Dagur - 26.03.1984, Blaðsíða 12

Dagur - 26.03.1984, Blaðsíða 12
RAFGEYMAR Heildsala í BÍLINN, BATINN, VINNUVÉLINA Slílásala Vöruþróun ræður lífi eða dauða fyrirtækja „Vöruþróun ræður í dag úr- slitum um líf eða dauða fyrír- tækja. Samfara aukinni tækni- þróun styttist líftúni hverrar vörutegundar stöðugt. Mark- viss vöruþróun er því orðin grundvallarforsenda hverju fyrirtæki, sem vill halda eða styrkja sína stöðu á markaðin- um. Félag íslenskra iðnrek- enda og Iðnþróunarfélag Eyja- fjarðar hafa því ákveðið að halda námskeið á Akureyri um gildi vöruþróunar sem stjórn- tækis, þar sem m.a. verður fjallað um á hvern hátt stjórn- endur geta nýtt sér nýjustu að- ferðir við framkvæmd og stjórnun vöruþróunarverk- efna," sagði Finnbogi Jónsson, framkvæmdastjóri Iðnþróun- arfélagsins í viðtali við Dag. Markmið námskeiðsins er að gera þátttakendur færa um að finna nýjar framleiðsluhugmynd- ir, skilgreina þarfir og kröfur markaðarins, meta raunhæfar framleiðsluhugmyndir með hlið- sjón af getu fyrirtækisins og hafa umsjön með og stjórna fram- kvæmd vöruþróunarverkefnis. Fjallað verður um skipulagningu vöruþróunar með tilliti til há- marks árangurs og lágmarks kostnaðar og fleira sem viðkemur þessum málum. Námskeiðið er einkum ætlað framkvæmda- stjórum fyrirtækja á Norðurlandi og þeim stjórnendum sem béra ábyrgð á vöruþróun, framleiðslu- stjórnun og markaðsmálum. Leiðbeinendur verða Elías Gunnarsson, ráðgefandi verk- fræðingur og kennari við Tækni- skólann og Háskólann, og Páll Kr. Pálsson, hagverkfræðingur hjá FÍI, sem jafnframt kennir við Háskólann. Námskeiðið verður haldið á Hótel KEA 5.-7. apríl. Þátttöku- tilkynningar eiga að berast til þeirra sem halda námskeiðið fyr- ir föstudag og þátttökufjöldi er takmarkaður við 20 manns. -HS. Leiruvegurinn: Fá Stefnis- menn vinnu? „Það hafa tvö fyrirtæki á Ak- ureyri sýnt því áhuga að fá vinnu við aksturinn við þetta verk, en það hefur ekki verið tekin nein endanleg ákvörðun í því efhi," sagði Kjartan Ingv- arsson framkvæmdastjóri Vélsmiðju Gunnars og Kjart- ans sf. á Egilsstöðum, en það fyrirtæki mun annast gerð 1. áfanga Leiruvegarins. „Þessi fyrirtæki eru Barð sf. og Bifreiðastöðin Stefnir," sagði Kjartan. „Eins og staðan er í dag eru miklar líkur á því að Stefnir fái þetta verk og kemur það til af því að þeir hafa góðan bílakost og eins hitt að mér finnst þeir eiga nokkurn rétt á þessu verki sem verður unnið á þessu svæði." - Hvenær er reitcnað með að hefja framkvæmdir? „Það er ómögulegt að segja nákvæmlega til um það. Þar geta hlutir eins og þungatakmarkanir á vegum haft sitt að segja, það þarf að koma þungum tækjum héðan að austan til Eyjafjarðar og svo mega ekki vera þunga- takmarkanir á þeim vegum sem keyra þarf uppfyllingarefnið eftir. Ég reikna með að þetta verk taki um einn mánuð ef vel gengur og ég vonast til þess að því verði lokið þegar kemur fram á sumarið og menn huga fremur að öðrum verkefnum." gk-. ¦ ... -\:..; ... Slappað af í göngugötu. Mynd: KG^. „Samkvæmt áætlun Ríkisút- varpsins og Pósts og síma sem nú liggur fyrir er ætlunin að standa myndarlega að upp- byggingu dreifikerfisins fyrir Rás 2 á þessu ári," sagði Þorgeir Ástvaldsson forstöðu- maður Rásar 2 er við ræddum við hann í vikunni. „Það verða settir upp 10 send- ar í sumar og verða þeir á Grund- arfirði, Ólafsvík, við Bæi á Vest- fjörðum, Arnarnesi, Hrútafjarð- arhálsi, Blönduósi, Þrándarhlíð- arfjalli, Hegranesi