Dagur - 09.04.1984, Blaðsíða 2

2 - DAGUR - 9. apríl 1984
Hlustarðu á klass
íska tónlist?
Sigmundur Guðmundsson:
Já, aðallega Mozart og Mend-
elsohn.
Magnús Jónatansson:
Nei.
Haukur Torfason:
Nei, og reyndar hlusta ég
ákaflega lítið á tónlist yfirleitt.
Svanur Kristjánsson:
Mest mjög lítið.
Magnús Már Magnússon:
Já, svolítið á góða klassíska
tónlist, en það verður þó að
viðurkennast að það er minna
en hitt.
„Mikilvægt að
kunna sagnakerfið“
— segir Páll Pálsson, bridgespilari
Páll Pálsson við spilaborðið - líklega með borðleggjandi slemmu!!
„Kerfið er númer eitt, sagna-
kerfið, maður verður að læra
það og skilyrðislaust að fara eft-
ir því ef maður vill ná einhverj-
um árangri í bridge,“ sagði Páll
Pálsson, sem er í Viðtali-Dags-
ins í dag.
Páll er fyrirliðinn í bridgesveit
Páls Pálssonar, sem um helgina
er fulltrúi Norðurlands eystra í
íslandsmótinu í bridge, sem hald-
ið er í Reykjavík. Með Páli í
sveitinni eru Frímann Frímanns-
son oj Grettir bróðir hans, Ólaf-
ur Agústsson, Magnús Aðal-
björnsson og Gunnlaugur Guð-
mundsson. Sveit Páls vann sér
þátttökurétt í íslandsmótinu með
því að sigra í úrtökumóti, þar
sem 10 sveitir reyndu með sér. Á
íslandsmótinu um helgina mætt-
ust 24 sveitir víðs vegar af land-
inu. Hér er um undanúrslit að
ræða, en 8 sveitir komast áfram.
Páll var spurður um ástæður fyrir
velgengni sveitarinnar og einnig
var hann spurður nánar út í
bridge-ið.
- Bridge-ið er mitt aðal tóm-
stundagaman yfir vetrarmánuð-
ina og þá spilar maður einu sinni
til tvisvar í viku. Það er mikilvægt
að kunna sagnakerfið, eins og ég
sagði áðan, en það þarf líka að
æfa stíft til að ná einhverjum ár-
angri. Hér á Akureyri eru a.m.k.
4-5 sveitir sem eru mjög jafnar,
þannig að það er oftast heppni og
tilvilj anir sem ráða því hver
þeirra vinnur.
- Hvað er það sem gerir
bridge-ið svona spennandi?
- Pað er nú erfitt að svara því,
satt best að segja. Petta er eins og
hver önnur keppni, það er spenn-
andi að sjá hvernig spil maður
fær og hvernig til tekst við að
spila úr þeim. Daginn eftir fer
maður síðan að hugsa um þessi
spil og jafnvel ræða þau við félag-
ana. Þá er skoðað grannt hvort
ekki hefði verið hægt að gera
betur. Mistökin eru að því leyt-
inu til góðs, að maður lærir af
þeim. Þar að auki er það félags-
skapurinn á bridge-kvöldunum
sem gerir þetta eftirsóknarvert.
- En þú gerir nú fleira yfir vet-
urinn en spila bridge, hvernig
gekk rjúpnaveiðin í vetur?
- Já, við Frímann Frímanns-
son, auglýsingastjórinn ykkar hér
á Degi, göngum gjarnan til
rjúpna þegar vel viðrar. Þetta
gekk þokkalega hjá okkur í
vetur, ætli ég hafi ekki fengið 50-
60 rjúpur. En það er ekki aðal-
atriðið; það er gaman að göng-
unni, hún styrkir mann, og úti-
veran er holl.
- Hvaða kerfi notið þið Frí-
mann á rjúpurnar?
- Rjúpnalaufið.
■ - Þú ert mikill dansari er mér
sagt, dansar ef til vill rjúpnadans-
inn á góðum stundum?
