Dagur - 14.03.1984, Blaðsíða 12

LiMUM BORÐA
RENNUM SKÁLAR
Hofsós:
Hörpudiskvinnslan
gengur mjög vel
„Það er heldur gott hljóðið í
mönnum hér. Atvinnulífið hef-
ur verið nokkuð þokkalegt, en
það er einhæft. Flestir starfa í
frystihúsinu og rekstur þess
hefur gengið mjög vel,“ sagði
Ófeigur Gestsson, sveitarstjóri
á Hofsósi, í spjalli við Dag.
„Fyrirtækið Skagaskel sem
stofnað var sl. haust hefur hafið
vinnslu á hörpudiski og búið er
að landa um 100 tonnum frá því
fyrir miðjan febrúar. Heimilt er
að veiða 400 tonn en menn eru að
reikna með að leyft verði að
veiða meira, þar sem meira virð-
ist vera af hörpudiski en gert
hafði verið ráð fyrir og miðin
ekki fullrannsökuð ennþá. Um
10 manns vinna við verkunina og
aflinn kemur af einum bát frá
Hofsósi og tveimur frá Sauðár-
króki. Þetta hefur gengið skín-
andi vel og lítur mjög vel út.
Búið er að sækja um rækju-
vinnsluleyfi hér á staðnum en
afstaða hefur ekki verið tekin til
þess ennþá. Við vonumst hins
vegar til að fá leyfið. Miklar
endurbætur er nú verið að gera á
höfninni og er stefnt að því að
gera hér góða bátahöfn, en í
áætlun sem Framkvæmdastofnun
hefur gert varðandi Hofsós er
lagt til að áhersla verði lögð á
bátaútgerð. Til þess að svo megi
verða þarf góða höfn. Mikið var
unnið í henni í fyrra og verður
svo aftur á þessu ári, en nú fara
fjórar og hálf milljón króna í
framkvæmdirnar.
Almennt má segja að hljóðið í
fólki sé gott, þrátt fyrir að ýmsar
blikur séu á lofti í þjóðfélaginu.
íbúum hér fækkaði í fyrra og hitt-
eðfyrra en hefur fjölgað aftur og
íbúar eru nú um 300 talsins,“
sagði Ófeigur Gestsson sveitar-
stjóri á Hofsósi. HS
Akureyri:
Beiðni
Iþrótta-
ráðs
var
hafnað
Akureyri:
Verður
leigu-
bílum
fækkað?
,rJá, ég hef heyrt að það hafi ein-
hverjar umræður átt sér stað varð-
andi þetta mál,“ sagði Svein-
bjöm Jónsson framkvæmdastjóri
Bifreiðastöðvar Oddeyrar - BSO
- er við spurðum hann hvort til
stæði að fækka leigubifreiðum í
bænum á næstunni.
Nú er talið að einn leigubfll sé á
Akureyri fyrir hverja 500 íbúa, en
rætt hefur verið um að eftir fækkun-
ina yrði einn bfll fyrir hverja 600
íbúa.
„Petta er nokkuð erfítt mál. Það
er sáralítið að gera mestan hluta
vikunnar og reyndar vinnum við á
þrískiptum vöktum frá mánudegi til
föstudags þannig að það er alltaf
einhver hópur manna á frívakt. Svo
koma tamir, sérstaklega um helgar
þar sem við erum í vandræðum
með að anna eftirspuminni en bíl-
amir hér á stöðinni em 26 talsins,“
sagði Sveinbjöm. gk-.
Varmadælurnar sem Hitaveita
Akureyrar festi kaup á í Dan-
mörku komu til Akureyrar um
helgina. í gær var unnið að því að
koma dælunum fyrir í dælustöð
hitaveitunnar og gekk það verk
fljótt og vel, sérstaklega ef miðað
er við að hvor dælan um sig vegur
13.2 tonn.
Enn er ekki Ijóst hvenær verður
hægt að taka varmadælurnar í
notkun en búist er við að það taki
um þrjár til fjórar vikur að tengja
þær og ganga úr skugga um að þær
virki eðlilega. Hlutverk dælanna er
áð nýta betur það vatn sem hita-
veitan hefur og er það gert með
því að nýta varma frá affallsvatni
til viðbótarhitunar heita vatnsins
frá Glerárdal. Mynd: ESE.
Á fundi í íþróttaráði Akureyr-
ar 29. febrúar sl. voru gerðar
samþykktir í ráðinu þar sem
þess vas farið á leit við bæjar-
yfirvöld að nokkrir liðir á fjár-
hagsáætlun yrðu teknir til
endurskoðunar.
