Dagur - 12.03.1984, Blaðsíða 6
6-DAGUR-12. mars 1984
12. mars 1984 - DAGUR - 7
Alfreð Gíslason.
Bikarkeppni HSI:
KA leikur
gegn ÍBK
KA dróst gegn liði ÍBK í Bikarkeppninni
í handknattleik og verður leikur liðanna í
Keflavík nk. flmmtudagskvöld.
ÍBK leikur í 3. deild og er miðlungslið
þar svo KA-menn ættu að vinna þarna
sigur. Liðið skyldi þó varast að vanmcta
andstæðing sinn sem leikur á heimavelli,
slíkt hefur aldrei geflð góða raun og það
er erfltt að leika gegn liði á útivelli í Bik-
arkeppninni, jafnvel þótt um miðlungs 3.
deildarliö sé að ræða. En að öllu jöfnu
ætti KA að hafa góða möguleika á að
komast áfram í keppninni.
Bikarkeppni í blaki:
KA í
(indan-
úrslitum
KA hefur tryggt sér rétt til þess að leika í
undanúrslitum í Bikarkeppni Blaksam-
bands íslands, eftir að hafa sigrað Skauta-
félag Akureyrar og Óðin í fyrri leikjum
sínum.
Hætt er við að róðurinn verði erflður
hjá KA í undanúrslitunum því þá verða
það íslandsmeistarar Þróttar sem verða
mótherjar KA. Leikurinn verður í
íþróttahúsi Glerárskóla og hefst hann kl.
13 á laugardaginn.
Enginn skyldi þó afskrifa KA-menn
scm leika á heimavelli sínum. Hver veit
nema liðið nái toppleik og ef Þróttarar
mæta fullir sigurvissu gæti hið óvænta
gerst þótt fyrirfram verði auðvitað að
telja íslandsmeistarana sigurstranglegri.
ÍS vann
Ekki tókst Reynivík að leggja ÍS að
velli í leik liðanna í 8-liða úrslitum
Bikarkeppni Blaksambandsins um
helgina en leikið var á Dalvík. ÍS með
sitt reynda lið sigraði 3:1) en þurfti þó
að hal'a lyrir sigrinum. Úrslitin í ein-
staka hrinum 15:13, 15:11 og 15:3 fyrir
ÍS.
Alfreð með gegn
Sovétmönnum
- í íþróttahöllinni á Akureyri á föstudagskvöldið
- Allt bendir til þess að Al-
freð Gíslason muni leika
með íslenska landsliðinu í
handknattleik gegn Sovét-
mönnum í Iþróttahöllinni á
Akureyri á föstudagskvöld.
Lið Alfreðs verður ekki að
leika þann dag, og hafa for-
ráðamenn HSÍ sagt að aUt
verði gert til þess að fá Al-
freð heim, jafnvel þótt hann
myndi ekki leika nema þenn-
an eina leik hér gegn Sovét-
mönnum.
Landsleikur íslands og Sovét-
ríkjanna í handknattleik hefur
verið settur á í íþróttahöllinni kl.
20 á föstudaginn, ef veður leyfir.
Verður tekin um það endanleg
ákvörðun kl. 13 á föstudag hvort
af leiknum verður, og verður það
gert í samráði við starfsmenn
Flugleiða. Verði gefið grænt ljós
mun forsala aðgöngumiða hefjast
í Sporthúsinu og Hlíðasporti
strax upp úr hádegi þann dag.
Gefi hins vegar ekki til flugs á
föstudag mun enginn leikur
verða við Sovétmenn hér fyrir
norðan.
Sovétmenn eru heimsmeistarar
í handknattleik og eru nú á fullri
ferð að undirbúa sig fyrir Olymp-
iuleikana í Los Angeles í sumar.
Þar hyggjast þeir endurheimta
Olympiumeistaratitilinn sem þeir
töpuðu óvænt á leikunum í
Moskvu 1980.
Það þarf ekki að fara mörgum
orðum um sovéska liðið. Þar er
valinn maður í hverju sæti, og
Iiðið er talið vera það sterkasta í
heiminum í dag. Liðið er skipað
mjög hávöxnum leikmönnum og
er meðalhæð þess eins og hjá
sæmilegu körfuknattleiksliði.
