Dagur - 07.05.1984, Blaðsíða 12
ÞJÓNUSTA
FYRIR
r r
m «
HÁÞRYSTISLONGUR
OLÍUSLÖNGUR og BARKA
PRESSUM
TENGIN Á
FULLKOMIN TÆKI
VÖNDUÐ VINNA
S
h-
a
s
i
w
Allar horfur eru nú á því að
hægt verði að setja kartöflur
niður hér norðanlands a.m.k.
rúmum einum mánuði fyrr en
í fyrra.
Frost er nú nær alls staðar farið
úr jörðu og samkvæmt upplýsing-
um Árna Steinars Jóhannssonar
garðyrkjustjóra Akureyrar þá
verða kartöflugarðarnir plægðir
strax og þeir eru orðnir nægilega
þurrir.
Árni Steinar sagði að mikill
munur væri á tíðarfari nú og í
fyrra en þá var verið að hreinsa
snjó úr kartöflugörðunum um
miðjan maí. Ef tíð helst góð eru
allar horfur á að hægt verði að
setja niður fljótlega í maí en í
fyrra voru kartöflur ekki settar
niður fyrr en í kringum 10. júní.
Aðalvandamálið sem mætir
kartöfluræktendum í ár er að út-
sæði mun vera af skornum
skammti. Rökrétt afleiðing léleg-
ar uppskeru í fyrra. - ESE.
Myndbands-
tæki stolið
Nýlegu JVC myndsegulbands-
tæki var stolið úr mannlausri
íbúð á Akureyri á dögunum.
Þjófurinn sýndi ekki neinn
áhuga á öðru sem í íbúðinni var
en þessu eina tæki. Rannsóknar-
lögreglan vinnur að rannsókn
málsins.
Mælar í stað hemla hjá Hitaveitu Akureyrar?
„Því fyrr — Því betra“
- segir Wilhelm V. Steindórsson hitaveitustjóri
- Ég hef sagt og frá því verður
ekki flúið að við þurfum að
breyta um sölufyrirkomulag og
því fyrr, því betra. Þetta segi
ég einfaldlega vegna þess að
vatnsyfirborð virkjanasvæð-
anna fer stöðugt lækkandi.
Þessi auðæfi okkar fara þverr-
andi og á sama tíma rennur
heita vatnið 40 og jafnvel 50
gráðu heitt til sjávar.
Þetta sagði Wilhelm V. Stein-
dórsson, hitaveitustjóri á Akur-
eyri í viðtali við Dag er hann var
spurður að því hvort til stæði að
breyta um sölufyrirkomulag hjá
Hitaveitu Akureyrar innan tíðar.
Miklar umræður hafa orðið um
þetta mál í hitaveitustjórn og svo
virðist sem flestir séu því fylgj-
andi að hið svokallaða hemla-
kerfi verði aflagt og þess í stað
tekin upp sala á heitu vatni eftir
mæli.
- Það hafa orðið talsverðar
umræður um sölufyrirkomulagið
að undanförnu og menn virðast
vera nokkuð sammála um að það
þurfi að koma til breytt sölufyr-
irkomulag. Ókostir hemlakerfis-
ins eru það margir og það að
breyta yfir í mæla kæmi veitunni
sjálfri og neytendum til góða.
- Hvað með mælana? Verða
neytendur að kaupa þá sjálfir?
- Það hefur engin ákvörðun
verið tekin um það en ég tel rétt
að Hitaveita Akureyrar leggi til
þann búnað sem hún notar til
gjaldtöku, sagði Wilhelm V.
Steindórsson, hitaveitustjóri.
- ESE.
Hjálparsveit skáta og Flugbjörgunarsveitin voru með björgunaræflngu um helgina, þar sem „slösuðum“ mönnum
var bjargað úr klettum sem og öðrum ógöngum. Hér er einn „slasaður“ borinn til sjúkrabifreiðar. Mynd: KGA.
Vatnsútflutningur
frá Sauðárkróki:
Hreinn
heldur
sölurétti
sínum
Hreinn Sigurðsson á Sauðár-
króki hefur lagt fyrir bæjar-
stjóm Sauðárkróks fullnægj-
andi skjöl er sýna að hann
hyggst hefja útflutning á vatni.
„Við höfðum ekkert við þetta
að athuga og því er í gildi sá
samningur sem við höfðum gert
við Hrein,“ sagði Magnús Sigur-
jónsson forseti bæjarstjórnar.
