Dagur - 16.04.1984, Blaðsíða 12

Akureyri, mánudagur 16. aprfl 1984
ÞJÓNUSTA
FYRIR
r r
■ *
HAÞRYSTISLONGUR
OLÍUSLÖNGUR og BARKA
PRESSUM
TENGIN Á
FULLKOMIN TÆKI
VÖNDUÐ VINNA
K
a
s
i
<n
80 Rússar
bíðaá
„Pollinum“
„Við vitum ekki annað en að
það vantar einhver Ieyfi frá
sovéska sendiráðinu til þess að
skipið geti lagst að bryggju
hérna,“ sagði Guðmundur Sig-
urbjörnsson hafnarstjóri á Ak-
ureyri í morgun er við ræddum
við hann um sovéskt flutninga-
skip sem legið hefur úti á Poll-
inum síðan fyrir helgi.
Þetta skip er að koma með
rækju til niðursuðuverksmiðju K.
Jónssonar og Co. og er ekki
áformað að hefja vinnu við losun
skipsins fyrr en eftir páska eða
24. apríl.
„Við vitum að skipstjórinn og
þeir sem eru þarna um borð vilja
endilega komast að bryggju,"
sagði Guðmundur. „Það eru
þarna um 80 manns um borð, en
þeir fá ekki að leggjast að fyrr en
grænt ljós hefur komið frá sov-
éskum yfirmönnum í sendiráðinu
í Reykjavík.“ gk-.
Akureyri:
Mikið
drukkið
Afengi var selt fyrir tæpar 22.5
milljónir króna í áfengisversl-
uninni á Akureyri fyrstu þrjá
mánuði þessa árs. Er þetta rúm-
um 5.5 milljónum króna meiri
sala en sömu mánuði síðasta
árs en þá var áfengi selt fyrir
tæpar 17 milljónir króna.
Ails seldu áfengisverslanirnar
á landinu áfengi fyrir 263.226.174
krónur fyrstu þrjá mánuði þessa
herrans árs en sambærileg tala
fyrra árs er 180.936.662 kr. Lang-
mest var salan í Reykjavík þar
sem áfengi seldist fyrir rúmar 190
milljónir króna en Akureyri var
í öðru sæti. í hinni nýju áfengis-
útsölu á Sauðárkróki var selt
áfengi fyrir rúmar 4.5 milljónir
kr. á þessum tíma en áfengisút-
salan var ekki komin í gagnið á
þessum tíma 1983. Tilkoma út-
sölunnar á Sauðárkróki er líka
sennilegasta skýringin á því að
áfengissalan dróst saman um 70
þúsund krónur fyrstu þrjá mán-
uði þessa árs á Siglufirði ef miðað
er við sama tíma í fyrra. Salan
nú nemur rúmum 2.2 milljónum
kr. _ ESE.
Samkvæmt upplýsingum
frá Veðurstofunni í
morgun verður austan
og suðaustanátt á morg-
un á Norðurlandi. Úr-
koma einhver, sennilega
slydda eða rigning.
En á miðvikudag eða
fimmtudag á að ganga
aftur yfir Norðlendinga
norðanátt og er jafnvel
talið að hún geti varað
fram að næstu helgi.
Landað úr ÚA togaranum Svalbak í gær. Mynd: KGA.
Norðlensku togar-
arnir afla mest
Þorskafli togara á Norðurlandi
glæddist verulega í síðasta
mánuði ef miðað er við mán-
uðinn þar á undan. Er aukn-
ingin sú mesta yfir landið eða
1880 tonn á milli mánaða og
norðlenskir togarar eru jafn-
framt þeir sem mest hafa aflað
af þorski frá áramótum.
Ef litið er á tölur Fiskifélags ís-
lands um aflabrögðin þá kemur í
ljós að þorskafli bátanna í mars
á Norðurlandi nam 1322 tonnum
eða 256 tonnum meiri afli en í
febrúar. Þorskafli bátanna frá
áramótum er því orðinn 2866
tonn.
Þorskafli togaranna í mars var
4889 tonn sem er 1880 tonnum
meiri afli en í mánuðinum þar á
undan en heildaraflinn frá ára-
mótum er 9642 tonn.
Heildaraflinn í Norðlendinga-
fjórðungi, þar með talin loðna,
rækja og aðrar fisktegundir, í
mars var 27015 tonn eða um
18000 tonnum minni afli en í
febrúar. Munar hér mestu um
samdráttinn í loðnulöndun.
Ef litið er á aðra landshluta þá
kemur í Ijós að þorskafli bátanna
hefur aukist verulega alls staðar
nema á Vestfjörðum, Norður-
landi og Austfjörðum. Nemur
þessi aukning 6380 tonnum á
Suðurlandi, 6971 tonni á Reykja-
nesi og 8955 tonnum á Vestur-
landi ef miðað er við febrúar-
mánuð. Þorskafli togaranna er
hins vegar mestur á Norðurlandi
og þar er aukning milli mánaða
jafnframt mest. - ESE.