Áhorfendur á Akureyri eiga þess
kost að sjá í leik bestu hand-
knattleiksmenn heims, og er ekki
að efa að þeir munu fjölmenna í
Höllina á föstudagskvöld.
„Ekki spennt að láta
reka Fram úr mótinu“
- en viljum ekki láta þá sleppa þegjandi og hljóðalaust
„Það er ekki búið að afgreiða
málið hjá stjórninni en það
hefur verið rætt,“ sagði Þórdís
Kristjánsdóttir formaður
Körfuknattleikssambands ís-
lands fyrir helgina er rætt var
við hana um „Fram-málið“
svokallaða er Framarar mættu
ekki til leiks gegn Þór á dögun-
um.
„Það verður að reyna að finna
lausn á þessu leiðindamáli,"
sagði Þórdís. „Þór mun fá bréf
þar sem beðið verður um gögn
frá félaginu, og það kannað hvort
hægt verður að komast að ein-
hverju samkomulagi í málinu.
Við erum ekkert ógurlega spennt
fyrir því að reka Fram úr mótinu,
en við erum heldur ekki spennt
fyrir því að láta eins og þetta hafi
ekki átt sér stað. Ef á einhvern
hátt er hægt að komast að sam-
komulagi í málinu eins og t.d.
með því að láta Fram greiða ailan
útlagðan kostnað vegna málsins
og sektir þá teljum við það far-
sælast.
Ef við rekum Fram úr keppn-
inni verðum við einnig að reka
Borgnesinga úr keppninni því
þeir gáfu leik gegn Grindavík án
þess að hafa til þess nokkra
ástæðu og án þess að tala við
nokkurn mann fyrr en daginn
áður en leikurinn átti að fara
fram.
Þessi grein sem Þór bendir á
að: Mæti lið ekki til leiks án óvið-
ráðanlegra orsaka, þá er því
sjálfkrafa vikið úr móti“ - var
samþykkt á allsherjarnefndar-
fundi í haust og var fyrst og
fremst hugsuð fyrir yngri flokka,
vegna þess að engum datt í hug
að lið í deildakeppni væri ekki í
henni í alvöru. Fram hafði enga
heimild til þess að spila ekki þeg-
ar fimm leikmenn voru mættir
norður. Ég sé hins vegar enga
ástæðu til þess að drepa körfu-
boltann hjá Fram án þess þó að
ég vilji að þeir fari þegjandi og
hljóðalaust frá þessu máli,“ sagði
Þórdís.
- Eins og kunnugt er kærðu
Framarar það að leikurinn var
flautaður af kl. 22.15 um kvöldið
og Þór dæmdur sigur 2:0. Sú
kæra hefur ekki verið tekin fyrir
hjá dómstól í héraði (á Akureyri)
þegar þetta er skrifað. Ekki er
vitað hvernig Framarar hyggjast
vinna þá kæru því samkvæmt
reglum verða 4 leikmenn að hefja
leik séu þeir mættir á leikstað
eins og Þórdís sagði reyndar fyrr
í þessari grein.
- Ljóst er að ársþing KKÍ
verður í vor að setja reglur um
þessi mál sem ekki verða mis-
skildar eða togaðar. Framarar
mættu ekki á réttum tíma norður
vegna þess að landsliðsmaður
liðsins, Þorvaldur Geirsson var í
vinnu til kl. 19 um kvöldið. Verði
niðurstaða þessa máls sú að Fram
fái að halda áfram í mótinu er
hægt að velta því fyrir sér hvort
Þór eigi að fara í frestaða leikinn
gegn UMFL á Selfossi. Það hefur
lítið í för með sér nema um 35
þúsund króna fjárútlát.
Hóflega bjartsýnn
33
- segir Árni Stefánsson þjálfari Tindastóls
„Við byrjuðum að hreyfa okk-
ur í janúar og höfum hlaupið
úti og verið í lyftingum að
mestu,“ sagði Árni Stefánsson
fyrrum landsliðsmarkvörður
og þjálfari Tindastóls sem
Ieikur í fyrsta skipti í 2. deild í
sumar.
