Dagur - 02.04.1984, Síða 4

4-DAGUR-2. apríl 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRlKUR ST. EIRÍKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Krafa lands-
hlutasamtaka
Þegar formenn fjögurra stjórnmálaflokka komu sér
saman um breytingar á stjórnarskrá og kosninga-
fyrirkomulagi, þar sem kosningaréttur verður jafn-
aður frá því sem verið hefur, fylgdi yfirlýsing sem
hljóðaði svo: „að beita sér fyrir aukinni valddreif-
ingu og virkara lýðræði samhliða afgreiðslu nýrrar
stjórnarskrár. Meðal annars fái sveitarfélög meira
sjálfsforræði og þannig verði völd og áhrif lands-
manna í þeirra eigin málum aukin, óháð búsetu
þeirra. Jafnframt munu þingflokkarnir beita sér fyr-
ir sérstökum aðgerðum til þess að jafna félagslega
og efnalega aðstöðu manna, þar sem mismununar
vegna búsetu gætir helst."
Á sameiginlegum fundi formanna og fram-
kvæmdastjóra landshlutasamtaka sveitarfélaga nú
nýlega voru stjórnmálaflokkarnir krafðir skýringa á
því hvað fælist í þessari yfirlýsingu, hverjar aðgerð-
irnar yrðu sem við er átt og hvernig og hvenær ráð-
gert yrði að grípa til þeirra.
í bréfi samstarfsnefndar samtakanna segir m.a.
á þessa leið: „Landshlutasamtök sveitarfélaga hafa
á hendi eins konar hagsmunagæslu sveitarfélag-
anna, hvert á sínu svæði, og fólksins sem þar býr.
Hafa þau reynt eftir föngum að treysta þar búsetu
með ýmsum ráðum. Þó ekki megi efast um að þetta
starf hafi komið að miklu gagni, þá hafa ýmsar að-
gerðir og ákvarðanir, m.a. stjórnvaldaaðgerðir, orð-
ið til þess að árangurs af þessu starfi gætir nú ekki
í þeim mæli er nægi til vaxtar og viðgangs víða um
landið, heldur kemur fyrst og fremst fram vaxtar-
og búsetuaukning á suðvesturhorni landsins.
Þeir sem standa að þessu bréfi líta á fyrrgreinda
yfirlýsingu sem skilning viðkomandi stjórnmála-
flokka á að væntanleg kjördæmabreyting muni geta
haft þau áhrif, að nauðsyn sé sérstakra aðgerða til
að vega þar á móti."
Síðan segja bréfritarar nauðsynlegt að fá um það
nánari fróðleik og staðfestingu á því hverjar þær að-
gerðir séu sem við er átt og hvernig og hvenær ráð-
gert sé að grípa til þeirra.
„Það er því eindregin ósk formanna og fram-
kvæmdastjóra þeirra, sem þetta bréf rita, að þeim
verði gefinn kostur á viðræðum við formenn og/eða
þingflokksformenn Alþýðuflokks, Alþýðubanda-
lags, Framsóknarflokks og Sjálfstæðisflokks, til að
hlýða á túlkun þeirra á áðurgreindri yfirlýsingu og
skiptast við þá á skoðunum um hver nauðsyn er á
aðgerðum til að koma í veg fyrir alvarlegri röskun
byggðar en þegar er orðin. “
Undir þessa kröfu rita forsvarsmenn sex lands-
hlutasamtaka. Vonandi verður þetta til þess að
stjórnmálamenn vakni af dvalanum og ætti þá einn-
ig að geta verkað vekjandi að nýlega komu fram
upplýsingar um að 85% allra nýrra starfa í landinu
verða til á höfuðborgarsvæðinu.
Úr skýrslu Fjórðungssambands
Norðlendinga um byggingariðnað:
Lágdeyða
framundan
Þegar kreppir að í hagkerfinu
kemur það einna fyrst fram í
hvers kyns þjónustugreinum og
byggingastarfsemi. Frá byggingar-
iðnaðinum heyrist um þessar
mundir mikið ramakvein, enda
alger lágdeyða framundan í flest-
um þéttbýlisstöðum sem athugun
Fjórðungssambandsins nær til.
Á Hvammstanga hefur heldur
fjölgað ársverkum í byggingariðn-
aði. Orsakanna er að leita í
byggingastarfsemi á vegum hins
opinbera. Gegnumsneitt gildir
um Norðurland í þessum efnum
að hið opinbera hefur haldið
byggingaframkvæmdum í gangi
en einstaklingar hafa dregið
verulega saman seglin. Á
Hvammstanga var á árinu unnið
við grunnskóla, heilsugæslustöð
og 6 íbúðir í verkamannabú-
stöðum. Framkvæmdir hafa þó
legið niðri við grunnskólann frá
1. október. Veitt var leyfi fyrir
byggingu eins einbýlishúss.
