Dagur - 30.04.1984, Blaðsíða 13
30. apríl 1984 - DAGUR -13
framhaldi af aðgerðum til þess að
draga úr halla ríkissjóðs og tak-
marka erlendar lántökur hef ég
því átt ásamt öðrum ráðherrum í
ríkisstjórninni ítarlegar viðræður
við bankastjóra Seðlabankans
um aðgerðir til þess að takmarka
útlán og draga úr eftirspurnar-
þenslunni. Vænti ég þess, að ég
geti í næstu viku gert þjóðinni
grein fyrir heilsteyptum aðgerð-
um á öllum sviðum peningamála,
sem til þess eru ætlaðar að
tryggja það markmið, sem við
höfum sett okkur um minnkandi
viðskiptahalla, stöðvun erlendrar
skuldasöfnunar, stöðugt gengi óg
minnkandi verðbólgu en án at-
vinnuleysis.
Mikil hjöðnun verðbólgu,
lækkun fjármagnskostnaðar og
stöðugt gengi skapar heilbrigðari
grundvöll fyrir nýtt framtak, nýja
sókn til bættra lífskjara. Það er
sú leið sem fara verður upp úr
þeirri lægð sem við erum nú í. Að
sjálfsögðu hvílir þetta mikilvæga
verk mjög á atvinnuvegunum
sjálfum, fyrirtækjum og einstakl-
ingum. Ríkisvaldinu ber hins
vegar að skapa þann grundvöll,
sem gerir slíkt framtak kleift.
Næst því að ná öruggum tökum
á efnahagsmálum er umsköpun
og efling atvinnulífsins mikilvæg-
ast nú á næstu mánuðum og
árum.
Atvinnumálin verða megin-
verkefni þessa fundar. Er morg-
undagurinn til þess ætlaður að
ræða þau. Ég tel þó óhjákvæmi-
legt að minnast á nokkur megin-
atriði.“
Steingrímur ræddi síðan um
stjórnarsamstarfið og stöðu
Framsóknarflokksins og sagði:
„Framsóknarflokkurinn og
Sjálfstæðisflokkurinn eru um
margt ólíkir flokkar enda hafa
þeir verið höfuðandstæðingar í
íslenskum stjórnmálum í áratugi.
Sjálfstæðismenn telja flokk sinn
hægri flokk. Þeir leggja áherslu
á að hinn frjálsi markaður fái að
ráða sem mestu í allri þróun,
bæði efnahags og mannlífs. Þeir
vilja sem minnst afskipti ríkis-
valdsins og vilja draga úr þeirri
velferð, sem áunnist hefur.
Framsóknarflokkurinn er hins
vegar frjálslyndur og umbóta-
sinnaður félagshyggjuflokkur.
Sumir vilja skilgreina hann sem
miðflokk. Ég vara við því. í mið-
flokksheitinu felst að stefnan er
meira eða minna ákveðin af þeim
flokkum sem teljast til hægri og
vinstri. Svo er alls ekki um Fram-
sóknarflokkinn. Við framsóknar-
menn höfum okkar eigin stefnu
óháð öðrum flokkum. Ég lít á
Framsóknarflokkinn miklu frem-
ur sem eitt hornið í þríhyrningn-
um. Á sumum sviðum erum við
frjálslyndari og opnari fyrir
breytingum en þeir sem telja sig
til vinstri, sem eins og ég hef vel
kynnst á undanförnum árum eru
á ýmsum sviðum afturhaldssamir
og staðnaðir. Ég nefni sem dæmi
verkalýðsmálin og vísitölubind-
ingu launa. Á öðrum sviðum
leggjumst við gegn breytingum
ákveðnar en þeir sem telja sig til
hægri. Byggðamálin eru gott
dæmi um það. Við vörum við
umtalsverðri byggðaröskun.
Við framsóknarmenn eigum
okkar eigin stefnu. Við viljum
frelsi einstaklinganna til athafna
og framtaks en tryggja jafnframt
með félagshyggjunni hagsmuni
fjöldans. Við leggjum áherslu á
jafnræði og öryggi öllum til
handa. Því viljum við tryggja það
velferðarríki sem við höfum
skapað. Við viljum þó forðast
ýmiss konar sóun og óþarfa sem
gagnrýnislausir menn hafa inn-
leitt. Og við viðurkennum, að
þegar þjóðartekjurnar dragast
mikið saman kann að vera nauð-
synlegt að draga eitthvað um
tíma úr þeirri þjónustu sem þegn-
unum er veitt. Við teljum hins
vegar óhjákvæmilegt að ríkið
hafi forustu í félags- og velferð-
armálum og til slíkra mála sé afl-
að tekna.