„Það er enginn bolti kominn í
þetta ennþá, við höfum þó reynt
að spila aðeins á laugardögum en
áherslan hefur verið lögð á að
byggja menn upp,“ bætti Árni
við.
- Miklar mannabreytingar?
„Já, við höfum misst tvo sterka
leikmenn, þá Gústaf Björnsson
og Hermann Þórisson og það er
reyndar ekki séð fyrir endann á
því hvort við missum fleiri menn.
í staðinn höfum við fengið Adolf
Árnason frá Siglufirði og tvo
Austfirðinga, Björn Grétarsson
og Árna Ólason."
- Hvernig leggst keppnistíma-
bilið í þig?
„Ég er hóflega bjartsýnn á að
. við höldum sæti okkar í deildinni
en það er það sem við munum
stefna að á okkar fyrsta ári í 2.
deild. Þetta verður geysilega
erfitt en við gefumst ekki upp
fyrirfram svo mikið er víst.“
- Og þú verður væntanlega í
fínu formi í sumar?
„Já ég vona það. Hins vegar
hef ég mikla samkeppni frá Gísla
Sigurðssyni, ungum strák sem er
mjög mikið efni og á eftir að gera
það gott,“ sagði Árni Stefánsson
og Tindastólsmenn eru sam-
kvæmt því ekki á flæðiskeri með
markverði.
opnu íþróttamóti fyrir fatlaða
MikiU fjöldi keppenda mætti á
Hængsmótið um helgina, en
það er opið íþróttamót fyrir
fatlaða sem haldið var í
íþróttahöllinni á Akureyri á
vegum íþróttafélags fatlaðra á
Akureyri og Lionsklúbbsins
Hængs. Félagar í Lionsklúbbn-
um sjá alveg um framkvæmd
Akureyringarnir voru sigursælir
Bikarmót Skíðasambandsins
er fram átti að fara á Húsavík
dagana 3. og 4. mars var flutt
til Akureyrar. Mótið hófst kl.
10 á laugardag og var keppt í
svigi í fl. 13-14 ára og 15-16
ára stúlkna og stórsvigi
drengja, sömu flokkar. Veður
var nokkuð stormasamt og
setti nokkurn svip á mótahald-
ið, það er að segja að ekki var
hægt að fara nema eina ferð í
stórsvigi drengja fl. 13-14 ára.
Og eftir fyrri ferð var staðan
þessi: 1. Valdemar Valdemars-
son A. 2. Kristinn Svanbergs-
son A. 3. Kristinn Grétarsson
I. Úrslit á laugardag voru
þessi:
Fl. 13-14 ára stúlkur. Svig.
Þórdís Hjörleifsdóttir R 85,21
Kristín Jóhannsdóttir A. 86,12
Gerður Guðmundsd. Nesk. 87,30
Fl. 15-16 ára stúlkur. Svig.
Guðrún H. Kristjánsd. A. 82,97
Snædís Úlriksdóttir R. 85,21
Bryndís Ýr Viggósdóttir R. 85,84
FI. 15-16 ára drengir. Stórsvig.
Guðmundur Sigurjónss. A. 122,24
Brynjar Bragason A. 122,55
Þór Omar Jónsson R. 122,83
Á sunnudag var fyrirhuguð
keppni í svigi drengja og stórsvigi
stúlkna og einnig að klára það
sem var frestað á laugardag. en
aftur var veðrið óhagstætt og var
bara keppni í svigi drengja en
stórsvigi frestað. Úrslit sunnu-
dags:
Fl. 15-16 ára drengir. Svig.
Brynjar Bragason A. 86,86
Þór Ómar Jónsson R. 88,70
Sigurður Bjamason H. 90,30
Fl. 13-14 ára drengir. Svig.
Jón Ingvi Árnason A. 82,18
Kristinn Svanbergss. A. 82,69
Jón Ragnarsson A. 84,34
í þessu móti tóku þátt um 120
unglingar, víðs vegar af landinu.
Óhætt er að segja að mótahaldið
hafi gengið vel miðað við veður,
en íslensk veðrátta er svo duttl-
ungafull að enginn gengur örugg-
ur til leiks við hana.
