Dagur - 25.04.1984, Qupperneq 8

8 - DAGUR - 25. apríl 1984
Úrslit ráðin í
Bikarkeppni SKÍ
Úrslit í hinum ýmsu greinum
Bikarkeppni Skíðasambands
íslands réðust á Skíðalands-
mótinu um páskana.
í göngukeppni karla voru þeir
Gottlieb Konráðsson Ólafsfirði
og Einar Ólafsson ísafirði jafnir
fyrir Landsmótið, en Gottlieb
gerði þá út um mótið. Hann hlaut
alls 100 stig, Einar 90 og Jón
Konráðsson Ó. varð þriðji með
61 stig.
í kvennagöngunni sigraði
Guðrún Pálsdóttir frá Siglufirði
örugglega, hlaut 75 stig. Önnur
varð María Jóhannsdóttir S. með
60 stig og Guðbjörg Haraldsdótt-
ir R. þriðja með 30 stig.
Nanna Leifsdóttir sigraði í
alpakeppni kvenna, hlaut 150
stig, Guðrún H. Kristjánsdóttir
140 stig og Signe Viðarsdóttir
120, þær eru allar frá Akureyri.
í alpakeppni karla sigraði
Daníel Hilmarsson frá Dalvík
með 145 stig, Guðmundur Jó-
hannsson ísafirði með 130 og Atli
Einarsson í. þriðji með 101 stig.
í göngukeppni 17-19 ára pilta
sigraði Haukur Eiríksson Akur-
eyri með 95 stig, Finnur Gunn-
arsson Ólafsfirði með 85 stig og
Bjarni Gunnarsson ísafirði þriðji
með 65 stig.
í stúlknaflokki 16-18 ára sigr-
aði Stella Hjaltadóttir ísafirði
með 100 stig, Svanfríður Jó-
hannsdóttir S. önnur með 76 og
Svanhildur Garðarsdóttir í. með
75.
Povaldur Jónsson vann stökk-
keppni karlanna, fékk 100 stig,
Guðmundur Konráðsson annar
með 70 stig og Haukur Hilmars-
son þriðji með 46. Prefaldur sigur
Ólafsfirðinganna.
„Ætlaði að
vera hætt“
- sagði Guðrún Pálsdóttir
sem fékk 4 gull í skíðagöngunni
Guðrún Pálsdóttir frá Siglu-
firði hafði svo sannarlega
ástæðu til þess að vera ánægð
með afrakstur sinn á Lands-
mótinu, því hún náði í 4 gull-
verðlaun. Hún sigraði í báðum
göngugreinum kvenna, var í
sveit Siglufjarðar sem vann
boðgönguna og að sjálfsögðu
vann Guðrún sigur í göngu-
tvíkeppni kvenna.
„Ég ætlaði að hætta keppni en
þegar snjórinn kom stóðst ég
ekki freistinguna og ég hef æft
þokkalega frá áramótum," sagði
göngudrottningin er við ræddum
við hana. „Ég er mjög ánægð
með þetta mót, framkvæmdin var
betri en ég hef áður séð og það
var einnig gaman að sjá hvernig
Ólafsfirðingar leystu málið með
svona stuttum fyrirvara.“
- Guðrún sagði að þær væru
aðeins þrjár sem æfðu skíða-
göngu á Siglufirði. „Þetta er erfið
íþrótt og erfitt að ná þeim af stað
í þetta."
- Og þú verður með áfram?
„Já ætli það ekki, það er svo
erfitt að hætta þessu,“ sagði
Guðrún.
Guðrún Pálsdóttir.
Mynd: Jón Klemensson.
Gottlieb Konráðsson. Mynd: Jón Klemensson.
„Léttara en ég
átti von á“
— sagði Gottlieb Konráðsson
skíðagöngukóngur Landsmótsins
„Eg er auðvitað ánægður, það
er engin ástæða til annars,“
sagði Gottlieb Konráðsson,
skíðagöngukóngurinn á Lands-
mótinu. Hann náði í fem gull-
verðlaun og tryggði sér um leið
sigurinn í Bikarkeppni Skíða-
santbandsins.
„Þetta var léttara en ég átti von
á, en ég náði að vera í toppformi
á réttum tíma eftir lægðina sem
ég fór í eftir Olympiuleikana."
- Taktar ykkar Einars Ólafs-
sonar í boðgöngunni vöktu mikla
athygli, hvað voruð þið að gera?
