Dagur - 04.04.1984, Page 8
8 - DAGUR -4. apríl 1984
Þakkir til
Jakobs Tryggva-
sonar
Að kveldi sunnudags 25. mars sl.
voru tónleikar haldnir í Akureyrar-
kirkju til heiðurs Jakob Tryggvasyni,
sem gegnt hefur starfi organista við
Akureyrarkirkju síðan 1941 að
þremur námsárum undanskildum, og
æft og þjálfað söngkórinn á þann
veg, að hann mun vera í fremstu röð
kirkjukóra landsins.
Auk þessa umfangsmikla starfs
hefur Jakob kennt við Tónlistarskóla
Akureyrar frá 1948 og verið þar
skólastjóri frá 1950-1974. Stjórnandi
og kennari Lúðrasveitar Akureyrar
var Jakob í tvo áratugi og drengja-
lúðrasveita í fjögur ár. Þá hefur hann
verið söngstjóri Gígjunnar frá stofn-
un 1967 að einum vetri undan-
skildum. Tvo kvartetta, Smárakvart-
ettinn og Geysiskvartettinn, hefur
hann leitt og leikið undir söng þeirra.
Fjöldi laga sem söngfélög undir
stjórn Jakobs hafa flutt, hefur hann
útsett og einnig stundað tónsmíðar,
en flíkað þeim lítt, því að honum er
ekki eiginlegt að trana sér fram til að
vekja á sér eftirtekt fjöldans. Fleira
mætti nefna af störfum Jakobs en hér
verður það ekki tíundað. Af þeim
sem tilgreind hafa verið er það full-
ljóst að hér er um ærið dagsverk að
ræða og hefur þar hvergi verið kastað
til höndum.
Að nefndum tónleikum í Akureyr-
arkirkju stóðu: Kirkjukór Akureyr-
ar, Söngfélagið Gígjan, Geysiskvart-
ettinn og Tónlistarskóli Akureyrar.
Mátti heyra margt fagurt lag hljóma
í vönduðum flutningi og var stundin
í kirkjunni gjafi ánægju og sálubótar,
sem ber að meta og þakka. Margir
komu til að njóta hennar og var
kirkjan þéttsetin, að verðugu. Séra
Birgir Snæbjörnsson flutti ávarp áður
en tónleikarnir hófust, skýrði frá til-
efni þeirra, bauð kirkjugesti vel-
komna og færði heiðursgestinum
þakkir og hlýjar óskir. Og að tónleik-
unum loknum flutti séra Þórhallur
Höskuldsson þakkarorð til stjórn-
anda og flytjenda og þeirra sem
komu í kirkju til að njóta stundarinn-
ar með þeim.
Efnisskrá tónleikanna var fjöl-
breytt og á meðal verkanna voru
nokkur eftir Jakob, og önnur, sem
hann hafði raddsett. Söngstjórnina
hafði Jakob með höndum, og enn-
fremur annaðist hann undirleik í
sumum laganna, sem flutt voru
(söngur Geysiskvartettsins). En
einnig komu fram sem undirleikarar
Dýrleif Bjarnadóttir (í söng Gígj-
unnar) Kristinn Örn Kristinsson og
hljóðfæraleikarar frá Tónlistarskóla
Akureyrar.
Þrátt fyrir allháan aldur og 'erils-
samt og umfangsmikið starf ára-
tugum saman er engin merki upp-
gjafar að sjá á Jakob Tryggvasyni.
Hann virðist síungur og samur er
áhugi hans og söm heilindin í þjón-
ustunni við listagyðjuna, sem hann
sór trúnað á morgni sinnar ævi. Megi
hljómborðið óma undir höndum
Hvað er góðauglýsing? Allir auglýs-
endur borga fyrir að fá auglýsingu
birta í blöðum. Hvers vegna auglýsa
fyrirtæki þá vöru sína? Jú, til þess
að hún seljist. Þannig er hægt
láta auglýsingu borga sig. En þaðer
ekki sama í hvaða blaði auglýst er,
því mörg hafa litla útbreiðslu og fá
lesendur. Dagur hefur aftur á móti
mikla útbreiðslu og lesendur eru
fjölmargir.
Það borgar sigþví að auglýsa í Degi,
þar eru a/lar auglýsirtgar góðar
lýsingar.
aug
Auglýsing i Degí
BORCAR SIG
Jakob Tryggvason.
hans sem lengst og raddirnar hljóma
við taktslátt hans - til unaðar og
sæmdar.
Sem fyrr getur kom Söngfélagið
Gígjan fram á þessum kirkjutón-
leikum, en Jakob Tryggvason hefur
verið söngstjóri Gígjunnar frá stofn-
un árið 1967, að einum vetri undan-
skildum, er Michael John Clarke
gegndi því hlutverki. Öll þessi ár hef-
ur starfsemi Gígjunnar verið í
föstum skorðum. Æfingar yfirleitt
tvisvar í viku á vetrum og konsertar
á hverju vori. Einnig hefur verið far-
ið út fyrir Akureyri, tónleikar haldn-
ir í sveitum norðanlands og sunnan,
í Húsavíkurkirkju, á Siglufirði og í
Reykjavík. Mun það hafa verið
einna mest og merkast er kórinn var
á meðal þátttakenda í hátíðardag-
skrá í tilefni af fjörutíu ára afmæli
Landssambands blandaðra kóra árið
1978. Kom kórinn fram í þeim hluta
dagskrárinnar sem fram fór í Laugar-
dalshöll, þar sem var múgur manns,
er fagnaði hinum mörgu en ólíku
kórum frábærlega vel. Þótti hlutur
Gígjunnar, sem hún átti hér að góð-
ur - vel til söngsins vandað. Er mér
minnileg þessi stund í Laugardalshöll
á Söngleikum ’78, en sú var yfirskrift
þessarar hátíðardagskrár.