í öllum flokkum voru verðlaun
fleiri en gengur og gerist á skíða-
mótum það er að segja að í tveim
fjölmennustu flokkunum voru sex
verðlaun en í hinum fimm. Svona
á heildina litið virðist vera í
öllum héruðum talsverð gróska í
unglingaflokkum og lofar það
góðu.
mótsins, og þeim fórst það vel
úr hendi.
Á mótinu voru keppendur frá
íþróttafélagi fatlaðra á Akureyri,
Eik, Gný í Biskupstungum og frá
Iþróttafélagi fatlaðra í Reykja-
vík. Keppt var í fjórum greinum
íþrótta, bogfimi, boccia, borð-
tennis og í lyftingum.
Keppnin í boccia var mjög um-
fangsmikil enda keppendur
langflestir í þeirri grein sem hefur
náð miklum vinsældum hér á
landi á fáum árum. Keppt var í
tveimur flokkum og í sveita-
keppni.
í keppni þroskaheftra sigraði
Ólafur Benediktsson Gný,
Kristjana Larsen Gný varð
önnur, Árni Alexandersson Gný
þriðji, fjórði Margeir Vernharðs-
son Eik, Pétur Pétursson Eik
varð fimmti og Magnús Ás-
mundsson Eik varð í sjötta sæti.
í sveitakeppni þroskaheftra
vann Eik hins vegar tvöfaldan
sigur. B-sveit Eikarinnar sigraði
en í henni voru Valdimar Sig-
urðsson, Aðalsteinn Friðjónsson
og Anna Ragnarsdóttir. C-sveit
Eikar varð í 2. sæti en hana
skipuðu Nanna Haraldsdóttir,
Áskell Traustason og Sævar
Bergsson. B-sveitin frá Gný varð
í 3. sæti.
í flokki hreyfihamlaðra í bocc-
ia sigraði Sigurrós Karlsdóttir
ÍFA, Haukur Gunnarsson ÍFR í
2. sæti, Tryggvi Haraldsson ÍFA
þriðji, Helga Bergmann ÍFR
fjórða, Þorsteinn Williamsson
IFA fimmti og sjötta Hafdís
Gunnarsdóttir IFA. - í sveita-
keppninni sigraði ÍFR.
Hafdís Gunnarsdóttir ÍFA
sigraði í borðtennis en þar var
keppt í opnum flokki. Guðný
Guðnadóttir ÍFR varð önnur og
Elsa Stefánsdóttir ÍFR þriðja.
í bogfimi voru tveir keppend-
ur. Þar sigraði Snæbjörn Þórðar-
son ÍFA og Aðalbjörg Sigurðar-
dóttir ÍFA varð önnur.
Þá var keppt í lyftingum, en
fatlaðir keppa í bekkpressu.
Reynir Kristófersson ÍFR sem
keppir í 90 kg flokki lyfti 112,5 kg
og hlaut 77,4 stig, Baldur Guðna-
son ÍFR sem keppir í 82,5 kg
flokki varð annar með 85 kg og
hlaut hann 61,2 stig.
Úrsl itakeppn i n í 3. deildinni:
Leikið á
Akureyri
—og í Reykjavík
Þegar dregið var um það hjá
HSI hvar leika skyldi úrslita-
keppnina í 3. deild karla var
nafn Akureyrar dregið fyrst.
Það þýðir að fyrri hluti úrslit-
anna - ein umferð - verður
háð á Akureyri, en sú síðari
verður í Reykjavík. Sam-
kvæmt heimildum Dags mun
ætlunin að leikið verði á Ak-
ureyri um næstu helgi.
Liðin fjögur sem leika tvöfalda
umferð til úrslita eru Týr frá
Vestmannaeyjum, Ármann,
Akranes og Þór Akureyri. Liðin
taka stigin sem þau fengu í leikj-
unum 16 með sér í úrslitakeppn-
ina, og er staða þeirra því þessi er
keppnin hefst:
Ármann 16 13 0 3 460:344 26
Týr 16 11 3 2 389:264 25
Akranes 16 11 2 3 412:306 24
Þór 16 11 1 4 405:304 23
Þórsarar standa því verst að
vígi liðanna fjögurra er úrslita-
keppnin hefst. í henni leika liðin
hins vegar 6 leiki þannig að ýmis-
legt getur breyst og staða Þórs er
alls ekki vonlaus þrátt fyrir að
liðið sé í 4. sæti eins og er.