- Já, það er rétt, dansinn er
svona nokkurs konar hliðargrein
tómstundanna. Ég hef verið í
dansskóla Sigvalda undanfarna
vetur og sæki tíma tvisvar í viku
í Hús aldraðra. Kennslan stendur
allan veturinn, það eru aðallega
suður-amerískir dansar sem við
lærum, og ég hef haft mjög gam-
an af þessu, hef raunar alla tíð
haft mjög gaman af að dansa.
- Ekki dansar þú þessa dansa
í Sjallanum, eða ætlið þið ef til
vill að halda danssýningu?
- Nei, þessir dansar eru mjög
fallegir, þannig að fæsta þeirra er
hægt að dansa á almennum dans-
leikjum. Hins vegar höfum við
reynt að vera svolítið snemma á
ferðinni þegar við förum í
Sjallann, þannig að við getum
dansað í 1-2 tíma áður en húsið
fyllist af fólki. Eftir það er orðin
örtröð á gólfinu og litlu máli
skiptir hvernig dansað er. Það er
raunar þannig í flestum danshús-
um, að dansgólfin eru allt of lítil
miðað við þann fjölda sem hleypt
er inn í húsin.
- Hvað með sumar-„hobbý-
ið“?
- Það er golfið, sem tekur
ungann úr mínum frítíma yfir
sumarið. Áður fyrr fór ég oft í
veiði, en nú er ég hættur því. Ég
fer frekar í golf, því það er hægt
að fara upp á völl þegar manni
dettur í hug. Og alltaf reynir
maður að bæta sig í íþróttinni,
því mér finnst oftast að ég geti
gert betur.
- Þú ert húsasmiður og verk-
stjóri hjá Aðalgeir og Viðari, er
nóg að gera?
- Já, eins og er, en það er hjá
okkur eins og öðrum, það er lítið
framundan þegar fer að hausta.
Og það sem verra er, það er eng-
in lausn í sjónmáli í atvinnumál-
um hér á svæðinu. Hér þarf að
byggja upp stórvirk atvinnufyrir-
tæki, álver ef því er að skipta. Þar
fá byggingariðnaðarmenn at-
vinnu og með vaxandi atvinnu-
starfsemi fjölgar fólkinu. Þá
þarf að byggja íbúðir fyrir það,
en eins og er er ekki þörf á fleiri
íbúðum," sagði Páll Pálsson.
Njóta þroskaheftir forgangs?
BJ hringdi:
Það er eitt mál sem mig langar til
að vekja athygli á. Oft er talað
um það að þroskaheftir njóti ekki
sömu réttinda og þeir sem heil-
brigðir eru en þetta á samt ekki
við á öllum sviðum.
Nýlega ætlaði ég að fá tíma í
hárgreiðslu en þá var því svarað
að enginn tími væri laus. Þroska-
heft stúlka pantaði tíma á sama
stað skömmu síðar og hún fékk
tíma um leið. Ég veit ekki hvort
ég á að þakka eða gremjast yfir
þessu „misrétti" en það er a.m.k.
ekki rétt að þroskaheftir komi
alls staðar númer tvö.
Lögmál frumskógarins?
— Umferðaröngþveiti á Akureyri
Það er eitt atriði sem mig langar
til að minnast á en það er hvernig
ökumenn leggja bílum sínum hér
í bæ. Það er eins og lögmál frum-
skógarins séu hér í heiðri höfð og
útkoman er eitt allsherjar öng-
þveiti.
Það er nóg að líta á hvernig
lagt er við Ráðhústorg. Bílum
lagt sitt á hvað og mörgum þvert
gegn akstursstefnu. Þá er bíla-
súpan efst í Oddeyrargötunni og
í Brekkugötunni eitt vandamálið
og ég vil hér með skora á umferð-
arnefnd og lögreglu að reyna að
koma þessum málum í sæmilegt
horf. Það er a.m.k. lágmark að
umferðarreglur séu haldnar og
hvernig væri að ökumenn borg-
uðu endrum og eins í stöðumæl-
ana?