, Kæran sem enginn hefur heyrt um?
33
Eg kem af
- Ég kem alveg af fjöllum.
Það hefur enginn kvartað við
okkur og á kæru hef ég ekki
heyrt minnst. Er ég þó nýkom-
inn af fundi útvarpsráðs.
Þetta sagði Emil Björnsson,
fréttastjóri sjónvarpsins er hann
var spurður hverju hann svaraði
ásökunum Samtaka um jafnrétti
milli landshluta á hendur frétta-
— segir fréttastjóri sjónvarps
stofu sjónvarps. Eins og fram
hefur komið í Degi þá kærðu
samtökin fréttastofuna fyrir út-
varpsráði, fyrir hlutdrægni í
fréttaflutningi en kæruna byggja
samtökin á því að fréttastofan
hafi látið undir höfuð leggjast,
þrátt fyrir loforð þar að lútandi,
að kynna málstað samtakanna.
Hins vegar hafi áhugamenn um
jafnan kosningarétt, sem eru á
öndverðum meiði við samtökin,
fengið rúman tíma í fréttum sjón-
varpsins.
Nú er liðin rúm vika frá því að
kæran var send formanni út-
varpsráðs en er blaðamaður Dags
ræddi við Markús Örn Antons-
son, formann útvarpsráðs fyrir
helgina þá hafði hann ekki frekar
en Emil heyrt um þessa kæru.
Samkvæmt heimildum Dags
þá kann að vera að þessi seina-
gangur stafi af því að kæran var
ekki send réttum aðila. Hún var
nefnilega stíluð á Vilhjálm
Hjálmarsson en nokkuð er um
liðið síðan hann lét af for-
mennsku í ráðinu. - ESE.
# „Bjórbolla“
Á miðvikudaginn klukkan
nákvæmlega sex síðdegis
opna tvær bjórstofur á Akur-
eyri, önnur í Sjallanum en hin
í H-100. Þar verður svonefnd
„bjórkolla“ á boðstólnum,
þ.e. pilsner styrktur með
kláravíni og malt-viskíi.
Styrkleiki ölsins er hafður
rúm 5%. Þennan mjöð má
landínn svolgra í sig þó
sterkur bjór sé bannaður.
# Fógeti að-
gerðarlítill
Kaupmenn á Akureyri eru
ósáttir við það sem þeir kalla
aðgerðarleysi Elíasar I.
Eiíassonar, bæjarfógeta,
vegna svokallaðra farand-
sata, sem berja upp á hvers
manns dyr og bjóða ýmiss
konar varning til sölu. Þessa
starfsemi telja kaupmenn
ólöglega, en að sögn Birkis
Skarphéðinssonar, formanns
Kaupmannafélagsins, er
Elías erfiðasti hjallinn { þeirri
viðleitni að stöðva þennan
ófögnuð. Þetta kemur fram í
viðtali við Birki ( nýútkomn-
um Verslunartíðindum.
# Gleymdu
þessu góði
í viðtalinu segir m.a.: „Sagði
Birkir að ferðirnar á fund fó-
geta vegna kærumála á hend-
ur starfsemi sem þessari
væru orðnar margar. Hins
vegar hefði ekkert komið út
úr þessum kærum, utan
tvisvar. önnur kæran hafnaði
hjá ríkissaksóknara eftir um-
fjöllun hennar hjá rannsókn-
arlögreglu ríkisins. Hún kom
til vegna ólöglegrar bóka-
sölu. Sú kæra er sögð við
„góða heilsu“ hjá vararíkis-
saksóknara, en hins vegar
bað embættismaðurinn Birki
um að „gleyma þessu sem
allra fyrst“.“ Taldi hann Akur-
eyringa of viðkvæma í þess-
um málum.
Hitt málið var ósk um ákvörð-
un á lögmæti tiltekinnar vöru
í heimahúsi. Fógeti sendi
skýrslu í viðskiptaráðuneytið
til umsagnar, eða eins og
hann sagði; „til að losna við
þessa plágu sem kemur frá
kaupmönnum þessa bæjar-
félags“.
# Til hvers eru
verslunar-
leyfi?
„Af öllu þessu getum vlð að-
eins dregið eina ályktun, og
hún er sú, að það getl hver
sem er verslað með hvað
sem er, hvar sem er á yfir-
ráðasvæði Elíasar I. Elias-
sonar, án þess að þurfa
nokkurt leyfi. Til hvers er þá
verið að sækja um verslunar-
leyfi? Til hvers erum við að
hafa verslunarleyfi?“ spyr
Birkir Skarphéðinsson í lok
viðtalsins.