„Hreinn hefur því vatnssölurétt-
inn til 10 ára, en sá fyrirvari er í
samningnum að hafi hann ekki
hafið útflutning eftir eitt og hálft
ár þá falli samningurinn úr gildi.“
gk--
Stóraukinn áhugi á I ífefnaiðnaði
„Ég hef orðið var við stórauk-
inn áhuga á þessum málum og
fagna því alveg sérstaklega,
ekki síst vegna þess að rann-
sóknir okkar voru að komast í
þrot vegna peningaleysis um
síðustu áramót,“ sagði dr. Jón
Bragi Bjarnason, lífefnafræð-
ingur hjá Raunvísindadeild
Háskóla íslands, en áhugi
manna um allt land hefur
undanfarið farið mjög vaxandi
á lífefnaiðnaði hvers konar.
Nú er í undirbúningi stofnun
sérstaks þróunarfélags á vegum
Háskóla Islands á sviði hátækni-
iðnaðar, þ.e. lífefna- og rafeinda-
iðnaðar. Þetta félag mun starfa á
viðskiptalegum grundvelli að
þróun, markaðsathugun og frum-
framleiðslu áhugaverðra vöru-
hugmynda. Síðan er áætlað að
fyrirtæki fyrir utan Háskólann
geti tekið yfir framleiðslu og
markaðsfærslu á vörunum. Gert
er ráð fyrir að verja 4 milljónum
króna í þetta verkefni og fjöl-
margir aðilar munu taka þátt í
því, þ.á m. Norræni iðnaðarsjóð-
urinn, íslenskir sjóðir iðnaðarins,
Fiskimálasjóður, iðnaðarráðu-
neytið, Framkvæmdastofnun og
landshlutasamtök, svo einhverjir
séu nefndir.
Þá má geta þess að á mið-
stjórnarfundi Framsóknarflokks-
ins var gerð tillaga um að á næstu
árum verði veittar 500 milljónir
króna til þróunar, rannsókna og
uppbyggingar á ýmsum háþróuð-
um iðnaði og að þessu verkefni
verði gefinn forgangur í íslenskri
iðnþróun á næstu árum. - HS.
Kuldakastið á Norð-
urlandi ætti nú að
vera að baki. Spáð er
hægri suðlægri átt
með tilheyrandi súld
og rigningu fyrir sunn-
an en hér á Norður-
landi verður hægviðri
og bjart a.m.k. fram
á fimmtudag. Hitastig
verður í kringum 8
stig að deginum.
# Fegurra
mannlíf
Mönnum brá í brún er þeir
komu í bæinn á hátíðisdegi
verkalýðsins 1. maí. Forljót-
um veggspjöldum hafði verið
komið fyrir í hundraðatali
víðs vegar um bæinn og voru
girðingar, Ijósastaurar og
húsveggir þaktir með þess-
um ófögnuði. Ekki hafði verið
vel unnið að uppsetningu á
þessum óþverra því þegar
kom framundir hádegið var
bréfaruslið farið að fjúka um
allan bæinn. - Verkalýsfélög-
in í bænum bera enga ábyrgð
á þessu, heldur munu það
vera samtök sem heita Sam-
hygð og að sögn þeirra er
skipa þau samtök er markmið
þeirra að stuðla að fegurra
mannlífi. Þeir eiga sennilega
við það að ætlunarverk þeirra
sé að hreinsa sálir villuráf-
andi sauða, og væri betur að
þessi samtök einbeittu sér að
þvi verkefni en létu „skreyt-
ingar“ af því tagi sem hengd-
ar voru upp 1. maí eiga sig í
framtíðinni.
# Sovéski
fáninn
Nokkrir aðilar hafa haft sam-
band við blaðið og kvartað
undan því að í kröfugöngu
verkalýðsfélaganna 1. maí
hafi sovéski fáninn verið bor-
inn við hlið fána verkalýðsins
og þess íslenska. Því miður
mun þetta vera satt og sagði
einn viðmælenda blaðsins að
ef þetta sæist aftur 1. maí
myndi hann taka til sinna
ráða.
# „Frosinfruma
i rori“
„Krúttmagakvöldin" tvö sem
konur á Akureyri héldu í
Sjallanum um helgina munu
hafa tekist sérstaklega vel.
Heimatilbúin skemmtiatriði
voru á dagskrá og gerðu
lukku, og eins og vera ber
ræddu konurnar sameiginleg
hagsmunamál sín. Var m.a.
rætt um þá ógnvekjandi stað-
reynd að sæðísbankar ryðja
sér nú mjög til rúms víða um
heim og „hitt“ virðist á
undanhaldi. Varð einni kon-
unni þá að orði þessi
skemmtilegi málsháttur sem
hefur legið í gleymsku um
nokkurt skeið: „Betri er eínn
karl í bóli en frosin fruma í
röri.“ - Munu þetta vera ein-
kunnarorð „karlavinafélags-
ins“ sem stofnað var á
staðnum.