Dagur - 07.03.1984, Blaðsíða 3
7. mars 1984 - DAGUR - 3
Mannræktarnámskeið
- fyrir fjölskyldur í erfiðleikum — á vegum Félagsmálastofnunar
Fjölskyldunámskeið verður
haldið á vegum áhugahóps og
Félagsmálastofnunar á næst-
unni og hefst það 19. mars.
Þetta námskeið, sem sumir
vilja kalla mannræktarnám-
skeið, er einkum ætlað að-
standendum alkohólista og
þeim sem hafa átt við slík
vandamál að stríða, en reynsl-
an af fyrri námskeiðum af
þessu tagi hefur hins vegar sýnt,
að þau nýtast ekki bara þeim
sem tengjast á einhvern hátt
áfengisneyslu, heldur öllum
þeim sem þurfa á því að halda
að breyta lífsvenjum sínum til
betra horfs - vilja rjúfa hegð-
unarmynstur sem komið er á.
Að sögn eins aðstandenda
Kaupfélag Eyfirðinga:
Heimsendinga-
þjónusta nú
frá einum stað
Sú breyting verður gerð á
heimsendingaþjónustu frá
kjörbúðum KEA, að frá og
með mánudeginum 12. mars
verða heimsendar vörur aðeins
afgreiddar frá einum stað, þ.e.
útibúinu í Höfðahlíð 1. Hingað
til hefur verið hægt að hringja
í allar verslanirnar nema
Hrísalund og Sunnuhlíð og fá
heimsendar vörur.
Að sögn Brjáns Guðjónssonar,
deildarstjóra matvörudeildar
KEA, á þessi breyting bæði við
um heimsendingu innan bæjarins
og út í sveitirnar. Sveitapantanir
hafa yfirleitt verið afgreiddar frá
versluninni í Hafnarstræti 91, en
með þessari breytingu eykst
vöruvalið, þar sem það er meira
í Höfðahlíð. Gagnvart innan-
bæjarpöntunum ætti þetta ekki
að hafa neinar breytingar í för
með sér, nema hvað þetta gæti
orðið til hins betra, vegna auk-
innar hagræðingar sem þetta hef-
ur í för með sér.
Þeir sem óska eftir heimsend-
ingarþjónustu hringja eftir sem
áður í aðalsíma kaupfélagsins,
sem er.21400, en verður nú vísað
á^ útibúið í Höfðahlíð. Utan
verslunartíma er símanúmerið
21384, en það nýtist einkum fyrir
sveitapantanir frá kl. 8-9 á
morgnana. Þær sveitapantanir
sem afgreiða á samdægurs í
bögglageymslu KEA þurfa að
berast fyrir klukkan 10 á morgn-
ana. Pantanir innan Akureyrar
sem óskað er eftir að berist
samdægurs þurfa að berast fyrir
klukkan 2 e.h. Þá má geta þess
að skipakostur verður eftirleiðis
afgreiddur frá Höfðahlfð 1.
Brjánn sagði að pantanir um
heimsendingarþjónustu væru að
jafnaði um 10 á dag innanbæjar.
Sveitasendingar væru mjög mis-
miklar, eftir veðri og færð en
hefðu minnkað mikið frá því sem
áður var. - HS.
Dalvík:
Sæplast
stofnað
— Líkur eru á útflutningi
Stofnað hefur verið fyrirtæki á
Dalvík sem hlaut nafnið
Sæplast, og er fyrirhugað að
það kaupi fyrirtæki sem starf-
að hefur undir sama nafni í
Garðabæ. Kosin hefur verið
stjórn, og var Valdimar
Snorrasyni falið að kalla
stjórnina saman til fundar.
„Það eru ýmsir aðilar sem
standa að Sæplasti á Dalvík, bæði
einstaklingar og fyrirtæki, og
Iðnþróunarfélag Eyjafjarðar er
einnig aðili,“ sagði Valdimar er
við ræddum við hann. „Við kom-
um til með að framleiða plastkör
og bretti undir fiskikassa og ann-
an varning og það eru möguleik-
ar á fjölbreyttri framleiðslu.
Það verða 12 manns sem reikn-
að er með að muni starfa við
fyrirtækið ef unnið verður á
tveimur vöktum, en það fer að
sjálfsögðu eftir því hversu mikil
sala og framleiðsla verður. Það
hefur verið nokkur útflutningur
frá fyrirtækinu í Garðabæ til Fær-
eyja og dálítið til írlands, og við
vonumst til að fá sölu erlendis."
Valdimar sagði að erfitt væri
að segja til um framleiðsluverð-
mæti á ársgrundvelli, en talað
hefði verið um að æskilegt væri
að framleiða fyrir 30-40 milljónir
á ári. Valdimar tók fram í lokin
að aðeins hefði verið gerður
bráðabirgðasamningur við eig-
endur Sæplasts í Garðabæ um
kaupin, en endanlegur kaup-
samningur yrði að öllum líkind-
um gerður í vikulokin eða um
helgina. gk-.
VIÐGERMR
ÞJóNusm
Bjóðum lullkomna vlðgarðarþjónustu á ajón-
varpstaakjum, útvarpstaakjum'sterlomögnur-
um, piðtuspilurum, segulbandstaskjum, bfl-
taskjum, talstöðvum, flskileitartaakjum og sigl-
Ingertaekjum.
leetnlng á bfltaekjum.
S>m< (96) ?36?6
G>*ftf0Olu 3? ■ Aku'tV'
námskeiðsins hefur þrisvar áður
verið haldið námskeið af þessu
tagi og allt í allt hafa um 50
manns sótt þau. Á námskeiðun-
um er fjallað um daglegt líf fjöl-
skyldu sem á í erfiðleikum, oftast
vegna áfengisneyslu einhvers
fjölskyldumeðlims. Fólk er að-
stoðað við aó koma auga á það
sem aflaga hefur farið og hvernig
megi úr bæta, hvað breytingar
þurfi að verða á háttum þess til
að unnt sé að komast út úr víta-
hringnum. Þetta getur átt við um
alla þá sem eiga við erfiðleika að
etja í sambúð. Oft geta sambúð-
arerfiðleikar leitt til ofneyslu
áfengis, sem endar svo með því
að áfengiö tekur ráðin og fer að
stjórna hegðunarmynstrinu, ekki
aðeins þess sem neytir þess í
óhófi heldur allra sem umgangast
hann.
Námskeiðin byggjast á fyrir-
lestrum, kvikmyndasýningum og
hópumræðum, en það form virð-
ist hafa gefið hvað besta raun.
„Námskeiðin eiga að hjálpa fólki
til að brjótast út úr mynstrinu, til
að þora að tjá tilfinningar sínar
og brjóta niður brynjuna sem
komin er. Oft þarf fólk hjálp til
að komast út úr þessu hegðun-
armynstri, jafnvel þó orsökin sé
horfin. Við reynum að hjálpa
fólki til að átta sig á aðstæðum
sínum og breyta þeim til hins
betra,“ sagði viðmælandi
blaðsins, sem er einn af þeim sem
standa að námskeiðinu ásamt
Félagsmálastofnun.
Námskeiðið byrjar sem áður
sagði 19. mars og tilkynna þarf
þátttöku til Félagsmálastofnunar
ekki síðar en föstudaginn 16.
mars. Það stendur í 4 vikur, þrjú
kvöld í viku frá kl. 20-23 á
mánu-, þriðju- og miðviku-
dögum. HS.