„Hann náði mér á síðasta
sprettinum svo ég slakaði á og við
spjölluðum saman. Við ákváðum
bara að láta 200 metrana í lokin
skera úr um þetta og þá tók ég
hann.“
- Gottlieb sagði að hann væri
ákveðinn í að vera á fullri ferð
næstu fjögur árin og að sjálf-
sögðu að bæta við sig. „Ég hef
þegar ákveðið að reyna að vera
með á næstu 01ympiuleikum,“
sagði þessi 23 ára göngukóngur í
samtali við Dag.
Skipting verðlauna
Skipting verðlauna á Skíðalandsmótinu varð sem hér segir:
gull silfur
Siglufjörður 7 6
ísafjörður 6 9
Akureyri 6 6
Ólafsfjörður 6 4
Reykjavík 1 0
Húsavík 0 1
Dalvík 0 0
Næsta mót
á Siglufirði
brons
1
7
3
7
4
0
I
Landsliðsmálin voru mjög
ofarlega á baugi á Skíðaþingi
sem haldið var á Akureyri um
páskana.
Þingið var fremur átakalítið en
gott vinnuþing engu að síður.
Ákveðið var að næsta Landsmót
yrði á Siglufirði um næstu páska
og Unglingameistarmót íslands
á næsta ári yrði í Reykjavík.
Auðvelt
hjá Þór
Fyrsti leikurinn í Bikarmóti
Knattspyrnuráðs Akureyrar
var háður á 2. dag páska og
voru það Þór og Vaskur sem
áttust við á Sanavelli.
Er skemmst frá því að segja að
Þórsarar höfðu algjöra yfirburði
í þessum leik, en þeir voru miklir
klaufar upp við mark andstæð-
inganna. Þannig skoruðu þeir
ekki nema þrjú mörk í leiknum
og unnu 3:0, en það var lítið hjá
þeim miðað við marktækifæri.
Það var Óli Þór Magnússon
sem opnaði markareikning sinn
hjá Þór er hann skoraði fyrsta
mark leiksins og Óli bætti öðru
við síðar. Þriðja mark Þórs skor-
aði Halldór Áskelsson.
Næsti leikur á mótinu verður 1.
maí er KA og Vaskur mætast og
Þór og KA leika svo 6. maí.
Birkir
varði
víti
Þegar leikmenn KA komu
heim úr æfingaferðinni til Ips-
wich komu þeir við í Reykja-
vík og léku einn æfíngaleik.
Var hann gegn KR og urðu
úrslit leiksins 1:1. Það var Ómar
Egilsson sem skoraði fyrst fyrir
KR en Hafþór Kolbeinsson jafn-
aði strax fyrir KA. í síðari hálf-
leik fiskaði Gunnar Gíslason
vítaspyrnu fyrir KR en hinn nýi
markvörður KA Birkir Kristins-
son gerði sér lítið fyrir og varði.
Um næstu helgi fá KA-menn
Þróttara í heimsókn í tvo æfinga-
leiki, og verða þeir á laugardag
og sunnudag.
Ólafsfirð-
ingar
stóðu
sig vel
„Ólafsfírðingarnir brugðust
mjög vel við og það var virki-
lega gaman að fylgjast með
síðustu greinunum sem fór
fram þar,“ sagði Þröstur Guð-
jónsson mótsstjóri Landsmóts-
ins er við spjölluðum við hann
eftir að mótinu lauk.
Ólafsfirðingarnir auglýstu síð-
ustu greinar mótsins í vídeókerfi
bæjarins og síðan fjölmenntu
bæjarbúar á keppnina þegar hún
hófst og stemmningin var mjög
góð. Og ekki þurftu heimamenn
að kvarta, því hetja þeirra Gott-
lieb Konráðsson sigraði með yfir-
burðum í 30 km göngunni.
Þegar keppni lauk var kepp-
endum og áhorfendum boðið til
tertuveislu. Var þar snætt það
sem eftir var af tertu þeirri er
Brauðgerð KEA bakaði fyrir
lokahóf mótsins en talið er að um
250 manns hafi étið af tertu þess-
ari. Til gamans má geta þess að í
hana fóru um 20 1 af rjóma og 30
dósir af niðursoðnum ávöxtum.
Þröstur gat þess að Hafskip
hefði styrkt mótið mjög myndar-
lega. Fyrirtækið gaf öll verðlaun
og greiddi auk þess kostnað
vegna rásnúmera sem er talsverð-
ur fyrir svo viðamikið mót.