Dagur - 28.03.1984, Blaðsíða 12
Akureyri, miðvikudagur 28. mars 1984
Nyi Golfinn er kominn.
Leitið upplýsinga
Fjárhagsáætlun Hitaveitu Akureyrar 1984:
„Vissulega hefur fjárhagur
Hitaveitu Akureyrar vænkast,
en hann er þó hvergi nærri
góður. Það er því Ijóst, að það
þarf að grípa til einhverra að-
gerða, því það er ekki hægt að
reka veituna með tapi ár eftir
ár. Hún verður að geta staðið
undir sínum rekstri, þannig að
hægt sé að grciða niður skuldir
vegna stofnkostnaðar með
eðlilegum hætti.“
Þetta sagði Helgi M. Bergs,
bæjarstjóri á Akureyri, í samtali
við Dag, aðspurður um fjárhag
Hitaveitu Akureyrar.
Fjárhagsáætlun fyrir Hitaveitu
Akureyrar var til umræðu á
bæjarstjórnarfundi í gær. í áætl-
uninni kemur fram, að skulda-
aukning veitunnar á árinu kemur
til með að nema hátt í 50 m. kr.
Þar af fara um 20 m. kr. til ný-
framkvæmda, en mismunurinn í
rekstrartap. Til að fylla upp í
þetta gap þyrfti grunnverð veit-
unnar að hækka um nær 30%.
Vextir af erlendum lánum veit-
unnar á árinu verða 136.8 m. kr.,
en til samanburðar má geta þess
að reiknað er með að heildartekj-
ur veitunnar nemi 157.8 m. kr.
Til afskrifta og fjármagnskostn-
aðar er reiknað með 121.2 m.kr.
Nánar er fjallað um málefni
Hitaveitu Akureyrar, í samtölum
við Helga M. Bergs, Sigurð J.
Sigurðsson og Hákon Hákonar-
son, á bls. 3 í blaðinu í dag.
- GS.
Nýja útvarpshúsið á Akureyri:
Hefjast útsend-
ingar á tveggja
ára afmælinu?
Það verður merkisdagur hjá
Ríkisútvarpinu á Akureyri 1.
maí nk. Þá er nefnilega fyrir-
hugað að afhenda þann hluta
hins nýja útvarpshúss sem taka
á í notkun í haust og ef allt
gengur að óskum þá ættu út-
sendingar úr húsinu jafnvel að
geta hafist 14. ágúst nk. á
tveggja ára afmæli RÚVAK.
Að sögn Jónasar Jónassonar,
útvarpsstjóra á Akureyri þá er
ekki hægt með neinni vissu að
segja til um hvort allar dagsétn-
ingar varðandi afhendingu húss-
ins standast. Erfitt væri einnig að
segja til um hve langan tíma tæki
að koma tækjabúnaði fyrir en
fyrirhugað er að gera hlé á
sumardagskrá RÚVAK á meðan
á því verki stendur, en fréttir og
annað fréttatengt efni verður
sent út í allt sumar eftir sem
áður.
I þeim áfanga útvarpshússins
sem fyrst verður tekinn í notkun
verður stúdíó, stjórnherbergi og
aðstaða fyrir dagskrárgerðar-
fólk. - ESE.
Svæðisfundir
Um helgina verða haldnir tveir
svæðisfundir sem kaupfélögin
á Norðausturlandi halda með
stjórnarformanni og forstjóra
Sambandsins.
Fundirnir verða á Hótel KEA
Akureyri, laugardaginn 31. mars,
fyrir Kaupfélag Eyfirðinga og
Kaupfélag Svalbarðseyrar og í
Félagsheimilinu á Húsavík,
sunnudaginn 1. apríl, fyrir Kaup-
félag Þingeyinga og Kaupfélag
Norður-Þingeyinga. Báðir fund-
irnir hefjast kl. 13.30
Á dagskrá fundanna verður
ávarp stjórnarformanns Sam-
bandsins, Vals Arnþórssonar,
fjallað verður um viðfangsefni
Sambandsins og frummælandi
verður Erlendur Einarsson, for-
stjóri Sambandsins. Þá verður
rætt um samvinnustarf á svæðinu
og frummælendur um það mál
verða Valgerður Sverrisdóttir á
fundinum á Akureyri og Björn
Benediktsson á fundinum á
Húsavík. Að loknum framsögum
verða önnur mál á dagskrá og al-
mennar umræður og eru félags-
menn kaupfélaganna og annað
áhugafólk um samvinnustarf
hvatt til að koma á fundina,- HS
Sumarið var gott - en stutt. Sjá mynd á forsíðu
Samið við
Norður-
verk________________
„Það bendir allt tíl þess í dag
að við fáum þetta verk,“ sagði
Franz Árnason hjá Norður-
verki h.f. er við ræddum við
hann um tilboð þau er bárust í
styrkingu og lagningu bundins
slitlags á 15 km vegarkafla und-
ir Eyjafjöllum.