Á Blönduósi er unnið við
smíði heilsugæslustöðvar og end-
ist það verkefni allt þetta ár.
Staðið hefur yfir smíði á sex
íbúðum í raðhúsi sem eru verka-
mannabústaðir en því verki er að
ljúka um þessar mundir. Þá eru
tvö trésmíðaverkstæði að flytja
inn í nýgert húsnæði svo ljóst er
á öllu að flest þau verkefni sem
veitt hafa vinnu undanfarið gera
það ekki áfram. Veitt var leyfi til
bygginar einbýlishúss á einni lóð
á árinu 1983.
Á Skagaströnd er ákaflega
dauflegt ástand í byggingariðnaði
eftir að lokið var smíði 14 íbúða
í verkamannabústöðum snemma
á árinu 1983 og smíði skólabygg-
ingar á árinu 1982. Þó hefur við-
haldsstarfsemi enn haldið ástand-
inu viðunandi en ekki er búist við
að hún ein dugi þegar fram í
sækir.
Á Sauðárkróki er ástandið í
þessum efnum með besta móti á
Norðurlandi. Þar er verið að
reisa 16 íbúða blokk og unnið er
við smíði íþróttahúss og heima-
vistar. Lokið er við að steypa
grunn að vatnsátöppunarverk-
smiðju en framhaldið er óvissu
háð. Haldgóðar vonir um smíði
steinullarverksmiðju vekja
nokkra bjartsýni bygginga-
manna.
Á Hofsósi er ástandið nú
á sama tíma í fyrra og ræður þar
mestu að hafist var handa við að
smíða yfir Búnaðarbanka og
skelvinnslu. Þá er nýlokið smíði
tveggja íbúða í verkamannabú-
staðakerfinu.
Á Siglufírði er ástandið nú
betra en á sama tíma fyrir ári
síðan. Lokið er smíði grunns fyr-
ir dvalarheimili aldraðra og verð-
ur haldið áfram með bygginguna
á þessu ári. Smíði heimilis fyrir
þroskahefta og bensínstöðvar var
t' gangi í haust og að auki stendur
yfir smíði tveggja íbúðarhúsa.
Á Ólafsfirði er nýlokið smíði
heilsugæslustöðvar og vinna
stendur yfir við iðngarða. Þá mun
Hraðfrystihúsið hafa í hyggju
smíði stálgrindarhúss utan um
beinaverksmiðju en að öðru leyti
virðist fremur dökkt ástand fram-
undan. Eitt íbúðarhús var í bygg-
ingu á árinu 1983 á Ólafsfirði.
Á Dalvík er tekið að gæta
niðursveiflu eftir miklar bygg-
ingaframkvæmdir á 8. áratugnum
en þá var m.a. byggt elliheimili,
ráðhús, heilsugæsla og fiskhús.
Á árinu 1983 var lokið við grunna
að átta verkamannabústöðum,
tveimur öðrum íbúðum og einni
verslun en óvissa ríkir um fram-
hald þessara framkvæmda.
Á Akureyri er verið að ljúka
við verkamannabústaði sem byrj-
að var á 1982. Óvissa ríkir um
áframhald Sjafnarbyggingar en
haldið er áfram vinnu við Síðu-
skóla. Þá hefur komið illa niður
á byggingamönnum að minna fjár-
magn hefur runnið til smíði
Verkmenntaskólans en ráðgert
var. Almennt er ástand þessara
mála með svartasta móti á Akur-
eyri, ekki síst þegar horft er fram
á veginn.
Á Húsavík er ástandið núna
nokkuð svipað því sem verið hef-
ur en þó getur brugðið til beggja
vona á næstu mánuðum. Tólf
verkamannaíbúðir eru í smíðum
og stefnt er að því að vinna af
krafti við byggingu íþróttahúss
sem er að rísa af grunni en það er
þó nokkuð bundið framlögum
frá ríkinu.
Á Raufarhöfn er ástandið svip-
að og áður. Tvær íbúðir voru í
smíðum á árinu 1983 og lokið við
aðra þeirra en ekki er fyrirsjáan-
legt að hafin verði smíði íbúða á
Raufarhöfn á þessu ári.
Á Þórshöfn er nýlokið við að
gera byggingu á vegum hrað-
frystistöðvarinnar fokhelda, enn-
fremur stendur yfir smíði fjög-
urra íbúða í verkamannabústaða-
kerfinu.
í heild einkennist ástandið í
byggingariðnaði á Norðurlandi af
óvissu. Einstaklingar eru hættir
að ráðast í nýsmíði húsnæðis en í
staðinn eru komnar félagslegar
byggingaframkvæmdir. Orsakast
þetta vafalaust af ýmsum þáttum
m.a. minnkandi fjárhagsgetu ein-
staklinga og verðtryggingu láns-
fjármagns.