Dagur - 16.04.1984, Blaðsíða 2
f> mpr't e% * ** »• fuí- v ^ *-
2 - DAGUR -16. apríl 1984
Hreinn Oskarsson forstöðumaður íþróttavallanna og Skemmunnar:
9) r æðui al r 1 ■ ■ M 11 ■ ■ mattu ni“
„Það leit orðið vel út með
aðalvöllinn áður en fór að
snjóa núna, en það er Guð al-
máttugur sem ræður ferðinni
en ekki við,“ segir Hreinn
Óskarsson forstöðumaður
íþróttavallanna á Akureyri, en
hann sér einnig um rekstur
íþróttaskemmunnar.
„Það voru farnir að sjást græn-
ir toppar á köntum vallarins þar
sem fjölæra grasið er, en einæra
grasið sem er á meginhluta vall-
arins var ekkert farið að taka við
sér. En það þarf ekki að vera svo
afleitt þótt það hafi farið að
snjóa, snjórinn hlífir, en það er
frostið sem er höfuðóvinurinn."
- Hreinn er á „heimavelli"
þegar rætt er um íþróttamann-
virki á Akureyri, og þá sérstak-
lega þegar aðalvöllurinn er um-
ræðuefnið. Hann hefur veitt vell-
inum forstöðu frá vorinu 1967 og
það sama ár tók hann einnig við
Iþróttaskemmunni. Hann er
múrari að iðn, en hvernig vildi
það þá til að hann fór í þetta
starf?
„Það er nú nokkuð skrítin saga
á bak við það. Ég hef reyndar
alltaf verið mikið viðriðinn
íþróttir, var á kafi í þeim sem
unglingur og keppti í öllum
greinum fyrir Þór.- Á þeim tíma
er þetta átti sér stað var ég for-
maður Knattspyrnuráðs og hafði
verið um nokkurn tíma. Og þá
var ég spurður að því eitt sinn
hvort ég vissi um nokkurn sem
vildi taka að sér íþróttavöllinn.
Ég svaraði því á þann hátt að ég
vissi ekki um neinn, en bætti við
í gamni að hugsanlega væri það
lausn að ég tæki þetta að mér
sjálfur. En ég var múrari og það
var engin alvara í þessu.
„Þú segir nokkuð“ sögðu þeir
Jens Sumarliðason og Haraldur
Sigurðsson sem höfðu verið að
spyrja mig um þetta. Nokkrum
dögum síðar komu þeir til mín og
sögðu að ég gæti fengið starfið.
Ég sagðist ekki vera tilbúinn að
gefa ákveðið svar, þetta þýddi
breytingar á mínum háttum en
svo fór að ég sló til og hef verið í
þessu síðan.“
- Fastir starfsmenn við
íþróttavöllinn og Skemmuna eru
þeir Hreinn og Hreiðar Jónsson
sem er gamalreyndur í þeim
störfum öllum. Þeir fara ákveð-
inn „hring“ á hverju ári, byrja
yfirleitt á vellinum 1. maí og eru
á honum fram á haust að þeir
flytja sig niður í Skemmu. Þar
skipta þeir með sér vöktum allan
veturinn og sjá bókstaflega um
allan rekstur, jafnt þrif á húsinu,
lagfæringar, undirbúning fyrir
tónleika og annað sem kemur upp.
- Þið hljótið að kynnast mörg-
um í þessu starfi. En er alltaf
logn? Kemur það ekki fyrir að
menn þurfa að setja út á og gagn-
rýna?
„Það er þá aðallega á vorin
þegar menn eru óþolinmóðir að
komast á grasvöllinn. Mönnum
finnst að það megi fara fyrr á
völlinn en gert er. Ég held hins
vegar að það hafi verið rétt stefna
sem við höfum fylgt að fara ekki
of snemma á völlinn. Hann var
lengi eini grasvöllurinn hér og
það mátti ekki skemma hann.
Við höfum gætt þess að ofbjóða
honum ekki á þann hátt að fara
of snemma á hann á vorin eins og
ég tel að þeir hafi gert t.d. í
Laugardalnum.
Við höfum brynjað okkur fyrir
þessari gagnrýni og ég tel að við
höfum borið gæfu til þess að gera
rétt. Þeir eru líka margir að-
komumennirnir sem hingað hafa
komið sem hafa haft orð á því að
þetta sé einn sá albesti völlur sem
fyrirfinnst hér á landi þegar kom-
ið er fram á sumarið."
- Nú hefur íþróttaskemman
verið vettvangur íþróttakennslu
og æfinga félaganna, en þar hafa
einnig margir atburðir átt sér
stað, tónleikar, stórir fundir og
fleira í þeim dúr. Er þér eitthvað
sérstaklega minnisstætt varðandi
slíkt?
„Mér er það mjög minnisstætt
þegar Kristján Éldjárn heitinn
hélt kosningafund í Skemmunni
árið 1968. Þá kom geysilegur
fjöldi í Skemmuna, sennilega
hátt í 2000 manns. Þegar fundin-
um lauk tók það fólkið um hálf-
tíma að komast út úr húsinu,
enda voru þá engar stórar dyr
komnar á suðurgafl. Ég fylgdist
með því er fólkið var að fara út
úr húsinu og sá þá eins og fleiri
reyndar að hér var slysagildra.
Hvað hefði getað gerst ef eldur
hefði skyndilega komið upp? Það
var því strax eftir þetta farið í að
setja stóra hurð á suðurgaflinn.
Eins er mér minnisstætt er hinn
frægi söngvari Ivan Rebroff hélt
tónleika í Skemmunni. Maðurinn
með þessa miklu rödd lét koma
fyrir hátölurum undir sviðinu
áður en fólkið kom í húsið og
hafði svo fastan á sér lítinn þráð-
lausan míkrófón. Þannig fór
hann að þessi frægi skemmti-
kraftur."
- Nú líður óðum að því að
þeir félagar í Skemmunni fari á
stjá utan dyra. Þeirra bíður það
verkefni að koma knattspyrnu-
völlunum á Akureyri í gang, en
þeir sjá að nokkru leyti um velli
KA og Þórs, Sanavöllinn og völl-
inn við Menntaskólann. Það er í
mörg horn að líta, en vanir menn
eru á ferð. Við spyrjum Hrein að
lokum hvort hann hafi ekki
kynnst mörgum í þessu starfi
sínu.
„Jú blessaður vertu, ég hef haft
gott samstarfsfólk og það hefur
ekki borið neinn skugga þar á.
Yfir höfuð hafa samskiptin við
íþróttafólkið, skólakrakkana sem
sækja leikfimi í Skemmuna og
alla þá forráðamenn sem við
höfum haft samskipti við verið
mjög ánægjuleg og þetta hefur
verið skemmtilegur tími.“ gk-.
kemur út þrisvar í viku,
mánudaga, miðvikudaga og föstudaga
Hreinn Óskarsson.
Viljirðu bragðgott kaffi, velur þú
Hefur þú smakkað
mi
okKar
Kaffibrennsla Akureyrar hf