Gígjukórinn var stofnaður 12.
febrúar árið 1967, stofnendur voru
48 konur, en hugmyndina að stofnun
kórsins átti Sigurður D. Franzson,
sem þá var búsettur og starfandi hér
á Akureyri. Verkefni kórsins hafa
verið íslensk og erlend lög og nær
aldrei mun hafa vantað á söngskrána
lög Björgvins Guðmundssonar og
sýnir það virðingu við minningu
þessa merka tónlistarmanns, sem
eins Og kunnugt er, vann mikinn
hluta ævistarfs síns hér á Akureyri.
Jakob Tryggvason hefur verið áhuga-
samur og ötull stjórnandi Gígjukórs-
ins og trúr því markmiði að vanda
skyldi allt sem best. Hefur hann hér
í öll þessi ár unnið mikið og óeigin-
gjarnt starf og m.a. gjört fjölda radd-
setninga laga sem kórinn hefur flutt.
Stofnun Gígjunnar var myndarlegt
framtak. Af þeim 48 konum sem þar
áttu hluta að eru enn nokkrar starf-
andi og ber það ljóst vitni um áhuga
þeirra fyrir sönglistinni og trúfesti
þeirra í þjónustunni við hana - og
virðingu fyrir gildi þeirrar félagsfest-
ar sem tengir þær hverja annarri.
Þetta er orðið mikið framlag frá
upphafi og að baki þess mörg starfs-
og vökustund og er við hæfi að fyrir
það séu færðar alveg sérstakar
þakkir. Einnig ber að þakka þeim
sem stóðu fyrr á sviði í hópi Gígju-
kvenna og voru virkar í starfi en hafa
með árunum hætt þátttöku. Og þeg-
ar horft er yfir farinn veg er huga
beint í hlýrri þökk til þeirra söng-
systra sem voru starfandi frá fyrsta
degi og alltaf jafn vakandi varðandi
starfsemi, hag og heiður kórsins - en
hafa nú fyrir aldur fram orðið að
hlýða því kalli sem enginn fær
staðist. Yfir minningu þeirra er bjart,
eins og yfir minningu Þorgerðar Ei-
rfksdóttur, fyrsta undirleikara
kórsins, sem hlaut tónlistargáfuna í
vöggugjöf. Starf Gígjukvenna,
flestra önnum kafinna húsmæðra, er
orðið mikið frá því að þær hófu verk
sitt - og merkt framlag til menningar
í þessum bæ. Söngur kórsins hefur
ávallt verið vandaður og með einkar
fallegum blæ og það hefur vissulega
verið styrkur hans, hversu góðum
einsöngvurum hann hefur átt á að
skipa fyrst og fremst þeim Helgu Al-
freðsdóttur og Gunnfríði Hreiðars-
dóttur, núverandi form. Gígjunnar.
Þann 29. okt. sl. haust söng kórinn
í Borgarbíói, en þar hefur löngum
verið hans konsertsalur. Þetta var
fallegur konsert, en samfara honum
viss dapurleiki í hugum margra, því
að raunar var þetta kveðjukonsert.
Upplýst hafði verið að kórinn hætti
vísast starfsemi sinni - eða gjörði
a.m.k. hlé á henni um sinn. Bar
sitthvað til að sú ákvörðun var
tekin, en m.a. sívaxandi annir
margra kórfélaga sem draga úr því
að auka vinnuálag geti átt sér stað
endalaust. Það er hægt að þreytast
jafnvel þótt unnið sé að eigin hugðar-
efnum. En óskandi er, að svo vel
skipist að hafist verði handa að nýju,
því eftirsjá er að, fái rödd Gígjunnar
ekki hljómað. En muna ber starfið í
sl. 16 ár, þá birtu sem það hefur
borið.
Með þessum línum vil ég færa
þeim Gígjukonum - hverri og einni,
vinarkveðju mína og heilar þakkir
fyrir allt, í gegnum tíðina, og biðja
þeim allra heilla, hvar sem þær fara
og starfa - innan eða utan söngsala.
Jórunn Ólafsdóttir
frá Sörlastöðum.
Hvítasunnusöfnuðurinn á Akureyri:
Góður gestur
frá Danmörku
Um þessar mundir dvelur á
Akureyri, Garðar Ragnarsson,
forstöðumaður Hvítasunnu-
safnaðarins í Odense í Dan-
mörku.
Garðar Ragnarsson verður
með biblíufyrirlestra í Fíladelfíu,
Lundargötu 12, hvert kvöld þessa
viku og hefjast fyrirlestrarnir kl.
20. Boðið verður upp á kaffiveit-
ingar. Garðar endar síðan þessa
heimsókn sína með vakningar-
samkomu sunnudaginn 8. apríl
kl. 20.30. Allir eru hjartanlega
velkomnir að því er segir í frétt
frá Hvítasunnusöfnuðinum á Ak-
ureyri.