Eins og Dagur skýrði frá sl.
föstudag var Norðurverk með
lægsta tilboð í verkið, en Norður-
verk bauð í það ásamt fyrirtæk-
inu „Gunnar og Guðmundur" í
Hafnarfirði. Nam tilboðið rúm-
lega 10,4 milljónum króna en
Hagvirki var með næst lægsta til-
boð upp á rúmar 10,6 milljónir.
Eitthvað vafðist það fyrir
starfsmönnum Vegagerðarinnar
að ákveða hvaða tilboði skyldi
tekið, enda mun hafa verið fyrir
því pólitískur þrýstingur að verk-
ið yrði unnið af heimamönnum.
En niðurstaðan varð sú að ákveð-
ið var að ganga til samninga við
Norðurverk og Gunnar og
Guðmund í Hafnarfirði. gk-.
Híðarfjall:
„Léleg
aðsókn“
„Aðsóknin hér í Hlíðarfjalli
hefur verið alveg hroðalega
léleg í vetur, og það hefur oft
verið álitamál hvort fleiri gestir
en starfsmenn væru á svæð-
inu,“ sagði ívar Sigmundsson
forstöðumaður Skíðastaða í
Hlíðarfjalli í spjalli við Dag.
„Ég er búinn að vera hér síðan
1970 og man ekki annað eins.
Mönnum fannst nóg um í fyrra-
vetur hvað aðsókn var lítil, en
miðað við það sem hefur verið að
gerast í vetur var örtröð hér alla
daga þá. Hér er nægur snjór og
prýðilegt færi. Það er hins vegar
þannig að mínu mati að ef snjó
tekur upp niður í bæ þá hugsar
fólk með sér að ekki sé hægt að
fara á skíði.“
- ívar sagði að nú væri hætt
við að hafa opið á þriðjudags- og
fimmtudagskvöldum. Því er opið
í Hlíðarfjalli alla virka daga kl.
10-18 og um helgar frá kl. 10-
17.30. gk-.
Hæg austlæg átt verður
ríkjandi á Norðurlandi
næstu sólarhringa. Að
sögn veðurfræðings þá
verður yfírleitt þurrt og
kalt. Hitastig gæti þó
farið upp fyrir frost-
markið um hádaginn.
Spáð er áframhaldandi
kuldum a.m.k. fram að
helgi.
# Erfiðasta
íþróttagreinin
Menn leggja ýmislegt á sig til
þess að ná árangri I íþróttum.
Sumir hlaupa fleiri hundruð
kílómetra í mánuði hverjum
og aðrir lyfta álíka fjölda af
tonnum á svipuðum tíma. Ein
allra erfiðasta íþróttagreinin
sem stunduð er í dag er lik-
lega vaxtarrækt en þar fara
saman gífurlega erfiðar
æfingar og mjög strangt
mataræði. En það er fleira
erfitt í vaxtarræktinni en bara
æfingarnar, það sannar eftir-
farandi saga:
Œ T t K'm rTTT?
Síi Aj/Áj J. li [BS.y 011.
# Of þungur
Einn af keppendunum frá Ak-
ureyri sem þátt tóku í ís-
landsmótinu í vaxtarrækt
sem haldið var á Broadway
ákvað skömmu fyrir mótið að
keppa í léttari þyngdarflokki
en hann var vanur. Til þess
að ná þessu marki þurfti við-
komandi að létta sig allt (allt
um eín tíu kíló en markmiðið
var að komast niður fyrir 70
kg. Það reyndist þó þrautin
þyngri að ná af síðustu kíló-
unum, því eins og flestir vita
þá byggist vaxtarrækt m.a.
upp á því að ná f burt allri fitu
og óþarfa vökva sem gjarnan
heldur sig á milli vöðva. Við-
komandi var búinn að
„skafa“ sig inn að beini og
skömmu fyrir vigtun leit helst
út fyrir að léttingin tækist
ekki.
# Læstur inni
í gufu
En þá greip Hjalti Úrsus
Árnason, kraftlyftingamaður
úr KR til sinna ráða og sagan
segir að hann hafi dúðað
okkar mann í vetrarföt og
stungið honum inn í gufu-
baðsklefa. Síðan hélt tröllið
dyrunum læstum þar til vaxt-
arræktarmanninum lá við
yfirliði og þá loks var opnað
fyrir honum. Ekki var þó öll
þjáning úti, því að þegar Ak-
ureyringurinn skjögraði út
hálf meðvitundarlaus, var
hann gripinn og honum
stungið undir ískalda sturtu.
Þessar nýmóðins megrunar-
aðferðir báru svo þann ár-
angur að okkar maður komst
undir 70 kg og varð hann síð-
an íslandsmeistari ( sínum
nýja þyngdarflokki.