í Skagafirði, Vaðlaheiði og Gagnheiði. Sterk- ustu sendarnir í þessu dreifikerfi verða á Gagnheiði 5 kw, 3 kw á Vaðlaheiði og 2 kw á Hegranesi og Blönduósi. Það segir sig sjálft að sumarið og haustið eru sá tími sem best hentar til þess að setja þessa senda upp og strax og fer að vora fara menn að hugsa sér til hreyf- ings við þetta verk. í haust mun því meirihluti Vesturlands, Vest- firðir, Norðurland og hluti Aust- fjarða tengjast inn á kerfið og geta íbúar á þessum svæðum þá farið að hlusta á Rás 2," sagði Þorgeir Ástvaldsson að lokum. Pollurinn: Svart af loðnu Mjög mikið hefur verið af loðnu á Pollinum undanfarna daga. Menn sem stundað hafa þar veiðar um árabil muna ekki eftir öðru eins og loðn- uuiii hefur verið mokað upp. - Þetta er mjög góð loðna, sagði einn þeirra sem stunda veiðarnar í samtali við Dag í gær. Karlarnir selja loðnuna til Kaldbaks hf. á Grenivík þar sem hún er fryst í beitu. Um 700 krónur fást fyrir tunnuna. ' - ESE. •>••.";•• •*i*»« «•••i v«w.v . "••...• ••••.•-••• ••..., •• .*••••. *.•.* .• * „ •• - •••.••.. .*' .•••".•••¦' -.•.:•:>:.:•.•:•:..:.:::.•:. „Það bendir fátt til breytinga og allar horfur eru á því að þetta veður verði út vikima," sagði Knútur Knudsen veður- fræðingur í morgun. „Það verður hæg norðaustanátt fyrir norðan, ekki mikið frost en hér fyrir sunnan verð- ur þetta bjartara,*' sagði veðurfræði ngiiri n n. # Fleiri farar- stjórar? Á íþróttasíðum blaðsins í dag er viðtal við Harald Ólafs- son, lyftingamann um þau fáránlegu lágmörk sem ís- lenska Olympiunefndin hefur sett lyftingamönnum og einn- ig frjálsíþróttamönnum fyrir Olympiuleikana í Los Angel- es. Það virðist vera stefna nefndarinnar að útiloka alla lyftingamenn frá þátttöku og sem flesta frjálsíþróttamenn og svo dæmi séu nefnd þá þurfa akureyrsku tvíburamir Garðar og Gylfi Gíslasynir að setja Norðurlandamet tii þess að eiga möguleika á að vera með. Ekki er Ijóst hvað veldur þessari barnalegu afstöðu I /SMBSfiI Olympiunefndar Islands en það skyldi þó aldrei vera að með þessu móti eigi að rýma fyrir fleiri fararstjórum? • „Kafsund" Olympiu- nefndarinnar Á sama tíma og Olympiu- nefndin virðist ætla að úti- loka þá íþróttagrein sem fært hefur íslandi stig á síðustu Olympiuleikum, þá hefur ver- ið ákveðið að senda sundmenn, einn eða fleiri á leikana. Allir vita hvernig það sund endar. Viðkomandi þyrftu að hafa utanborðs- mótor til þess að ná f milli- riðla hvað þá meira. Kannski fararstjórahrúgan ætlí að svamla með? Hvað sem því líöur er Ijóst að þeir hafa ekki þreytt „kafsund" síðustu daga með Olympiuhugsjón- ina að leiðarljósi. # Litli mað- urinn og.... Albert Guðmundsson fjár- málaráðherra sagði í sjón- varpi á þriðjudagskvöld að loksins værl lltli maðurinn búinn að eignast vin í rfkis- stjórn og vöktu þau ummæli verðskuldaða athygli. - Jón örn Marinósson sem flutt hefur frábæra kafla úr „Jónsbók" f morgunútvarpi í vetur gerði þetta að umræðu- efni og sagði frá heimsókn litla mannsins á fund ríkis- stjórnarinnar. Hann var vfst búinn að fara fjórum sinnum og banka á dyrnar en aldrei var opnað fyrir honum. Loks þegar hann fór í f immta skipt- ið ýlfraði hann við dyrnar og þá var strax lokið upp fyrir honum!! - Og umsjónarmenn morgunútvarpsins „börn- uðu" allt saman með því að leika lagið „Pínulítill karl" með Þursaflokknum eftir að Jón hafði lokið máli sínu.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.