íþróttaráð gerði tillögu um að
fá kr. 275 þúsund til byggingar
húss fyrir sælgætissölu á íþrótta-
vellinum og til þess að byggja
skýli fyrir blaðamenn. Var þessi
beiðni rökstudd með því að í
sumar yrðu tvö lið í 1. deild og
því fleiri leikir sem fjölmennt
yrði á. Um leið var bent á að eng-
in aðstaða væri fyrir blaðamenn
á vellinum og að Ícofi sá sem sæl-
gætissalan hefur verið í væri
ónothæfur og yrði rifinn í vor.
Við afgreiðslu fjárhagsáætlunar
bæjarins var þessi upphæð felld
niður.
íþróttaráð áætlaði kr. 800 þús-
und til viðhalds Skíðastaða vegna
þess að húsið er í mikilli niður-
níðslu. Sú upphæð var lækkuð í
500 þúsund við afgreiðslu fjár-
hagsáætlunar og gerði íþróttaráð
þá tillögu um að upphæðin yrði
hækkuð aftur í 800 þúsund.
Loks var í tillögu íþróttaráðs
gert ráð fyrir að 300 þúsund
krónum yrði varið til rekstrar
íþróttasvæða KA og Þórs en sú
upphæð var lækkuð um 100 þús-
und krónur við afgreiðslu fjár-
hagsáætlunar bæjarins. Fór
íþróttaráð þess á leit að fyrri upp-
hæðin, 300 þúsund myndi standa
óbreytt.
Á fundi í bæjarráði 8. mars var
bréf íþróttaráðs afgreitt á þann
veg að ekki væri heimilt að verða
við þessum óskum. gk-.
Ekkert lát virðist ætla að
vera á góða veðrinu. Nú
er spáð hæglætisveðri á
Norðurlandi næstu sól-
arhringa, sunnan- eða
suðvestangolu eða hæg-
viðri. Yfirleitt björtu
veðri og hitastig verður
yfir frostmarkinu nema
e.t.v. á nóttinni.
# Öskudagur á
18 bræður...
Draumspakur starfsmaður
hér á blaðinu tilkynnti það í
hópi samstarfsmanna sinna
skömmu upp úr áramótum
hvernig veðurfar yrði á
Norðurlandi fram yfir miðjan
febrúar. Allt sem hann sagði
stóð eins og stafur á bók, og
því biðu starfsfélagar hans
spenntir eftir frekari fregnum
af veðrinu framundan. - Eins
og menn muna var prýð-
isveður á Norðurlandi á
öskudaginn, heitt og notalegt
vorveður. Þá upplýsti hinn
draumspaki starfsmaður það
að hann hefði lengi fylgst
með þvf að mark væri takandi
á öskudagsveðrinu varðandi
framhaldið. „Öskudagur á
nefnilega 18 bræður á föst-
unni“ sagði hann og sam-
kvæmt því ætti að vera sæmi-
legt framundan. Og nú bíða
menn bara spenntir og vona
að hlýindin haldist sem
lengst. Ekki munu þó allir á
einu máli, skíðamenn eru
óhressir og vilja snjó og
meiri snjó.
# Heyrðu þjónn
Það eru til margir brandarar
um framreiðslumenn, eða
öðru nafni þjóna og sam-
skipti þeirra við gesti þá er
þeir þjóna til borðs. það er til
fjöldi brandara um fluguna í
súpunni og eru margir þeirra
ágætir. En við heyrðum einn
nýjan um froskalappirnar:
„Heyrðu þjónn, ertu með
froskalæri?" - Þau voru til svo
þjónninn svaraði og sagði já.
Gesturinn var þá fljótur á sér
og sagði: „Heyrðu, vilt þú þá
ekki hoppa fram í eldhús og
sækja hamborgara handa
mér.“
# Útvarpið og
hundarnir'
Hundar, - aðallega höfuð-
borgarhundar - hafa verið
talsvert í sviðsljósinu að
undanförnu. Á Akureyri er
einnig talsvert um hunda og
nokkrir þeirra eru búsettir í
nágrenni höfuðstöðva Út-
varpsins við Norðurgötu.
Láta þeir í sér heyra af og til
þegar þeir fá að fara út í garð
að viðra sig eins og hunda er
siður. Ekki eru allir hrifnir af
því, og í hópi þeirra eru
starfsmenn Útvarpsins. Það
hefur nefnilega nokkrum
sinnum komið fyrir að stöðva
hefur þurft upptökur í „hljóð-
veri Útvarpsins" vegna
„söngs“ hundanna fyrir utan
gluggann.