit það ekki. Fyrirtækið
á að leggja fram verkáætlun þeg-
ar samningar verða undirritaðir
og þeir hafa það nokkuð í hendi
sér, við getum engu þar um ráðið
umfram það sem stendur í út-
boðsgögnum. Verkinu á hins
vegar að vera lokið 1. nóvem-
ber,“ sagði Guðmundur Svafars-
son. gk-.
Válkryddað lambakjöt
— vekur mikla athygli erlendis
„Samkvæmt þeim viðbrögðum
sem ég hef fengið erlendis tel
ég að nú séu e.t.v. í fyrsta
skipti að opnast möguleikar á
því að flytja út íslenskt lamba-
kjöt þannig að einhver hagn-
aður verði af. Viðbrögðin er-
lendis við Lado-Iambinu, sem
ég hef kynnt nokkuð víða, hafa
verið mjög jákvæð og það ætti
að vera hægt að fá milli 5 og 7
dollara fyrir kflóið, sem sam-
svarar því að vera nær tvöfalt
hærra verð en mest fæst fyrir
óunnið kjöt sem nú er selt úr
Iandi,“ sagði Steindór Har-
aldsson, matreiðslumaður á
Akureyri, en hann hefur fund-
ið aðferð til að vélkrydda kjöt,
sem við það líkist einna helst
marineruðu kjöti. Framleiðsla
er nú hafín á því hjá kjötiðju
KÞ á Húsavík. Reiknað er
með að kjötið komi á markað
innanlands í þessum mánuði.
„Ég hef fengið töluvert af fyrir-
spumum erlendis frá, en ennþá
er ekki að ráði farið að huga að
útflutningi, heldur verður kjötið
sett á markað hér innanlands
fyrst og það gæti gerst einhvern
næstu daga. Hægt er að framleiða
um 2 tonn á dag,“ sagði Steindór.
Hann sagði að Lado-lamb væri
vélkryddað lambakjöt. Fyrst er
það fituskorið, þannig að alltaf er
jafn lítið af fitu í kjötinu. Kjötið
er síðan sett í þar til gerðan
strokk, ásamt efnunum sem not-
uð eru. Eftir um 20 mínútur er
kjötið orðið kryddað í gegn á
svipaðan hátt og um marineringu
væri að ræða, nema hvað það
tekur um viku að marinera kjötið
með sama árangri. Hann sagði
þetta geysilega mikilvægt fyrir
geymsluþol kjötsins, sem ekki
versnar eins og við marineringu í
langan tíma, heldur eykst.
„Ég nota í þetta sérvalið aust-
urlenskt krydd og efni til að gera
kjötið meyrt. Þá eru notuð sér-
stök efni sem valda ákveðnum
efnabreytingum, kljúfa sig inn í
kjötið og bera með sér krydd og
olíur. Þetta gengur saman við
kjötsafann og kjötið verður mjög
bragðgott og safaríkt. Kjötið er
síðan pakkað í lofttæmdar um-
búðir og þannig fer það á markað
hér,“ sagði Steindór og bætti því
við að um yrði að ræða 9 vöruteg-
undir.
Segja má að aðferð Steindórs
sé nánast bylting frá því sem áður
hefur þekkst við verkun kjöts.
Kjötið verður meyrt og mjúkt á
mjög skömmum tíma og fitu-
bragð finnst ekki lengur, en út-
lendingar setja það gjarnan fyrir
sig. Þá eykst geymsluþol kjötsins
verulega. Dr. Jón Óttar Ragnars-
son, dósent, segir um Lado-
lambið að það hafi ýmsa æskilega
eiginleika sem aðrar unnar kjöt-
vörur séu yfirleitt ekki gæddar,
þ.á m. lítið salt, hvorki saltpétur
né nítrít, enginn reykur eða reyk-
efni séu notuð við vinnsluna, fitu-
innihald lágt (8-9%) og loks sé
það sérlega bragðgóð afurð. HS.