Dagur - 14.03.1984, Blaðsíða 2
2 - DAGUR -14. mars 1984
Ertu búinn að sjá
Atómstöðina?
Óli Magnússon:
Nei, ég hef ekki áhuga á að
sjá hana.
Geir Magnússon:
Nei, og ég hef ekki hugsað
mér að sjá hana.
Ásgeir Halldórsson:
Nei, mig langar ekkert til þess.
Bragi Stefánsson:
Nei.
Valgarður Stefánsson:
Já, hún er ofsalega góð og það
ættu allir að sjá hana.
„SKAKIN ER
HJÁKONA
MÍN
fií
- því ég er giftur
lyftingastöng-
inni
Ef einhver væri beðinn um að
nefna ólíkustu íþróttagreinar
sem til eru, þá er ekki ótrúlegt
að sá hinn sami nefndi lyfting-
ar og skák. Almenningsálitið
hefur nefnilega fyrir löngu
dæmt lyftingamenn sem heila-
laus vöðvabúnt en skákin nýt-
ur virðingar sem mikil andans
íþrótt. En er munurinn á þessu
tvennu í raun svo mikill og
skyldi almenningsálitið hafa
hlaupið á sig? Það skýtur
a.m.k. nokkuð skökku við að
einn besti kraftlyftingamaður
landsins, margfaldur íslands-
meistari og Norðurlandameist-
ari, varð á dögunum Akureyr-
armeistari í skák í annað sinn
og að því er best er vitað voru
andstæðingarnir með harð-
snúnara móti að þessu sinni og
flestir sæmilega greindir. Sá
sem hér um ræðir er Kári Elí-
son en þessi „tvöfaldi“ pers-
ónuleiki er í Viðtali Dags-ins í
dag.
- Ég lærði snemma mann-
ganginn af karli föður mínum,
ætli ég hafi ekki verið sex eða sjö
ára en framan af tefldi ég þó lítið.
Það hefur svo verið 1974 að ég
tók fyrst þátt í skákmóti, líklega
Islandsmóti í opnum flokki og
þá stóð ég mig það vel að ég varð
í þriðja sæti.
- Það hefur verið uppörvun
fyrir þig?
- Já en ég tefldi þó aldrei mik-
ið á þessum árum. Ég byrjaði
ungur í lyftingunum og varði
mestum tíma mínum í þá íþrótt
en tefldi þó alltaf við vini og
kunningja á milli þess sem ég
greip í lóðin.
- Hvenær byrjaðir þú að tefla
fyrir alvöru?
- Ég flutti hingað norður vet-
urinn ’78 og þá æxlaðist það
þannig að ég fékk fyrir náð og
miskunn að vera með í A-flokki á
Skákþingi Akureyrar. Ég var al-
gjörlega stigalaus skákmaður en
það vantaði menn til að fylla í
flokkinn og ég fékk að vera með.
Þetta mót varð mér eftirminni-
legt því allt gekk mér í haginn og
í mótslok vorum við efstir og
jafnir ég og Gylfi Þórhallsson.
Hann vann svo titilinn eftir ein-
vígi við mig. Eftir þetta fór ég að
taka virkari þátt í skáklífinu og
síðan þá hefur skákin verið hjá-
kona mín, þar sem ég er eigin-
lega giftur lyftingastönginni.
- Er ekki gífurlegur munur á
þessum tveim greinum?
- Það er mikill munur en það
er líka margt sem er ótrúlega
líkt. Til að ná árangri í báðum
greinum, þá þurfa menn að
leggja á sig miída vinnu. Báðar
greinar byggja á þrautseigju og
sá harði agi sem ég hef verið und-
ir í lyftingunum hefur hjálpað
mér í skákinni. Hins vegar hefur
skákin eða sú þolinmæði sem
maður verður að temja sér þar,
hjálpað mér í lyftingunum. Ég er
óþolinmóður að eðlisfari en
skákin hefur kennt mér að bíða
færis o£ sæta lagi ef þannig má
að orði komast.
- Er mikið um liðtæka skák-
menn í hópi lyftingamanna?
- Það eru talsvert margir sleip-
ir skákmenn meðal lyftinga-
manna og ég tel mig liðtækan í
þeim hópi. Það má kannski geta
þess til gamans að tveir af bestu
Íyftingamönnum Akureyrar,
Haraldur Ólafsson og Freyr
Aðalsteinsson byrjuðu báðir í
skákinni. Hjá þeim og mörgum
öðrum hefur skákin verið liður í
jákvæðri þróun og við höfum allir
komist að því að framfarabrautin
liggur í gegnum hugann.
- Hvernig gengur að samræma
kraftlyftingarnar sem þú ert í
núna og skákina?
- Það gengur ekki að vera á
toppi í báðum greinum samtímis.
Þegar ég er á toppi í lyftingunum
þá þýðir ekkert fyrir mig að tefla.
Þá hvíli ég mig á skákinni, nema
hvað ég nota hana mér til and-
legrar upplyftingar.
- Hvað finnst þér um stöðu
skákarinnar á Akureyri nú?
- Það hafa orðið miklar fram-
Rætt
við
Kára
Elíson
nýbakaðan
skák-
meistara
Akureyrar
farir hjá skákmönnum á Akur-
eyri að undanförnu. Það er að
koma upp hópur af ungum og
efnilegum skákmönnum með
Pálma Pétursson í broddi fylking-
ar og árangur hans á Reykjavík-
urskákmótinu þar sem hann
skaut mörgum skákmeisturum
ref fyrir rass var mjög ánægju-
legur. Það eina sem vantar hér
eru fleiri tækifæri. Fleiri tækifæri
til að tefla við skákmenn á al-
þjóðamælikvarða en vonandi gef-
ast þau á komandi árum.
- Hvernig hyggst þú haga
skákinni í framtíðinni?
- Ég er á leiðinni í lægð nú
enda lyftingamót framundan en
hugsanlega fer ég í skákendur-
hæfingu nú um páskana. í fram-
tíðinni reikna ég svo með að
halda mínu striki og tefla og lyfta
til skiptis. Hvort það færir mér
fleiri titla verður bara að koma í
Ijós. - ESE.
Gott hjá Borgarbíói
Ánægður skrifar:
Ég vil lýsa yfir sérstakri ánægju
rninni með það hve fljótt Atóm-
stöðin var tekin til sýninga hér á
Akureyri. Ég fór á myndina
ásamt fjölskyldu minni og ég get
tekið undir það með mörgum
öðrum að þetta er einkar falleg
og skemmtileg mynd.
Nú vona ég bara að það styttist
í að myndin hans Hrafns komi
hingað í Borgarbíó.
Uppákomur?
Vorboði hringdi:
Það hefur ekki farið framhjá
neinum að það hefur verið vor í
lofti að undanförnu og því vil ég
koma með þær ábendingar til
verslanaeigenda við Hafnarstræti
að þeir beiti sér fyrir uppákom-
um í göngugötunni þegar spá er
hagstæð.
Sigbjörn í Sporthúsinu á þakk-
ir skyldar fyrir framlag sitt í
fyrrasumar og vonandi heldur
hann áfram á sömu braut. Ég veit
auðvitað að það er ekki komið
sumar en samt væri gaman ef
hægt væri að gera eitthvað til til-
breytingar í göngugötunni nú
þegar veðrið er svo gott dag eftir
dag.