Dagur - 11.05.1984, Blaðsíða 8

8 - DAGUR -11. maí 1984
• iim
ur gjoronytar“
framt að hann væri ekki rétti
maðurinn til að ræða þessi mál
við.
- Talið við höfðingjana en ég
á nú samt von á því að þeir segi
það sama og ég. Það eru engir
peningar til í þetta. Eilífur pen-
ingaskortur en þó hef ég heyrt að
það eigi að gera átak í holræsa-
málunum í sumar. Kannski verð-
ur lagt slitlag líka. Hver veit?
Talaðu við höfðingjana. - ESE.
- Rætt við helminginn af
gatnaviðgerðarflokknum
á Hvammstanga
Þeir sem aldir eru upp á inal-
biki kunna e.t.v. ekki að meta
þann háttinn sem íbúar á
Hvammstanga hafa á við
gatnaviðhald. Þar samanstend-
ur malbikunarflokkurinn
nefnilega af tveim mönnum,
traktor með aftanívagni og
einni lítilli handstýrðri þjöppu.
- Petta mjakast þó hægt fari,
sagði Benóný Elísson, starfsmað-
ur hjá áhaldahúsi Hvammstanga-
hrepps er við hittum hann og fé-
laga hans Hannes Jósafatsson á
Hvammstangabrautinni á dögun-
um. Þeir voru í óða önn að bæta
það sem aflaga hafði farið í vetur
en það var ekkert lítið.
- Það er leiðinlegt að segja
það að hér eru allar götur ónýtar
og það litla sem er með bundnu
slitlagi er mjög illa farið eftir vet-
urinn, sem þó var mjög góður,
sagði Benóný en gat þess jafn-
Benóný Elísson mokar ollumölinni af vagninum.
Mynd: GS.
,/ þessu starfi er ,föður-
landið“ það eina sem dugar“
- Hver röndóttur. Eru þeir
byrjaðir að veiða strax, varð
félaga mínum að orði er við
ókum vestur Langadal á dög-
unum. Hann hafði nefnilega
komið auga á tvo veiðilega
menn sem sprönguðu um við
Svartá og var annar þeirra
kominn með tól sín og tæki
langt út í á. Þegar betur var að
gáð reyndust þetta þó ekki
vera sportveiðimenn, heldur
vatnamælingamenn frá Vatna-
mælingum ríkisins.
- Við höfum verið við mæling-
ar hér á Norðurlandi undanfarn-
ar vikur, sagði sá sem mældi
bakkann er við gáfum okkur á tal
við hann, en þar reyndist vera
kominn Árni Snorrason, vátna-
mælingamaður. Félagi hans
Friðrik Þór Adamsson hafði þá
vaðið Svartá upp í klof og hróp-
aði í sífellu langar talnarunur
sem í fljótu bragði reyndist erfitt
að átta sig á. Ekki reyndist þó um
dulmál að ræða, heldur voru
þetta dýptartölur og straum-
hraðatölur sem Árni skráði sam-
viskusamlega niður í skruddu
sína.
- Við höfum þann háttinn á að
við finnum góðan stað og síðan
er dýpt og straumhraði eða
rennsli árinnar mælt með jöfnu
millibili, sagði Árni og jánkaði
því að þetta gæti verið ansi kalsa-
samt starf.
- Þú mátt hafa það eftir mér
að það dugir ekkert annað en
föðurlandið í þessu starfi, kallaði
Árni á eftir okkur um leið og við
kvöddum þessa menn sem mæla
árnar. Þeir höfðu þá Jökulsá á
Fjöllum, Skjálfandafljót,
Fnjóská, Eyjafjarðará og árnar í
Skagafirði að baki en að loknum
þessum mælingum við Svartá, var
ferðinni heitið til Reykjavíkur.
Hvort þar hafi átt að mæla Ell-
iðaárnar, skal látið ósagt um.
- ESE.
Þessa hressu náunga rákumst við á fyrir utan Grunnskóla Blönduóss - Þar var vorvika í fullum gangi. Mynd: ESE.
Blaðamaður Dags ræðir við Áma Snorrason.
Friðrik mælir straumþungann.
Myndir: GS.
11. maí 1984- DAGUR-9
Sundkennarinn Jóhanna Einars-
dóttir.
- Það er vel þess virði
að vaða drulluna á götu-
num upp að hnjám -
bara ef maður kemst í
sundlaugina á eftir.
Þessi orð lét ónefnd kona á
Hvammstanga falla í samtali við
blaðamann Dags og við áttum síðar
eftir að komast að raun um að þessi
kona var eiginlega samnefnari allra
Hvammstangabúa í sundlaugar-
málunum. Sundlaugin er stolt stað-
arins, númer eitt, tvo og þrjú og íbú-
arnir kunna svo sannarlega að not-
færa sér lystisemdir laugarinnar.
Sundlaugin er ekkert minnismerki
sem Hvammstangabúar tigna úr
fjarska. Laugin er í stöðugri notkun
frá morgni til kvölds og það er full
ástæða til að hvetja hringvegsfara
að bregða sér þessa fimm kílómetra
niður á Hvammstanga og sjá með
eigin augum að íbúarnir hafa fulla
ástæðu til að vera stoltir af þessu
glæsilega mannvirki.
Annars er þetta sem konan hafði
á orði um drulluna og sundlaugina
dálítið kaldhæðnislegt, því bygging
sundlaugarinnar hefur líklega
seinkað gatnagerðarframkvæmdum
í plássinu um mörg ár. En látum
kaldhæðnina liggja á milli hluta.
Okkur var eiginlega farið að
blóðlanga til þess að berja þetta
mannvirki augum og loks þegar við
komum að lauginni, þá urðum við
ekki fyrir vonbrigðum. Sundlaugin
er greinilega byggð af mikilli fram-
sýni og einmitt þegar okkur bar að
garði, var verið að kenna ungviði
þorpsins sundtökin.
Sundfólk á uppleið
- Það var ómetanlegt fyrir okkur
að fá Iaugina enda íþróttaaðstaða
hér á Hvammstanga hvorki mikil
né góð, sagði Jóhanna Einarsdóttir,
íþróttakennari í samtali við Dag,
en það var einmitt hún sem stóð á
sundiaugarbarminum og leiðbeindi
krökkunum.
- íþróttakennslan hér hefur far-
ið fram á göngum grunnskólans eða
í félagsheimilinu og það segir sig
Sundlaugin á Hvammstanga:
Stolt
staðarins

Með kút og kork.
sjálft að það er ekki boðleg að-
staða. Þess vegna reynum við að
nota laugina eins mikið og við
getum.
- Er ekki íþróttahús í byggingu?
- Nei, en það er verið að stækka
skólann sem er mjög tímabært
framtak. Aðstöðuleysið varðandi
íþróttakennsluna er hins vegar
óleyst vandamál og það hefur þær
afleiðingar að oft munar ekki miklu
að maður missi glóruna þegar líða
tekur á vorið.
- Hvaða íþróttir eru vinsælastar
hér?
- Það er líklega sundið. Það er
mikið af efnilegu sundfólki hér en
af öðrum íþróttum þá er það helst
skáklífið og fótboltinn sem er
stundað af einhverju gagni. íþrótta-
völlurinn er í uppbyggingu og
íþróttastarfsemi ætti því að aukast
verulega þegar hann verður kom-
inn í gagnið, sagði Jóhanna Einars-
dóttir. - ESE.
Inga Hanna, Hanna Rut, Þorvaldur, Baldur og Sóley Halla - Framtíð Hvammstanga I sundinu. Myndir: GS.