Dagur - 09.04.1984, Blaðsíða 8

8-DAGUR-9. apríl 1984

FSY telur brottvikningu Sturlu Kristjánssonar óréttláta:
Krefst opin-
berrar yfirlýsingar
- Þar sem hlutur Sturlu verður bættur
Reiðhjólaskoðun hefst í dag:
Nú eiga öll
reiðhjól að
vera í lagi
Hin árlega reiðhjólaskoðun
hefst í þessari viku og að venju
verða hjólin skoðuð við barna-
skóla bæjarins. Þessi reið-
hjólaskoðun er óvenju
snemma á ferðinni en að sögn
Varðar Traustasonar, lög-
reglumanns er ástæðan fyrir
því sú að mikið hefur borið á
því í góða veðrinu að undan-
förnu, að börn og unglingar
væru á hjólum í umferðinni.
Reiðhjólaskoðunin hefst í dag
og verður þá skoðað við Oddeyr-
arskóla á milli kl. 10 og 12 og 13
og 15. A morgun verður skoðað
á sama tíma í Glerárskóla, á mið-
vikudag í Lundarskóla og á
fimmtudag í Barnaskóla Akur-
eyrar.
Að sögn Varðar Traustasonar
er ekki ætlast til þess að börn
yngri en níu ára séu á hjólum í
umferðinni en yngri börn geta
þó fengið skoðunarmerki á reið-
hjól sín svo fremi sem foreldrar
koma með þeim í reiðhjóla-
skoðunina. - ESE.
Stjórn félags skólastjóra og
yfirkennara á grunnskólastigi
hcfur komist að þeirri niður-
stöðu að brottvikning Sturlu
Kristjánssonar, fyrrum skóla-
stjóra Þelamerkurskóla frá
skólanum hafi verið óréttlát og
siðferðislega röng og þess er
krafist að Sturlu verði bættur
sinn hiutur með opinberri yfir-
lýsingu af hálfu menntamála-
ráðuneytisins. Ályktun FSY
fer hér á eftir:
Stjórn félags skólastjóra og
yfirkennara á grunnskólastigi
hefur um nokkurra mánaða skeið
haft til umfjöllunar mál Sturlu
Krisjánssonar núverandi fræðslu-
stjóra á Norðurlandi eystra sem
á sl. vetri var vikið úr starfi skóla-
stjóra Þelamerkurskóla í Eyja-
firði.
Stjórnin hefur aflað sér allra
gagna sem vitað er um varðandi
þetta mál og kynnt sér þau ræki-
lega. Meðal annars allar bókanir
skólanefndar Þelamerkurskóla,
gögn frá menntamálaráðuneytinu
og bréf sem farið hafa á milli að-
ila er tengjast málinu.
Stjórn FSY ritaði menntamála-
ráðuneytinu bréf þann 22.11.
1982 þar sem óskað er skýringa á
brottvikningu Sturlu. Svar barst
frá ráðuneytinu í bréfi, dagsettu
7.12. 1982.
Að vandlega athuguðu ináli er
það mat stjórnar FSY að brott-
vikning Sturlu Kristjánssonar
hafi ekki verið réttlætanleg. Ekk-
ert hefur komið fram í þessum
deilum sem bendir til þess að
Sturla hafi gerst brotlegur í starfi
né sýnt vanrækslu á nokkurn
hátt. Bent skal sérstaklega á að
þrátt fyrir sáttaumleitanir af
hálfu menntamálaráðuneytisins,
fór ekki fram formleg rannsókn
á störfum skólastjóra sem hann
þó bað um.
Vakin er sérstök athygli á upp-
hafi þessa sorglega deilumáls þar
sem skólastjóra er stillt upp við
vegg af kennurum sem eiga í
persónulegum samskiptaörðug-
leikum við hann. Málsmeðferðin
leiðir svo til þess að skólastjóra
er vikið úr starfi.
Stjórn FSY lítur svo á að vegið
hafi verið að óiðferðislegum
grundvallarreglum í samskiptum
ríkisvalds við sína embættismenn
og telur að menntamálaráðuneyt-
inu beri skylda til að rétta hlut
Sturlu Kristjánssonar í máli
þessu með opinberri yfirlýsingu.
- ESE.
Hjálpræðisherinn:
Alþjóðlegur
■ ■ ■ r m
svæðisstjori
í heimsókn
Saga Class:
Farrýmisskipting
hjá Flugleiðum
Von er á Önnu Hannevik, al-
þjóölegum svæðisstjóra Hjálp-
ræðishersins fyrir Evrópu í
heimsókn hingað til lands.
Anna Flannevik er af norsku
bergi brotin. Faðir hennar var
norskur hjálpræðishersforingi en
móðir hennar var ensk. Anna er
fædd í Kína en 10 ára gömul
fluttist hún til Noregs. Hún gekk
á foringjaskóla Hjálpræðishers-
ins í Noregi og var hún vígð for-
ingi 1947. Hún hefur síðan starf-
aði í Noregi og í Englandi og
starfar nú við alþjóðlegar höfuð-
stöðvar Hjálpræðishersins.
Von er á Önnu Hannevik til
Akureyrar á morgun og mun hún
m.a. taka þátt í mikilli samkomu
annað kvöld. Á miðvikudag hef-
ur bæjarstjórn Akureyrar matar-
boð henni til heiðurs en sama dag
verður jafnframt hugvekja í Hlíð
og samkoma hermanna. í fylgd
með Önnu Hannevik í þessari
ferð verður Martin Högberg, um-
dæmisstjóri, Noregs, Færeyja og
íslands og eiginkona hans Gun-
hild Högberg.