Völsung
vantar
nú 2 stig
- í íslandsmeistaratitilinn
„Þetta var auðvitað áfangi að
titlinum en þetta er ekki
búið,“ sagði Hannes Karlsson
þjálfari kvennaliðs Völsungs í
blaki eftir að lið hans hafði
unnið ÍS með 3:2 í hörkuleik í
Hafralækjarskóla um helgina.
Þarna mættust þau lið sem
berjast um íslandsmestaratitil-
inn og var ljóst að hart yrði
barist um stigin mikilvægu sem
í boði voru.
Mikill fjöldi áhorfenda mætti í
Hafralækjarskólann og þar var
sannkölluð úrslitastemmning á
áhorfendapöllunum. í fyrstu
hrinunni var ÍS sterkara og sigr-
aði með 15 stigum gegn 6, en
Völsungur sneri dæminu við í
þeirri næstu og vann 15:5. Þá
kom önnur hrina sem ÍS vann,
nú 15:10 en Völsungur svaraði
með að vinna næstu með sömu
tölum.
Og því þurfti úrslitahrinu. Hún
var æsispennandi og lengst af
fylgdust liðin að upp töfluna.
Jafnt var á flestum tölum og t.d.
13:13 og 14:14. En við geysileg
fagnaðarlæti tókst stúlkunum í
Völsungi að skora tvö næstu stig
og tryggja sér þannig stigin tvö.
Völsungur stendur eftir þenn-
an sigur best að vígi í keppninni
um íslandsmeistaratitilinn. Liðið
hefur tapað tveimur stigum
minna en ÍS. Hins vegar á Völs-
ungur eftir erfiðan útileik gegn
Breiðabliki sem verður að vinn-
ast til þess að tryggja titilinn. Fari
hins vegar svo að Völsungur tapi
þeim leik þarf aukaleik á milli IS
og Völsungs um titilinn.
Stelpurnar í ÍS kepptu einnig
gegn KA um helgina og unnu
3:1. Þá urðu úrslitin í einstaka
hrinum þau að ÍS vann tvær
fyrstu 15:8 og 15:9, KA vann þá
þriðju 15:9 en ÍS fjórðu hrinuna
15:6 og leikinn þar með.
SÍS sigraði
Lið Iðnaðardeildar Sambands-
ins sem hefur verið mjög sigur-
sælt í innanhússknattspyrnu
bætti enn einni fjöður í hatt
sinn um helgina er liðið sigraði
í Firmakeppni Knattspyrnu-
ráðs Akureyrar. í keppninni
tóku upphaflega þátt 18 fyrir-
tæki en um helgina léku 6
þeirra sérstaka úrslitakeppni
í íþróttaskemmunni.
Þá léku allir við alla og þegar
upp var staðið voru það Þormóð-
ur Einarsson og hans menn hjá
Iðnaðardeild sem voru sigurveg-
arar á markahlutfalli. Liðið í 2.
sæti sem var frá Raforku var það
lið sem mest kom á óvart í mót-
inu en þar lék Bjarni Sv»:-
björnsson Þórsari með lítt <v[jnn_
um knattspyrnumönnum.
Póstur og sími sem kom inn í
úrslitakeppnina fyrir ÚA sem
ekki gat mætt til leiks varð í
þriðja sæti en starfsmenn Sport-
hússins urðu að gera sér 4. sætið
að góðu. Þeim háði illilega að
hafa ekki skiptimann, en allir
starfsmenn fyrirtækisins 4 að tölu
þurftu að leika alla leikina án
hvíldar og háði það þeim.
Slippstöðin varð í 5. sæti og
það lið hafði skiptimenn eins og
gefur að skilja, en lið lögreglunn-
ar hafnaði í 6. og neðsta sæti,
þetta létt leikandi og skemmti-
lega lið sem talið er að eigi mikla
framtíð fyrir sér á knattspyrnu-
vellinum undir öruggri stjórn
Ólafs Ásgeirssonar aðstoðaryfir-
lögregluþjóns.