Við teljum hins vegar, að það
eigi að vera algjör undantekning
að ríkið sé með fingurna í málum
sem einstaklingar og fyrirtæki
geta betur sinnt. í mörgum tilfell-
um hefur þó þátttaka ríkisvalds-
ins verið nauðsynleg til þess að
forða frá stöðvun og atvinnu-
leysi. Það teljum við rétt og eðli-
legt. Hins vegar höfum við ekk-
ert á móti því að ríkisvaldið dragi
sig út úr slíkum rekstri, þegar
málum hefur verið bjargað og
einstaklingar eða fyrirtæki geta
tekið við að nýju.
Það á að mínu mati að vera
einkenni frjálslynds flokks að
vera sveigjanlegur í beitingu
ríkisvaldsins. Því á að beita til að
tryggja þau meginmarkmið, sem
við setjum okkur, þegar og þar
sem þörfin er hverju sinni, en án
þess að kyrkia hið frjálsa at-
hafnalíf.
Að sjálfsögðu hafa verið og
munu verða í ríkisstjórninni
skiptar skoðanir um einstök at-
riði stjórnarsamstarfsins. Við
framsóknarmenn munum standa
vörð um okkar sjónarmið. Ég
legg hins vegar á það áherslu að
allur ágreiningur verði eins og
frekast er kostur leystur innan
stjórnarsamstarfsins en ekki
utan. Við getum ekki krafist alls
sem við teljum rétt og viljum.
Það getur samstarfsaðilinn held-
ur ekki. Við virðum skoðanir
samstarfsaðilans og um leið
skoðanamuninn. Þetta eru meg-
ineinkenni í samstarfi ólíkra að-
ila og verður að virða, ef vel á að
takast.
Á meðan ég fer með forystu
Framsóknarflokksins og í stjórn-
arsamstarfi við okkar andstæð-
inga mun ég leggja áherslu á
drengskap bæði gagnvart mínum
flokksbræðrum og okkar sam-
starfsaðilum.
Góðir framsóknarmenn. Ég
veit að margir voru fullir efa-
semda þegar til þessa stiórnar-
samstarfs var stofnað. Eg var
einn af þeim. Ég taldi af ýmsum
ástæðum réttast að Framsóknar-
flokkurinn yrði utan ríkisstjórnar
um sinn. Við reyndumst hins veg-
ar þeir einu sem þorðum að taka
á vandanum og ganga til óhjá-
kvæmilegs samstarfs við Sjálf-
stæðisflokkinn í því skyni.
Ég er sannfærður um að rétt
var að ganga til þessa samstarfs.
Nú þegar mikilvægur árangur
hefur náðst er það von mín, að
sem flestir framsóknarmenn, og
reyndar frjálslyndir og umbóta-
sinnaðir menn allir, viðurkenni
að rétt ákvörðun var tekin. Þegar
upp er staðið mun árangurinn
ráða úrslitum um fylgi Framsókn-
arflokksins.
í þessari ræðu hef ég stiklað á
stóru. Ég vona þó að mér hafi
tekist að sýna ykkur fram á að
verkefnin framundan eru mikil
og stór. Ýmis eru erfið en óhjá-
kvæmileg og munu krefjast
kjarks. Onnur eru ánægjulegri og
munu einnig ráða miklu um
framtíð hinnar íslensku þjóðar.
Við framsóknarmenn verðum
á næstunni að herða róðurinn og
gera þjóðinni grein fyrir þeim
mikilvægu málum sem við vinn-
um að. Framsóknarflokkurinn á
erindi til allra frjálslyndra og um-
bótasinnaðra manna.“
Stjómmálaályktun
Framsóknarflokkurinn gekk til
síðustu kosninga undir kjörorð-
inu: „Festa, sókn, framtíð".
Miðstjórnarfundurinn fagnar
þeirri festu, sem skapast hefur í
efnahagsmálum þjóðarinnar
með aðgerðum ríkisstjórnar
Steingríms Hermannssonar.