Farrýmisskipting verður tekin
upp í áætlunarvélum Flugleiða
á Evrópuleiðum frá 1. aprfl
næstkomandi. Farþegar, sem
ferðast á hæsta fargjaldi sitja
fremst í vélunum í aðskildu
farrými, sem hefur hlotið nafn-
ið Saga Class.
Farþegar í Saga Class fá aukið
rými með því móti að ekki fleiri
en tveir sitji í þriggja sæta röð
ávallt þegar rými leyfir. Drykkj-
arföng verða ókeypis. Reykingar
verða leyfðar í sætum hægra
megin við gang og mun sú regla
einnig gilda um aftari hluta far-
þegarýmis.
Sérstakt innritunarborð verður
á Keflavíkurflugvelli fyrir far-
þega Saga Class. Á flugvöllum
erlendis nota þeir „Business
Class“ borð þeirra flugfélaga,
sem annast afgreiðslu Flugleiða-
farþega. Farþegum Saga Class er
heimilt að hafa meðferðis farang-
ur allt að 30 kg að þyngd án auka-
gjalds.
Farþegarými verður ekki skipt
á flugleiðum til Bandaríkjanna
né heldur til Luxemborgar, Par-
ísar, Frankfurt og Vaagar. Ekki
verður á neinn hátt dregið úr
þjónustu við aðra farþega Flug-
Páskaeggjasala
leiða þótt farrýmisskipting komi
til framkvæmda.
Efnt var tií samkeppni meðal
starfsmanna Flugleiða um heiti á
nýja farrýminu og varð tillaga um
Saga Class fyrir valinu. Þrír
starfsmenn sendu inn tillögur að
þessu heiti. Dregið var um hver
þeirra hlyti þau verðlaun, sem í
boði voru og kom upp nafn Þór-
dísar Karlsdóttur, sem starfar á
Keflavíkurflugvelli.
Flest áætlunarflugfélög á Vest-
urlöndum hafa tekið upp farrým-
isskiptingu í vélum sínum og
mörg þeirra hafa þrjú farrými.
Erlendis verður hið nýja farrými
Flugleiða nefnt Saga Business
Class til að undirstrika að hér er
ekki um fyrsta farrými að ræða.
Leiðrétting:
Tilboðið
var hærra
í Degi sl. miðvikudag var skýrt
frá tilboðum er bárust í smíði
fiskimjölsverksmiðju í Ólafs-
firði, og þar urðu okkur á
nokkur mistök.
Sagt var að lægsta tilboðið í
smíði hússins sem kom frá Tréver
í Ólafsfirði hefði numið
2.295.000 krónum og verið
60,4% af kostnaðaráætlun. Þetta
er rangt því lægsta tilboð Trévers
var upp á 2.925.520 krónur og
nemur sú upphæð 78% af kostn-
aðaráætlun.
Fyrirtækið Ás í Ólafsfirði var
með lægsta tiíboð í gerð grunns
hússins og nam það 1.114.000
krónum eða 75,5% af kostnaðar-
áætlun. Mun vera ákveðið að
taka tilboðum Trévers og Ás í
verkin. - Dagur biðst velvirðing-
ar á þeim mistökum sem rætt var
um hér að framan.
Kiwanismanna Iðja félag verksmiðjufólks á Akureyri:
Nú líður að páskum og þá fara
félagar í Kiwanisklúbbnum
Kaldbak að undirbúa hina ár-
legu páskaeggjasölu sína. Til-
gangurinn með sölunni hefur
ævinlega verið sá að safna fé til
einhverra þeirra verkefna, sem
til heilla horfa í samfélaginu og
klúbburinn hefur valið að
styðja við hverju sinni.
í ár verður afrakstri söfnunar-
innar að mestu varið til þjálfun-
ardeildar fyrir fjölfötluð börn í
Endurhæfingarstöð Sjálfsbjarg-
ar, en þörf fyrir þá aðstöðu er
mjög mikil, sem sést af því að
fjöldi barna þarf nú að sækja
þessa þjálfun til Reykjavíkur
með ærnum tilkostnaði.
Seld verða egg no. 3 og 4 og
hefur verð þeirra verið ákveðið
kr. 110 fyrir egg no. 3 og kr. 180
fyrir egg no. 4. Að þessu sinni
verður tekin upp sú nýbreytni að
með hverju eggi fylgir happ-
drættismiði, sem kostar kr. 10 og
eru vinningar í happdrættinu 36,
flugfar til og frá Reykjavík og
ýmsar vöruúttektir alls að verð-
mæti kr. 25.000. Fjöldi miða er
2.500 og verður dregið þann 24.
apríl nk. Skrá yfir vinninga verð-
ur birt í bæjarblöðunum þegar að
loknum drætti.
Islendingar standi gegn
öllum kjarnorkuvígbúnaði
Aðalfundur Iðju, félags verk-
smiðjufólks á Akureyri, sam-
þykkti á fundi 25. mars sl.
áskorun sem send var forsætis-
ráðherra og forseta sameinaðs
þings, varðandi kjarorkuvíg-
búnað. Áskorunin er svohljóð-
andi:
Undirrituð samtök heita á
ríkisstjórn íslands og Alþingi að
beita sér fyrir því:
- að kjarnorkuvopn og búnað-
ur sem eingöngu er tengdur
notkun þeirra verði aldrei
leyfð á íslandi.
- að Norðurlönd öll verði lýst
kjarnorkuvopnalaust svæði,
sem njóti alþjóðlegrar viður-
kenningar.
að íslensk efnahagslögsaga
verði friðuð fyrir kjarnorku-
vopnum, umferð kjarnorku-
knúinna skipa og losun kjarn-
orkuúrgangs.
að íslendingar standi á al-
þjóðavettvangi skilyrðislaust
gegn öllum kjarnorkuvígbún-
aði.