Fundurinn minnir á, að sá ár-
angur sem nú hefur náðst er fyrst
og fremst að þakka lögbundnum
efnahagsaðgerðum, sem byggð-
ar voru á markvissum tillögum
Framsóknarflokksins fyrir síð-
ustu kosningar. Vill fundurinn
þakka hinn jákvæða skilning
landsmanna á nauðsyn þessara
aðgerða, sem m.a. hefur komið
fram í hófsömum kjarasamning-
um.
Þennan góða árangur verður
að varðveita og styrkja enn frek-
ar enda er hann forsenda þeirrar
sóknar í efnahags- og atvinnu-
málum, sem Framsóknarflokk-
urinn mun á næstu misserum
leggja höfuðáherslu á í samræmi
við loforð flokksins í síðustu
kosningum.
Slík sókn er grundvallarfor-
senda bættra lífskjara og auk-
innar velferðar, eftir áföll
undanfarinna ára, og þess að
launþegar endurheimti kaup-
mátt launa sinna.
í þjóðmálabaráttu sinni á
næstu misserum mun Framsókn-
arflokkurinn leggja höfuð-
áherslu á að þetta takist.
Sókn þjóðarinnar til betri
framtíðar krefst róttækra að-
gerða á mörgum sviðum þjóð-
lífsins. Þar vill flokkurinn leggja
áherslu á nokkur meginatriði,
sem hann mun beita sér fyrir
innan ríkisstjórnar sem utan.
- Að atvinnulífinu séu sköpuð
hagstæð starfs- og rekstrarskil-
yrði af hálfu hins opinbera.
- Að stuðlað verði að því með
beinum aðgerðum og hvatningu
að atvinnurekendur og launþeg-
ar taki höndum saman um
mótun jákvæðs umhverfis á
hverjum vinnustað til betri
árangurs í rekstri.
-Að fræðslu- og menntakerfið
verði aðlagaðkröfum nýrratíma
um virk tengsl við atvinnu- og
þjóðlíf.
-Að starfsemi opinberrar
þjónustu og stjórnsýslustofnana
verði skipulega tekin til endur-
skoðunar í því skyni að auka
hagkvæmni í rekstri.
-Að gripið verði til beinna
hvetjandi aðgerða til nýsköpun-
ar í atvinnulífinu og til aukinnar
markaðsleitar fyrirtækja og sölu
á erlendum mörkuðum.
Miðstjórnarfundurinn gerir
það ennfremur að tillögu sinni,
að á næstu árum verði veittar
500 milljónir króna til þróunar,
rannsókna og uppbyggingar á
ýmsum háþróuðum iðnaði svo
sem rafeinda- og lífefnaiðnaði.
Verði unnin sérstök áætlunum
ráðstöfun þess fjármagns í sam-
ráði við fulltrúa atvinnulífsins.
Þessu verkefni verði gefinn for-
gangur í íslenskri iðnþróun á
næstu árum.
Fundurinn fagnar sérstaklega
því frumkvæði Steingríms Her-
mannssonar forsætisráðherra að
hrinda í framkvæmd athugun á
framtíðarþróun íslensks þjóð-
félags næsta aldarfjórðunginn.
Væntir fundurinn þess að með
þesssu starfi sé lagður grunnur
að skipulegri vinnubrögðum og
betri ákvörðunum er hafi áhrif
til lengri framtíðar svo sem í
fjárfestingar- og menntamálum.
Hvað varðar stefnu og starf
ríkisstjórnarinnar í efnahags-
málum á næstu misserum leggur
aðalfundur miðstjórnar Fram-
sóknarflokksins áherslu á eftir-
farandi þrjú meginatriði:
-Að áfram verði fylgt stefnu
Framsóknarflokksins um „ís-
land án atvinnuleysis“.
-Að verðbólga verði á árinu
1985 komin í eins stafs tölu.
-Að lækka erlendar skuldir.
Sífellt aukinn'Vígbúnaður er
vaxandi ógnun við heimsfriðinn.
Fundurinn hvetur til þess að
raunhæfar viðræður um gagn-
kvæma afvopnun stórveldanna
hefjist hið fyrsta.
Fundurinn varar við þeirri
hættu sem íslensku þjóðinni
stafar af auknum vígbúnaði í
hafinu umhverfis landið og
bendir á nauðsyn þess, að ís-
lendingar hafi frumkvæði að því
á alþjóðavettvangi að afvopnun-
arviðræður nái til svæðisinsá
Norður-Atlantshafi.
Fundurinn lýsir stuðningi sín-
um við friðarviðleitni fólks um
allan heim.